அனைத்து மாநில ஆளுநர்களும் புரிந்து, இனியாவது ''அடக்கிவாசிக்க''வேண்டும்!

 Viduthalai  November 24, 2023  ஆசிரியர் அறிக்கை,

 உச்சநீதிமன்றத்தின் ஆணை - பஞ்சாப் ஆளுநருக்கு மட்டுமல்ல; எல்லாப் பகுதி ஆளுநர்களுக்கும் பொருந்தக்கூடியதே!

தமிழ்நாட்டு மக்களின் பொறுமைக்கு இனிமேலும் சோதனை வரக்கூடாது!

தமிழர் தலைவர்  ஆசிரியர் விடுத்துள்ள முக்கிய அறிக்கை

மாநில சட்டமன்றம் நிறைவேற்றிய மசோதாக்களைத் திருப்பி அனுப்ப முடியுமே தவிர, நிறுத்தி வைக்க, செயல்படாமல் அதைச் செய்யும் ‘வீட்டோ பவர்' (Veto Power) ஆளுநருக்கு அரசமைப்புச் சட்டப்படி கிடையாது என்ற உச்சநீதிமன்றத்தின் ஆணை - கருத்தாக்க விளக்க ஆணை பஞ்சாப் ஆளுநருக்கு மட்டுமல்ல; உச்சநீதிமன்ற அதிகாரம் உள்ள எல்லாப் பகுதி ஆளுநர்களுக்கும் பொருந்தும் ஆணை என்பதை தமிழ்நாடு ஆளுநர் உள்பட அனைத்து மாநில ஆளுநர்களும் புரிந்து, இனி அடக்கிவாசிக்க வேண்டும். தமிழ்நாட்டு மக்களின் பொறுமைக்கு இனியும் சோதனை வரக்கூடாது என்று திராவிடர் கழகத் தலைவர் ஆசிரியர் கி.வீரமணி அவர்கள் அறிக்கை விடுத்துள்ளார். 

அவரது அறிக்கை வருமாறு:

ஆளுநர்களின் அதிகார துஷ்பிரயோகத்திற்கு எதிராக ஆணி அடிப்பதுபோன்றது!

அடாவடியாக ஆளுநர்கள் சிலர் - எதிர்க்கட்சிகள் ஆளும் மாநிலங்களில், மக்களால் தேர்ந்தெடுக்கப்பட்ட அரசினர், தேர்தல் வாக்குறுதிகளை செயல்படுத்தும் வகையில் சட்டமன்றத்தில் நிறைவேற்றப்படும் சட்ட வரைவுகளுக்கு (மசோதாக்களுக்கு) ஒப்புதல் தராமல், ஆண்டுக்கணக்கில் கிடப்பில் போட்டு, ஏதோ தங்களுக்கே தனி அதிகாரம் இருப்பதுபோல, எதேச்சதிகார மனப்பான்மையுடன் நடந்துகொண்டுவரும் போக்கினை எதிர்த்து, பஞ்சாப், கேரளா, தெலங்கானா, தமிழ்நாடு ஆகிய மாநில அரசுகள் உச்சநீதிமன்றத்தில் வழக்குகளைத் தாக்கல் செய்தன;  ஆளுநர்கள், உரிய சட்டப்பூர்வமான அரசமைப்புச் சட்டக் கடமைகளை நிறைவேற்றவேண்டும் என்பதற்காக போடப்பட்ட அவ்வழக்குகள் விசாரணைக்கு வந்தபோது, உச்சநீதிமன்றம் கூறிய கருத்துகளும், தெளிவுரைகளும் ஆளுநர்களின் அதிகார துஷ்பிரயோகத்திற்கு எதிராக ஆணி அடிப்பது போன்று அமைந்துள்ளன.

இதன்படி, பாதிக்கப்பட்ட மாநில அரசுகள் (தமிழ்நாட்டு தி.மு.க. அரசு உள்பட) பலருக்கு உரிய நியாயம் கிடைக்கும்;  அரசமைப்புச் சட்டத்தை ஆளுநர்கள் அவமதித்து திசை திருப்பும் திருகுதாள முறைக்கு இனி முற்றுப்புள்ளி வைக்கப்படும் என்பது தெளிவாகிறது!

அரசியல் அருவருப்பின் உச்சம்!

தமிழ்நாட்டில் உள்ள ஆளுநர் ஆர்.என்.ரவி, பதவியேற்ற தொடக்கத்திலிருந்தே, அவர் ஏதோ ஆளுநர் ஆட்சி (Governor Rule -Article 356) நடைபெறுவதுபோல, அதீதமாக நடந்து கொள்வது அரசியல் அருவருப்பின் உச்சத்திற்கே சென்றுள்ளது.

இதற்கு டில்லி ஒன்றிய ஆட்சியாளரின் ‘‘சமிக்ஞையும், கண் ஜாடையும்'', வெளிப்படையான ஆதரவுமே மூலகாரணம் என்பதை நாட்டில் உள்ள சாதாரண குடிமகனால்கூட புரிந்துகொள்ள முடியும்!

முன் உதாரணமற்ற தரந்தாழ்ந்த செயல்!

தமிழ்நாடு சட்டமன்றத்தின் வரலாற்றிலேயே ஓர் ஆளுநர், எதிர்க்கட்சித் தலைவர்களைப்போல் வெளிநடப்புச் செய்தது விவஸ்தையற்ற நடவடிக்கையே! அரசு - அமைச்சரவை தயாரித்து ஒப்புதல் அளித்த தனது சட்டமன்ற உரையில், தமிழ்நாட்டுப் பெருந்தலைவர் களின் பெயரையே விட்டுவிட்டுப் படிப்பது - அதில் இல்லாததை இணைத்துச் சொல்வது போன்றவை ஜனநாயக மரபுக்கும், மாண்புக்கும் ஊறுவிளைவிக்கும் முன் உதாரணமற்ற தரந்தாழ்ந்த செயல்களாகும்!

10 மசோதாக்களைக் காலவரையின்றிக்  கிடப்பில் போடுவது - அரசு நிர்வாகம் சீர்குலைவு அடையும் வகையில் அன்றாடம் ஓர் அரசின் மூலாதாரக் கொள் கைகளை எதிர்த்து குற்றச்சாட்டுகளைக் கூறுவது, குழந்தைத் திருமணங்களை ஆதரித்து, ஊக்குவிப்பது போல, குற்றவாளிகளைக் காப்பாற்றும் வகையில் சில நிகழ்வுகளில் நடந்துகொள்வது போன்ற பலவற்றையும் செய்தார்.

ஆளுநர்களின் அதீதத்திற்கு வைக்கப்படும் முற்றுப்புள்ளி!

கடந்த மூன்று ஆண்டுகளாக ஆளுநர் (கிடப்பில் போட்ட மசோதாக்கள் மற்றும் பல கோப்புகள்பற்றி) என்ன செய்தார்? என்று உச்சநீதிமன்ற நீதிபதிகள் கேட்டகேள்வியும், பஞ்சாப் மாநில அரசு தொடர்ந்த வழக்கில், ‘‘அலங்கார பதவிதான் ஆளுநர் பதவியே தவிர, அவர்களுக்கென தனியே, பிரத்தியேக ஆளுமை செய்யும் அதிகாரம் பெற்றுள்ள பதவி அது அல்ல'' என்பதையும், ‘‘சட்டமன்றம் நிறைவேற்றிய மசோதாக் களைத் திருப்பி அனுப்ப முடியுமே தவிர, நிறுத்தி வைக்க, செயல்படாமல் அதைச் செய்யும் ‘வீட்டோ பவர்' (Veto Power) ஆளுநருக்கு அரசமைப்புச் சட்டப்படி கிடையாது'' என்று ஓங்கியடித்துக் கூறியுள்ளது அவர்களது அதீதத்திற்கு வைக்கப்படும் முற்றுப்புள்ளி யேயாகும்!

அரசமைப்புச் சட்டம்பற்றிய தெளிவுரையாகக் கொள்ளவேண்டிய ஓர் ஆவணமாகும் - சரியான சட்ட விளக்கமுமாகும்.

உடனடியாக ஒப்புதல் அளிப்பதைத் தவிர வேறு வழியே ஆர்.என்.ரவிக்கு இல்லை!

இதன்படி, தமிழ்நாடு சட்டமன்றத்தின் சிறப்புக் கூட்டத்தை கடந்த 18 ஆம் தேதி கூட்டி, மீண்டும் 10 மசோதாக்களை நிறைவேற்றி, இரண்டாம் முறையாக தமிழ்நாடு ஆளுநர் ஆர்.என்.ரவி அவர்களுக்கு அனுப்பிவிட்ட நிலையில், அதற்கு உடனடியாக ஒப்புதல் (Assent)  அளிப்பதைத் தவிர வேறு வழியே தமிழ்நாடு ஆளுநருக்கு இல்லை.

மீறி, வீம்புக்குக் காலதாமதம் செய்தாலோ, வேறு குறுக்குச்சால் ஓட்டினாலோ அடுத்தகட்டமாக உச்சநீதி மன்ற அவமதிப்பு வழக்கையும் தமிழ்நாடு அரசு மட்டு மல்ல; தமிழ்நாட்டு அரசினைத் தேர்ந்தெடுத்த அத் துணை வாக்காளர்ப் பெருமக்களும், அமைப்புகளும்கூட தாக்கல் செய்யும் வழக்கு சட்டப் போராட்டத்தின் அடுத்த கட்டத்திற்கு வழிவகுப்பதாகவே அது ஆகி விடக் கூடும்.

எனவே, ‘‘குளவிக்கூட்டில் கைவிட்டு கலைத்த கதை''யில் உள்ளவர்களுக்கு இனியாவது தங்கள் உயரம் என்ன? தங்களது அதிகாரம் எந்த அளவுள்ள ஒன்று என்பதைப் புரிந்துகொள்வதும், புரிந்து செயல்படுவதும் அவசரம், அவசியமாகும்!

அனைத்து மாநில ஆளுநர்களும் இனி அடக்கிவாசிக்கவேண்டும்!

உச்சநீதிமன்றத்தின் இந்த ஆணை - கருத்தாக்க விளக்க ஆணை பஞ்சாப் ஆளுநருக்கு மட்டுமல்ல; உச்சநீதிமன்ற அதிகாரம் உள்ள எல்லாப் பகுதி ஆளுநர் களுக்கும் பொருந்தும் ஆணை என்பதை தமிழ்நாடு ஆளுநர் உள்பட அனைத்து மாநில ஆளுநர்களும் புரிந்து, இனி அடக்கிவாசிக்கவேண்டும்.

தமிழ்நாட்டு மக்களின் பொறுமைக்கு இனியும் சோதனை வரக்கூடாது!

ஆசிரியர் கி.வீரமணி 

தலைவர்,

திராவிடர் கழகம்

சென்னை

24.11.2023

ஆரியர் - திராவிடர்பற்றி ஆளுநர் ஆர்.என்.ரவி "ஆளுநர் மாளிகையே... அடக்கிடு வாயை..." - டி.ஆர்.பாலு எம்.பி., கண்டனம்

