மூடநம்பிக்கை ஒழிப்புச் சட்டத்தை நிறைவேற்றக் கோரியும்- ஊத்துக்கோட்டை ஆசிரமத்தில் மாணவி உயிரிழப்புக்குக் காரணமானவர்களை கைது செய்யக்கோரியும் திராவிடர் கழகம் மாபெரும் ஆர்ப்பாட்டம்

  February 23, 2022 • Viduthalai

திராவிடர் கழகம் மாபெரும் ஆர்ப்பாட்டம்

ஊத்துக்கோட்டை, பிப்.23  திருவள்ளூர் மாவட்டம், ஊத்துக்கோட்டை ஆசிரமத்தில் மாணவி தற் கொலைக்குக் காரணமானவர்களுக்கு எதிராக நடவடிக்கை எடுக்கக் கோரியும், மூடநம்பிக்கை ஒழிப்புச் சட்டத்தை நிறைவேற்றக் கோரியும் திராவிடர் கழகத்தின் சார்பில் ஆர்ப்பாட்டம் இன்று (23.2.2022) காலை ஊத்துக்கோட்டையில் எழுச்சியுடன் நடைபெற்றது.

 பில்லி சூனியம் நீக்குவதாகக் கூறி, இரவு பூஜைக்கு ஆசிரமத்திற்கு அழைத்துச் செல்லப்பட்ட மாணவி ஹேமமாலினி சந்தேகத்திற்கிடமான முறையில் இறந்தார். அவர் தற்கொலை செய்துகொண்டார் என்று ஆசிரமத்தின் தரப்பில் தெரிவிக்கப்பட்டது.

ஊத்துக்கோட்டை வட்டாட்சியர் அலுவலகத்திற்கு அருகில்

மாணவியின் உயிரிழப்பிற்குக் காரணமானவர்களை கைது செய்யக்கோரியும், மூட நம்பிக்கை ஒழிப்புச் சட்டத்தை நிறைவேற்றக் கோரியும் திராவிடர் கழகத்தின் சார்பில் திருவள்ளூர் மாவட்டம் ஊத்துக்கோட்டை வட்டாட்சியர் அலுவலகத்திற்கு அருகில் இன்று (23.2.2022) காலை 10 மணியளவில் ஆர்ப்பாட்டம் நடைபெற்றது.

 மாநில அமைப்புச்செயலாளர் வி. பன்னீர்செல்வம் தலைமை வகித்தார்.

காஞ்சி மண்டலத் தலைவர் பு. எல்லப்பன், சென்னை மண்டலச் செயலாளர் தே.செ.கோபால், பகுத்தறிவாளர் கழகப் பொதுச் செயலாளர்ஆ.வெங்கடேசன், திருவள்ளூர் மாவட்டத் தலைவர் க.ஏ.மோகனவேலு, மாவட்டச் செயலாளர் கோ.கிருஷ்ணமூர்த்தி, ஆவடி மாவட்டத் தலைவர் பா.தென்னரசு, மாவட்டச் செயலாளர் க. இளவரசன், கும்முடிப்பூண்டி மாவட்டத் தலைவர் புழல் த.ஆனந்தன் ஆகியோர் முன்னிலை வகித்தனர்.

இந்திய கம்யூனிஸ்ட் கட்சியின் மாவட்டத் துணைச் செயலாளர் ஜே.அருள்,  புரட்சிகர ஜனநாயக தொழிலாளர் முன்னணியின் மாநில இணைச் செயலாளர் கே.எம்.விகந்தர், விடுதலைச் சிறுத்தைகள் கட்சி நீலவானத்து நிலவன் ஆகியோர் கண்டன உரையாற்றினர்.

திராவிடர் கழகம், விடுதலைச் சிறுத்தைகள் கட்சி, இந்திய கம்யூனிஸ்ட் கட்சி, புரட்சிகர ஜனநாயகத் தொழிலாளர் முன்னணி உள்ளிட்ட பல்வேறு அமைப்புகளின் தோழர்கள் ஆர்ப்பாட்டத்தில்  கலந்துகொண்டு ஒலிமுழக்கங்களை எழுப்பினர்.

மாணவியின் பெற்றோர் பங்கேற்பு

ஊத்துக்கோட்டை ஆசிரமத்திற்குச் சென்ற மாணவி தற்கொலை செய்துகொண்டது தொடர்பாக உரிய விசாரணை நடத்தக் கோரி திராவிடர் கழகம் நடத்திய ஆர்ப்பாட்டத்தில் மாணவியின் பெற்றோர் கிருஷ்ணமூர்த்தி, நிர்மலா மற்றும் உறவினர்களும் பங்கேற்றனர்.

ஆசிரமத்திற்குச் சென்று வந்த தங்கள் மகள் சந்தேகத்திற்கிடமான முறையில் தற்கொலை செய்து கொண்டது தொடர்பான விவரங்களைப் பதிவு செய்தனர். (அவர்களின் நேர்காணல் நாளை).

ஓய்வுபெறும் நாளில் அரசு ஊழியர்களை ‘பணியிடை நீக்கம்’ செய்வதை தவிர்க்க அரசாணை

  October 31, 2021 • Viduthalai

சென்னை, அக். 31-  அரசு ஊழி யர்களை ஓய்வுபெறும் நாளில் ‘பணியிடை நீக்கம்’ செய்யும் நடைமுறையை தவிர்ப்பதற்கான அரசாணையை தமிழ்நாடு அரசு வெளி யிட்டுள்ளது.

மனிதவள மேலாண்மைத் துறைவெளியிட்ட அர சாணையில் கூறியிருப்பதாவது: அரசு ஊழி யர்கள்தவறு செய்து அவர் மீதான குற்றம் நிரூபிக்கப்படும் பட்சத்தில், துறை ரீதியான விசாரணை நடத் தப்பட்டு, தண்டனை வழங்கப்படு கிறது. சில வழக்குகளில் தவறு செய்பவர் மீதான விசாரணை நீண்டகாலம் செல்லும்போது, துறை ரீதியான ஒழுங்கு நடவடிக் கைக்காக அவர் தற்காலிக இடை நீக்கத்தில் (சஸ்பெண்ட்) வைக்கப் படுகிறார்.

இந்நிலையில் விசாரணையில் ஏற்படும் தாமதத்தை தவிர்க்க தமிழ்நாடு அரசு சில வழிகாட்டுதல் களை வழங்கியுள்ளது.

அதன்படி, துறைரீதியான ஒழுங்கு நடவடிக்கை எடுக்கும் முன்னர், சம்பந்தப்பட்ட அரசு ஊழியர் மீதான குற்றச்சாட்டுக் களில் முகாந்திரம் உள்ளதா, மிகப்பெரிய தண்டனை, குறிப்பாக பணி நீக்கம் செய்வதற்கு உரியதா என்பது ஆய்வு செய்யப்பட வேண் டும். இதன் மூலம், தேவையற்ற தாமதம் தவிர்க்கப்படும்.

அரசு ஊழியர் ஒருவர் முறை கேட்டில் ஈடுபட்டது தெரியவந் தால், ஓய்வு பெறும் நாளில் பணியிடைநீக்கம் செய்வதை தவிர்த்து, 3 மாதங்களுக்கு முன்னதாகவே உரிய முடிவை எடுக்க வேண்டும். விசாரணை, நட வடிக்கை ஆகிய வற்றுக்கு உரிய கால அளவை ஒழுங்கு நடவடிக்கை அதிகாரிகள் பின்பற்ற வேண்டும்.

சம்பந்தப்பட்ட அரசு ஊழியர் ஓய்வு பெறுவதைக் கருத்தில் கொண்டு அவருக்கு எதிரான குற்றச்சாட்டில் உரிய விளக்கத்தை அளிக்க வாய்ப்பு கொடுத்து, இயற்கை நியதிக்கு ஏற்ப நடவ டிக்கை எடுக்க வேண்டும். இந்த செயல்பாடுகள் அனைத்தும் எழுத் துப்பூர்வமாக பதிவு செய்யப்பட வேண்டும்.

ஓய்வு பெறுவதற்கு முன்னரே அதாவது 3 மாதங்க ளுக்கு முன் னரே துறை ரீதியான நடவடிக்கை களை முடிக்க வேண்டும். அவ்வாறு முடிக்க இயலாத பட்சத்தில், நட வடிக்கையில் நிர்வாகரீதியான தாமதத்தைக் கருத்தில் கொண்டு அந்த அரசு ஊழியரை ஓய்வுபெற அனுமதிக்க வேண்டும்.

ஓய்வு பெறும் நாளுக்கு 3 மாதங் களுக்கு முன் ஏதேனும் குற்றச்சாட்டு நிரூபிக்கப்பட்டால், போர்க்கால அடிப்படையில் விசாரணை நடத்தி நடவடிக்கை எடுக்க வேண் டும். தவறு நடைபெற்றிருப்பது கண்டறியப்பட்டால் பணியிடை நீக்கம் செய்யலாம்.

முறைகேட்டில் ஈடுபட்ட அரசு ஊழியர்கள் மீதான நடவடிக் கையை 3 மாதங்களுக்கு முன்முடிக் காமல் விசாரணை அதிகாரி தாம தப்படுத்தியிருப்பது தெரிய வந்தால், அவர் மீது உரிய நடவடிக்கை எடுக் கலாம். இந்த அறிவுறுத்தல்கள் அனைத்தும் லஞ்ச ஒழிப்புத் துறையின் விசாரணை, குற்ற வழக்குகளுக்குப் பொருந் தாது. இவ்வாறு மனிதவள மேலாண் மைத் துறை வெளியிட்ட அரசா ணையில் கூறப்பட்டுள்ளது.

பேருந்துகள் வாங்குவதற்கு ரூ.694 கோடி ஒதுக்கீடு

சென்னை, அக்.31  தமிழ்நாட்டில் புதிய பேருந் துகளை கொள்முதல் செய்ய ரூ.694 கோடி ஒதுக்கீடு செய்யப்பட்டுள்ளதாக, உயர் நீதிமன்றத்தில் தமிழ்நாடு அரசு தெரிவித்துள்ளது.

அரசு மற்றும் கல்வி நிறுவனங்கள், அலுவலகக் கட்டடங்கள், ரயில், பேருந்துகளில் மாற்றுத் திறனா ளிகள் எளிதில் செல்லும் வகையில், உரிய வசதிகளை ஏற்படுத்திக் கொடுப்பதற்காக 2016-இல் மாற்றுத் திறனாளிகள் உரிமைகள் சட்டம் இயற்றப்பட்டது.

இதன்படி, மாற்றுத் திறனாளிகள் எளிதில் அணுகும் வகையிலான பேருந்துகளை கொள்முதல் செய்ய உத்தரவிடக் கோரி, வைஷ்ணவி ஜெயக்குமார் என்பவர் உயர் நீதிமன்றத்தில் வழக்குத் தொடர்ந் திருந்தார்.

