பெரியார் நினைவிடத்தில் ஈ.வெ.கி.ச.இளங்கோவன் மரியாதை - தமிழர் தலைவர் வாழ்த்து

  January 23, 2023 • Viduthalai

ஈரோடு கிழக்கு தொகுதி சட்டமன்ற இடைத்தேர்தலில்  திமுக தலைமையிலான மதச் சார்பற்ற முற்போக்குக் கூட்டணியின் காங்கிரசு கட்சி வேட்பாளராக ஈ.வெ.கி.ச.இளங்கோவன் அகில இந்திய காங்கிரசு கட்சியின் தலைமையால் அறிவிக்கப்பட்டுள்ளார்.  இன்று (23.1.2023) சென்னை பெரியார் திடலுக்கு ஈ.வெ.கி.ச.இளங்கோவன் வருகை தந்து, தந்தை பெரியார், அன்னை மணியம்மையார், சுயமரியாதைச் சுடரொளிகள் நினைவிடங்களில் மாலை வைத்து மரியாதை செலுத்தினார்.  திராவிடர் கழகத் தலைவர் ஆசிரியர் கி.வீரமணி அவர்களுக்கு ஈ.வெ.கி.ச.இளங்கோவன் பயனாடை அணிவித்தார். அவருக்குத் தமிழர் தலைவர் ஆசிரியர் பயனாடை அணிவித்து இயக்க வெளியீடுகளை வழங்கி, இடைத்தேர்தலில் வெற்றி பெற வாழ்த்துகளைத் தெரிவித்தார். உடன் கழகத் துணைத் தலைவர் கவிஞர் கலி.பூங்குன்றன், காங்கிரஸ் மூத்த தலைவர்கள் மு.கிருஷ்ணசாமி, கே.வி.தங்கபாலு, காங்கிரசு கட்சி செய்தித் தொடர்பாளர் கோபண்ணா, நாசே இராமச்சந்திரன், இதயதுல்லா, சட்டமன்ற காங்கிரசு கட்சித் தலைவர் செல்வப்பெருந்தகை.

பிராமணர்' சங்க மாநாட்டில் பாண்டே ஜாதித் திமிர் பேச்சு?

சமூக ஊடகங்களிலிருந்து... 'பிராமணர்' சங்க மாநாட்டில் பாண்டே ஜாதித் திமிர் பேச்சு?

  January 18, 2023 • Viduthalai

ஒரு பேச்சுக்கு, கார்த்திகை செல்வனோ, அல்லது வேறு ஏதாவது ஒரு தமிழ் ஊடகவியலாளரோ தங்கள் ஜாதிக்கான மாநாட்டில் கலந்து கொண்டு, ஜாதி வெறியைத் தூண்டும் படி, படு கொலைகளை, வன்முறையைத் தூண் டும்படி பேசுகிறார்கள் என்று வைத்துக் கோள்வோம்.அதன் பின், அவர்களைப் பொதுச் சமூகம் ஜாதி வெறியர்களாக ஒதுக்கித் தள்ளுமா தள்ளாதா? அவர்களுக்கு வேலை வாய்ப்புகள், பொது மேடைகள், நிகழ்ச்சிகள் குறையுமா குறையாதா? ஒரு வேளை  ஜாதி வெறியைத் தூண்டிய தற்காக வழக்குகள் கூட அவர்கள் மீது பாய வாய்பிருக்கிறதா இல்லையா?

ஆனால் ரங்கராஜ் பாண்டே, பார்ப்பன ஜாதி மாநாட்டில் கலந்து கொண்டு பார்ப்பனர்கள் தன்னைப் போல் ஜாதிப் பெயரைத் ஜாதித் திமிருடன் சேர்த்துக் கொள்ள வேண்டும்; அதே பழைய ஜாதிவெறி தீண்டாமை தீவிர மத சம்பிரதாய பழக்க வழக்கங் களுடன் வாழவேண்டும்; வாஞ்சி நாதனைப் போல் சனாதன ஜாதி வெறிக் காகக் கொலை செய்ய வேண்டும்" என்றெல்லாம் உச்சக்கட்ட ஜாதி வெறித் திமிருடன் கொக்கரித்த பின்னும் தமிழ்ப் பொதுச் சமூகம் அவரை எப்படி ஒரு ஊடகவியலாளராக, மனிதனாக இன்னும் பார்க்கிறது? அவருக்கு மேடை கொடுத்து அழகு பார்க்கிறது? வழக்கு களை விடுவோம்.. சிறு சலசலப்பு கூட ஏற்படுவதில்லையே!!