Viduthalai  October 25, 2023  அரசு, தமிழ்நாடு,

சென்னை,அக்.25 - ஆரியர் - திராவிடர்பற்றி தமிழ்நாடு ஆளுநர் ஆர்.என்.ரவி சர்ச்சைக்குரிய கருத்துகளை வெளியிட்டுள்ளதைக் கண்டித்து திராவிட முன்னேற்றக் கழகப் பொருளாளரும், நாடாளுமன்றக் குழுத் தலைவருமான டி.ஆர்.பாலு எம்.பி., கண்டனம் தெரிவித்து அறிக்கை வெளியிட்டுள்ளார். அவரது அறிக்கை வருமாறு, தமிழ்நாட்டு மக்களின் வாக்குரிமையால் தேர்ந்தெடுக்கப் பட்ட பிரதிநிதிகள் நிறைந்த தமிழ்நாடு சட்டமன்றம் ஒருமனதாக நிறைவேற்றிய ‘நீட்' விலக்குச் சட்டமுன்வடிவு உள்ளிட்ட பல மசோதாக்கள் ஆளுநர் மாளிகையான ராஜ்பவனில் குறட்டை விட்டுக் கொண்டிருக்கிறது. அந்தச் சட்டமுன்வடிவுகளுக்கு ஒப்புதல் அளிக்க வேண்டிய ஆளுநர் ஆர்.என்.ரவி அவர்கள், தன் பொறுப்பை நிறைவேற்றாமல், மக்கள் வரிப்பணத்தில் ஊர் ஊராகச் சுற்றி, நிகழ்ச்சிகளை நடத்தி, மக்களால் தேர்ந்தெடுக்கப்பட்ட அரசுக்கு எதிராகவும், தமிழ்நாட்டு மக்களின் உணர்வுக்கு எதிராகவும் தொடர்ந்து பேசி வருவது, அரசியல் சாசனத்திற்கு அவர் செய்கின்ற துரோகம்! ஆளுநர் பொறுப்பேற்பவர்கள் அரசியல்வாதி போல செயல்படவோ. பரப்புரைச் செய்யவோ மாட்டார்கள். அந்த மரபுக்கு மாறாக, அப்பட்டமான ஆர்.எஸ்.எஸ். பிரதிநிதியாக, ஒன்றிய பா.ஜ.க. அரசின் ஊதுகுழலாக ஆளுநர் ஆர்.என்.ரவி அவர்கள் செயல்படுவதோடு, தமிழ்நாட்டின் பண்பாடு, வரலாறு, நம் தாய்மொழியாம் தமிழ்மொழியின் உயர்வு இவற்றுக்கு எதிராகத் தொடர்ந்து உளறிக் கொண்டிருக்கிறார். ‘தமிழ்நாடு' என்று சொல்லாதீர்கள், ‘தமிழகம்' என்றுதான் சொல்ல வேண்டும் என்று உளறினார். சமஸ்கிருதத்தை முன்வைத்து தமிழைப் பின் தள்ளினார். வேதங்களைப் பார்த்து திருக்குறள் எழுதப்பட்டதாகச் சொன்னார். எவ்வித ஆதாரமுமின்றி இப்படி பச்சைப் பொய்களைச் சொல்வதுடன், திராவிடம் என்ற கருத்தியல் பற்றி அவர் உளறிக் கொட்டுவது ஒவ்வொரு மேடையிலும் வழக்கமாக இருக்கிறது. சுதந்திரப் போராட்ட வீரர்களை மதிக்கவில்லையா? வெள்ளையரை எதிர்த்து வீரப் போர் புரிந்து, உயிரைத் துச்சமென நினைத்து, மரணத்தை முத்தமிட்ட மாவீரர்கள் மருது சகோதரர்களின் தியாகத்தைத் தமிழ்நாடு அரசு போற்றிவரும் நிலையில், மருதிருவர் விழா ஒன்றில் பங்கேற்ற ஆளுநர் ரவி பச்சைப் பொய்களை கொட்டி கடை விரித் திருக்கிறார். தமிழ்நாட்டில் விடுதலைப் போராட்டத் தியாகி களின் வரலாற்றைத் தேடிப் பார்த்தாராம். அவருக்கு எதுவுமே கிடைக்கவில்லையாம். தமிழ்நாடு அரசு தியாகிகளை மறந்து விட்டதாம். பா.ஜ.க. தலைவர்கள் எப்படி அன்றாடம் பொய் பேசி, வதந்தி பரப்புகிறார்களோ, அவர்களுக்குப் போட்டியாக, தமிழ்நாட்டின் பா.ஜ.க. தலைவராக வேண்டும் என்ற ஆசையில் ஆளுநரும் பொய்யாகவே பேசுகிறார். பூலித்தேவன், வீரபாண்டிய கட்டபொம்மன், மருது சகோதரர்கள், வேலு நாச்சியார், வீரன் அழகுமுத்துக்கோன், தீரன் சின்னமலை, மகாகவி பாரதியார், கப்பலோட்டிய தமிழர் வ.உ.சி., திருப்பூர் குமரன் போன்ற எண்ணற்ற தியாகிகளை என்றென்றும் மதித்துப் போற்றுகின்ற அரசாகத் தமிழ்நாடு அரசு திகழ்ந்து வருகிறது. மருதுபாண்டியர் உள்ளிட்ட தமிழ்நாட்டின் சுதந்திரப் போராட்டத் தியாகிகளின் வர லாற்றை சித்தரிக்கும் ஊர்திகளை டில்லி குடியரசு தின விழா அணிவகுப்பில் சேர்க்க முடியாது என மறுத்து - ஒன்றிய பா.ஜ.க. அரசு திருப்பி அனுப்பிய போது இந்த ஆளுநர் ரவி எங்கே போனார்? அந்த ஊர்திகளை எல்லாம் தமிழ்நாடு முழுவதும் பயணிக்க வைத்து- ஒட்டுமொத்த தமிழ்நாட்டு மக்களும் ஓரணியில் நின்று அந்த ஊர்திகளை வரவேற்ற காட்சி ஆளுநர் மாளிகையில் அமர்ந்திருந்த திரு.ரவி மறந்து விட்டரா? அலுவலகத்தில் தேசியக் கொடியையே ஏற்றாமல் இருந்த ஆர்.எஸ்.எஸ். பிரச்சாரகராக பவனி வரும் ரவி தனது திருவாயை ஏன் அப்போது திறக்கவில்லை? சுதந்திரப் போராட்ட தியாகிகளுக்கு மாதந்தோறும் மதிப்பூதியம் வழங்குவது தி.மு.க. அரசு முத்தமிழறிஞர் கலைஞர் அவர்கள் முதலமைச்சராக இருந்தபோது, இந்திய விடுதலையின் வெள்ளிவிழா ஆண் டில் விடுதலைக்காகப் பாடுபட்ட தமிழ்நாட்டுத் தலைவர்களில் அன்றைக்கு உயிருடன் இருந்த மூத்த தலைவர்களின் வீடு தேடிச் சென்று அவர்களுக்கு தாமிரப் பட்டயத்தை வழங்கினார் கலைஞர். தமிழ்நாடு முழுவதும் விடுதலைப் போராட்டத் தியாகிகளுக்கு மதிப்பூதியம் (பென்ஷன்) வழங்கப்பட்டது. தற்போது அந்த மதிப்பூதியம் மாதம் 20 ஆயிரமாக உயர்த்தி வழங்குகிறது ‘திராவிட மாடல்' அரசு. அது மட்டுமல்ல, விடுதலைப் போராட்டத் தியாகிகளின் குடும்பத்தாருக்கு வழங்கப்படும் ஓய்வூதியம், மாதம் 10 ஆயிரம் ரூபாய் என்பதிலிருந்து 11 ஆயிரம் ரூபாயாக உயர்த்தி வழங்கப்படும் என்று கடந்த ஆகஸ்ட் 15 அன்று விடுதலை நாளில் செயின்ட் ஜார்ஜ் கோட்டையில் கொடி யேற்றியபோது மாண்புமிகு முதலமைச்சர் அறிவித்து செயல்படுத்தி இருக்கிறார். விடுதலை நாள் உரையில் இந்திய விடுதலையில் தமிழ் நாட்டின் பங்கு முதன்மையானது, முக்கியமானது என்பதை மிகத் தெளிவாகப் பட்டியலிட்டுக் குறிப்பிட்டிருக்கிறார் மாண்புமிகு முதலமைச்சர் அவர்கள். இதோ ஒரு நீண்ட பட்டியல்! விடுதலை வீரர்களைப் போற்றிப் பாராட்டுவதில் திராவிட முன்னேற்றக் கழக அரசு யாருக்கும் சளைத்தது அல்ல. மாவீரன் பூலித்தேவனுக்கு, நினைவு மண்டபம்! பாஞ்சாலங்குறிச்சியில், வீரபாண்டிய கட்டபொம்மனுக்குக் கோட்டை! மாவீரன் சுந்தரலிங்கம் வாரிசுகளுக்கு வீடு! பாரதியின் வீடு, அரசு இல்லம் ஆனது! பெருந்தலைவர் காமராசருக்கு, மணிமண்டபம்! மூதறிஞர் இராஜாஜிக்கு, நினைவாலயம்! தில்லையாடி வள்ளியம்மாளுக்கு, மணிமண்டபம்! வீரவாஞ்சியின் உறவினருக்கு, நிதி! வ.உ.சி. இழுத்த செக்கு, நினைவுச் சின்னம் ஆனது! விடுதலைப் போராட்ட வீரர்களுக்கு, இலவசப் பேருந்து பயணம்! தியாகிகளுக்கு, மணிமண்டபம்! விடுதலைப் பொன்விழா நினைவுச் சின்னம்! தியாகி விஸ்வநாத தாஸ் வாழ்ந்த இல்லம் புதுப்பிப்பு! நேதாஜிக்கு சுபாஷ் சந்திர போசுக்குச் சிலை! தியாகி கக்கனுக்குச் சிலை! சிப்பாய் கலகத்துக்கு நினைவுத்தூண்! - இப்படி நாட்டுக்காக உழைத்த தியாகிகளைப் போற்றிய இயக்கம்தான் திராவிட முன்னேற்றக் கழகம். மொழிப்பற்று - இனப்பற்றுடன் நாட்டுப்பற்றையும் ரத்த உணர்வாகக் கொண்டவர்கள் நாம். இந்திய விடுதலையின் 75 ஆவது ஆண்டு விழாவைப் பெருவிழாவாகக் கொண்டாடினோம். மகாகவி பாரதியார் நினைவு நாளான செப்டம்பர் 11 ஆம் நாளை ‘மகாகவி நாள்’ என அறிவித்தோம். மகாகவி பாரதியார் மறைந்த நூற்றாண்டின் நினைவை முன்னிட்டு 14 அறிவிப்பினைச் செய்தோம். செக்கிழுத்த செம்மல் - கப்பலோட்டிய தமிழன் வ.உ.சிதம் பரனாரைப் பெருமைப்படுத்தும் வகையில் 13 அறிவிப்புகளை வெளியிட்டோம். கப்பலோட்டிய தமிழன் வ.உ.சி.யின் படைப்புகளைத் தொகுத்துப் பாடநூல் கழகத்தின் சார்பில் வெளியிட்டுள்ளோம். உத்தரப்பிரதேச மாநிலம் காசியில் பாரதியார் வாழ்ந்த வீடு சீரமைக்கப்பட்டது. கிண்டி காந்தி மண்டபத்தில் வீரபாண்டிய கட்டபொம்மன் திருவுருவச் சிலை அமைக்கப்பட்டது. கிண்டியில் மருது சகோதரர்கள் சிலை அமைக்கப் பட்டுள்ளது. காந்தியாரிடம் மாற்றம் தந்தது மதுரை! விடுதலைப் போராட்ட வீரர்களின் நினைவிடங்களில் ஒலி, ஒளிக் காட்சிகள் அமைத்திட நடவடிக்கை எடுக்கப்பட்டுள்ளது. தனது வாழ்நாளில் 20 முறை தமிழ்நாட்டுக்கு வந்தவர் அண்ணல் காந்தியடிகள் அவர்கள். அரையாடை அணிவது என்ற முடிவை மதுரை மண்ணில் இருந்துதான் காந்தியடிகள் எடுத்தார்கள். இதன் அடையாளமாகச் சென்னை அருங் காட்சியக வளாகத்தில் காந்தியடிகளின் நினைவுச் சிலையை அமைத்துள்ளோம். விடுதலைப் போராட்ட வீரர்களை நாம் ஏன் இந்தளவுக்குப் போற்றுகிறோம் என்றால், தமிழ்நாடுதான் விடுதலைப் போராட்டத்துக்கான விதையை முதலில் விதைத்தது. விடுதலை தாகத்தில் - விடுதலை வேகத்தில், நாட்டுப்பற்றில் நம் தமிழ் இனம் இந்தியாவில் உள்ள எந்த இனத்திற்கும் எந்தவிதத்திலும் குறைந்தது அல்ல. இப்படி பட்டியல்கள் ‘திராவிட மாடல்' அரசில் ஏராளமாக இருக்கின்றன என்பதை ஆளுநர் திரு.ரவி புரிந்து கொள்ள வேண்டும். ‘‘இந்திய விடுதலைப் போராட்டத்தின் முதல் முழக்கங்கள் வீரம் விளைந்த தமிழ் மண்ணில் தோன்றியவைதான் என்பதை நாம் பெருமிதத்தோடு நினைவு கூரமுடியும்'' என்று விடுதலை நாள் விழாவில் தமிழ்நாடு முதலமைச்சர் அவர்கள் உரையாற்றினார்கள். முதலமைச்சர் தமிழில் ஆற்றிய உரையின் ஆங்கில மொழிபெயர்ப்பை கேட்டு வாங்கிப் படித்திருந்தால் ஆளுநர் ரவிக்கு, இந்திய விடுதலைப் போராட்டத்தில் பங்கேற்ற தமிழ் நாட்டு வீரர்களைப் பற்றிய அரிச்சுவடியாவது தெரிந்திருக்கும். ஆதாரமற்ற பொய்களை வாட்ஸ்அப் வதந்திகள் போல பரப்புவதையாவது நிறுத்திக் கொண்டிருக்கலாம். பா.ஜ.க.வின் ஊதுகுழலாகப் பச்சைப் பொய்களை மட்டுமே பேசும் ஆளுநர் ரவியின் அடிவயிற்று எரிச்சல், ‘திராவிடம்’ என்ற சொல். அந்த சொல் நிலத்தைக் குறிக்கும். இனத்தைக் குறிக்கும். மொழிக்குடும்பத்தைக் குறிக்கும். இந்தியா முழுவதும் திராவிட மாடல் பற்றிப் பேசப்படுகிறது. அந்த வயிற்றெரிச்சலில், திராவிட மொழிகளின் ஒப்பிலக் கணத்தை எழுதிய இராபர்ட் கால்டுவெல் அதிகம் படிக்கா தவர் என்று விமர்சித்திருக்கிறார். கால்டுவெல் என்ன படித் தார் என்பதைவிட எத்தகைய ஆராய்ச்சி மேற்கொண்டார், அதன் விளைவு என்ன என்பதைத்தான் கவனிக்க வேண்டும். ஒருவரின் செயலும் அதன் விளைவும்தான் மக்களிடம் செல் வாக்கைத் தரும். ஆளுநர் ரவியின் பார்வைப்படி, அவர் பெருந் தலைவர் காமராசரையும் கொச்சைப்படுத்தி இருக்கிறார். திராவிட இயக்கம்பற்றி முனைவர் பட்டங்கள்! தமிழ்நாட்டில் பி.எச்.டி ஆய்வுகளுக்கு மேற்கொள்ளப் பட்ட தலைப்புகள்- குறிப்பாக திராவிடத்தைப் பற்றிய தலைப்புகள் அவருக்கு உச்சந்தலை முதல் உள்ளங்கால் வரை பித்தம் ஏறச் செய்திருக்கிறது. விடுதலைப் போராட் டத்தைப் பற்றி ஆய்வுகள் இல்லையாம். மகாகவி பாரதியைப் பற்றி, வ.உசி. பற்றி, விடுதலைப்போரில் தமிழ்நாட்டின் பங்களிப்பு பற்றி ஏராளமான ஆய்வுகள் உண்டு. பிஎச்.டியாக மட்டுமல்ல, வெகுமக்கள் வாங்கிப் படிக்கக்கூடிய புத்தகங் களாகப் பல பதிப்புகள் வெளியாகியிருக்கின்றன.அது போலவே, திராவிட இயக்கப் படைப்புகள் - படைப்பாளிகள் பற்றிய ஆய்வுகளும் நிறைந்திருக்கின்றன. இதைக் கண்டு ஆளுநர் வயிறெரிந்திருக்கிறார். தந்தை பெரியாரின் தொலைநோக்கு! விடுதலை நாளை துக்க நாளாக அறிவித்தவர்களைக் கொண்டாடுகிறார்கள் என்று நீலிக்கண்ணீர் வடித்துள்ளார் ஆளுநர் ரவி. துக்க நாள் என்று தந்தை பெரியாரும், இன்ப நாள் என்று பேரறிஞர் அண்ணாவும் ஒரே இயக்கத்தில் தங்கள் உள்ளத்துக் கருத்துகளை வெளியிட்டார்கள் என்பது தான் தமிழ்நாட்டின் வரலாறு. விடுதலையின் பயன் யாருக்குக் கிடைக்கும் என்பதை விளக்கிய பெரியார், ஆளுநர் ஆர்.என்.ரவி போன்ற பிற் போக்குவாத பத்தாம்பசலிகளின் கைகளில் அதிகாரம் சிக்கி நாசமாகும் என தொலைநோக்குப் பார்வையுடன் சொன்னார். அந்த தந்தைப் பெரியார்தான், காந்தியார் சுட்டுக் கொல்லப் பட்டபோது, இந்த நாட்டுக்கு ‘காந்தி தேசம்’ என்று பெயர் வைக்க வேண்டும் என்று தெரிவித்தார். அதே நேரத்தில், விடுதலை நாட்டின் முதல் பயங்கரவாதச் செயலாக, காந்தியாரைச் சுட்டுக் கொன்றது கொடியவன் கோட்சே கும்பல். அந்த கோட்சேவையும் காந்தி கொலை வழக்கில் குற்றம்சாட்டப்பட்டு நீதிமன்றக் கூண்டில் ஏறிய வர்களையும் கொண்டாடுகிற ‘பண்பாட்டை’க் கடைப் பிடிக்கும் இயக்கத்தின் சார்பில் ஒவ்வொரு மேடையிலும் திருவாய் மலர்கிறார் ஆளுநர் ஆர்.என்.ரவி. ‘‘வெள்ளையர் ஆட்சி ஏன் ஒழியவேண்டும்'' என்று தலையங்கம் தீட்டிய பெரியார்! திராவிட இயக்கம் பிரிட்டிஷ் ஆட்சியாளர்களுக்குச் சாதகமாக இருந்தது என்று கூவுவது ஆளுநர் மாளிகையில் தயாரிக்கப்படும் உரைகளில் அடிக்கடி இடம்பெறுகிறது. பிரிட்டிஷ் ஆட்சியாளர்களிடம் மன்னிப்புக் கடிதம் எழுதிக் கொடுத்தவர்கள் யார், ‘குடிஅரசு' ஏட்டில் ‘இந்த ஆட்சி ஏன் ஒழிய வேண்டும்’ எனத் தலையங்கம் எழுதிச் சிறை சென்றவர்கள் யார் என்பதும் வரலாற்றுப் பக்கங்களைப் புரட்டினால் புரியும். அதுவரை ‘‘ஆளுநர் மாளிகையே அடக்கிடு வாயை!'' பிரிட்டிஷ் ஆட்சியாளர்கள் உருவாக்கிய ‘கவர்னர்' என்ற நியமனப் பதவியில் வெட்கமின்றி உட்கார்ந்து கொண்டு கூச்சமில்லாமல் பொய்களைப் பேசுகிறார் ஆளுநர். திடீரென்று திருக்குறளில் “என்நன்றி கொன்றார்கும்” குறளை படித்திருக்கிறார். அதிமுக மேனாள் அமைச்சர்களின் ஊழல் கோப்புகளிலும், தமிழ்நாடு சட்டமன்றம் நிறைவேற்றி அனுப்பிய மசோதாக்களிலும் கையெழுத்திடாமல் தமிழ் நாட்டு மக்களின் வரிப்பணத்தில் ஊர்சுற்றித் திரியும் ஆளுநர் திரு.ரவிதான் அந்த குறளுக்குப் பொருத்தமானவர்! தமிழ் நாட்டு மக்களின் வரிப்பணத்தில் சுகம் அனுபவித்துக் கொண்டு- தமிழ்நாட்டு மக்களுக்கு துரோகம் செய்வதை கைவிட்டு- திருக்குறளுக்கு ஏற்ப நடக்க வேண்டும்! இல்லை யென்றால் ஆளுநர் பதவியை விட்டு விலகி- அரசியல் வாதியாக- ஏன் பா.ஜ.க.வின் தலைவராகவோ- ஆர்.எஸ்.எஸ்.-ஸின் தலைவராக ஆகட்டும்! -இவ்வாறு அவர் வெளியிட்டுள்ள அறிக்கையில் குறிப்பிடப்பட்டுள்ளது.