இந்த வழக்கு, தலைமை நீதிபதி சஞ்ஜிப் பானர்ஜி மற்றும் நீதிபதி பி.டி.ஆதிகேசவலு ஆகியோர் அடங்கிய அமர்வில் விசாரணைக்கு வந்தது.

அரசுத் தரப்பில் தலைமை வழக்குரைஞர் ஆர்.சண்முகசுந்தரம் ஆஜராகி, தமிழ்நாட்டில் புதிய பேருந்துகளை கொள்முதல் செய்வதற்காக ரூ.694 கோடி ஒதுக்கீடு செய்யப்பட்டுள்ளது. படிப்படியாக மாற்றுத் திறனாளிகள் எளிதில் அணுகும் வகையில் பிரத்யேக பேருந்துகள் கொள்முதல் செய்யப்படும். இது தொடர்பாக விரிவான பட்டியலுடன் அறிக்கை தாக்கல் செய்ய அவகாசம் வழங்க வேண்டும் என்று கோரிக்கை விடுத்தார்.

இதையடுத்து, நீதிபதிகள் இந்த வழக்கு விசார ணையை நவம்பர் 2-ஆவது வாரத்துக்கு தள்ளி வைத்து உத்தர விட்டனர்.

மோடி தலைமையிலான ஒன்றிய அரசில் நிதியில்லாமல் முடங்குகிறது நூறு நாள் வேலைத் திட்டம்

  October 31, 2021 • Viduthalai

புதுடில்லி, அக்.31- நூறு நாள் வேலைத்திட்டத்தை மோடி தலைமையிலான ஒன்றிய அரசு திட்டமிட்டு முடக்கி வருகிறது என்பதற்கான புதிய ஆதாரங்கள் வெளிப்பட்டு உள்ளன. இந்தத் திட்டத் திற்கு இந்த நிதியாண்டின் பாதியி லேயே நிதி இல்லாமல் போய் விட்டது.

இந்நிலையில், மாநிலங்கள் தங்கள் சொந்த நிதியிலிருந்து தாம தமின்றி ஊதியம் வழங்க வேண்டும்; ஒன்றிய அரசு நிதி ஒதுக்கீடு செய்யும் போது அதை திரும்ப எடுத்துக் கொள் ளலாம் என ஒன்றிய அரசு புது வியாக்கியானம் செய்யத் தொடங்கியுள்ளது.

கரோனா தொற்றுப்பரவல். தற்போதைய பொருளாதார நெருக்கடி ஆகியவற்றால் பாதிக்கப்பட்ட கிராமப்புற மக்களுக்கு 100 நாள் வேலை தான் கை கொடுத்து வந்தது. சம்பளம் வழங்க தாமதிப்பதன் மூலம் தொழிலாளர்களை வேறு வேலைகளுக்கு செல்லும் நிர்ப்பந்தத்தை உருவாக்கி வருகிறது. அதோடு மட்டுமல்ல பல மாநிலங்கள் 100 நாள் வேலையை செயற்கையாக உருவாக்குகின்றன என்று ஒன் றிய அரசு இப்போது புதிதாக குற்றம் சாட்டுகிறது. மகாத்மா காந்தி கிராமப்புற வேலை உறுதித் திட்டம் அய்க்கிய முற் போக்குக் கூட்டணி (முதல்) ஆட்சிக் காலத்தில் இடதுசாரிக் கட்சிகளின் வலியுறுத்தலால் கொண்டுவரப்பட்ட திட்டம் இது என்பது குறிப்பிடத்தக் கது.

கிராமப்புறத்தில் வசிக்கும் ஒரு குடும்பத்திற்கு வருடத்திற்கு 100 நாட்கள் கண்டிப்பாக வேலை வழங்க வேண்டும் என் பதுதான் திட்டத்தின் பிரதான நோக்கம். கடந்த ஆண்டு கரோனா தொற்றுப்பரவலின் போது இந்தத் திட்டத்திற்கு நிதிநிலை அறிக்கையில் ரூ.1.11 லட் சம் கோடி ஒதுக்கப்பட்டது. இதன் மூலம் சுமார் 11 கோடி தொழிலாளர்கள் ஓரளவு மூச்சுவிட்டனர். இருப்பினும், இந்தத் திட்டத்திற்கு 2021-2022 நிதிநிலை அறிக்கையில் வெறும் ரூ. 73,000 கோடி மட்டுமே ஒதுக்கீடு செய்யப்பட்டது. கரோனா ஊர டங்கு தளர்வு அறிவிக்கப்பட்டுவிட்டதாக வும், ஒதுக்கீடு செய்யப்பட்டுள்ள நிதி தீர்ந்துவிட்டால் கூடுதல் நிதி ஒதுக்கீடு செய்யப்படும் என ஒன்றிய அரசு கூறுகிறது. அக்டோபர் 29 நிலவரப்படி,  உழைப்பாளி மக்களுக்கு வழங்க வேண்டிய ஊதியம் உள்ளிட்ட மொத் தச் செலவு ரூ.79,810 கோடியை  எட்டியுள் ளது. 2021-2022இல் ஒதுக்கப் பட்டுள்ளதோ ரூ.73 ஆயிரம் கோடி. அக்டோபர் 30ஆம் தேதி வரை மொத்தச் செல வீனம் ரூ.79 ஆயிரத்து 810 கோடி (அதாவது இப்போதே ரூ.6,810 கோடி தேவைப்படு கிறது). அடுத்த நிதியாண்டிற்கு இன்னும் மூன்று மாதங்கள் உள்ளன. இதுகுறித்து அகில இந்திய விவசாயிகள் சங்க தலைவர்களில் ஒரு வரான நிகில்தே கூறுகையில், 100 நாள் வேலை பாதியிலேயே மூடப் படும் அபாயத்தை நாங்கள் எதிர்கொண்டிருக்கிறோம். திட்டச் செலவை யார் ஏற்கப் போகிறார்கள்? தொற்று நோயின் தாக்கத்தால் ஏற்கெ னவே  ஏழை-எளிய மக்கள் கடு மையாகப் பாதிக்கப்பட்டுள் ளனர் என்றார் என்பது குறிப் பிடத்தக்கது.

ஆச்சாரியார் கொண்டு வந்தது குலக்கல்வியா - தொழிற் கல்வியா?

'தினமலருக்கு'ப் பதிலடி!

   November 01, 2021 • Viduthalai

ஆச்சாரியார் கொண்டு வந்தது குலக்கல்வியா - தொழிற் கல்வியா?

கவிஞர் கலி. பூங்குன்றன்

தந்தை பெரியார், பெரியாருக்குப்பின் திராவிடர் கழகத் தலைவர் கி. வீரமணி, திராவிடர் கழகம் - இவர்களின்மீது புழுதிவாரி இறைப்பது - பிம்பத்தை உடைப்பது எனும் ஒரு செயலில் பார்ப்பன ஊடகங்கள் திட்டமிட்டு இருப்பதாகவே தெரிகிறது!

தினமலர், தினமணி, துக்ளக்கோடு, தமிழ் இந்துவும் ஜோடி சேர்ந்திருக்கிறது போலும்!

வரட்டும் - ஒரு வகையில் நன்மைக்குத்தான் - இந்த சந்தர்ப்பத்தைப் பயன்படுத்தி இந்தக் கூட்டத்தின் வண்டவாளங்களைத் தண்டவாளத்தில் ஏற்றுவதற்குக் கிடைத்த ஓர் அரிய வாய்ப்பு அல்லவா - அந்த வகையில் நிரம்பவே வரவேற்கிறோம் - எதிர்பார்க்கிறோம்.

நேற்றைய (31.10.2021) 'தினமலர்' ஏட்டில் யாரோ எழுத்தாளராம் - அவர் பெயர் எஸ். ராமசுப்பிரமணிய னாம். கட்டுரையின் தலைப்பு "குலக்கல்வியும்  - தொழிற் கல்வியும்!" என்பதாகும். என்ன சொல்ல வருகிறார்கள்?

"கடந்த 1953 ஏப்ரல் 16இல் ராஜாஜி சென்னை மாகாணத் தின் முதல் மந்திரியாக இருந்தபோது ஒரு சீர்திருத்த முயற்சியை மேற்கொண்டார்.

அதன்படி மூன்று முதல் அய்ந்தாம் வகுப்பு வரை மாணவியர், பட்டியல் ஜாதியை சேர்ந்த மாணவர்களும் தினமும் மூன்று மணி நேரம் பள்ளிக்கு வந்தால் போதும்.

மற்ற நேரம், பெற்றோருக்கு ஒத்தாசையாகக் கழிக்க லாம் என்று ஒரு சீர்திருத்தத்தை அறிமுகப்படுத்தினார்.

அதாவது, தச்சர் மகனுக்குத் தச்சுத் தொழில் நுட்பமும், தட்டார் மகனுக்கு நகை செய்யும் நுணுக் கமும், சிற்பக் கலைஞர் மகனுக்கு சிற்ப வேலைப் பாட்டு நேர்த்தியும், சமையல் கலைஞர் மகனுக்கு நளபாகமும் பிறவியிலேயே வாய்த்திருக்கும்.

அந்த பண்பு அவரவர் 'ஜீன்' எனப்படும் உடல் மூலக் கூறிலேயே உறைந்திருக்கும்! அந்தப் பண்புகளை தகப் பனார் கூடவே இருந்து மெருகேற்றினால் மேலும் மிளிரும்.

அந்த கோணத்தில், அந்த உயர்ந்த நோக்கத்தில் தான், சென்னை மாகாண முதல் மந்திரியாக இருந்த ராஜாஜி அந்த திட்டத்தை அறிமுகப்படுத்தினார்" என்று கூறுகிறது தினமலர்.

இது தொழிற் கல்வி திட்டம் தானாம். முதல்அமைச்சர் ராஜாஜி தொழிற் கல்வி என்பதற்குப் பதிலாக குலக்கல்வி என்று 'நா' குழறி சொல்லி விட்டாராம்.

உடம்பெல்லாம் மூளை என்று தம்பட்டம் அடிப் பார்களே  - ராஜாஜி பற்றி பார்ப்பனர்கள்! அப்படிப்பட்ட ராஜாஜிக்கா நா குழறி விட்டது? சரி. ஒரு முறைதான் நா. குழறியது - தவறைத் திருத்தி சொல்ல வேண்டியது தானே - அவரைத் தடுத்தது யாராம்....? உண்மை என்னவென்றால் அவர்கள் தொழிற்கல்வி என்று முக்காடு போட்டுக் கொண்டு வந்த திட்டத்தை - குலக் கல்வி என்ற ஒரே  ஒரு வார்த்தை மூலம், அவர்களின் முகமூடியைக் கிழித்து சுக்கல் நூறாக்கி விட்டார் தந்தை பெரியார். மக்களும் விழிப்புணர்வு பெற்றனர் என்பது தான்உண்மை.

