போராளி நரேந்திர தபோல்கர் நினைவு விருதினைஅமெரிக்காவாழ் மராட்டியர்களின் அறக்கட்டளை வழங்குகிறது
விருது வழங்கிடும் நிகழ்ச்சி
டாக்டர் நரேந்திர தபோல்கர் நினைவு விருதினை தமிழர் தலைவருக்கு வழங்கும் விழா மார்ச் 6-ஆம் நாள் மாலை 6 மணி (இந்திய நேரப்படி) அளவில் தொடங்கி நடைபெற உள்ளது. கரோனா தொற்று முற்றிலும் நீங்காத நிலையில், விருது வழங்கப்படும் நிகழ்ச்சி இணைய வழியில் நடைபெறுகிறது. விருது வழங்கிடும் நிகழ்ச்சிக்கு இணைய வழியில் வருகை தந்தோரை வரவேற்று விருது தெரிவுக் குழுவின் தலைவரும், போராளி நரேந்திர தபோல்கரின் மகனுமான டாக்டர் ஹமீது தபோல்கர் உரை ஆற்றுகிறார்.
வழங்கப்படவிருக்கும் விருது பற்றிய விளக்க உரையினை அமெரிக்காவிலிருந்து மராட்டிய அறக் கட்டளையின் பொறுப்பாளர் சுனில் தேஷ்முக் வழங்கு கிறார். விருது வழங்கப்பட உள்ள தமிழர் தலைவர் பற்றிய உரையினை மராட்டிய அறக்கட்டளையின் விருதுகளுக் கான ஒருங்கிணைப்பாளர் மனிஷ் குப்தா ஆற்றுகிறார்.
விருது வழங்கல்
நரேந்திர தபோல்கர் விருது வழங்கப்படும் பொழுது விருதுப் பட்டயமும், ரூபாய் ஒரு லட்சத்திற்கான விருதுத் தொகையும் வழங்கப்படுவது வழக்கம். தமிழர் தலைவருக்கு வழங்கப்பட விருக்கும் விருதினை மும்பை நிகழ்ச்சி யிலேயே பெற்றுக்கொள்ள ஏற்பாடு செய்துள்ளனர். மும்பை வாழ் கழகத் தோழர்கள் தமிழர் தலைவர் சார்பாக நரேந்திர தபோல்கர் விருதினைப் பெற்றுக்
கொள்கிறார்கள்.
தமிழர் தலைவரின் ஏற்புரை
விருது வழங்கப்பட்ட பின்னர் விருது நாயகர் தமிழர் தலைவர் உரையாற்றுகிறார்.
விருது வழங்கும் நிகழ்ச்சியின் சிறப்பு விருந்தினராக மூத்த விஞ்ஞானியும், எழுத்தாளரும், டாக்டர் நரேந்திர தபோல்கரின் சகோதரருமான டாக்டர் தத்தா பிரசாத் தபோல்கர் கலந்து கொண்டு உரையாற்றுகிறார்.
விருது வழங்கிடும் இணைய நிகழ்ச்சி ஒரு மணி நேரத்தில் நிறைவு பெறும் வகையில் திட்டமிடப்பட்டுள்ள தாக மராட்டிய அறக்கட்டளையினர் தெரிவித்து உள்ளார்கள்.
கருத்துகள் இல்லை:
கருத்துரையிடுக