பல்கலைக் கழகங்களை காவிமயமாக்கத் துடிக்கிறார் ஆளுநர் ஆளுநருக்கு எதிரான போராட்டம் 'பேருரு' எடுப்பது உறுதி!

 Viduthalai  August 22, 2023  ஆசிரியர் அறிக்கை,

பல்கலைக்கழகங்களை காவி மயமாக்கத் துடிக்கிறார் ஆளுநர். ஆளுந ருக்கு எதிரான போராட்டம் "விஸ்வரூபம்" எடுப்பது உறுதி! என தமிழர் தலைவர் ஆசிரியர்  கி. வீரமணி அவர்கள் எச்சரிக்கை விடுத்துள்ளார்.

அவரது அறிக்கை வருமாறு:

தமிழ்நாட்டின் ஆளுநராகப் பணிபுரியும் ஆர்.என். ரவி என்ற ஆர்.எஸ்.எஸ்.காரர் தான் பதவி ஏற்கும் போது எடுத்த அரசமைப்புச் சட்டத்தின் 159ஆவது பிரிவின் (Article) படியான பதவிப் பிரமாணத்திற்கு முற்றிலும் முரணாக, தமிழ்நாட்டின் தேர்ந்தெடுக்கப்பட்ட மகத்தான மக்களாட்சியான தி.மு.க. ஆட்சிக்கு எதிராக ஒரு போட்டி அரசினை நாளொரு மேனியும், பொழுதொரு வண் ணமும் நடத்தி, அதிகார துஷ்பிரயோகத்தை அப் பட்டமாகச் செய்து - தமிழ்நாட்டு மக்களின் நலத்திற்கும், நல்வாழ்வுக்கும் விரோதமாக நாளும் செயல்பட்டு வருகிறார்!

சண்டித்தனம் செய்வதே - வாடிக்கையா?

தமிழ்நாடு சட்டப் பேரவையில் நிறைவேற்றப்பட்ட 13 சட்ட வரைவுகள் மசோதாக்களுக்கு ஒப்புதல் தராமலும், அல்லது முறைப்படி திருப்பி அனுப்பாமலும் காலந் தாழ்த்தி மக்கள் அரசான தேர்ந்தெடுக்கப்பட்ட அரசினைச் செயல்படாமல் செய்ய திட்டமிட்ட சண்டித் தனத்தைச் செய்து வருவதையே வாடிக்கையாகக் கொண்டுள்ளார்.

மிக உணர்ச்சி கொந்தளிக்கும் பிரச்சினையான 

நீட் தேர்வு விலக்கு போன்ற பிரச்சினையில் தனக்கு இல்லாத அதிகாரத்தை இருப்பதாகக் கருதிக் கொண்டு 'நான் ஒரு போதும் கையெழுத்துப் போட மாட்டேன்" என்ற பொல்லாத வார்த்தைகளைக்  கூறி, ஜனநாயக விரோத அடாவடித் தனத்தை அங்கலாய்ப்புடன் வெளிப்படுத்தியுள்ளார்!

ஏதாவது ஒரு சாக்கை வைத்து, ஒரு சிறு கும்பலைக் கூட்டி, நாளும் அரசின் கொள்கை முடிவுகளுக்கு எதிராக சனாதன சத்சங்க பிரசங்கி போல, பச்சை ஆர்.எஸ்.எஸ்.காரராகவே,  தான் தமிழ்நாட்டு அரசின் ஊதியம் பெறும் ஓர் ஊழியக்காரர் என்பதை அறவே மறந்து விட்டு அனுதினமும் தனியே தர்பார் நடத்தி வருகிறார்!

சட்ட வரைவுகள் 

"கோப்பு ஊறுகாய் ஜாடி"யில் ஊறுவதற்கா?

பல்கலைக் கழகங்களின் வேந்தர் என்ற பழைய சட்டத்தை ஒரு பிடிமானமாக வைத்து தமிழ்நாட்டில் உள்ள பல்கலைக் கழகங்களை காவி மயமாக்க  தனது அதிகாரத்தை அவசியமற்றுப் பயன்படுத்துகிறார்.

ஆளுநர் வேந்தராக இருப்பதை ஏற்காத சட்ட வரைவு அவரது "கோப்பு ஊறுகாய் ஜாடி"யில் ஓராண் டுக்கு மேல் ஊறிக் கொண்டுள்ளது.

தமிழ்நாட்டில் துணைவேந்தர்கள் இல்லாத  - தலையில்லா   பல்கலைக் கழகங்களாக பல மாதங்களாக  (சில ஆண்டுகளாகவே)  இருந்து வருவது கொடுமை!

பல்கலைக் கழகங்களில்   ஒவ்வொரு பல்கலைக் கழகத்திற்கும் தனித்த, தனித்தனித் சுதந்திரமான பல்கலைக் கழக விதிமுறைகள் - துணைவேந்தர் நியமனம் உட்பட உண்டு.

உயர்கல்வித் துறையின் நிர்வாக வரம்பிற்குள் தேவையின்றித் தலையிடுவதா?

அதையெல்லாம் பற்றிக் கவலைப்படாது, தான் விரும்புவது போல அச்சட்டங்களை மாற்றுங்கள், சம்பந்தமில்லாதவர்களை நியமனம் செய்யுங்கள் என்று மாநில அரசின் உயர்கல்வித் துறையின் நிர்வாக வரம்புக்குள் இயங்க வேண்டியவைகளை மாற்றிட முறையற்ற சட்ட வரம்பு மீறிய ஆலோசனைகளைக் கூறி வரும் கொடுமை! இதனால் பல பல்கலைக் கழகங்களில் பட்டம் பெற்ற இளைஞர்களுக்கு  பட்டமளிப்பு விழா நடத்தி, துணைவேந்தர் கையெழுத்திட்ட பட்டங்கள்  பெறுவதில் தாமதத்தின்   காரணமாக அவர்கள் வேலை வாய்ப்பும் பாதிக்கப்படும் நிலை உள்ளது. (பாரதிதாசன் பல்கலைக் கழகத்தில் 5 லட்சம் மாணவர்கள் பாதிப்பு)

முன்பு எம்.ஜி.ஆர். மருத்துவப் பல்கலைக் கழகத் துணைவேந்தராக சனாதன  விளக்கம் கூறும் ராஜ் பவனத்தின் துணை பெற்றவருக்கு பதவி நீட்டிப்பை ஓராண்டு  அளித்து புதிய துணைவேந்தர் நியமிக்கப் படாமலேயே அவரே அப்பதவியைத் தொடரும் வகை உதவினார் ஆளுநர்!

பல்கலைக் கழக விதி முறைகளை மாற்றச் சொல்லி அழுத்தம் - இப்படி பல! இதற்கிடையில் பல்கலைக் கழகத் துணைவேந்தர்கள்மீது ஊழல் குற்றச்சாட்டு வந்து காவல்துறை விசாரணையில் அதற்கு முகாந்தரம் இருக்கிறது என்று கண்டறிந்த பிறகும்கூட, அவர்கள்மீது ஊழலுக்கான வழக்குத் தாக்கலாக அனுமதி அளிக்க இந்த ஆளுநர் ஆர்.என். ரவி தயக்கம் காட்டி தனது வழக்கமான "தாமதப் பெட்டி"க்குள் போட்டு வைத் துள்ளார்.

ஊழலைச் செய்த மேனாள் அமைச்சர்கள்மீதுள்ள கோப்புகள் மேல் நடவடிக்கைக்கான அனுமதி அளிக்காது  கிடப்பில் வைத்துள்ளார் (அதிமுகவுடன் கூட்டணி வர இருப்பதால் இப்படி ஒரு பாராமுக குறுக்குச் சாலோ  என்று விவர மறிந்தவர்கள் பேசும் நிலை;  வெளிப்படை விவாதங்கள்). 

மகா வெட்கக்கேடு! கண்டனத்திற்குரியது!!

 நீட் தேர்வுக்கு விதி விலக்குக் கோரும் போராட்டங்கள் தமிழ்நாடு முழுவதும் அறவழியில் நடந்து வரும் நிலையில் "எதன் மீதோ மழை பொழிந்தது" என்பதைப் போல ராஜ்பவனத்தில் இருப்பது மகா வெட்கக் கேடு!

வன்மையான கண்டனத்திற்குரியது!  

ஜல்லிக்கட்டுப் போராட்டம் போல ஒரு மாபெரும் போராட்டம்   "பேருரு" எடுப்பது உறுதி!

மக்கள் நினைத்தால் மாற்றங்கள் தானே வரும் என்பதை நினைவில் நிறுத்த வேண்டும்.

கி. வீரமணி

தலைவர்

திராவிடர் கழகம்
சென்னை 
22.8.2023

எத்தனை தந்திரங்கள், சூழ்ச்சிப் படலங்களை நிகழ்த்தினாலும், பெரியார் மண்ணும், மக்களும் - அரசியலுக்கு அப்பாற்பட்டு ஒன்றுபட்டு நின்று வென்று காட்டுவார்கள்!

    March 11, 2023 • Viduthalai

வெறும் கானல் நீர் வேட்டையில் இறங்காதீர் ஆளுநர் அவர்களே!

தமிழ்நாடு பெரியார் மண் - சுயமரியாதை மண் - 

அதன் சூட்டை காவி தாங்காது- கனவுகள் சிதைக்கப்படும்!

எத்தனை தந்திரங்கள், சூழ்ச்சிப் படலங்களை நிகழ்த்தினாலும், பெரியார் மண்ணும், மக்களும் - அரசியலுக்கு அப்பாற்பட்டு ஒன்றுபட்டு நின்று வென்று காட்டுவார்கள்! பொய் நெல்லைக் குத்திப் பொங்கலிட்டு மகிழலாம் என்று நினைத்து, வெறும் கானல் நீர் வேட்டையில் இறங்காதீர் - ஆளுநர் அவர்களே! இந்த மண் சுயமரியாதை மண் - அதன் சூட்டை காவி தாங்காது - கனவுகள் சிதைக்கப்படும் என்று திராவிடர் கழகத் தலைவர் ஆசிரியர் கி.வீரமணி அவர்கள் அறிக்கை விடுத்துள்ளார்.