சரி... தினமலர் கட்டுரையாளரின் கூற்றுக்கே வருவோம். தச்சர் மகனுக்கும், தட்டார் மகனுக்கும், சமையல்காரர் மகனுக்கும் அந்தத் திறன் தந்தை 'ஜீன்' வழி வருமாம். அதனால்தான் அத்தகைய கல்வித் திட்டத்தை ராஜாஜி கொண்டு வந்தாராம்.

முதல் தலைமுறையாகக் கல்விக் கூடத்தில் காலடி எடுத்து வைக்கும் (அதுவும் இன்றைக்கு 68 ஆண்டு களுக்குமுன் எப்படி இருக்கும் என்று எண்ணிப் பாருங்கள்!) பிள்ளைகள் அரை நேரம் அதுவும் வெறும் மூன்று மணி நேரம் படிப்பு! மீதி நேரம் அப்பன் தொழில் என்றால் அந்தப் பிள்ளைகளின் பள்ளிப் படிப்புக் கல்வி நிலை எந்த அளவுக்கு இருக்கும்?

அந்த வயதிலேயே அப்பன் தொழிலைக் கற்று, நாலு காசைக் கையில் பார்த்து விட்டால், அவர்களின் மனநிலையும், நாட்டமும் எந்தப் பக்கம் சாயும்?

இது சாதாரண பொது அறிவு உடையவர்களுக்குக் கூடத் தெரிந்த சின்ன விஷயம் - இது மெத்தப் படித்த "தினமலர்" வகையறாக்களுக்குத் தெரியாமல் போயிற்று என்று சொல்ல மாட்டோம் - எப்படியாவது அவர் களின் குலகுருவான ராஜாஜியை விட்டுக் கொடுக்க முடியாதே - காப்பாற்றியாக வேண்டுமே - அந்தப் பூணூல் இனவுணர்வுதான் 68 ஆண்டுகளுக்குப் பிறகும் அவாளை ஆட்டிப் படைக்கிறது.

தச்சர் மகன், தட்டார் மகன், சமையற்காரர் மகன் என்று பட்டியல் போடும் பார்ப்பன எழுத்தாளர் புரோகிதர் மகன், கருமாதி மந்திரத்தையும், கற்றுக் கொள்ள வேண்டும் என்று சொல்லவில்லையே ஏன்?

கருமாதி பார்ப்பான் மகன் மட்டும் காலையில் மூன்று மணி நேரம் பள்ளியில் படிப்பு; பிற்பகலில் - அக்கிரகாரத்து மாமி, பாட்டி கூடப் படித்தவர்கள் ஆதலால், அவர்களிடம் பாடம் கற்றுக் கொள்ள முடியும். இந்தப் பார்ப்பனர் அல்லாதார் கல்வி வாய்ப்பை இந்தக் 'கண்ணி வெடி' மூலம் தகர்க்க வேண்டும் என்பது தானே ஆச்சாரியாரின் நோக்கம்.

அதுவும் போகட்டும்; அவர்கள் சொல்லும் தொழிற் கல்வியாகவே இருந்து தொலையட்டும் - அரை நேரம் பள்ளிப் படிப்பு என்பதோடு நிறுத்த வில்லையே! 6000 பள்ளி களை இழுத்து மூடினாரே ஆச்சாரியார் அதன் நோக்கம் என்ன?

1953இல் மட்டுமல்ல; 1937இல் ஆச்சாரியார் சென்னை மாநில முதல் அமைச்சராக வந்தபோது 2500 கிராமப் பள்ளிகளை இழுத்து மூடியவர்தானே!

இவற்றை எல்லாம் அறியாத்தனத்தால் ஆச்சாரியார் செய்துவி டவில்லை. சூத்திரனுக்கு எதைக் கொடுத்தாலும் கல்வியைக் கொடுக்காதே என்பதுதானே மனுதர்மம் - பார்ப்பனர்களின் வருண தர்மத்தின் கோட்பாடு!

அதிலே ஆச்சாரியார் உறுதியாக இருந்த காரணத் தால்தான் அந்த வேலைகளை மிக சூட்சமமாக அவருக்கே உரித்தான நரித்தனத்தோடு செய்தார் என்பதுதான் உண்மை- உண்மையிலும் உண்மை!

'பிராமணர்' மற்றும் ஜாதிபற்றி ஆச்சாரியாரின் அழுத்தமான எண்ணம் என்ன என்பதைப் புரிந்து கொண்டால் 1953 குலக்கல்வித் திட்டம் எந்த அடிப்படையில் அவர் மூளையில் உருவானது என்பதை எளிதில் உணர முடியும்.

Infact in one occasion Rajaji proudly said that he valued his Brahmin hood more than his Chief Ministership (Caravan April (1) 1978 Gandhiji's crusade Against Casteism).

முதல்அமைச்சர் என்ற பதவியைவிட பிராமணன் என்ற தகுதியையே நான் அதிகமாக பெருமையாக நேசிக்கிறேன்" என்றவர்தானே.

முதல் அமைச்சராக ஆச்சாரியார் இருந்தபோது திருவான்மியூரில் நடைபெற்ற சலவைத் தொழிலாளர் மாநாட்டில் என்ன பேசினார்?

"அவரவர் ஜாதித் தொழிலை அவரவர் செய்ய வேண்டும். வண்ணார் வீட்டுப் பிள்ளைகள் படிக்க வேண்டியதில்லை. குலத் தொழிலைச் செய்தால் போதும். எல்லோரும் படித்து விட்டால் வேலை எங்கி ருந்து கிடைக்கும்?"

('தி இந்து' 30.6.1952)

இதில் கவனிக்க வேண்டியது என்னவென்றால் ஆச்சாரியார் குலக் கல்வி திட்ட அறிவிப்புக்கு முன்பே  இந்தக் குலக்கல்வி மனப்பான்மையோடு இருந்தார் என்பதுதான்!

ஜாதி முறை ஒழிய வேண்டும் என்று பலர் குறை கூறுகிறார்கள். அதை ஒழிக்க முடியாது. இதை நன்கு யோசித்துதான் நம் முன்னோர்கள்  வர்ணாசிரம முறையை வகுத்துள்ளார்கள். அதன்படி அவரவர்கள் தங்கள் முறைக்கேற்றவாறு நடந்து மக்களுக்குத் தொண்டு புரிய வேண்டும்"

(கரூர் பசுபதிபாளையத்தில் ஆச்சாரியார் உரை 'சுதேசமித்திரன்' பக்கம் 1 - 29.1.1961)

ராஜாஜியின் இந்தப் பின்னணியைப் புரிந்து கொண்டால் தான் 1953இல் அவர் கொண்டு வந்தது ஜாதியின் அடிப்படையிலான  குலக் கல்வியே என்பது மிகப் பச்சையாகவே தெரியும் - புரியும்.

குலக் கல்வி திட்டத்தை எதிர்த்த தி.க., தி.மு.க. மற்றும் காங்கிரஸ் கட்சியினர் தங்கள் வாரிசுகளை தங்கள் தொழிலான அரசியலிலே வைத்துள்ளனர் என்று குற்றஞ்சாட்டுகிறார் 'தினமலர்' எழுத்தாளர்.

அரசியலில் ஈடுபடுவதும், பொதுத் தொண்டாற்று வதும் ஒரு தொழில் என்று சொல்லும் 'அதிமேதாவியை' இப்பொழுதுதான் பார்க்கிறோம்.

எடுத்துக்காட்டாக சிலவற்றை நம்மால் கேட்க முடியும்.

இந்தியாவில் முன்னணித் தலைவர்களுள் ஒருவ ராகக் கருதப்படும் சரத்பவாரின் மூதாதையர் மண் பாண்டம் செய்தவர்கள். அவருடைய மூதாதையர் தொழிலைக் கற்று அதிலே ஈடுபட்டிருந்தால் சரத்பவார் மராட்டிய மாநில முதல் அமைச்சராக ஒன்றிய அமைச் சராக வந்திருக்க முடியுமா?

மும்பை வந்து தொழிற்சங்கத்தில் ஈடுபட்டு காங்கிரஸ் கட்சியில் நுழைந்து ஒரு நிலையை எட்டிப் பிடிக்க முடிந்தது. அவர் வாழையடி வாழையாக அரசியல் குடும்பத்தில் வந்தவர் கிடையாதே!

இசைஞானி இளையராஜாவின் பாட்டனார்  எஸ்டேட் கூலித்தொழிலாளி. சொந்த வீடு கிடையாது.

"குலத் தொழிலைப் பின்பற்றி இருந்தால் இன்று உலகம் போற்றும் இசைஞானியாக ஒளிர முடியுமா?

பச்சைத் தமிழர் காமராசர் அரசியலில் ஆச்சாரியாரை வீழ்த்தி அவதானித்திருக்க முடியுமா?

தி.க., தி.மு.க. காங்கிரசின்  வாரிசு அரசியல் பேசும் இவர்கள் பா.ஜ.க.வில்  கொத்துக் கொத்தாக குடும்ப வாரிசுகளாக ஜொலிக்கிறார்களே! அதைப்பற்றி மூச்சு விடாதது ஏன்? (தனிப் பட்டியல் காண்க).

ஓ, மனுநீதி ஒரு குலத்துக்கொரு நீதி - அதுதானே பார்த்தோம்!

ஹிப்போ கிரேட்டிக் பெயரால் எடுக்கப்படும் உறுதிமொழியை சமஸ்கிருத நூலில் காணப்படும் ‘ஷராக் ஷாபாத்' பெயரில் மாற்றமா?

உலகம் முழுவதும் மருத்துவர்கள் 

   February 14, 2022 • Viduthalai

எல்லாவற்றிலும் பார்ப்பனக் கலாச்சாரப் படையெடுப்பா?

மருத்துவம் படிக்க சமஸ்கிருதம் தேவை என்ற நிலையும் நாளை வருமோ?

உலகம் முழுவதும் மருத்துவர்கள் ஹிப்போ கிரேட்டிக் பெயரால் எடுக்கப்படும் உறுதிமொழியை புராதன சமஸ்கிருதத்தில் காணப்படும் ஒருவரின் பெயரால் எடுக்கப்படவேண்டும் என்று ஒன்றிய அரசு மாற்றுவது பார்ப்பன சமஸ்கிருதக் கலாச்சாரத்தைத் திணிப்பதாகும். மருத்துவம் படிக்க சமஸ்கிருதம் தெரிந்திருக்கவேண்டும் என்ற பழைய நிலையைக் கூடக் கொண்டு வந்தாலும் வருவார்கள் - பார்ப்பனக் கலாச்சாரத் திணிப்பைக் கண்டித்துத் திராவிடர் கழகத் தலைவர் ஆசிரியர் கி.வீரமணி அவர்கள் அறிக்கை விடுத்துள்ளார்.