இது தான்  மற்ற எந்த ஜாதியினருக்கும் கிட்டாத பார்ப்பனர்களுக்கு மட்டுமே கி.ராவோ, பிரபஞ்சனோ, அல்லது வேறு ஒரு புகழ்பெற்ற எழுத்தாளரோ தீடீ ரென்று தங்கள் ஜாதிக்கு ஆதரவாகப், பொய்களை, மிகைப்படுத்தப்பட்ட கருத் துகளை,  அவ்வளவு கூட வேண்டாம்,

ஒருதலையான  நியாயங்களை எழுதினால் கூட அவர்களை எப்படி பார்த்திருப்போம்? ஜாதியவாதி, ஜாதி வெறியர் என என்னவெல்லாம் பட்டம் கொடுத்திருப்போம்.. குறைந்த பட்சம், அதற்குப் பிறகு அவர்களை எல்லோ ருக்கும் பொதுவான எழுத்தாளர்களாகக் கருதுவதில், நம் மனதில் ஒரு சிறிய அசூயைவாது வந்திருக்குமா.. இல் லையா..? ஆனால் அதையே அசோக மித்ரன் போன்றவர்கள் செய்தால் ஏன் அவர்களுக்கு எந்த சேதாரமும், அங்கீ கார இழப்பும் ஏற்படுவதில்லை?

ஆதித்தனாரோ, எஸ்.ஏ.பி அண்ணாமலையோ,  வேறு புகழ்பெற்ற பத்திரிக்கை அதிபரோ, 'எங்கே செட்டியார்', 'எங்கே நாடார்' போன்று தொடர்களை எழுதி, சதா சர்வ காலமும், வருடம் 365 நாளும், தங்கள் சாதிக்கு என்ன நலன் எனும் கோணத்திலேயே அரசியல், சமூகப் பிரச்சினைகளை அணுகி இருந்தால் அவரகளை ஒரு சாதிய வட்டத்திற்குள் சுருக்கி, ஒரு சாதி அபிமானியாக, வெறியராக பார்த்திருப் போமா இல்லையா? ஆனால் அதையே சோ ராமசாமி தொடர்ந்து செய்தாலும்,

அவரை அதிகபட்சம் வலதுசாரி பத் திரிகையாளர் என்றோமே தவிர என்றா வது பிராமண ஜாதி வெறியர் என்றிருக் கிறோமா?

அதே மாதிரி, ஜான் பாண்டியன், ஹரி நாடார், காமாட்சி நாயுடு, கருணாஸ் போன்றவர்களைச் சரியாகச் ஜாதி அரசியல் கட்சி அல்லது அமைப்புத் தலைவர்கள் என்னும் நாம்,

அவர்களைப் பொது அரசியல் வெளியில் இருந்து தவிர்க்கும் நாம், அதே போல் பேசும், இயங்கும் எச் ராஜா, அமெரிக்கை  நாராயணன் போன்றோரை அதே போல் பார்ப்பது, நடத்துவது இல்லையே.. ஏன்? 

கடைசியாகத், தொடர்ந்து தன் ஜாதி சார்ந்து எழுதிப், பேசி வரும் அண்ணா விவகாரம் மட்டும் இல்லை. சமீப காலமாகச் சுய ஜாதி சார்பாக, ஆதர வாகத், தொடர்ந்து அவர் எழுதிப் பேசி வருவது) பத்ரி ஷேஷாத்ரி, இன்னும் பொதுவெளியில் பதிப்பாளர் என்று மட்டும் அறியப்படுவது, அழைக்கப் படுவது ஏன்?

பார்ப்பன ஜாதி ஆதரவாளர், ஜாதி ஆர்வலர், அல்லது உண்மையை உடைத்துச் சொல்வதானால்,

ஜாதி வெறியர் பத்ரி என்று தானே அவர் அழைக்கப்பட வேண்டும்?

சமயம், சமூகம் எல்லாவற்றிலும் கொடுக்கப்படும் முன்னுரிமைகள் போதா தென்று,  ஜாதியவாத ஒழிப்பில் கூடவா வேதவிற்பனர்களுக்குத் தனி நடை முறைபும், சிறப்புச் சலுகைகளும்?

- Arun Bala

அன்னை ஈ.வெ.ரா. மணியம்மையார் பெயரில் சாலை பெயர் மாற்றம் தினமணிக்கு தெரியாதா?

 

  September 11, 2022 • Viduthalai

 தமிழ்நாடு அரசின் நகராட்சி நிர்வாகத்துறை கடந்த மே மாதத்தில் வேனல்ஸ் சாலையை அன்னை ஈ.வெ.ரா. மணியம்மையார் சாலை எனப் பெயர் மாற்றி அரசாணை வெளியிட்டது. தினமணி (9.9.2022) ஏடோ இன்னமும் பழைய பெயரையே வெளியிடுவது ஏன்? சாலை பெயர் மாற்றம் தினமணிக்கு தெரியாதா?

பெரியார் சுயமரியாதை பிரச்சார நிறுவனத்தின் செயலாளர் ஆசிரியர் கி.வீரமணி அவர்கள் தமிழ்நாடு அரசிடம், "பகுத்தறிவுப் பகலவன் தந்தை பெரியார் அவர்களை 95 ஆண்டு காலம் பாதுகாத்து அவரது இயக்கமாம் திராவிடர் இயக்கத்தை மேலும் அய்ந்தாண்டு காலம் காத்தவரும், ஏராளமான ஆதரவற்ற குழந்தைகளுக்கு பாதுகாப்பு இல்லம் அமைத்தும், மேலும் 60 ஆண்டுகளாக திருச்சியில் கல்வி நிறுவனங்களை நடத்தி வந்தவருமான அன்னை ஈ.வெ.ரா. மணியம்மையார் அவர்களது நூற்றாண்டை அரசு சார்பில் நடத்திடும் வாய்ப்பை இதற்கு முன் பெறவில்லை.