அறிக்கை வருமாறு: 

தமிழ்நாட்டிற்கு ஒன்றிய அரசால் அனுப்பப்பட்ட ஆளுநர் ஆர்.என்.ரவி, வந்த நாள் முதல் இந்த நாள் வரை - தாம் அரசமைப்புச் சட்டப்படி தமிழ்நாடு அரசின் ஓர் அங்கம் - அதன் வாயாகவும், குரலாகவும், செயலாகவும் இருக்கவேண்டும் என்ற அடிப்படைக் கடமை உணர்வை மறந்து அல்லது துறந்து தேர்ந்தெடுக்கப்பட்ட மக்களாட்சி யான தி.மு.க. ஆட்சியின் முழு முதல் எதிர்க்கட்சித் தலைவர்போலவே நடந்து வருவதோடு, நித்தம் நித்தம் ஆளுநர் வசிக்கும் மாளிகையை ஆர்.எஸ்.எஸ். பிரச்சார கேந்திரமாகவும் மாற்றி, திராவிட ஆட்சித் தத்துவத்தின் கொள்கை லட்சியங்களுக்கு எதிரான தீவிரப் பிரச்சாரத்தில் ஈடுபட்டு, அனைத்துத் தரப்பு மக்களின் ஆத்திரத்தையும் பரிசோதித்துக் கொண்டே இருக்கிறார்!

தமிழ்நாட்டு மக்களின் 

பொறுமையை சோதித்து வருகிறார்!

மக்கள் பிரதிநிதிகளின் அவையான சட்டப்பேரவையில் நிறைவேற்றப்பட்ட சட்ட வரைவுகளை (சுமார் 14-க்கும் மேற்பட்ட மசோதாக்களை) வேண்டுமென்றே ஒப்புதல் தராமல் கிடப்பில் போட்டு, தமிழ்நாட்டு ஆட்சி, தமிழ்நாட்டு மக்களின் பொறுமையை சோதித்து வருகிறார்!

இதற்கு ஓர் ஆழமான பின்னணியாம்; அந்தப் பின்ன ணியை பின்னியவர்களின் கெட்ட புத்தியும்  (Mala fide), தீய எண்ணமுமே இதன் அடிப்படையில் இருக்கவேண்டும் என்பதை சராசரி மக்களால் கூட ஊகித்துவிட முடியும்.

இதற்கிடையில் எதிர்க்கட்சியான அ.தி.மு.க.வினைப் பிளந்து, பிரிவுகளாக்கி சின்னாபின்னமானாலும் ஒரு பக்கம் சண்டை, மறுபக்கம் அரசியல் உறவு என்ற குரலொலி!

நாளும் அரங்கேறும் வித்தைகள் - 2024 இல் நாடாளுமன்றத் தேர்தலுடன் சட்டமன்றத் தேர்தலும் வரும் என்று தங்களது வாடகைக் குதிரைகளுக்குக் ‘கொள்ளு' காட்டுகிறது போலும்.

‘‘வெறும் பைதான் கொள்ளு இல்லை; 

காலிப் பை!''

முகமூடி அணிந்த அந்தக் குதிரைகளும் ‘‘வெறும் பைதான் கொள்ளு இல்லை; காலிப் பை'' என்பதைப் புரிந்துகொள்ளாமலே சவாரிக்குச் சரி என்று தலையாட்டி, அடிமை முறிச் சீட்டிலிருந்து வெளியேறிட ஆசை இருந்தாலும், துணிவின்றி அல்லாடுகின்றன!

இதற்காகவே மக்களின் ஆத்திரத் தீயில் அனுதினமும் நெய்யூற்றி வளர்க்கின்றன ஆர்.எஸ்.எஸ்.சும், அதன் ஆளுமை முகங்களும்!

அதில் சமீபத்திய வியூகம்தான் ஆன்-லைன் சூதாட்ட தடை மசோதா, தமிழ்நாடு சட்டப்பேரவையில் நிறைவேற்றப்பட்டு, ஆளுநருக்கு அனுப்பப்பட்டு, ஏறத்தாழ நான்கு மாதங்கள் - 142 நாள்கள் ஆன பிறகும், ஒப்புதல் தராமலேயே கிடப்பில் போட்டிருந்தார் ஆளுநர்.

தற்கொலைகள் 

எண்ணிக்கை 44

இக்காலகட்டத்தில், தமிழ்நாட்டில் ஆன்-லைன் சூதாட்டத்தினால் வாரந்தோறும் வளர்ந்த தற்கொலைகள் எண்ணிக்கை 44 என உயர்ந்து வந்தது!

இத்தனை உயிர்ப் பலிக்குப் பின்பு - இப்போது அச்சட்ட மசோதாவிற்கு ஒப்புதல் தராமல், ஆளுநர் திருப்பி அனுப்பி - ஓர் அரசியல் போருக்கு ஆயத்த மாகிறார் போலும்!

அதற்குக் காரணம் இந்த சட்டமன்றத்திற்கு அப்படி ஒரு சட்டம் செய்ய அதிகாரம் இல்லையாம்!

எந்த காவி மரத்திற்குக் கீழ் அமர்ந்து 

'ஞானம்' பெற்றாரோ? 

அதை இத்தனை நாள் கழித்து எந்த காவி மரத்திற்குக் கீழ் அமர்ந்து ‘ஞானம்' பெற்றாரோ தெரியவில்லை!

உச்சநீதிமன்றத் தீர்ப்புகள்பற்றியும் ‘அறிவு சூன்யமா?'

அந்தப் படிக்கு அதிகாரம் இந்த ‘திராவிட மாடல்' ஆட்சிக்கு இல்லை என்று கூறும் இவர், அதே விதி, பிரிவுகளைக் கொண்ட சட்ட வரைவான அவசரச் சட்டத்திற்கு (Ordinance) ஒப்புதல் கொடுத்தாரே அது சரியா?

பதிலளிப்பாரா ஆளுநர் ரவி?

அது சரி என்றால், இப்போது மறுப்பது அபத்தம் அல்லவா? திட்டமிட்ட அரசியல் வம்பு வளர்க்கும் படலம் அல்லாமல் வேறு என்ன?

அவருக்கு அரசமைப்புச் சட்டத்தை இன்று தமிழ் நாட்டு மண்தான் போதித்துக் கற்றுக் கொடுக்கவேண்டும் போலிருக்கிறதே!

ஏழாவது அட்டவணையில் உள்ள மாநில அரசின் அதிகாரங்கள் - (சட்டம் இயற்ற) என்ற பிரிவில், 34 ஆவது தலைப்பாக, Betting and Gambling என்று உள்ளது கூடத் தெரியாமலா இந்த சட்டப் பேரவைக்கு அந்த அதிகாரம் கிடையாது என்று கூறுகிறார்!

வாதத்திற்காக இதை ஏற்றுக்கொண்டாலும்கூட, மற்றொரு கேள்வியை உடனே கேட்பார்களே!

அது தெரிந்த ‘சட்ட ஞானி' ஏன் 4 மாதம் மசோதாவைக் கிடப்பில் போட்டார் - உடனடியாகத் திருப்பி அனுப்பி, இதே காரணத்தை உடனே கூறியிருக்கலாமே? ஏன் செய்யவில்லை?

அறிஞர் அண்ணா அடிக்கடி எழுதுவார்:

‘சூட்சமம் புரிகிறதா தம்பி' என்று. அதுதான் இப்போது நமக்கு நினைவிற்கு வருகிறது!

மீண்டும் மசோதாவை நிறைவேற்றி அனுப்பினால் ஆளுநர் கையெழுத்திடத்தானே வேண்டும்!

இப்போது அதே வாசகங்களுடன் அப்படியே மார்ச் 20 ஆம் தேதி கூடவிருக்கும் சட்டப்பேரவையில் அம்மசோதாவை நிறைவேற்றி அனுப்பினால், இந்திய அரசமைப்புச் சட்டத்தின் 200 ஆவது (Article 200) கூற்றின்படி, இவர் கையெழுத்திட்டு அனுப்பித்தானே ஆகவேண்டும்?

அப்போதும் இதைவிட பெரிய வித்தையையும், வியூகத்தையும் செய்ய அவரது ஆலோசகர்கள் யோசிப்பார்களோ?

அறிஞர் அண்ணாவின் ‘ஆரிய மாயை'யில் தெளிவாக கூறியிருப்பதுபோன்று,

‘தந்திர மூர்த்தி போற்றி

தாசர்தம் தலைவா போற்றி!'

தமிழ்நாட்டு மண் சுயமரியாதை மண் - 

அதன் சூட்டை காவி தாங்காது!

எத்தனை தந்திரங்கள், சூழ்ச்சிப் படலங்களை நிகழ்த் தினாலும், இந்தப் பெரியார் மண்ணும், மக்களும் - அரசியலுக்கு அப்பாற்பட்டு ஒன்றுபட்டு நின்று வென்று காட்டுவார்கள்!

பொய் நெல்லைக் குத்திப் பொங்கலிட்டு மகிழலாம் என்று நினைத்து, வெறும் கானல் நீர் வேட்டையில் இறங்காதீர் - ஆளுநர் அவர்களே!

இந்த மண் சுயமரியாதை மண் - அதன் சூட்டை காவி தாங்காது - கனவுகள் சிதைக்கப்படும்!

கி.வீரமணி

தலைவர்,

திராவிடர் கழகம்

11.3.2023   

சேலத்தில் செய்தியாளர்களிடையே தமிழர் தலைவர்

  January 10, 2023 • Viduthalai

 ஆளுநர் ஓர் அரசு ஊழியர் அவ்வளவே!

ஆளுநர் நடந்துகொள்வது அப்பட்டமான சட்ட மீறல்

ஒரு நொடிகூட ஆளுநராகத் தொடரத் தகுதியில்லை;

முதலமைச்சர் தீர்மானம் - ஆளுநர் பதவிக்கு அவமானம்!

சேலம், ஜன.10 ஆளுநர் ஓர் அரசு ஊழியர் அவ்வளவே! ஆளுநர் நடந்துகொள்வது அப்பட்டமான சட்ட மீறல்; ஒரு நொடிகூட ஆளுநராகத் தொடரத் தகுதியில்லை; முதலமைச்சர் தீர்மானம் - ஆளுநர் பதவிக்கு அவமானம்! என்றார் திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள்

நேற்று (9.1.2023) சேலத்திற்குச் சென்ற திராவிடர் கழகத் தலைவர் தமிழர் தலைவர் ஆசிரியர் அவர்கள் செய்தியாளர்களுக்குப் பேட்டியளித்தார்.

அவரது பேட்டி வருமாறு:

செய்தியாளர்: முதலமைச்சர் உரையாற்றிக் கொண் டிருக்கும்போதே ஆளுநர் சட்டமன்றத்திலிருந்து வெளிநடப்பு செய்திருக்கிறாரே?

தமிழர் தலைவர்: ஒரு மாநில அரசினுடைய ஆளுநர் என்பவர், தன்னிச்சையாக நடப்பதற்கு, அவர் பதவிப் பிரமாணம் எடுத்துக்கொண்டிருக்கின்ற அரசமைப்புச் சட்டத்தில் எந்தவிதமான அதிகாரமும் அவர்களுக்கு அளிக்கவில்லை.

அவர் நடந்துகொண்டிருக்கின்ற முறை, ஏற்கெ னவே வெளியிலும் சரி, இன்றைக்கு சட்டமன்றத் தொடக்க நிகழ்வில், ஆளுநர் அவர்கள் பாதியி லேயே வெளியேறியது என்பது ஜனநாயகத்தைக் கொச் சைப்படுத்துவது - இந்திய அரசமைப்புச் சட்டத்திற்கு அவமதிப்பு உண்டாக்குவது - தன்னுடைய கடமை யிலிருந்து தவறிய - ஓர் அரசு ஊழியருடைய குற்றத் திற்கு அவர் ஆளாகிறார்.

இதுவரையில், தமிழ்நாட்டின் நீண்ட நெடிய வரலாற்றில், இப்படி ஜனநாயகத்தைக் கொச்சைப் படுத்தக் கூடிய கீழ்த்தரமான ஒரு நிலைக்கு ஓர் ஆளுநர் சென்றதே கிடையாது.

ஆளுநர் உரையை எழுதுவது யார்?

பொதுவாக ஆளுநர் உரை என்பது, அவரால் எழுதப்படுவது அல்ல; அவர் படிக்கவேண்டிய, அரசமைப்புச் சட்டத்தின் முறையில், ஒரு தலைவர் என்ற முறையில், அவருடைய பெயரால் ஆட்சி அமைந்திருக்கிறது என்ற பெயரால், அமைச்சரவை, அதனுடைய கொள்கைகளை முடிவு செய்து, ஆளுநர் மூலம் அறிவிப்பதுதான் ஆளுநர் உரை.

உதாரணமாக, ஒன்றிய அரசில், அந்த அமைச்சரவை என்ன முடிவெடுக்கிறதோ அதைத்தான் குடியரசுத் தலைவர் நாடாளுமன்றத் தொடக்க உரையில் படிப்பார். அவர் சொந்தமாகக் கருத்துகளைச் சேர்ப்பதற்கோ, நீக்குவதற்கோ அவருக்கு எந்தவிதமான உரிமையும், அரசமைப்புச் சட்டத்தில் அளிக்கப்படவில்லை. இது நீண்ட காலமாக காப்பாற்றப்பட்ட மரபும் ஆகும்.

ஆனால், அந்தக் குறைந்தபட்ச மரபைக்கூட ஆளுநர் மீறியிருக்கிறார். திராவிட மாடல் ஆட்சி என்பதோ, தந்தை பெரியார், டாக்டர் அம்பேத்கர், பேரறிஞர் அண்ணா போன்றவர்களின் பெயர் களை விட்டுவிட்டுப் படிப்பது என்பது அதிகப்பிரசங்கித் தனமானது; தேவையற்ற ஒன்றாகும்.