அறிக்கை வருமாறு:

மருத்துவர்கள், நம் நாட்டில் மருத்துவக் கல்லூரியில் படித்து பட்டம் (எம்.பி.பி.எஸ்.) பெறுகிறபொழுது, வெள்ளைக் கோட்டை அணியும்போது, மருத்துவத்தை ஒரு தொண்டறப் பணியாகச் செய்வதுபற்றிய ஓர் உறுதிமொழியை எடுப்பது பல காலமாக இருந்துவரும் ஒன்று.

ஹிப்போ கிரேட்டிக் பெயரில் மருத்துவர்கள் உலகெங்கும் எடுக்கும் உறுதிமொழி!

கிரேக்கத்தின் பிரபல டாக்டரான ஹிப்போ கிரேட்டிக் (Hippocratic Oath) பெயரிலான உறுதிமொழி என்று அதற்குப் பெயர்.

பிரபல மருத்துவரான ஹிப்போகிரேட்டிக் கிரேக் கத்தில் 460 முதல் 377 (BCE - Before Common Era)  வரை வாழ்ந்தவர். ‘மருத்துவத்தின் தந்தை' (Father of Medicine) என்று அழைக்கப்படுபவர். அவர் பெயரால் மருத்துவப் பட்டதாரிகள் தங்களது மருத்துவப் பணி தொடங்குமுன் எடுக்கும் உறுதிமொழி, அதற்குரிய நெறிமுறைகளைக் கடைப்பிடிக்க வேண்டியதை அவர் களுக்கு அறிவுறுத்தும் ஓர் உறுதிமொழியாகும்.

உலகமெங்கும் இந்த உறுதிமொழி, நாட்டு எல்லை களைத் தாண்டி காலங்காலமாய்க் கடைப்பிடிக்கப்பட்டு வருகிறது.

சமஸ்கிருத பாட நூலிலிருந்து கொண்டுவரப்படும் உறுதிமொழி!

ஆட்சி தங்கள் கையில் சிக்கிக் கொண்டது என்கிற வாய்ப்பைப் பயன்படுத்தி, ஒற்றைக் கலாச்சாரத்தை - நாட்டின் பன்மொழி, பன்மத, பன்முகப் பண்பாட்டை அழித்து - புகுத்திடும் ஆர்.எஸ்.எஸ். அஜெண்டாவை இதிலும் புகுத்திட, ஒரு முயற்சி உருவாவதுபற்றி நேற்று (13.2.2022) சில நாளேடுகளில் வந்துள்ள தகவல், நாட்டை சமஸ்கிருத மயமாக்குகின்ற வகையில் மற்றொரு திணிப்பைப் புகுத்த நேஷனல் மெடிக்கல் கவுன்சில் (NMC) என்ற ஒன்றிய அரசின் அமைப்பு இதனை மாற்றி - ‘ஹிப்போகிரேட்டிக் ஓத்' என்பதற்குப் பதிலாக,  ‘ஷராக் ஷாபாத்' (Charak Shapath)  என்ற ஓர் உறுதி மொழியை - மாற்றம் செய்யவேண்டும் என்று திட்டமிடுகிறார்கள்.

இந்த உறுதிமொழி ‘ஷராக்கா சமதி' என்ற வட மொழியான சமஸ்கிருத மொழிப் பாட நூலான பழைய கால ஏடாக இருப்பதிலிருந்து எடுக்கப்படுகிறதாம்!

இதையே சட்டமாக்க முடிவு செய்து, 14.2.2022 முதல் செயல்படுத்த  NMC என்ற நேஷனல் மெடிக்கல் கவுன்சில் முடிவு செய்து, அமல்படுத்தப் போகிறதாம்!

‘ஷராக்கா'  (Charaka)  என்பவர் நமது நாட்டு புராதன மருத்துவராம்; இந்த ‘ஷராக் ஷபாத்' நெறிமுறைப்படி, ஒரு பெண்ணை ஒரு மருத்துவர் சிகிச்சை அளிக்க அழைத்தால், அவருடன் ஒரு ஆண் கட்டாயம் இருக்க வேண்டுமாம்! இல்லையென்றால், ஆண் டாக்டர் பெண் நோயாளிக்கு சிகிச்சை அளிக்கக் கூடாதாம்; முடியாதாம்!

ஆனால், ஹிப்போகிரேட்டிக் உறுதிமொழியில் அப்படி ஏதும் இல்லை. (உறுதிமொழியிலேயே ஆண் கடவுளும் - பெண் கடவுளும்கூட இடம்பெற்றிருக் கிறார்கள்; நாத்திகமும் இல்லை அது).

கைப்பேசி என்பது சுதேசியா?

‘ஹிந்துஸ்தான் டைம்ஸ்' நாளேட்டில் இதுபற்றி வந்துள்ள ஒரு செய்தியில், ‘‘நம் தாய் நாட்டைச் சேர்ந் தவர் ‘ஷராக்கா'  (Charaka) விதேசியாக ஹிப்போ கிரேட்டிக் இருக்கிறார். சுதேசியாக  ‘ஷராக்' முனிவர் இருக்கிறார்'' என்கிறது. தற்போது ஆர்.எஸ்.எஸ். என்று பயன்படுத்தும் எழுத்து சுதேசியா? முனிவர்கள் காலத் தில் கைப்பேசியோ (Cell Phone), தொலைக்காட்சியோ (Television) உண்டா?

‘மனதின் குரல்' (மங்கி பாத்)  பேசுகிறாரே நமது பிரதமர், அந்த வானொலியை எந்த ரிஷி கண்டு பிடித்தார்? அந்நியன் - விதேசி என்று ஒதுக்கிவிட முடியுமா? ஸ்டெதஸ்கோப்,B.P. கருவியெல்லாம் முனிபுங்கவர்கள் கண்டுபிடிப்பா?

நம் நாட்டு ராணுவத்திற்குத் தேவையான போர் விமானங்களுக்கு - ரஃபேல் வெளிநாட்டு விமானங்களை அல்லவா விலை கொடுத்து வாங்குகிறோம். வில்லும்- வேலுமா பயன்படுத்த முனைகிறோம்?

நம் நாட்டில் இப்போது பெரிய அளவில் வைக்கப் படும் தலைவர்கள் சிலை - பெருந்தலைவர்களின் சிலைகளேகூட வெளிநாட்டிலிருந்துதானே இறக்குமதி!

நமது குடியரசுத் தலைவர், பிரதமர் பயணம் செய்யும் விமானமும், கார்களும் சுதேசிகள்தானா?

அவையெல்லாம் இருக்கும்போது ஹிப்போ கிரேட்டிக் உறுதிமொழி மட்டும் அந்நியமாகத் தெரிகிறது என்பதற்கு மூலகாரணம், அதன்மூலம் ஒரு பண்பாட்டுத் திணிப்பு - Cultural Imposition).

மருத்துவம் படிக்க

மீண்டும் சமஸ்கிருதம் வருமா?

சமஸ்கிருத மயமாக்கிடும் - ஆர்.எஸ்.எஸ். செய்திடும் ஒரே மொழி, ஒரே பண்பாடு சமஸ்கிருத கலாச்சாரத்தின் திணிப்பிற்கான திட்டத்தின் செயலாக்கம்தான் இது!

இது இப்படியே தொடர்ந்தால் எங்கே போவோம்?

நாளை, மருத்துவப் படிப்புக்கு மனு போட சமஸ் கிருதம் படித்த தகுதி மீண்டும் நுழைக்கப்பட்டால், அதிசயமோ, அதிர்ச்சியோ அடையவேண்டாம்! மருத் துவக் கனவாளர்களே, நுகத்தடியை சுமக்க தயாராவீர்!

நாடு எங்கே போகிறது?

கி.வீரமணி 

தலைவர், 

திராவிடர் கழகம்

சென்னை       

14.2.2022            

‘நீட்'டால் பலன் யாருக்கு? பாதிப்பு யாருக்கு?

   February 07, 2022 • Viduthalai

இவ்வாண்டு வெளிவந்த புள்ளி விவரங்களைப் பாரீர்!

புள்ளி விவர ஆதாரங்களோடு தமிழர் தலைவர் ஆசிரியர் அறிக்கை

‘நீட்' தேர்வால் பலன் அடைந்தோர் யார்? பாதிக்கப்படுவோர் யார்? என்பது குறித்து புள்ளி விவரங்களுடன் திராவிடர் கழகத் தலைவர் ஆசிரியர் கி.வீரமணி அவர்கள் அறிக்கை விடுத்துள்ளார்.

அறிக்கை வருமாறு:

‘நீட்' தேர்வு மதிப்பெண் அடிப்படையில் மருத்துவப் படிப்பில் மாணவர் சேர்க்கை காரணமாக, தமிழ்நாட்டில் முதல் தலைமுறைப் படிப்பாளர்கள்,  கிராமப்புறங்களைச் சார்ந்தவர்கள், ஏழை, எளிய குடும்பத்து மாணவர்களின் வாய்ப்பு பெரிதும் பாதிக்கப்பட்டுள்ளது; மாநில பாடத் திட்டத்தில் படித்தோருக்கும், தமிழ் வழிக் கல்வி படித் தோருக்கும் வாய்ப்பு குறைகிறது என திராவிடர் கழகம் உள்ளிட்ட அனைத்து சமூக அமைப்புகளும், அரசியல் கட்சிகளும் தொடர்ந்து கூறிக்கொண்டு வந்திருக்கின்றன.

இதன் தீர்வாக, முந்தைய அரசு சட்டப்பேரவையில் ஒருமனதாக நிறைவேற்றிய ‘நீட்' தேர்வு விலக்கு மசோதா குடியரசுத் தலைவரால் ஏற்கப்படாதது குறித்துக்கூட அரசுக்கு முறையாக தெரிவிக்கப்படவில்லை என்ற குற்றச்சாட்டு இருந்தது. தெரிந்த பிறகும் அ.தி.மு.க. அரசால் நாட்டு மக்களுக்குத் தெரிவிக்கப்படவில்லை.

2021 தி.மு.க. அறிக்கையிலேயே...!

தி.மு.க. தனது 2021 ஆம் ஆண்டு தேர்தல் அறிக் கையில் குறிப்பிட்டபடி, ஆட்சிக்கு வந்ததுமே, இப்பிரச்சினை குறித்து உயர்நீதிமன்ற ஓய்வு பெற்ற  நீதிபதி டாக்டர் ஏ.கே.ராஜன் தலைமையில் குழு அமைத்தது. அக்குழு அளித்த அறிக்கையின் பரிந் துரைப்படி, ‘நீட்' தேர்வு விலக்கு மசோதா  சட்டப் பேரவையில் ஆளும் கட்சி, தோழமைக் கட்சிகள், அ.தி.மு.க., பா.ம.க. என அனைவரும் ஒருமனதாக ஒப்புதல் தந்து, குடியரசுத் தலைவரின் ஒப்புதலுக்காக அரசின்முறைப்படி, ஆளுநருக்கு 2021, செப்டம்பர் 13 ஆம் தேதி அனுப்பப்பட்டது.