இன்னுங்கேட்டால், ஆளுநர் உரை தமிழ்நாடு அமைச்சரவையால் தயாரிக்கப்பட்டு, சட்டப்பேர வையில் ஆளுநர் படிப்பதற்கு முன்பாக, ஆளுநருக்கு அனுப்பப்பட்டு அவருடைய அனுமதியையும் பெறு வார்கள். அப்படி அந்த உரையின்மீது ஆளுநருக்கு மாறுபட்ட கருத்து இருந்தால், தனிப்பட்ட முறையில், நேரிடையாக அரசாங்கத்திற்கு அறிவிக்கவேண்டும்; சட்டப்பேரவைத் தலைவருக்குத் தெரிவிக்கவேண்டும்.

இதில் எல்லாம் எனக்கு மாறுபட்ட கருத்து இருக்கிறது என்று சொல்லி, பிறகு அவர்களுக்குள் முடிவெடுக்கவேண்டும்.

அப்படி செய்யாமல், அதை விட்டுவிட்டுப் படிப்பது என்பது இருக்கிறதே, அது தவறான முன்மாதிரி; அது மட்டுமல்ல, அரசமைப்புச் சட்டத்தை மீறிய அவமதிப்புச் செயல். இதற்குரிய நடவடிக்கையை எடுக்கவேண்டும்.

இதுவரை தமிழ்நாடு சட்டப்பேரவையில், ஓர் ஆளுநர் இவ்வளவு மோசமாக நடந்துகொண்ட நிகழ்வு என்பது  கிடையவே கிடையாது.

ஆளுநர் செயல் - 

அரசமைப்புச் சட்டத்திற்கு விரோதமே!

ஆளுநர் அவர்கள் அரசமைப்புச் சட்டத்தின்மீது எடுத்த உறுதிமொழிக்கு இது முற்றிலும் விரோதமாகும்.

முதலமைச்சர், அமைச்சர்கள் எப்படி அரசமைப் புச் சட்டத்தின்மீது உறுதிமொழி கூறி பதவியேற் கிறார்களோ, இந்திய அரசமைப்புச் சட்டத்தின் 159 ஆவது பிரிவில் உள்ள பகுதியை உங்களுக்குப் படித்துக் காட்ட விரும்புகிறேன்.

I solemnly affirm will faithfully execute the office of Governor (or discharge the functions of the Governor) of (name of the State) and will to the best of my ability preserve, protect and defend the Constitution and the law and that I will devote myself to the service and well being of the people of (name of the State)

என்று இருக்கிறது. 

அதாவது தமிழ்நாட்டு மக்களுடைய நலனுக்காக நான் பாடுபடுவதற்கு உறுதியேற்கிறேன்; அதைக் காப்பாற்றுவேன் என்பதுதான்.

அமைச்சர்களுக்கும், மற்றவர்களுக்கும் பதவிப் பிராமண உறுதி மொழி வாசகங்கள், அரசமைப்புச் சட் டத்தை உருவாக்கியபொழுது, அந்த வாசகங்கள் வேறு.

ஆனால், ஆளுநர் என்று வரும்பொழுது,    well being of the people - மக்களுடைய நலனுக்கு என்று அதில் தெளிவாக இருக்கிறது. இதற்கு முற்றிலும் விரோதமாக அண்மைக்காலமாக தமிழ்நாடு ஆளுநர் அவர்கள் நடந்து வருகிறார்.

அவர் எந்த மாநிலத்தினுடைய ஆளுநராக இருக்கிறார் என்று கேட்டால், தமிழ்நாடு என்று அதற் குத் தெளிவான பெயர், சட்டப்பேரவையிலேயே பேரறிஞர் அண்ணா அவர்கள் காலத்தில் மாற்றப்பட்டு, அது ஒன்றிய அரசால் ஏற்கப்பட்டு இருக்கிறது.

ஆனால், இன்றைய ஆளுநர் ஆர்.என்.இரவி அவர்கள், அதை மாற்றி, தமிழகம் என்று சொல்ல வேண்டும்; தமிழ்நாடு என்று சொன்னால், பிரி வினையை உண்டாக்குவது என்று குறுக்குச்சால் விடுகிறார்.

இவையெல்லாம்கூட அவர் வெளியில் சொன்ன விஷயங்கள். ஆனால், சட்டப்பேரவையில், ஆளுநர் உரையை படிப்பது என்பது, தமிழ்நாடு அரசின் கொள்கை அறிவிப்பு. அதைத்தான் ஓர் ஆளுநர் படிக்கவேண்டும்.

பேரறிவாளன் வழக்கில், ஆளுநருக்கு உச்சநீதிமன்றம் கண்டனம்!

பேரறிவாளன் வழக்கில், இந்த ஆளுநரைப்பற்றி உச்சநீதிமன்றம் கண்டனம் தெரிவித்திருக்கிறது.

எப்படி இங்கிலாந்து அரசருக்கு முடிவெடுக்க வேண்டிய உரிமை தனியாகக் கிடையாதோ - எப்படி குடியரசுத் தலைவருக்கு முடிவெடுக்கின்ற உரிமை கிடையாதோ - அதுபோன்றுதான், மாநில ஆளுநர்களுக்கும் என்று உச்சநீதிமன்றம் தெளிவாகச் சுட்டிக்காட்டி, இவருக்குக் குட்டும் வைத்திருக்கிறது.

அப்படிப்பட்ட ஓர் அனுபவத்தை அவர் ஏற் கெனவே பெற்றும்கூட, இது திட்டமிட்ட ஒரு செயல். வேண்டுமென்றே ஒரு மோதல் போக்கை உருவாக்க வேண்டும். மக்களால் தேர்ந்தெடுக்கப்பட்ட ஓர் அரசு, இயல்பாக நடக்கக்கூடாது; அதற்கு மாறாக, தாங்கள் ஒரு போட்டி அரசாங்கத்தை நடத்தவேண்டும் என்று, இதில் மட்டுமல்ல; அரசாங்கத்தினுடைய கொள்கைகள், திட்டவட்டமான கருத்துகளுக்கு விரோதமாக நடந்துகொண்டிருக்கின்றார்.

எனவே, இது மிகப்பெரிய ஓர் அரசியல் போராட்டத் திற்கு அவரே வழிவகுக்கிறார். அவர் ஓர் ஆளுநராக நடந்துகொள்ளவில்லை. முழுக்க முழுக்க ஓர் ஆர்.எஸ்.எஸ்.காரராகத்தான் நடந்துகொண்டிருக்கிறார்.

ஆளுநர் ஓர் அரசு ஊழியர் - அவ்வளவே!

அவர் ஓர் அரசு ஊழியர் (பப்ளிக் சர்வண்ட்). நம்முடைய வரிப் பணத்தில் சம்பளம் வாங்கக்கூடிய ஒருவர். அவருக்கு அரசியலில் ஈடுபடவேண்டும் என்ற எண்ணம் இருந்தால், ஆளுநர் பதவியிலிருந்து விலகிவிட்டு, வேண்டுமானால், அண்ணாமலை அவர் களின் பதவிக்கு அவர் போகலாம்; அது அவருடைய விருப்பம். இல்லாவிட்டாலும், ஓர் ஆர்.எஸ்.எஸ். காரராக இருந்து செய்யலாம்; அது அவருடைய விருப்பம். தனிப்பட்ட முறையில், ஆர்.என்.இரவியாக அவர் இதுபோன்ற கருத்தைச் சொல்வதில், எங்களுக்கு ஆட்சேபம் இல்லை. அதை நாங்கள் சந்தித்துக் கொண்டிருப்போம்.

ஆனால், முழுக்க முழுக்க மக்களுடைய வரிப் பணத்தை சம்பளமாகப் பெறக்கூடிய ஒருவர், ஆளு நராக இருந்துகொண்டு, சட்டப்பேரவை மரபுகளை யெல்லாம் குழிதோண்டி புதைப்பது - அரசமைப்புச் சட்டத்தின்மீது எடுத்த உறுதிமொழிக்கு விரோதமாக நடந்துகொள்வது என்பது கண்டனத்திற்கு உரியதாகும். மக்கள் போராட்டம் வெடிக்கும்!

ஏற்கெனவே 22 மசோதாக்களை ஆளுநர் அவர்கள் நிலுவையில் வைத்திருக்கிறார். அந்த மசோதாக்களை அவர் திருப்பி அனுப்பவேண்டும்; அல்லது அதற்குரிய காரணங்களை அரசிடம் கேட்கவேண்டும். அப்படி அவர் செய்யவில்லை.

ஆன்-லைன் சூதாட்டத்தினால், ஒவ்வொரு நாளும் தற்கொலைகள் நடந்துகொண்டிருக்கின்றன. அதைப் பற்றி அவர் கவலைப்படாமல், அதற்கு மாறாக,  வேண்டு மென்றே இப்படிப்பட்ட பிரச்சினைகளை உருவாக்கு கிறார்கள். இது தமிழ்நாட்டில் மட்டுமல்ல, எங்கெல்லாம் பா.ஜ.க. ஆளவில்லையோ, அங்கெல் லாம் தங்களுக்கு வேண்டப்பட்டவரை ஆளுநராகப் போடவேண்டியது; அந்த ஆளுநர், மக்களால் தேர்ந் தெடுக்கப்பட்ட அரசுக்கு விரோதமாக நடந்துகொள் கிறார்கள். இதுதான் ஆர்.எஸ்.எஸின் திட்டமாக இருக் கிறது.

ஒரு நொடிகூட ஆளுநராகத் தொடரக்கூடாது!

தமிழ்நாட்டிற்குப் போடப்பட்ட ஆளுநர்தான் மிக மிக மலிவாக, அருவெறுப்பாக நடந்துகொள்கிறார். அவர் அவமதிப்பது ஜனநாயகத்தை - அரசமைப்புச் சட்டத்தை; தன்னுடைய கடமையிலிருந்து வழுவியிருக்கிறார் ஆளுநர்.

எனவே, ஒரு நாள்கூட, ஒரு நொடிப் பொழுதுகூட ஆளுநராக நீடிக்க அவருக்குத் தகுதியில்லை என்பது மக்களுடைய எண்ணம்.

செய்தியாளர்: குடியரசுத் தலைவருக்கு என்ன கோரிக்கை வைக்க விரும்புகிறீர்கள்?

தமிழர் தலைவர்: நாடாளுமன்றக் கூட்டத் தொடர் தொடங்கும்பொழுது,  பிரதமர் மோடி தலைமையில் உள்ள அமைச்சரவை, ஒரு உரையைத் தயாரித்து, குடியரசுத் தலைவருக்கு அனுப்புவர். அதை அவர் நாடாளுமன்றம் தொடங்கும்பொழுது, அப்படியே படிப்பார், அவ்வளவுதான்.

படிப்பதை பாதியில் விட்டுவிட்டுச் செல்வதோ, உரையில் இருப்பதை விட்டுவிட்டுப் படிக்கவோ முடியாது. அது பெரிய அளவில் இருப்பது.

முதலமைச்சர் தீர்மானம் - 

ஆளுநர் பதவிக்கு அவமானம்!

இது மாநில அளவில் நடப்பது. இதுவரையில் எந்த மாநிலத்திலும் இப்படி நடைபெற்றது இல்லை.

முதலமைச்சர் அவர்கள் தெளிவாக ஒரு தீர்மானத்தை நிறைவேற்றி இருக்கிறார் என்றால், ஆளுநருக்கு இதைவிட அவமானம் வேறு கிடையாது. இதையும் தாண்டி அவர் பதவியில் நீடிப்பது என்பது - அவர் மான, அவமானத்தைப்பற்றி கவலைப்படாமல் இருக்கிறார் என்பதைவிட, அரசமைப்புச் சட்டக் கடமையிலிருந்து அவர் தவறியிருக்கிறார்.

எனவே, அவரை இனி ஆளுநர் பதவியில் துளியும் கூட அனுமதிக்கக் கூடாது. மக்கள் போராட்டம் வெடிக் கும்.

செய்தியாளர்: தமிழ்நாடு அரசு, ஒன்றிய அரசின் திட்டங்களை வேறு கோணங்களில் இங்கே செயல் படுத்துகிறார்கள் என்று அரசு ஊழியர்களே குற்றம் சாட்டியிருக்கிறார்கள்; குறிப்பாக அவுட்சோர்சிங் முறையில் பணியில் அமர்த்தப்பட்டவர்கள், 115 அரசாணை வெளியிட்டு, அதை நீக்காமல் அப்படியே வைத்திருக்கிறது என்கிற குற்றச்சாட்டை வைத்திருக் கிறார்களே?

தமிழர் தலைவர்: அதற்கும், இதற்கும் சம்பந்தமேயில்லை. அதை சொல்வதற்கும், இந்த நிகழ்விற்கும் எந்தவிதமான சம்பந்தமும் இல்லை.

அதைப்பற்றி விளக்கம் கேட்கவேண்டியது; அதைத் தெளிவாகச் சொல்லவேண்டியது அரசாங்கத்தினுடைய கடமை. அது தனிப் பிரச்சினை. எனவே, அதைக் கொண்டு வந்து இதில் குழப்பவேண்டிய அவசிய மில்லை. அது ஆளுநருடைய வேலையும் அல்ல.

ஒன்றிய அரசு என்ன திட்டத்தைச் சொல்லிற்று, மாநில அரசு என்ன செய்தது என்பது வேறு பிரச்சினை. அதற்குத் தெளிவான விளக்கம் சொல்வார்கள்.

ஆளுநர் என்பவர் கேள்வி கேட்கின்ற இடத்தில் இல்லை. சொந்தமாக இவருடைய கருத்தைச் சொல் வதற்கு ஆளுநருக்கு உரிமையில்லை; விட்டுவிட்டுப் படிப்பதற்கும் உரிமையில்லை.

ஒன்றிய அரசு என்ன செய்யவேண்டும்?

செய்தியாளர்: ஆளுநர்மீதான நடவடிக்கை எப்படி இருக்கவேண்டும்?

தமிழர் தலைவர்: ஆளுநர் மீதான நடவடிக்கை என்பது, ஒரு நேர்மையான ஒன்றிய அரசாக இருந் தால், தமிழ்நாட்டு ஆளுநரைத் திரும்பி அழைத்துக் கொள்ளவேண்டும். அல்லது ஆளுநர் ராஜினாமா செய்யவேண்டும்.

அவர்களுடைய திட்டம் என்னவென்றால், அய்ந்தாண்டுகள் இந்த அரசு நீடிக்கக்கூடாது; அதற்காக இப்படி ஒரு மோதல் போக்கை உருவாக்கவேண்டும் என்பதுதான் அவர்களுடைய நோக்கம்.

எனவேதான், ஒன்றிய அரசு இந்த ஆளுநரைத்  திரும்பப் பெறவேண்டும். இல்லையானால், மக்கள் எழுச்சி ஏற்படும்.

செய்தியாளர்: ஆளுநர் அவர்கள், அடுத்தடுத்து சர்ச்சைக்குரிய பேச்சுகளை பேசி வருவதின் பின்னணி என்ன என்று நீங்கள் நினைக்கிறீர்கள்?

தமிழர் தலைவர்: ஆர்.எஸ்.எஸ். பின்னணிதான். தமிழ்நாட்டில் திராவிட மாடல் ஆட்சி நல்லாட்சியாக நடைபெறுகிறது.  திராவிட மாடல் ஆட்சி உலகப் புகழ் பெறுகிறது; இந்தியாவிலேயே முதல் முதலமைச்சராக எல்லோராலும், பத்திரிகைகளாலும் புகழப்படுகிறார்.

இந்தப் பெருமை அவருக்கு வரக்கூடாது; இந்த ஆட்சிக்குப் பெருமை வரக்கூடாது; இப்படியே நீடித்தால், தமிழ்நாட்டில் தாங்கள் காலூன்ற முடியாது என்பதற் காகத்தான் - இதுபோன்ற காரியங்களை செய்கிறார்கள். இது இங்கே மட்டுமல்ல, கேரள மாநிலத்தில் உள்ள ஓர் ஆளுநராலும் அரங்கேற்றப்படுகிறது; மேற்கு வங்காளத்திலும் நடைபெற்றது. தெலங்கானாவில் நடந்துகொண்டிருக்கிறது.

ஆனால், எந்த மாநிலத்திலும் இல்லாத அளவிற்கு, இவ்வளவு கீழிறக்கமாக தமிழ்நாட்டு ஆளுநர்தான் நடந்துகொண்டிருக்கிறார். ஆகவே, அவர் வெளி யேறவேண்டும்; அப்படி வெளியேறாவிட்டால், வெளியேற்றப்படக்கூடிய மக்கள் இயக்கம் நடக்கும். அந்த மக்கள் இயக்கத்தில் அத்துணை பேரையும் ஒருங்கிணைப்போம்.

ஆளுநர் நிர்ப்பந்தப்படுத்தப்படுகிறாரா?

செய்தியாளர்: பா.ஜ.க. சட்டமன்ற உறுப்பினர், ஆளு நரை, தமிழ்நாடு அரசும், முதலமைச்சரும் நிர்ப்பந்தப் படுத்துகிறார்கள் என்று குற்றம் சாட்டியிருக்கிறாரே?

தமிழர் தலைவர்: மாநில ஆளுநருக்குச் சொந்த மாக சிந்திக்கக் கூடிய உரிமையோ, கருத்தோ சட்டப் பேரவையின் உள்ளே கிடையாது என்பதுதான் அரசமைப்புச் சட்டம்.

எனவே, பா.ஜ.க. சட்டமன்ற உறுப்பினரின் குற்றச் சாட்டு என்பது, அரசமைப்புச் சட்டம் தெரியாதவர்கள் பேசுகின்ற பேச்சாகும்.

நன்றி, வணக்கம்!

 - இவ்வாறு தமிழர் தலைவர் திராவிடர் கழகத் தலைவர் ஆசிரியர் கி.வீரமணி அவர்கள் செய்தி யாளர்களுக்குப் பேட்டியளித்தார்.

பிரிவினை பேசுவது ஆரியர்களா? திராவிடர்களா? * ஆளுநரே, உச்சநீதிமன்றம் வைத்த குட்டை மறந்துவிட்டீர்களா?

  January 06, 2023 • Viduthalai

இது பெரியார் மண் - 'ஆரிய பாச்சா' பலிக்காது!

ஆளுநரே உங்களுக்குரிய பணியை மட்டும் செய்திடுக!

தமிழர் தலைவர் ஆசிரியர் அறிக்கை

தமிழ்நாடு ஆளுநர் தனக்கென்று உள்ள அரசமைப்புச் சட்ட ரீதியான பணிகளைச் செய்யட்டும்! இது பெரியார் மண்! ஆழ்வார் மண்ணல்ல - 'ஆரிய பாச்சா' இங்கு பலிக்காது என்று  திராவிடர் கழகத் தலைவர் ஆசிரியர் கி.வீரமணி அவர்கள் விடுத்துள்ள அறிக்கை வருமாறு:

தமிழ்நாட்டிற்கு ஒன்றிய அரசான ஆர்.எஸ்.எஸ். - பா.ஜ.க. அரசு ஒரு மேனாள் அய்.பி.எஸ். அதிகாரியான ஆர்.என்.இரவி என்பவரை ஆளுநராக அனுப்பியதி லிருந்து, அவர் மாநில அரசிடம் மோதல் போக்கை உருவாக்கி வருவதோடு, ஆளுநர் வேலையைத் தவிர மற்ற ஆர்.எஸ்.எஸ். - பா.ஜ. கட்சியின் பிரச்சாரகர் போலவே செயல்பட்டு, நாளொரு மேனியும், பொழு தொரு வண்ணமும் சர்ச்சைகள் ஏற்படுத்தும் வகையில் ஒரு கைதேர்ந்த அரசியல்வாதியைப்போல அன்றாடம் செயலாற்றி வருகிறார்! இது மகாவெட்கக்கேடு!!

அவர் தனது கடமையை ஆற்றத் தவறியவர் என்பதை பேரறிவாளன் வழக்கில் உச்சநீதிமன்றம், குட்டு வைத்ததுபோல, தனது  தீர்ப்பில் குறிப்பிட்ட பிறகும்கூட - யாருடைய தைரியத்திலோ அல்லது கண் ஜாடையிலோ, விவகாரம், வில்லங்கம் - இவற்றையே பேசி, நாளும் மக்களின் எதிர்ப்பினை மலைபோல் பெறுகின்றார்.

பேரறிவாளன் வழக்கில் உச்சநீதிமன்றத்தில் ஆளுநர் வாங்கிய குட்டு!

தமிழ்நாடு சட்டமன்றம் நிறைவேற்றி அனுப்பிய சுமார் 20 மசோதாக்களை கிடப்பில் போட்டு, மக்களால் தேர்ந்தெடுக்கப்பட்டு, சிறப்பான ஆட்சி - முதலமைச்சர் என்று ஏடுகளால் பாராட்டப்படும் ஆட்சியை, சுதந்திர மாகச் செயல்பட விடாமல் முட்டுக்கட்டைப் போடுகிறார்!

தமிழ்நாடு அரசின் கொள்கைகளுக்கு எதிரான நிலைப்பாட்டை எடுப்பதாகவே இவரது இந்த அடாவடிப் போக்கும், அவசியமற்ற சனாதனத்தைப் பரப்பிடும் பேச்சும் ஒருபுறம், பல பல்கலைக் கழகங்களில் துணைவேந்தர் பதவிகள் நிரப்பப்படாமையால் பல மாதங்கள் ‘தலையில்லா முண்டம்போல' அப் பல்கலைக் கழகங்கள் இயங்கும் இக்கட்டான நிலை மறுபுறம்!

தற்கொலைகள் தொடரும் நிலையில், 

ஆன்-லைன் மசோதாவுக்கு 

ஒப்பம் வழங்காத ஆளுநர்!

ஆன்-லைன் சூதாட்டத்தில் ஈடுபட்டு, தற்கொலை செய்துகொள்வோர் எண்ணிக்கை கூடிவரும் அவல நிலையைத் தடுக்க தி.மு.க. அரசு நிறைவேற்றிய சட்ட முன்வரைவை பல மாதங்கள் ஆன நிலையில்,  அப்படியே வைத்திருப்பது கடமை தவறிய ஆளுநரின் பொறுப்பின்மை மட்டுமல்ல; மனிதாபிமானமற்ற உயிர் பறிக்கும் அலட்சியப் போக்கும் ஆகும்! அவசர சட்டத் துக்கு அனுமதி அளித்துவிட்டு, சட்டமன்றம் நிறைவேற்றிய மசோதாவைக் கிடப்பில் போடுவது எப்படி? ஏனிந்த இரட்டை வேடம்?

இந்த நிலையில், ‘‘கிடப்பது கிடக்கட்டும் கிழவியைத் தூக்கி மணையில் வை'' என்ற பழமொழியைபோல,

‘‘திராவிடம் - பிரிவினைவாதம்'' என்றெல்லாம் அபத்தமாகப் பிதற்றுகிறார்!  நாம் கேட்கிறோம்:

ஒவ்வொரு அரசு நிகழ்ச்சியின் இறுதியிலும் நாட்டுப் பண் (National Anthem)) ‘ஜனகன மன' என்று தொடங்கிப் பாடும்போது, ஆளுநர் உள்பட அனைவரும் எழுந்து நிற்கிறோமே, அதில் வரும் ‘திராவிட உத்கல வங்கா' என்றால், பிரிவினை என்று கூறி, இவர் எழாமல் நிற்பாரா?

‘திராவிடம்' அதன் வரலாற்றை ஆய்வு செய்தால், அது மக்கள் இணைந்திருக்கும் தத்துவம் - ஒன்றுபடுத்தும் தத்துவமே தவிர, பிரிப்பது அல்ல; அல்லவே அல்ல என்பது புரியும்.

‘யாவரும் கேளிர்' என்ற கணியன் பூங்குன்றனார் பாட்டு முதல் - ‘அனைவரும் உறவினர்' என்ற பாரதி தாசன் ஆத்திச்சூடி வரை - மக்களை ஒருங்கிணைப்பது தவிர வேறு என்ன?

வந்தேறிகளான ஆரியர்கள் ஜாதி - வர்ணம் என்று பிரித்ததுதான் பிரிவினைவாதம்!

இன்னும் ஒருபடி மேலே போய்க் கூறுவது என்றால், வந்தேறிகளான ஆரியம் மக்களிடையே - ஜாதி, வர்ணம் என்று கூறி பிறப்பினில் பேதம் கற்பித்தல் கூடாது என்று, ஓங்கி மண்டையிலடித்துக் கூறிய தத்துவம்தான் திராவிடம்.

‘திராவிடம்' என்பது அரை வேக்காட்டுத்தனமாக ஏதோ வெள்ளைக்காரர்களால் புகுத்தப்பட்ட வாதம் என்ற புனைவுரையை மறுத்து, மனுதர்மத்தில் 10 ஆவது அத்தியாயத்தில்  (மனுதர்ம சாஸ்திரத்தில் 10ஆம் அத்தியாயத்தில் ‘சங்கர ஜாதி’ என்ற தலைப்பின்கீழ் ஜாதி தர்மத்தை அனுசரிக்காதவர்கள், அனுசரிக்காதவர் களுக்குப் பிறந்தவர்கள் ‘திராவிடர்’ என்ற பெயர் கொண்டவர் என்றும், சூத்திரன் பிராமண ஸ்தீரியைப் புணர்ந்தால் பெறப்படும் குழந்தைகள் பாக்கிய ஜாதியர் என்றும், அதாவது சமீபத்தில் வரக்கூடாத ‘சண்டாள ஜாதி’ என்றும் குறிப்பிடப்பட்டிருக்கிறது. 

மற்றும் பிராமணர்களுக்கு சூத்திர ஸ்தீரிகளிடத்தில் பிறந்த குழந்தைகள் ஆர்யா வர்த்த தேசத்தில் ‘செம்படவன்’ என்ற ஈன ஜாதியாகச் சொல்லப்படுவார்கள் என்று குறிப்பிடப்பட்டிருக்கிறது. 

மற்றும் ஜாதி தர்மம் தவறிய கலப்பினால் பிறப்ப வர்களால்தான் தோல் வேலை செய்யும் (சக்கிலி) ஜாதியும், பிணத்தின் துணியைப் பிடித்துக் கொள்கிற வர்களும் எச்சில் சாப்பிடுகிறவர்களுமான (பறையர்) ஜாதியும் ஏற்படுகின்றன என்று குறிப்பிடப்பட்டிருக்கிறது. 

“திராவிட தேசத்தை ஆண்டவர்கள் சூத்திரர்களாய் விட்டார்கள்” என்று தெளிவாகவே குறிப்பிடப்பட்டிருக் கிறது. இது மனு 10ஆம் அத்தியாயம் 44ஆம் ஸ்லோகம் ஆகும்.) 

உள்ள வரிகளை நாம் பலமுறை சுட்டிக்காட்டியும், திருந்தாத ஜென்மங்களாக காவிகள் பலர் உளறுகிறார்கள். இன்று அவர்களைப் பின்பற்றி, தமிழ்நாடு ஆளுநர் என்ற அரசுப் பணியாளர் - மக்கள் வரிப் பணத்தில் சம்பளம் பெற்று, அதில் மாளிகை வாசமும் செய்துகொண்டு இப்படிப் பிதற்றுவது அவர் வகிக்கும் பதவிக்கே இழுக்கு அல்லவா?

நாட்டில் ஆரிய தேசம் - திராவிட தேசம் என்று முன்பு பிரித்தவர்கள், திராவிட இயக்கத்தவர்களா?

காசியில் ''ஹிந்து'' கல்லூரியை

உருவாக்கியவர் யார்?

காசியில் தற்போதுள்ள காசி ஹிந்துப் பல்கலைக் கழகம், முன்பு ‘பனாரஸ் சென்ட்ரல் ஹிந்து காலேஜ்' ஆக இருந்துதான், மதன்மோகன் மாளவியா போன்றவர்களால் பல்கலைக் கழகமாக உயர்த்தப்பட்டது.

அந்த ‘ஹிந்து காலேஜில்' 1916 இல் (நீதிக்கட்சி உதயம் அந்த ஆண்டுதான்) வெளியிட்டுள்ள,

'''SANATANA DHARMA' AN ELEMENTARY TEXT BOOK OF HINDU RELIGION AND ETHICS''

என்ற பாட புத்தக நூலில், தொடக்கத்திலேயே உள்ள பகுதியை அப்படியே தருகிறோம்.