ஆளுநரின் புரிதல் அற்ற தன்மை!

அரசமைப்புச் சட்டப் பிரிவு 200-இன்படி, விரைவாக செயல்பட வேண்டும் என குறிப்பிட்டிருந்தும், மசோ தாவை குடியரசுத் தலைவருக்கு அனுப்பாமல் காலம் கடத்தி வந்தார் ஆளுநர். முதலமைச்சர் இருமுறை ஆளுநரிடம் நேரில் வலியுறுத்தியும், நாடாளுமன்றத்தில் தமிழ்நாட்டைச் சேர்ந்த நாடாளுமன்ற உறுப்பினர்கள் ஆளுநரின் தாமதம் குறித்து கேள்வி எழுப்பியும், எந்த நடவடிக்கையையும் எடுக்காமல், கடந்த 1.2.2022 அன்று மசோதாவை தமிழ்நாடு சட்டப்பேரவைத் தலைவருக்கே திருப்பி அனுப்பியுள்ளார் ஆளுநர். ஆளுநர் மசோ தாவை திருப்பி அனுப்பிட குறிப்பிட்டிருந்த இரண்டு காரணங்கள், ஒன்று - மசோதா மாணவர்களின் நலனுக்கு எதிராக இருக்கிறது; இரண்டு - ‘நீட்' தேர்வு ஏழை மாணவர்களின்மீதான பொருளாதாரச் சுரண்டலைத் தடுக்கிறது. நீதிமன்ற தீர்ப்புக்கு எதிரானது. இந்த காரணங்களுமே நகைப்புக்குரியது மட்டுமல்ல, ‘நீட்' தேர்வு குறித்த புரிதல் இன்மையை வெளிக்காட்டுகிறது.  சட்டம் இயற்றும் அதிகாரம் சட்டமன்றத்துக்கும் உண்டு.

மாணவி அனிதா முதல் ‘நீட்' தேர்வு காரணமாக தங்களை மாய்த்துக் கொண்ட பலரும் சமூகத்தின் ஏழ்மை நிலையில் உள்ளவர்கள்தாம். அவர்கள் பன்னி ரெண்டாம் வகுப்பில் அதிக மதிப்பெண் எடுத்து, ‘நீட்' தேர்வுக்கான பயிற்சியை பல லட்சம் கொடுத்து பயிற்சி பெற முடியாமல் வாய்ப்பை இழந்துள்ளனர்.

இதைத்தான் உயர்நீதிமன்ற ஓய்வு பெற்ற நீதிபதி டாக்டர் ஏ.கே.ராஜன் குழு புள்ளி விவரங்களுடன் எடுத்துக்காட்டியுள்ளது.

ஏன், தற்போது வெளிவந்துள்ள மருத்துவ இளங்கலை படிப்பு (எம்.பி.பி.எஸ்.)க்கான கலந்தாய்வு சில விவரங் களை வெட்ட வெளிச்சமாக நமக்குத் தருகிறது.

இவ்வாண்டு நிலை என்ன?

மொத்த இடங்கள்: 6999

அரசு கல்லூரிகள்: 4349 இடங்கள்

நிகர்நிலைப் பல்கலைக் கழகங்கள்: 2650 இடங்கள்

சி.பி.எஸ்.இ. மாணவர்களின் ஆதிக்கம்

தரவரிசைப் பட்டியல்:

முதல் 10 ரேங்கில், சி.பி.எஸ்.இ. மாணவர்கள் 8

மாநில பாடத் திட்டத்தில் படித்த மாணவர்கள் 2.

முதல் 100 ரேங்கில், சி.பி.எஸ்.இ. மாணவர்கள் 81

மாநில பாடத் திட்டத்தில் படித்த மாணவர்கள் 17

முதல் 1000 ரேங்கில், மாநில பாடத் திட்டத்தில் படித்த 394 மாணவர்கள் மட்டுமே தேர்வு.

‘நீட்' தேர்விற்குமுன், சி.பி.எஸ்.இ. வாரியத்தில் இருந்து ஒரு சதவிகிதம் (1%) மட்டுமே மருத்துவப் படிப்பில் சேர முடிந்தது. இப்போது அது 39 சதவிகிதமாக (39%) ஆகிவிட்டது! என்னே கொடுமை!!

‘நீட்' தேர்வுக்குமுன், மாநில பாடத் திட்டத்தில் படித்த 98.2 சதவிகித மாணவர்கள் எம்.பி.பி.எஸ். படிப்பில் சேர முடிந்தது. தற்போது அது 59 சதவிகிதமாக குறைந்துள்ளது.

‘நீட்' தேர்வுக்குமுன், கிட்டத்தட்ட 14.8 சதவிகிதம் தமிழ் வழி மாணவர்கள், எம்.பி.பி.எஸ். படிப்பில் சேர்ந் தனர்.  ஆனால், தற்போது அது 2 சதவிகிதத்திற்கும் கீழே குறைந்துள்ளது.

‘நீட்' தேர்வு சி.பி.எஸ்.இ. மாணவர்களுக்கும், வசதி படைத்த குடும்பத்தினருக்கும் மட்டுமே ஆதரவாக உள்ளது.

யார் யாருக்கு இடம் கிடைத்துள்ளது?

ஆங்கில ‘இந்து' பத்திரிகையில் நேற்று (6.2.2022) வந்துள்ள ‘நீட்' தேர்வு குறித்த கட்டுரையிலும், பிளஸ் 2 இல் 1137 மதிப்பெண் பெற்ற நட்சத்திர ப்ரியா, 2017 இல் ‘நீட்' எழுதத் தொடங்கி, மூன்று ஆண்டுகால முயற்சிக்குப் பின், 7.5 சதவிகித ஒதுக்கீட்டின் காரணமாக நெல்லை மருத்துவக் கல்லூரியில் இடம் கிடைத்திருக்கிறது. மூன்று ஆண்டுகாலம் வீண் அல்லவா? பிளஸ்  2 அடிப்படை யிலேயே இருந்திருந்தால் இந்நிலை ஏற்பட்டிருக்குமா?

தகுதிப் பட்டியலில் 9976 பேர் மட்டுமே இவ்வாண்டு தேர்வெழுதியோர். 14,973 பேர் திரும்ப எழுதியவர்கள் (ரிப்பீட்டர்ஸ்). அதாவது, 2, 3, 4 ஆண்டுகள் கோச்சிங் சென்று விடாது படையெடுப்போர். வசதி, வாய்ப்பு உள்ளவர்களால் மட்டுமே பல லட்சங்கள் செலவு செய்து, ஒரே தேர்வை ஈராண்டு, மூவாண்டு எழுத செலவிடவும் முடியும். குடும்பச் சூழலும் அதை அனுமதிக்கும். சேர்க்கை முடிவில் இன்னும் தெளிவு பிறக்கும். மறுமுறை தேர்வு எழுதுவோரும், நடப்பாண்டு படிப்பை முடித்துவரும் புதியவர்களும், ஒரே தேர்வை எழுதினால் யாருக்கு சாதகமாக அத்தேர்வு அமையும் என்பது வெளிப்படை. அதுதான் ‘நீட்' தேர்வில் தொடர்ந்து நடைபெற்று வருகிறது.

‘நீட்' தேர்வு, சி.பி.எஸ்.இ. பாடத் திட்டத்தில் படித்த மாணவர்களுக்கும், தேர்வை பலமுறை எழுதவும், கோச்சிங்மூலம் பல லட்சம் ரூபாய் செலவு செய்ய வாய்ப்பும் உள்ளவர்களுக்கு மட்டுமே சாதகமாக இருக்கிறது. நடப்பு ஆண்டிலும் அதே நிலைதான்.

மாநில அரசுக்கு உரிமை உண்டு

ஆகவேதான், மக்கள் நலன் சார்ந்த அரசு என்கிற முறையில் ‘நீட்' தேர்வுக்கு விலக்குக் கோரும் சட்டத்தை மக்களால் தேர்ந்தெடுக்கப்பட்ட அரசு நிறைவேற்ற முயல்கிறது. அரசமைப்புச் சட்டப்படியும் அத்தகைய சட்டம் கொண்டு வர எந்தத் தடையும் இல்லை என்கிற நிலையில், அனைத்துக் கட்சிக் கூட்டத்தில் முடி வெடுத்தபடி, மீண்டும் ‘நீட்' தேர்வு விலக்கு மசோதாவை நிறைவேற்றி, குடியரசுத் தலைவருக்கு அனுப்புவது நியாயமான, சமூகநீதியின்படியான நடவடிக்கையே!

தேர்வு மார்க்குகள் - திறமை (Merits) மற்றும் திறனறிவின் உண்மை அளவு கோல் ஆகாது என்ற உச்சநீதிமன்றத்தின் அண்மைத் தீர்ப்பில் இரு நீதிபதிகளின் தீர்ப்புப்படியே,  ‘நீட்' தேர்வு ஏற்கத்தக்கதா?

12 ஆண்டுகள் படித்த படிப்பில் பெற்ற மதிப்பெண் களைக் குப்பைக் கூடையில் தூக்கியெறிந்து, குறிப்பிட்ட பாடத் திட்டத்தில் (சி.பி.எஸ்.இ.) படித்த மேட்டுக் குடியானவர்களுக்குச் சாதகமாக நடத்தும் தேர்வுதான் தகுதி- திறமைக்கு அடையாளமா? அளவுகோலா? பணம் படைத்தவர்களுக்குத்தான் படிப்பா?

‘நீட்'டுக்குமுன் ஒரு சதவிகிதம் இடம்பெற்ற சி.பி.எஸ்.இ. பாடத் திட்டத்தில் படித்த மாணவர்கள், மருத்துவக் கல்லூரிகளில், ‘நீட்'டுக்குப் பிறகு 39 சதவிகித இடத்தைப் பிடித்துள்ளனர் என்றால், ‘நீட்' யாருக்கு சாதகம்? யாருக்குப் பாதகம்? என்பதைத் தெரிந்து கொள்ளலாமே!

‘மயிலே, மயிலே' என்றால் இறகு போடாது! பாதிக் கப்பட்ட மக்கள் வீதிக்கு வரவேண்டிய அவசரமும், காலமும் வந்துவிட்டது!

எழுக, எழுக!

விழித்தெழுக, எழுக!

சமூகநீதிக்கான சரித்திர நாயகர் முதலமைச்சர் மானமிகு மாண்புமிகு மு.க.ஸ்டாலின் அவர்களின் கரத்தைப் பலப்படுத்துக! பலப்படுத்துக!!

கி.வீரமணி

தலைவர்,

திராவிடர் கழகம்

சென்னை

7.2.2022

மனிதனை மனிதன் சுமப்பதா? மடாதிபதியை எதிர்த்து மாபெரும் மறியல் போர்; தோழர்கள் கைது!

   February 08, 2022 • Viduthalai

மயிலாடுதுறை, பிப்.8 மயிலாடுதுறை மாவட்டம் குத் தாலத்தை அடுத்த திருவாவடுதுறை மட ஆதினமகர்த்தர் பிப்ரவரி 7ஆம் தேதி (நேற்று) பட்டினப்பிரவேசம் மேற்கொள்ள இருப்பதாக விளம்பரப்படுத்தப்பட்டிருந்த நிலையில், மயிலாடுதுறை மாவட்ட தலைவர் ஆ.ச.குணசேகரன், மாவட்டச் செயலாளர் கி.தளபதிராஜ், குடந்தை மாவட்டத் தலைவர் கு.நிம்மதி மற்றும் மயிலாடுதுறை மாவட்ட நகர ஒன்றிய பொறுப்பாளர்கள் கடந்த 2ஆம் தேதி மாலை ஆதினகர்த்தரை நேரில் சந்தித்து  பட்டினப்பிரவேசம் எனும் மனிதனை மனிதன் சுமக்கும் மனித உரிமை மீறலை கைவிடக் கோரி வேண்டுகோள் விடுத்தனர்.

நேரில் சந்தித்த கழக தோழர் களிடம் ஆலோசிப்பதாக கூறிய ஆதீனகர்த்தர் திட்டமிட்டபடி பட்டினப்பிரவேசம் செல்ல இருப்பதை அறிந்து தலைமைக் கழகத்தின் சார்பில் திருவாவடுதுறையில் மாபெரும் மறியல் போராட்டம் அறிவிக்கப்பட்டது. இச் செய்தி தீப்போல் பரவி பல்வேறு தோழமை அமைப்புகளின் பொறுப்பாளர்களும் இந்த மறியலில் தாங்களும் கலந்து கொள்வதாக அறிவித்தனர்.

மயிலாடுதுறை மாவட்ட காவல்துறை கண்காணிப்பாளர், துணைக் கண்காணிப்பாளர், குத்தாலம் காவல்துறை ஆய்வாளர் ஆகியோரை நேரில் சந்தித்து மனிதனை மனிதன் சுமக்கும் பல்லக்கில் சந்நிதானம் பவனி வருவது மனித உரிமை மீறலாகும். அதை தடுத்து நிறுத்த வேண்டும். ஆதீனம் பல்லக்கு ஏறும் பட்சத்தில் திருவாவடுதுறையில் மாபெரும் மறியல் போராட்டத்தை நடத்துவோம் என்று சொல்லி மாவட்ட கழகத்தின் சார்பில் இரண்டு தினங்களுக்கு முன்னர் மனு அளிக்கப்பட்டது. அதன் பின்னர் மறியலை கைவிடக்கோரி காவல்துறையிலிருந்து கடுமையான நெருக்கடி கொடுக்கப்பட்டது. முன் கூட்டியே கைது (PREVENT ARREST)  செய்வோம் என மிரட்டிப் பார்த்தனர். இது தோழர்களுக்கு இன்னும் உத்வேகத்தை அளிக்கவே பல்வேறு மாவட்டங்களிலிருந்தும் மதியம் 2 மணிக்கே கழக தோழர்கள் சாரை சாரையாக குவியத் தொடங்கினர். கொட்டும் பனியில் கடும் குளிரிலில் பெண்களும் குழந்தைகளும் மறியலில் முழக்கமிட்டக் காட்சி காண்போரை வியக்க வைத்தது.

மாலை 5 மணிக்கு மயிலாடுதுறை மாவட்டச் செயலாளர் கி.தளபதிராஜ் மறியல் போராட்டத்தைத் தொடங்கி வைத்து ஆர்ப்பாட்ட தலைவர்களை முன்மொழிந்தார். மயிலாடுதுறை மாவட்டத் தலைவர் கடவாசல் குணசேகரன் வரவேற்றார். திராவிடர் கழகப் பொதுச் செயலாளர்கள் முனைவர் துரை.சந்திரசேகரன், தஞ்சை இரா.ஜெயக்குமார் ஆகியோர் தலைமையில்  மறியல் போராட்டம் நடைபெற்றது.

மாநில அமைப்பாளர் உரத்தநாடு இரா.குணசேகரன், மாநில இளைஞரணிச் செயலாளர் த.சீ.இளந்திரையன், மயிலாடுதுறை, குடந்தை, தஞ்சாவூர், திருவாரூர், நாகை, காரைக்கால், கடலூர், சிதம்பரம், அரியலூர், விருத்தாசலம் மாவட்டத் தலைவர், செயலாளர்கள் முன்னிலை வகித்தனர்.

 திருவாரூர் மண்டலத் தலைவர் கி.முருகய்யன், தஞ்சை மண்டலச் செயலாளர் குடந்தை குருசாமி, கிராம பிரச்சாரக் குழு அமைப்பாளர் முனைவர் அதிரடி க.அன்பழகன்,  கழகப் பேச்சாளர்  இராம.அன்பழகன், விடுதலை தமிழ் புலிகள் கட்சி நிறுவனத் தலைவர் குடந்தை அரசன், மார்க்சிஸ்ட் கம்யூனிஸ்ட் கட்சி மாவட்டக்குழு இராமகுரு, தமிழக வாழ்வுரிமை கட்சி குடந்தை மாவட்ட செயலாளர் செல்வம், தந்தை பெரியார் திராவிடர் கழக மாவட்டச் செயலாளர் பெரியார் செல்வன் ஆகியோர் கண்டன உரையாற்றினர்.

நேரம் செல்லச் செல்ல காவல்துறையினர் கழகத் தோழர்களை கலைக்க பல்வேறு உத்திகளை கையாண்டனர். கைது செய்யப்போவதாக மிரட்டினர். தேர்தல் நேரம் என்பதால் 6 மணிக்கு மேல் ஒலிபெருக்கியை பயன்படுத்தக் கூடாது என்றனர். நீங்கள் கலைந்து சென்றால்தான் நாங்கள் உள்ளே சென்று பல்லக்கை நிறுத்தச் சொல்லி பேச முடியும் என்றனர். தோழர்கள் எதற்கும் அசைந்து கொடுக்கவில்லை. எங்களால் உங்களுக்கு ஒரு சிறு சட்ட ஒழுங்கு பிரச்சினை கூட ஏற்படாது. எங்கள் தோழர்கள் இராணுவக்கட்டுப்பாட்டையும் மிஞ்சியவர்கள் என்று பதிலளிக்கப்பட்டது.

கழகப்பொதுச்செயலாளர் துரை.சந்திரசேகரன் ஒலிபெருக்கியின்றியே தனது தலைமை உரையை நிறைவு செய்தார். அதைத் தொடர்ந்து போக்குவரத்திற்கு இடையூறின்றி சாலை ஓரத்தில் அமர்ந்தபடி தோழர்கள் மீண்டும் இடி முழக்கமிட்டனர். இரவு 9 மணியளவில் காவல்துறையினர் கைது செய்வதாக அறிவித்தனர். பெண்கள் குழந்தைகள் உள்பட மறியலில் கலந்து கொண்ட தோழர்கள் உற்சாகமாக முழக்கமிட்டவாறே காவல் துறை வாகனங்களில் ஏறினர். குத்தாலம் ஆசியா மஹாலில் தோழர்கள் சிறைப்படுத்தப்பட்டிருந்த நிலையில் இரவு பத்து மணிக்கு ஆதினம் மனிதர்கள் தூக்கும் பல்லக்கில் ஏறி ஊர்வலம் புறப்பட்டார் என்ற செய்தி அறிய கடும் கொந்தளிப்பு ஏற்பட்டது. மண்டபமே இடிந்து விழுந்து விடுமோ என்றளவிற்கு சந்நிதானத்தை எதிர்த்து கடும் குரலில் கண்டனம் எழுப்பினர். உணர்ச்சி வயப்பட்ட கழக முதுபெரும் பெரியார் தொண்டர்களை அமைதிப்படுத்துவதே பெரும்பாடாகிவிட்டது. திருவாவடுதுறையில் பட்டினப் பிரவேசமெல்லாம் முடிந்த பின்னர் நள்ளிரவு 2 மணிக்கு விடுதலை செய்வதாக காவல்துறையால் அறிவிக்கப்பட்டது. மறியலில் ஈடுபட்ட தோழர்களுக்கு நன்றி தெரிவிக்கப்பட்டு தோழர்கள் விடைபெற்றனர்.

போராட்டத்தின் தொடக்கத்தில் விசிறி சாமியார் தஞ்சை முருகன் கழகப் பொதுச் செயலாளர் முனைவர் துரை.சந்திரசேகரனுக்கு பயனாடை அணிவித்து, தோழர்கள் மீது மலர் தூவி வாழ்த்தினார்.

மறியல் போராட்டத்தில் பங்கேற்றவர்கள் :

மயிலாடுதுறை மாவட்டம் :

மாவட்ட அமைப்பாளர் ஞான. வள்ளுவன், மாவட்ட துணைச் செயலாளர் நாகரத்தினம். குத்தாலம் ஒன்றியத் தலைவர் முருகையன், ஒன்றியச் செயலாளர் இளமாறன், ஒன்றிய துணைத் தலைவர் சபாபதி, ஒன்றிய தலைவர் ஜெகதீசன், ஒன்றிய விவசாய அணி இளஞ்செழியன், ஒன்றிய அமைப்பாளர் முத்தையன், சிற்றரசு, பாலசுந்தரம் ,சதீஷ், பிரபு.மயிலாடுதுறை ஒன்றிய தலைவர் இளங்கோவன், மயிலாடுதுறை நகர தலைவர் சீனி முத்து மாவட்ட இளைஞரணி தலைவர் அறிவுடைநம்பி, புத்தன், சித்தர்காடு செல்வராஜ்,  கொள்ளிடம் நகர தலைவர் பாண்டியன், சீர்காழி ஒன்றியத் தலைவர் சந்திரசேகரன்.

தஞ்சை மாவட்டம் :

மாவட்ட தலைவர் வழக்குரைஞர் சி.அமர்சிங், மாவட்ட செயலாளர் வழக்குரைஞர் அ.அருணகிரி, மண்டல மகளிரணிச் செயலாளர் கலைச்செல்வி, மாவட்ட துணைச் செயலாளர் சந்துரு, மகளிர் பாசறை அமைப்பாளர், அஞ்சுகம் , வல்லம் அழகிரி, தஞ்சை மாநகரச் செயலாளர் டேவிட், உரத்தநாடு உத்திராபதி, நகர துணைச் செயலாளர் சக்திவேல், குளமங்கலம் கிளைக் கழக அமைப்பாளர் சின்னய்யன், மாவட்ட இளைஞரணி துணைத் தலைவர் விஜயகுமார், நகர இளைஞரணி துணைத் தலைவர் பெரியார் செல்வம்.