''SANATANA DHARMA means the Eternal Religion, the Ancient Law, and it is based on the Vedas, sacred books given to men many long ages ago. 

This Religion has also been called the Aryan Religion, because it is the Religion that was given to the first Nation of the Aryan race; Arya means noble, and the name was given to a great race, much finer in character and appearance than the races which went before it in the world's history. The first families of these people settled in the northern part of the land now called India, and that part in which they first settled was named Aryavarta, because these Aryans lived in it. "(The land) from the eastern ocean to the western ocean, between the two mountains (Himayan and Vindhya), the wise call Aryavarta''

ஆரிய வர்த்தத்தையும், திராவிட தேசத்தையும் (மனுநீதி கூறுகிற இதர தேசங்களை) இணைத்து ஒரே நாடு ஆக்கியதற்குக் காரணம்  பிரிட்டிஷ்காரர்களா? என்று வரலாறு அறிவு தெரிந்தவர்கள் கூறட்டும்.

பிறப்பில் பிரிவினை  - படிப்பில் பிரிவினை - 

யார் காணம்?

பிரிவினை ‘‘திராவிடமா? ஆரியமா?

அதுமட்டுமா?

படிப்பில் பிரிவினை -

உயர்ஜாதியினர் படிக்கலாம் - கீழ்ஜாதியினர் படிக்கவே கூடாது. மீறிப் படித்தால், நாக்கை அறு, காதில் ஈயத்தைக் காய்ச்சி ஊற்று!

மக்கள் ஜாதியில் கீழ்ஜாதிக்கும் கீழானவர்கள்.

Out Caste

பெண்கள் படிக்கவே கூடாது - அடிமைகள்தான்; இந்தப் பேதங்களை ஏற்படுத்தியது ஆரியமா? திராவிடமா? என்ற தி.மு.க. பொருளாளர், நாடாளு மன்ற உறுப்பினர் மானமிகு டி.ஆர்.பாலு அவர்கள் கேட்ட கேள்விக்கு என்ன பதில் ஆளுநர் அவர்களே?

நம்பும் கடவுளிடம் நெருங்கி பூஜை செய்வதற்குக்கூட அனைத்துப்  பக்தர்களுக்கும் உரிமை உண்டா?

ஆகமம் படித்தாலும் அர்ச்சகர் ஆகும் உரிமை கிடையாது என்று - அதை எதிர்த்து வழக்குப் போட்டு, வம்பு வளர்க்க நீதிமன்றங்களை நாடுவோர் பிரிவினை வாதிகளான ஆரியர்களா? திராவிடத்தவர்களா?

இப்படி அடுக்கடுக்கான கேள்விக் கணைகள் பாயவே செய்யும்!

எனவே, இனியும் பிதற்றாதீர் ஆர்.எஸ்.எஸ். பிரச்சார பாத்திரமேற்கும் ஆளுநரே!

இது பெரியார் மண்!

ஆரியப் பாச்சா பலிக்காது!

தமிழ்நாடு பெரியார் மண் - நீங்கள் உளறுவதுபோல ஆழ்வார் மண் அல்ல - 69 சதவிகிதம் இட ஒதுக்கீட்டை ‘அவாள்கள்' கையொப்பத்தோடு நிறைவேற்றி வைத்து வெற்றி பெற்ற மண்!

சமூகநீதியை விதைத்துப் பாதுகாக்கும் மண்! இங்கே சமூக அநீதி ஆரியத்தின் ‘பாச்சா' பலிக்காது!

இதனை உணர்ந்து, ஆளுநர் பணியை ஒழுங்காக செய்யுங்கள் என்று எச்சரிப்பார்கள் தமிழ் மக்கள்.

காரணம், நீங்கள் அவர்களது பணியாளர் என்பதை மறவாதீர்! கடமை துறவாதீர்!!

தமிழ்நாடு என்று அழைக்காமல், ‘தமிழகம்' என்று கூறவேண்டுமாம். இதுவே பிரித்தாளும் சூழ்ச்சிதானே - புரிந்துகொள்வீர்! ‘ஆந்திர பிரதேசம்' என்று இருக்கிறதே - ‘நாகாலேண்ட்' என்றெல்லாம் இல்லையா?

எனவே, ‘‘வெளியேறு, வெளியேறு, கடமை தவறிய ஆளுநரே, வெளியேறு!'' என்பதே இனி முழக்கமாகட்டும்!

கி.வீரமணி 

தலைவர்,

திராவிடர் கழகம்

சென்னை

6.1.2023

திராவிடர் என்று அடையாளப்படுத்தி பிரித்தது ஆங்கிலேயர்களா? வரலாற்றை மறைத்து பிரச்சினையை திசை திருப்புவதா?

  July 12, 2022 • Viduthalai

தமிழ்நாடு ஆளுநருக்கு தி.மு.க. பொருளாளர் டி.ஆர்.பாலு கண்டனம்

சென்னை, ஜூலை 12- உண்மையான பிரச்சினைகளைத் திசை திருப் பும் செயலில் இறங்க வேண் டாம் என ஆளுநருக்குக் கண் டனம் தெரிவித்து தி.மு.க. பொருளாளர் டி.ஆர்.பாலு அறிக்கை விடுத்துள்ளார்.

அவர் வெளியிட்ட அறிக்கை பின்வருமாறு: தமிழ்நாடு ஆளு நர் ஆர்.என்.ரவி அவர்கள் தினந்தோறும் ஏதாவது ஒரு சர்ச்சைக்குரிய கருத்தைச் சொல்வதை தனது வழக்கமாக வைத்திருக்கிறார். சர்ச்சைக்கு ரிய கருத்தைச் சொல்லி தன்னை நோக்கி அனைவரையும் பார்க்க வைக்கும் நோக்கத்துடன் இப் படி ஆளுநர் நடந்து கொள் கிறாரோ என்ற சந்தேகம் ஏற்படும் வண்ணம் அவரது கருத்துகள் தமிழ்நாட்டின் பொதுவெளியில் அமைந்து வருகின்றன

தமிழ்நாட்டிற்கு இதுவரை வந்து பணியாற்றிய ஆளுநர்கள் யாரும் இதுவரை இதுபோன்ற கருத்துகளைப் பொதுவெளி யில் சொல்லி சர்ச்சைகளில் இறங்கியது இல்லை என்று சொல்லும் வண்ணம், இன் றைய ஆளுநர் அவர்களின் செயல்பாடுகள் அமைந்துள் ளன.

சனாதனம் குறித்து சில வாரங்களுக்கு முன்னால் அவர் சில கருத்துகளைச் சொன்னார். அப்போதே அதற்கு உரிய விளக்கத்தை தி.மு.கழகத்தின் சார்பில் நான் அளித்தேன். இந்த நிலையில், ‘திராவிடர்’ குறித்து ஆளுநர் அவர்கள் அடுத்த விவாதத்தைத் தொடங்கி வைத்திருக்கிறார்.

‘திராவிடர்’ என்று அடை யாளப்படுத்திப் பிரித்ததே ஆங்கிலேயர்கள்தான் என்று ஆளுநர் அவர்கள் சொல்லி இருப்பதற்கு எந்த ஆதாரமும் இல்லை. ஆங்கிலேயர்களது வருகை கி.பி.1600 ஆம் ஆண்டு என வைத்துக் கொண்டால், அதற்கு முன்னதாக ‘திராவிடம்’ என்ற வார்த்தை இந்தியாவில் இல்லையா? இல்லை என்று ஆளுநர் அவர்கள் சொல்கி றாரா? இப்படி நிரூபிப்பதன் மூலமாக அவர் என்ன சொல்ல வருகிறார்?

ஆரியர் - திராவிடர் என்ற சொற்கள் எல்லாம் எப்போது உருவானவை என்பது குறித்து மிகப்பெரிய வரலாற்றாசிரியர் கள் பல நூறு புத்தகங்களை எழுதி இருக்கிறார்கள். அது குறித்து ஒன்றிரண்டு புத்தகங் களை மேலோட்டமாக ஆளு நர் அவர்கள் வாசித்தாலே ஆரி யர் - திராவிடர் என்ற உண் மையை எளிதாகப் புரிந்து கொள்ளலாம்.

அசல் மனு தரும சாஸ்தி ரத்தின் பத்தாவது அத்தியாயத் தின் 33ஆவது சூத்திரம் என்ன சொல்கிறது என்றால், ”பவுண்ட்ரகாஷ் சவுட்ர த்ரவிடா காம்போஜாயவநா ஷகா பாரதா பஹ்ளவாஷ் சீநா கிராதா தரதா கஷா” - என்கிறது.  "இத்தேசத்தை ஆட்சி செய்த வர்கள் அனைவரும் சூத்திர னாய் ஆகிவிட்டார்கள்"- என்கி றது மனுசாஸ்திரம்.

மகாபாரதத்தில் ‘திராவி டம்’ வருகிறது. காஞ்சி புராணத் தில் ‘திராவிடம்’ இருக்கிறது. தாயுமானவர் ‘திராவிடம்’ சொல்கிறார். தஸ்யூக்கள், அடிமைகள், திராவிடர்கள் "சூத்திரர்கள்" ஆக்கப்பட்டார் கள் என்கிறார் டாக்டர் அம் பேத்கர் அவர்கள்.

இத்தகைய இந்தியச் சமூக வரலாற்றின் சாதாரணச் செய் திகளைக் கூட அறிந்து கொள் ளாமல் ஆங்கிலேயர்கள் வந்து தான் ‘திராவிடர்கள்’ என்று பிரித்தார்கள் என்று சொல்வது வரலாறு அறியாதவர் கூற்று. அல்லது வரலாற்றை மறைப்ப வர்களின் கூற்று ஆகும்.

‘திராவிடம்’ என்பது இடப் பெயராக, இனப்பெயராக, மொழிப் பெயராக  இருந்தது. வடக்கு - தெற்கு என்ற பாகுபாடு இடப்பாகுபாடாக இருந்தது. ஆரியன் - திராவிடன் என்ற இனப்பாகுபாடாக இருந்தது. தமிழ் - சமஸ்கிருதம் என்ற மொழிப்பாகுபாடாக இருந் தது. இப்படி காலம்காலமாக இருந்த இன - இட - மொழிப் பாகுபாட்டை முன்வைத்து தமிழர் தம் அரசியலை - முன் னேற்றத்தை - எழுச்சியை உரு வாக்க முனைந்ததுதான் திரா விட இயக்கம் ஆகும். கடந்த 100 ஆண்டு கால திராவிட இயக்கத்தின் வரலாறு என்பது இதில் தான் அடங்கி இருக்கி றது.

 ஆயிரமாண்டுப் பள்ளத்தை 100 ஆண்டுகளில் நிரப்பி வரு கிற இயக்கம் தான் திராவிட இயக்கம் ஆகும். இதனைத் தாங்கிக் கொள்ள முடியாத வர்கள் ‘திராவிடம்’ என்ற சொல்லைப் பார்த்தாலே மிரண்டு கொண்டு இருக் கிறார்கள். இத்தகைய பீதிதான் ஆளுநர் அவர்களது பேச்சில் வெளிப்படுகிறது.

மன்னர்கள், குறுநில மன் னர் கள், சமஸ்தானங்கள் - என பிரிந்து கிடந்த நிலப்பரப்பை ஒன்றாக்கி ‘இந்தியா’வாக ஆண்டது பிரிட்டிஷ் அரசு. இங்கிருந்த ஜாதி - மத - இன - மொழி - எல்லை வேற்றுமை களை அவர்கள் பயன்படுத்திக் கொண்டார்கள் என்று வேண் டுமானால் சொல்லலாமே தவிர, இந்த வேற்றுமைகள் அனைத்தும் அவர்களால் உரு வாக்கப்பட்டவை என்று சொல் வது வரலாற்றை மறைப்பது ஆகும். வேத கால வரலாற்று இலக்கியங்களை ஆளுநர் அவர்கள் வாசித்தாலே இத்த கைய வேற்றுமைகளின் பிதா மகர்கள் யார் என்பதை அவர் உணரலாம்.

பிரிட்டிஷ் ஆட்சிக்குக் கீழ் இன்று இந்தியா இல்லை. பா.ஜ.க. ஆட்சியில்தான் இன்று இந்தியா இருக்கிறது. அதே வேற்றுமைகளை நீக்கும் செயல் கள் என்னென்ன என்று பார்த்து அதனை முன்னெடுப்ப தற்கு தன்னால் முடிந்த காரி யங்களை ஆளுநர் அவர்கள் செயல்படுத்தலாம். மற்றபடி கடந்த கால வரலாற்றுக்கு கற் பனை முலாம் பூசி, உண்மை யான பிரச்சினைகளைத் திசை திருப்ப முன்வர வேண்டாம் என்று கேட்டுக் கொள்கிறேன்.

கவர்னர், கவர்னர் ஜெனரல் போன்ற பதவிகள் எல்லாம்கூட பிரிட்டிஷாரால் உருவாக்கப் பட்டவை தான் என்பதையும் நினைவூட்டுவதோடு,  தமிழ் நாடு ஆளுநர் தன் பதவியேற் பின்போது,  அரசமைப்புச் சட் டத்தின்மீது எடுத்துக் கொண்ட உறுதிமொழிக்கு எதிராக இத் தகைய கருத்துகளை வெளியிடுவதைத் தவிர்க்க வேண்டும் என்றும் கேட்டுக் கொள்கி றேன், என்று அவர் அறிக்கை யில் குறிப்பிடுள்ளார். 

தி.மு.க. அரசின் ''திராவிட மாடலுக்கு'' எதிராக உள்ளார்ந்த திட்டத்தோடு வீண் வம்பை வளர்ப்பது சரியல்ல!

   July 12, 2022 • Viduthalai

 *     இந்திய அரசமைப்புச் சட்ட 259 ஆம் பிரிவுப்படி

     உறுதிமொழி எடுத்த ஆளுநர் அதற்கு எதிராகப் பேசலாமா?

* ஆரியர் - திராவிடர் பேதத்தை ஏற்படுத்தியது ஆரியனா - வெள்ளையனா?