குடந்தை மாவட்டம் :

மாவட்டத் தலைவர் கு.நிம்மதி, மாவட்ட செயலாளர் துரைராசு, மாவட்ட அமைப்பாளர் அழகுவேல், மாவட்ட துணைத் தலைவர் தமிழ்மணி, குடந்தை ஒன்றியத் தலைவர் ஜில்ராஜ்,     திருவிடைமருதூர் ஒன்றிய துணைச் செயலாளர் முருகானந்தம், மாவட்ட இளைஞரணித் தலைவர் க.சிவகுமார், மாவட்ட மகளிரணி துணைச் செயலாளர் திரிபுரசுந்தரி, குடந்தை மாநகரச் செயலாளர் ரமேஷ், மாவட்ட மகளிரணி தலைவர் ஜெயமணிக்குமார், சோழபுரம் நகரச் செயலாளர் மதியழகன், சோழபுரம் நகர அமைப்பாளர் முருக பாண்டியன், திருவிடைமருதூர் ஒன்றியத் தலைவர் கணேசன், நரசிங்கம் பேட்டை அசோகன், திருமருகல் ராமநாதன், திருவிடை மருதூர் துணைத் தலைவர் சிவக்குமார், குருமூர்த்தி, திராவிடபாலு, கலியமூர்த்தி, திருஞான சம்பந்தம், பெரியார் கண்ணன், நகராஜன், வரதராஜன், கணேசன், பட்டம் மோகன், துகிலி தமிழ்மணி, கோவண்ணன், ரமேஷ், சித்தார்த்தன்.

நாகை மாவட்டம் :

மாவட்டத் தலைவர் வி.எஸ்.டி.எ. நெப்போலியன், மாவட்ட அமைப்பாளர் பொன்.செல்வராசு,  மண்டல இளைஞரணி செயலாளர் சூ. ராஜ்மோகன், திருமருகல் ஒன்றிய தலைவர் மு.சின்னதுரை, திருமருகல் ஒன்றிய செயலாளர் சு.ரமேஷ், கீழ்வேளூர் ஒன்றிய தலைவர் ரெ.துரைசாமி, மாவட்ட இளைஞரணி தலைவர் கி.சுரேஷ் , மாவட்ட இளைஞரணி செயலாளர் வெ.தீபன் சக்ரவர்த்தி, வி.இளையராஜா, மாணவர் கழகம் லெ.மணிகண்டன்.

திருவாரூர் மாவட்டம் :

மாவட்டத் தலைவர் வீ. மோகன், மாவட்டச் செயலாளர் வீர.கோவிந்தராசு, திருவாரூர் மண்டலச் செயலாளர் கிருட்டினமூர்த்தி, குடவாசல் ஒன்றிய தலைவர் ஜெயராமன் குடவாசல்  பிரபாகரன், திருவாதிரை மங்கலம் ராஜேந்திரன், மாவட்ட இளைஞரணி தலைவர் பிளாட்டோ, வடுககரைபழனிச்சாமி, முருகய்யன்.

விருத்தாசலம் கழக மாவட்டம் : 

மாவட்டச் செயலாளர் ப.வெற்றிச் செல்வன், மாநில இளைஞரணிச் செயலாளர் த.சீ.இளந்திரையன், விருத்தாசலம் ஒன்றிய தலைவர் கி.பாலமுருகன் விருத்தாசலம் ஒன்றிய செயலாளர் கா.குமரேசன் வேப்பூர் வட்டாரத் தலைவர் பி.பழனிச்சாமி விருத்தாசலம் நகர செயலாளர் த.சேகர், மாவட்ட இளைஞரணித் தலைவர் செ.சிலம்பரசன், மாவட்ட மாணவர் கழகதத் தலைவர் செ.ராமராஜ், கழுதூர் மா.இளங்கோவன், கா.அறிவழகன், பெரியநெசலூர் ஆ.செந்தில்.

காரைக்கால் மண்டலம்:

மண்டலத் தலைவர் குரு. கிருஷ்ணமூர்த்தி, மண்டலச் செயலாளர் பொன்.பன்னீர்செல்வம், மண்டல இளைஞரணி தலைவர் மு.பி. பெரியார் கணபதி, மண்டல மாணவர் கழக செயலாளர் சே.சசிகுமார், மண்டல இளைஞரணி தினேஷ்குமார்,குபேரன், மனோ.

கடலூர் மாவட்டம் :

 மாவட்டத் தலைவர் சொ.தண்டபாணி, மாவட்டச் செயலாளர் தென் .சிவகுமார், வடலூர் நகரத் தலைவர்,புலவர் இராவணன், மாவட்ட இளைஞரணிச் செயலாளர் கோ.வேலு, இரா.வேணுகோபால் ப.க ஆசிரியரணி பெரியார் செல்வன், வடலூர் வீரசுந்தரம், கடலூர் நகரத் தலைவர் க.எழிலேந்தி, சி.எழிலரசு, பெரியார் பெருந்தொண்டர் தி.மாதவன் .

சிதம்பரம் கழக மாவட்டம்:

மாவட்டச் செயலாளர் அன்பு. சித்தார்த்தன், மாவட்ட இணைச் செயலாளர் யாழ்திலீபன்,  மாவட்டத் துணைத் தலைவர் மழவை கோ.வி.பெரியார்தாசன், மாவட்ட இளைஞரணித் தலைவர் அ.சுரேஷ் ஏ.பி.இராமதாசு நகரத் தலைவர் இரா.செல்வரத்தினம், ஒன்றியத் தலைவர் ஆனந்த பாரதி, அஸ்வின்குமார், அருண்.

அரியலூர் மாவட்டம் : 

மாவட்டத் தலைவர் விடுதலை நீலமேகம், மண்டலத் தலைவர் கோவிந்தராஜன்,  மண்டலச் செயலாளர் சு.மணிவண்ணன்,  பொதுக்குழு உறுப்பினர் சி.காமராஜ் , மாவட்ட அமைப்பாளர் ரத்தின .ராமச்சந்திரன்,  சிவக்கொழுந்து  மண்டல இளைஞரணிச் செயலாளர் பொன்.செந்தில்குமார் அரியலூர் ஒன்றியச் செயலாளர் கோபாலகிருஷ்ணன், செந்துறை ஒன்றியத் தலைவர் உமாசங்கர்  செந்துறை ஒன்றிய செயலாளர் முத்தமிழ்ச் செல்வன், ஒன்றிய இளைஞரணி அமைப்பாளர் திருமால்.

விடுதலை தமிழ் புலிகள் கட்சி :

துணைப் பொதுச் செயலாளர் தளபதி சுரேஷ், தஞ்சை வடக்கு மாவட்ட துணைச் செயலாளர் குபேந்திரன், குடந்தை வடக்கு ஒன்றிய செயலாளர் முரளி, திருவிடைமருதூர் வடக்கு ஒன்றிய செயலாளர் அசுரன், குடந்தை தெற்கு ஒன்றிய செயலாளர் சந்திரன், குடந்தை வடக்கு ஒன்றிய துணைச் செயலாளர் ஹிட்லர், கொரடாச்சேரி ஒன்றிய செயலாளர் பாரதி திருவிடைமருதூர் ஒன்றியத் தலைவர் ராஜேந்திரன், குடந்தை வடக்கு ஒன்றிய துணைச் செயலாளர் அலெக்ஸ்.

மார்க்சிஸ்ட் கம்யூனிஸ்ட் கட்சி குத்தாலம் நகர செயலாளர் சுந்தர்.

தந்தை பெரியார் தி.க: மாவட்டத் தலைவர் இரா.பரசுராமன்,  சீர்காழி நகரச் செயலர் பார்த்திபன், கொள்ளிட ஒன்றியச் செயலாளர் பா.பாக்கியராசு மற்றும் 15 தோழர்கள் உள்பட 500-க்கும்  மேற்பட்ட தோழர்கள் மறியலில் கலந்து கொண்டனர்.

திருவாவடுதுறைப் பட்டினப் பிரவேசம்: திருவாவடுதுறையில் நடந்தது என்ன? காவல்துறை நடத்திய நயவஞ்சக நாடகம்!: கழகத் துணைத்தலைவர் அறிக்கை

  February 08, 2022 • Viduthalai

மயிலாடுதுறை வட்டம், திருவாவடுதுறை யில் உள்ள ஆதினகர்த்தரின் பட்டினப் பிரவேசம் 7.2.2022 அன்று நடக்க இருப்பதாகத் தகவல் அறிந்த நிலையில், மனிதனை மனிதன் தூக்கிச் சுமக்கும் மனித உரிமை மீறலைக் கண்டிக்கும் வகையில் முற்றுகைப் போராட்டம் நடைபெறும் என்று திராவிடர் கழகத்தின் சார்பில் மயிலாடுதுறை காவல் நிலையத்தில் மயிலாடுதுறை மாவட்ட திராவிடர் கழகத்தின் தலைவர் மானமிகு ஆ.ச.குணசேகரன் 3.2.2022 அன்று கடிதத்தை முறைப்படி கொடுத்தார்.

காவல்துறை மறுப்பு

அத்தகு போராட்டத்திற்கு அனுமதி மறுத்து மயிலாடுதுறை காவல்துணைக் கண்காணிப்பாளரால் கடிதம் கொடுக்கப் பட்டது. (7.2.2022).

கழகத் துணைத் தலைவரின் கடிதம்

அதனைத் தொடர்ந்து திராவிடர் கழகத் துணைத் தலைவர் கலி.பூங்குன்றன், காவல்துறைத் தலைமை இயக்குநர் (டிஜிபி) அவர்களுக்கும், அதன் நகல் மயிலாடுதுறை துணைக் கண்காணிப்பாளருக்கும் ‘ஆன்லைன்’ மூலம் கீழ்க்கண்ட கடிதம் அனுப்பப்பட்டது.

பெறுநர்:

காவல்துறை தலைமை இயக்குநர்,

சென்னை

அன்புடையீர்! வணக்கம்.

பொருள்:  மனித உரிமைக்கு எதிராக மனிதனை மனிதன் சுமக்கும் - பட்டினப் பிரவேசம் - தடுப்பு மறியல் பற்றி....

பார்வை:  காவல் துணைக் கண்காணிப் பாளர் மயிலாடுதுறை உட்கோட்டம் அவர்களின்

ந.க.எண். 09/800-M-V / 2022 நாள்: 7.2.2022

மயிலாடுதுறை உட்கோட்டம் குத்தாலம் காவல் நிலைய சரகம் திருவாவடுதுறை ஆதீனகர்த்தர் இன்று (7.2.2021) பட்டினப் பிரவேசம் நடத்த உள்ளார்.

(1) பட்டினப் பிரவேசம் என்பது மனிதனை மனிதன் சுமக்கும் மனித உரிமைக்கு எதிரானதாகும்.

(2) இதே ஆதீனகர்த்தர் 40 ஆண்டுகளுக்குமுன் பட்டினப் பிரவேசம் நடத்த முயன்றபோது, திராவிடர் கழகம் மறியல் - போராட்ட அறிவிப்புக் கொடுத்த நிலையில், பட்டினப் பிரவேசத்தை நடத்தாமல் நிறுத்திக் கொண்டார். இந்நிலையில், இப்பொழுது மீண்டும் நடத்துவது எப்படி என்பது முக்கியமானது - கவனிக்கத்தக்கது.

(3) திருப்பனந்தாளில் தருமபுர ஆதீனகர்த்தர் பட்டினப் பிரவேசம் நடத்திட முற்பட்டபோது, திராவிடர் கழக போராட்டத்தால் பட்டினப் பிரவேசத்தை நிறுத்திக் கொண்டார் (12.2.2020).

(4) நாகப்பட்டினம் மாவட்டம் திருப்புகலூரில் வேளாக்குறிச்சி ஆதீனகர்த்தர் பட்டினப் பிரவேசம் தன் மனைவியுடன் நடத்தத் திட்டமிட்ட நிலையில், திராவிடர் கழகம் மறியல் - போராட்டம் அறிவித்த நிலையில், காவல்துறை தலையிட்டு பட்டினப் பிரவேசம் நடத்துவது இல்லை என்று எழுதி வாங்கியது (30.1.2022).

(5) உண்மை நிலைகள் இவ்வாறு இருக்க, திருவாவடுதுறை ஆதீனம் பட்டினப் பிரவேசம் நடத்திட காவல்துறை அனுமதியளிப்பதும், மனிதனை மனிதன் சுமக்கும் மனித உரிமைக்கு எதிராக நடத்தப்படும் திராவிடர் கழகத்தின் போராட்டத்திற்கு அனுமதி மறுப்பதும் அதிர்ச்சிக்கு உரியது.

(6) திருப்பனந்தாள், திருப்புகலூர் பட்டினப் பிரவேசத்துக்கு ஒருவகை அணுகுமுறை, திருவாவடுதுறைக்கு வேறு மாறான அணுகுமுறையைக் காவல் துறை மேற்கொள்வதுபற்றி மறுபரிசீலனை செய்யக் கோருகிறோம்.

(7) மனிதனை மனிதன் இழுக்கும் கை ரிக்ஷா ஒழிக்கப்பட்ட மாநிலம் தமிழ்நாடு.

(8) சங்கராச்சாரியார்களே பல்லக்கைத் துறந்துவிட்டனர்.

(9) தந்தை பெரியாரும், சுயமரியாதை இயக்கமும் பாடுபட்ட திராவிட இயக்க மண்ணிலே- தமிழ் மண்ணிலே, அதுவும் தந்தை பெரியார் பிறந்த நாளை சமூகநீதி நாளாக அறிவித்து - அரசு அதிகாரிகள்முதல் கடைநிலைப் பணியாளர்கள்வரை உறுதிமொழி எடுக்கவேண்டும் என்று ஆணை பிறப்பித்து செயல்படுத்திய சமூகநீதிக்கான சரித்திர நாயகர் மாண்புமிகு மு.க.ஸ்டாலின் தலைமையில் நடக்கும் ஓர் ஆட்சியில் - சமூகநீதிக்கும், மனித உரிமைக்கும் எதிரான பட்டினப் பிரவேசத்தை அனுமதித்து, மனித உரிமை, சுயமரியாதை அடிப்படையில், போராடுவதற்கு அனுமதி மறுப்பது சாலச் சிறந்த செயல் அல்ல என்பதைத் தெரிவித்து, திருப்பனந்தாள், திருப்புகலூரில் பட்டினப் பிரவேசத்தை நிறுத்த ஆவன செய்ததுபோல,

திராவிடர் கழகம் மற்ற கட்சிகளும், அமைப்புகளும் இணைந்து திருவாவடு துறையில் இன்று (7.2.2022) நடத்தவிருக்கும் போராட்டத்திற்கு இடம் கொடுக்காமல் ஆவன செய்யக் கோருகிறோம்.

தங்கள்

(கலி.பூங்குன்றன்)

துணைத் தலைவர்

நகல்: காவல் துணைக் கண்காணிப்பாளர்,

மயிலாடுதுறை

காவல்துறை அதிகாரி சொன்னது என்ன?

7.2.2022 அன்று பிற்பகல் 3.30 மணி அளவில் மயிலாடுதுறை காவல்துறை துணைக் கண்காணிப்பாளர், கழகப் பொதுச் செயலாளர் தஞ்சை இரா.ஜெயக்குமாரிடமும், கழகத் துணைத் தலைவரிடமும் கைப்பேசி வழியாக, ‘பட்டினப் பிரவேசத்துக்கு அனுமதி மறுக்கப்பட்டு விட்டது - அரசு தரப்பில் எங்களுக்குத் தாக்கீது வந்துள்ளது’ என்றும் கூறினார்.

காவல்துறை மாவட்டக் கண்காணிப்பாளர் கழகத் துணைத் தலைவரிடம்

கூறியது என்ன?

இரவு 7.30 மணி அளவில் மயிலாடுதுறை மாவட்டக் காவல்துறைக் கண்காணிப்பாளர் கைப்பேசி மூலம், திராவிடர் கழகத் துணைத் தலைவரிடம் ‘பட்டினப் பிரவேசத்துக்கு அனுமதியில்லை; பட்டினப் பிரவேசம் நடக்காது; உங்கள் கழகத் தோழர்களைக் கலைந்து செல்லச் சொல்லுங்கள்; என் பேச்சை நம்புங்கள்’ என்று உறுதிபடக் கூறினார்.

துணைத் தலைவர் கூறியது என்ன?

‘எங்கள் தோழர்களால் பிரச்சினை ஏற்படாது; அதே நேரத்தில் பட்டினப் பிரவேசம் தொடர்பாக அதிகாரிகள் அதிகாரப் பூர்வமாக கழகப் பொறுப்பாளர்களிடம் சொல்லும் வரை கழகத் தோழர்கள் அங்கு இருப்பார்கள் - அவர்களால் எந்த அசம்பாவிதமும் நடக்காது; நான் உறுதி கூறுகிறேன்’ என்று கழகத் துணைத் தலைவர் மாவட்டக் காவல்துறைக் கண்காணிப்பாளரிடம் கூறினார்.

திராவிடர் கழகத் தோழர்கள் கைது

அதற்கு மேல் இரவு 8.45 மணிக்கு திராவிடர் கழகத் தோழர்களை கைது செய்து, குற்றாலத்தில் ஒரு மண்டபத்தில் வைத்தனர்.

காவல்துறையின் நயவஞ்சக நாடகம்

பிறகு நடந்ததுதான் காவல்துறையின் நயவஞ்சக நாடகம் என்பது புரிந்தது.

இரவு 9.45 மணிக்கு காவல்துறை மாவட்டக் கண்காணிப்பாளர், துணைக் கண்காணிப்பாளர் மற்றும் நூற்றுக்கணக்கான காவல்துறையினரின் பாதுகாப்போடு பட்டினப் பிரவேசம் “சாங்கோ பாங்கமாக” நடத்தப்பட்டுள்ளது.

இரவு 1 மணிக்கு கழகத் தோழர்கள் விடுதலை

இரவு ஒரு மணிக்கு கைது செய்யப்பட்ட திராவிடர் கழகத் தோழர்கள் விடுதலை செய்யப்பட்டுள்ளனர்.

இந்தத் தொடர் நிகழ்ச்சிகள்

காட்டுவது என்ன?

இந்தத்தொடர் நிகழ்ச்சிகள் காட்டுவது என்ன? நிரூபிப்பது என்ன?

1. பட்டினப்பிரவேசத்துக்கு அனுமதியில்லை என்று காவல்துறை அதிகாரி சொன்னது என்ன?  அது பொய்யான தகவலா? பட்டினப் பிரவேசத்துக்கு அனுமதியில்லை என்று அரசுத் தரப்பில் தாக்கீது வந்தது உண்மை என்றால் பட்டினப் பிரவேசம் எப்படி நடந்தது? அப்படியானால் அரசின் உத்தரவை மீறி, பட்டினப் பிரவேசம் நடத்திட காவல்துறை அதிகாரிகள் அனுமதியளித்தனரா?

காவல்துறைக்கும், ஆதீனகர்த்தருக்கு மிடையே நடந்தது என்ன? எது உண்மை என்று தெரிவிக்கப்பட்டாக வேண்டும்.

காவல்துறையும் -

பொதுமக்கள் மரியாதையும்

இதுதான் காவல்துறையின் அணுகுமுறை என்றால் காவல்துறை மீது பொதுமக்களுக்கு எந்த அளவு மரியாதை ஏற்படும்? இது ஒரு நயவஞ்சக நாடகம் அல்லவா! - சினிமாவில் வில்லர்கள் நடந்து கொள்வது போல் இல்லையா இது?

திராவிடர் கழகத்தை ஏமாற்றிடவில்லை, ஏமாற்றியதாக காவல்துறைதான் நாண வேண்டும்.

இது ஏதோ திராவிடர் கழகத்துக்கு மட்டும் சம்பந்தப்பட்டட பிரச்சினை அல்ல. கை ரிக்ஷா ஒழிக்கப்பட்ட ஒரு மாநிலத்தில் மனிதனை மனிதர்கள் சுமக்கும் அநாகரிகம் - அவமானம் - மனித உரிமை மீறலை அனுமதிக்கப் போகிறோமா?

தந்தை பெரியாரும், சுயமரியாதை இயக்கமும், திராவிட இயக்கமும் ஒரு நூற்றாண்டு பாடுபட்டது இதற்காகவா?

மனித உரிமைக்கும், சுயமரியாதைக்கும், சமத்துவத்துக்கும், கேரள மாநிலம் வைக்கம் வரை சென்று போராடி வெற்றி பெற்ற வைக்கம் வீரர் தந்தை பெரியார் பிறந்த மண்ணில் மனிதனை மனிதன் சுமக்கும் மனித அவமரியாதை நடந்திருப்பது அவமானகரமானது.

அரசு தாக்கீதை மீறி காவல்துறை தன்னிச்சையாக செயல்பட்டதா? இதுகுறித்து தமிழ்நாடு அரசு தரும் விளக்கத்தைப் பொறுத்து, திராவிடர் கழகத்தின் அடுத்தக்கட்ட நடவடிக்கை இருக்கும்.

அரசியலைக் கடந்து கொள்கைக்காக தன் உயிரையும் துச்சமாக மதித்துப் போராடும் - பாடுபடும் திராவிடர் கழகம், கருப்புச்சட்டைத் தொண்டர்கள் என்பதையும் அறுதியிட்டு தெரிவித்துக் கொள்கிறோம்.

- கலி.பூங்குன்றன்

 துணைத் தலைவர்,

 திராவிடர் கழகம்

சென்னை                    

8.2.2022