தி.மு.க. அரசின் ''திராவிட மாடல்'' அரசுக்கு எதிராகவும், உள்ளார்ந்த திட்டத்தோடும் ஆளுநர் ஒருவர் செயல்படுவதும், பேசுவதும்  அரசமைப்புச் சட்டப்படி ஆளுநர் எடுத்துக்கொண்ட உறுதிமொழிக்கு எதிரானது என்று  அறிக்கை விடுத்துள்ளார்  திராவிடர் கழகத் தலைவர் ஆசிரியர் கி.வீரமணி அவர்கள். 

அவரது அறிக்கை வருமாறு:

தமிழ்நாட்டில் உள்ள ஆளுநர் ஆர்.என்.ரவி அவர் கள் தொடர்ந்து, தனது பதவியின் மாண்புக்கும், மரியா தைக்கும் இழுக்குத் தேடிடும் வகையில், பிரச்சினைக் குரியதாகக் கருதப்படும் கொள்கைகளைப்பற்றி விமர் சனம் செய்வது (Controversial Stories) அரசமைப்புச் சட்டப்படி அவர் எடுத்த உறுதிமொழிக்கு எதிரானது; அவரது அதிகார வரம்பின் அத்துகளை மீறிய நடவடிக்கை என்பதால் கண்டனத்திற்குரியதாகும்.

ஆளுநர் ஆர்.என்.ரவியின் 

ஆரியர் - திராவிடர் ஆராய்ச்சி

சில நாள்களுக்குமுன் அவரது ஆரிய- திராவிடர் ஆராய்ச்சியை உதிர்த்துள்ளார்.

அது அபத்தமானதாகவும், கலாச்சார மற்றும் மொழி பண்பாட்டுக்கு நேர் எதிரிடையாகவும் உள்ளது!

தற்போது நமது ஒப்பற்ற முதலமைச்சர் அவர்கள் தலைமையில் உள்ள  ‘திராவிட மாடல்' ஆட்சியின் மாட்சிகளை உலகமும், இந்திய நாட்டின் இதர மாநிலங்களும் மிகவும் பாராட்டி வரவேற்கும் நிலையில், ‘திராவிட' என்ற கருத்தியல் ஆர்.எஸ்.எஸ். - பா.ஜ.க. மற்றும் பார்ப்பன ஏகபோக கல்வி, பதவிச் சுரண்டல் காரர்களுக்குப் பெரும் ‘ஒவ்வாமையை' ஏற்படுத்துகிறது - அது அவர்கள் கொள்கை வயப்பட்டது.

ஆர்.எஸ்.எஸின் தத்துவ கர்த்தா கோல்வால்கரின் கருத்தை ஆளுநர் எதிரொலிப்பதா?

ஆர்.எஸ்.எஸ். அமைப்பின் தத்துவகர்த்தாவான கோல்வால்கர்  எழுதிய நூலில் (Bunch of Thoughts  - தமிழில் ‘ஞானகங்கை') ஆரிய - திராவிடர் கருத்தியல் பற்றி எவ்வகையில் விமர்சிக்கப்பட்டுள்ளதோ, அத னையே பிரதிபலிப்பதாக தமிழ்நாட்டு ஆளுநரின் பேச்சு - திட்டமிட்டே வம்புச் சண்டை இழுப்பதுபோலவே உள்ளது!

‘‘திராவிடம் என்பது இடம் சார்ந்தது மட்டுமே!''

‘‘ஆங்கிலேயர்கள் வருவதற்கு முன்னே நாம் கல்வியில் சிறந்து விளங்கினோம். 

இந்தியாவை பல ராஜாக்கள் ஆண்டபோதும் ஒரே குடும்பமாக இருந்தோம். ஆங்கிலேயர்கள்தான் பிரித் தாளும் சூழ்ச்சியைக் கையாண்டார்கள். விந்திய மலையை அடிப்படையாக வைத்து, வடக்கில் உள்ள வர்களை ஆரியர்கள் என்றும், தெற்கே உள்ளவர்கள் திராவிடர்கள் என்றும் கூறினர்.

ஒருங்கிணைந்த மராட்டியம், ஒடிசா, ஆந்திரா, கருநாடகா போன்ற பகுதிகளும் திராவிடமாக இருந்தன. திராவிடம் என்பது இடம் சார்ந்தது மட்டுமே.''

இந்த உரையின் கருத்துகள் முற்றிலும் உண்மைக்கு மாறானவை.

ஆங்கிலேயர் வருமுன் கல்வியில் சிறந்து விளங்கியோர் யார்?

ஆங்கிலேயர்கள் வருவதற்கு முன்னே கல்வியில் சிறந்து விளங்கியதாகச் சொல்லப்படுவோர் மிகப்பெரும் பான்மையான உழைக்கும் மக்களா? விளக்குவார்களா?

ஜாதி, வர்ணாசிரம முறைப்படி உயர்ஜாதியினரான ‘பிராமணாள் மட்டுமேதானே - பெரும்பான்மையான கீழ்ஜாதியினரான சூத்திர மக்களுக்கு - ‘‘வேதக் கல்வி என்பது மறுக்கப்பட்டது. காதால் கேட்கவும், நாவால் படிக்கவும் கூடக் கூடாது; மீறினால் காதில் ஈயத்தைக் காய்ச்சி ஊற்றவும், படிப்பவர் நாக்கை அறுக்கவும் வேண்டும்' என்ற சாஸ்திரக் கட்டளை - சனாதனத்தின் சந்நிதானக் கட்டளை'' என்பதை ஆளுநர் ரவியோ அல்லது அவருக்கு அந்தப் பேச்சை எழுதிக் கொடுத்த வர்களோ மறுக்க முடியுமா?

அனைவருக்கும் கல்வி ஆங்கிலேயர் வருவதற்கு முன் உண்டா?

ஆங்கிலேயர் வருமுன் 

அனைவருக்கும் கல்வி உண்டா?

அனைவருக்கும் உத்தியோகம் ஆங்கிலேயர் வருவதற்குமுன் உண்டா?

ஒரே ஜாதியிலிருந்து நியமனங்கள் செய்வது நிறுத் தப்பட்டு, பரவலாகப் பல வகுப்பினருக்கும் பகிர்ந்தளிக் கப்படவேண்டும் என்பதற்குக் கால்கோள் விழா இட்டவர்களே ஆங்கிலேயர் என்பதை இவர்களால் மறுக்க முடியுமா?

துரோணாச்சாரி - ஏகலைவன் கதை (கட்டை விரலை வெட்டி  குருதட்சணை கேட்ட கொடுமைக்கதை) பாரதத் தின் பழைய கதை அல்லவா? அதன் தத்துவம் என்ன? பதிலளிப்பாரா இந்த ஆளுநரான அறிஞர்?

திராவிடம் என்பது வெறும் இடமா? 

இந்தியா ஒரே நாடா?

‘திராவிடம்' என்பது வெறும் இடமா?; நிலத்திற்குக்கூட அந்த மொழி, பண்பாட்டு அடிப்படையில்தானே நாடு களுக்குப் பெயர் உண்டாகிறது; இங்கிலாந்து (England)  என்பது இங்கிலீஷ் மொழி பேசுபவர்களால்தானே! ஜெர்மனி - ஜெர்மானிய மொழிக்காரர்கள் - பண்பாட்டா ளர்களால் வந்த பெயர் அல்லவா? பிரெஞ்சு - பிரான்ஸ் என்பதன் அடிப்படை என்ன என்பதை சாதாரண அறிவுள்ளவரும் அறிவரே!

ஆதிசங்கரர், இராமானுஜர், சமஸ்கிருத,பாலி மொழிச் சுவடுகள், சமண, பவுத்த மதங்கள் நிலைத்த காலங் களுக்குப் பின்னும் தாயுமானவர் (18 ஆம் நூற்றாண்டு), கால்டுவெல் (1856), மனோன்மணியம் சுந்தரனார் (1891), இரவீந்திரநாத் தாகூர் (1911), மறைமலை அடிகள் போன் றோர் திராவிடம் என்ற சொல்லைப் பயன்படுத்தினரே! மகாபாரதத்திலும் திராவிட, கேரளா, பிராச்பேடி, பூஷிகா வன வாசின (பீஷ்ம பர்வம், 6:10:57) என்று உள்ளதே, இதற்கு என்ன பதில்?

சிந்து சமவெளி நாகரிகம், திராவிடர் நாகரிகம் என்று ஆய்வாளர்கள் கண்டுபிடித்தனரே, அய்ராவதம் மகாதேவன் போன்றோரும் கூறியதுண்டே!  நாகர்களும், திராவிடர்களே என்று டாக்டர் அம்பேத்கர் எழுதியுள்ளாரே!

என்ன பதில்?

ஆங்கிலேயர்கள் வரும்முன் இந்தியா ஒரே நாடாக இருந்த வரலாறு உண்டா?

புருஷ சுத்தம் - அதாவது வருண தர்மத்தை ஏற்படுத்தியவன் ஆங்கிலேயனா - ஆரியனா?

தெருக்கூத்தில்கூட ‘‘56 தேசத்து ராஜாக்களும்'' என்றுதானே வசனம் பேசுவர் என்பது - அவருக்குத் தெரியாதா?

ஒரே குடும்பமாக இருந்தால் ஏன் இத்தனைக் கடவுள்கள்? இத்தனை மதங்கள்?

ஒரே மதத்திற்கும் ஏன் தனிப்பிரிவு - சண்டைகள். அர்த்தமுள்ள ஹிந்து மதம் என்பதில் ஏன் நாலாயிரம் ஜாதிகள்?

பிரித்தாண்டவன் வெள்ளைக்காரனா? ‘‘புருஷ சுத்தம்'' காட்டிதலையில், தோளில், தொடையில், காலில் பிறந்தவன், அதற்கும் கீழே - அடியில் பஞ்சமர்கள், அனைத்து ஜாதிப் பெண்கள் என்று படிக்கட்டு ஜாதி முறையை (Graded inequality-யுடன் கூடிய முறையை) உண்டாக்கியவன் யார்? வெள்ளையனா?

மனுதர்மம் என்ன கூறுகிறது?

ஆரிய ரிக் வேதத்தின் புருஷ சுத்தத்தை ஆங்கி லேயனா எழுதினான்?

‘திராவிடம்' என்பது மனுதர்மத்தில் பத்தாவது அத்தியாயத்தில் உள்ளது என்பதை இந்த பிரகஸ்பதியார் ஏனோ தெரிந்துகொள்ள மறுக்கிறார்? அபத்தமாக, அரசமைப்புச் சட்டத்தின் 259 ஆவது கூற்றின் - Article-படி எடுத்த உறுதிமொழியை மீறும் வகையில் மக்களிடையே வேற்றுமையை விதைக்கும் பிரச்சாரம் செய்யலாமா?

தி.மு.க.வின் பொருளாளரும், நாடாளுமன்ற தி.மு.க. வின் தலைவரும், மேனாள் ஒன்றிய அமைச்சருமான தோழர் டி.ஆர்.பாலுவின் அறிக்கை மிகத் தெளிவாக விளக்குகிறது - சரியான பதிலடியாகவும் உள்ளது.

தி.மு.க.வின் 'திராவிட மாடலுக்கு' எதிராக ஆளுநர் கூறி - அமைதியற்ற நிலையை உருவாக்குவதா?

ஒரு ஆளுநரின் வேலை அந்த மாநில அரசு ‘‘திராவிட மாடல் அரசு'' என்று கூறும்போது, அதற்கு நேர் எதிரான கருத்தைக் கூறி, உள்ளே ஓர் அமைதியற்ற விவகாரத்தைக் கிளப்பிவிடுவதாக உள்ளது என்றால், ஏதோ ஒரு உள்ளார்ந்த திட்டத்துடன் இப்படி வலிந்த வம்புகள் தொடங்கப்படுகின்றனவோ என்ற அய்யம் பரவலாக உள்ளது!

அதைத் தவிர்த்து, சுமூக உறவுடன் மாநில வளர்ச்சிக்கு, வேலி துணையாக இருக்கவேண்டுமே தவிர, வேலியே பயிரை மேய்வதாக இருப்பது கூடாது.

இந்திய அரசமைப்புச் சட்ட விதிக்கும், எடுத்த உறுதிமொழிக்கும், அவரது பதவியின் பெருமைக்கும்கூட அது விரோதமானதாகும்.

கி.வீரமணி

தலைவர்,

திராவிடர் கழகம்

சென்னை

12.7.2022

கேரள ஆளுநர் ஆரிப் முகமதுகான் சபரிமலையில் இருமுடி கட்டி வந்து வழிபாடாம்

April 13, 2021 • Viduthalai

சபரிமலை, ஏப். 13- கேரள ஆளுநர் ஆரிப் முகமதுகான் பம்பை சென்று, அங்குள்ள கணபதி கோவிலில் வைத்து இருமுடி கட்டிக்கொண்டு - அங்கிருந்து நடை பயணமாக அய்யப்பன் சன்னிதானத்தின் வலிய நடைப்பந்தலுக்கு சென்றார்.

அங்கு அவரை திருவிதாங் கூர் தேவஸ்தான தலைவர் வாசு, உறுப்பினர் எஸ்.ரவி, ஆணையர் பி.எஸ். திருமேனி ஆகியோர் வரவேற்க அதைத் தொடர்ந்து, படி பூஜைக்கு பின், இரு முடி கட்டுடன் 18ஆம் படி வழியாக ஆளுநர் வழிபாடு செய்தாராம். ஆளு நருடன் அவரது இளைய மகன் கபீர் முகமது கானும் உடன் சென்றார்.

பின்னர் இரவு சபரிமலையிலுள்ள விருந்தினர் மாளி கைக்கு சென்று ஓய்வு எடுத் தார். நேற்று காலை மீண்டும் நெய்யபிஷேகம் நடத்தி, மாளிகப்புரம் கோவில் அருகில் சந்தன மரக் கன்று ஒன்றை நட்டு வைத்துத் தொடர்ந்து, ஆளுநர் ஆரிப் முகமது கான் நடைபயணமாக பம்பை வந்து அங்கிருந்து கார் மூலம் திருவனந்தபுரம் புறப்பட்டு சென்றாராம்!