இந்த நிலையில், பெரியார் ஈ.வெ.ரா. சாலை அருகில் உள்ள வேனல்ஸ் சாலையில் அன்னை ஈ.வெ.ரா. மணியம்மையார் அவர்களின் முழு உருவச் சிலை தமிழ்நாடு அரசின் உரிய அனுமதியோடு மேனாள் பிரதமர் வி.பி.சிங் அவர்களால் 1994 ஆம் ஆண்டு திறந்து வைக்கப்பட்டது.

அந்த சிலை அமைந்து இருக்கும் எழும்பூர் ரயில் நிலையத்துக்கு பின் பகுதியிலிருந்து செல்லும் வேனல்ஸ் சாலையின் பெயரை அன்னை 

ஈ.வெ.ரா. மணியம்மையார் சாலை என்று பெயர் மாற்றம் செய்வது அவரது நூற்றாண்டு காலக்கட்டத்தில் அன்னை ஈ.வெ.ரா. மணியம்மை யாரை பெருமைப்படுத்தியதாகவும், மகளிர் மாண்பை உயர்த்தியதாகவும் இருக்கும்." எனக் கோரி இருந்தார்.

இதனை ஏற்று சென்னை மாநக ராட்சி மண்டலம் 5-க்கு உள்பட்ட சென்னை வேனல்ஸ் சாலையை அன்னை ஈ.வெ.ரா.மணியம்மையார் சாலை என பெயர் மாற்றம் செய்ய நகராட்சி நிர்வாகம் மற்றும் குடிநீர் வழங்கல் துறை ஆணை வெளியிட்டு இருக்கிறது.

அன்னை மணியம்மையார் சிலை அருகிலிருந்து எழும்பூர் ரயில் நிலையத்தையொட்டி ஆல்பர்ட் திரையரங்கம் வரை உள்ள வேனல்ஸ் சாலை அன்னை ஈ.வெ.ரா. மணியம்மையார் சாலை என்று பெயர் மாற்றம் செய்யப்பட்டு, பெயர்ப்பலகை அரசு சார்பில் திறந்து வைக்கப்பட்டுள்ளது.

இந்நிலையிலேயே தினமணி (9.9.2022) ஏட்டில் அன்னை 

ஈ.வெ.ரா.மணியம்மையார் சாலை என்று வெளியிடுவதற்கு பதிலாக பழைய பெயரையே வெளியிட்டிருப்பது ஏன்?

தமிழ் படிக்காமலேயே அரசுப் பணியில் சேர்ந்த அவலம் நீக்கம்

 

   January 14, 2023 • Viduthalai

தமிழில் 40 விழுக்காடு மதிப்பெண் வாங்கியவர்களுக்கே அரசுப் பணி 

தமிழ்நாடு சட்டப்பேரவையில் புதிய சட்ட திருத்தம் வரவேற்கத்தக்கது - பாராட்டத்தக்கது!

தமிழ் படிக்காமலேயே தமிழ்நாடு அரசுப் பணி களில் சேர்ந்த அவலத்தை நீக்கும் வகையிலும், தமிழ்நாட்டு இளைஞர்களுக்கு வேலை வாய்ப்புக் கூடுதலாகக் கிடைக்கும் வகையிலும், இனி தமிழ்நாடு அரசுப் பணிகளில் சேர்பவர்கள் தமிழில் 40 விழுக்காடு மதிப்பெண் பெற்றாகவேண்டும் என்ப தற்கான சட்டத் திருத்தம், தமிழ்நாடு சட்டப்பேரவை யில் நிறைவேற்றப்பட்டுள்ளதைப் பாராட்டியும், வரவேற்றும்  திராவிடர் கழகத் தலைவர் ஆசிரியர் கி.வீரமணி அவர்கள் விடுத்துள்ள அறிக்கை வருமாறு:

தமிழ்நாடு அரசுப் பணிகளில் சேர்ந்திட தமிழ் மொழிக் கட்டாயம் என்று, சட்டத்தின் முன்வரைவு நேற்று (13.1.2023) தமிழ்நாடு சட்டப்பேரவையில் நிறைவேற்றப்பட்டிருப்பது மிகமிக வரவேற்றுப் பாராட்டப்படவேண்டிய ‘திராவிட மாடல்' ஆட்சியின் தனிப்பெரும் சாதனையாகும்!

நிதியமைச்சரும், மனிதவள மேலாண்மைத் துறை அமைச்சருமான பழனிவேல் தியாகராஜன் அவர்கள் நேற்று (13.1.2023) தாக்கல் செய்த இந்த மசோதா தமிழ்நாட்டு இளைஞர்களின் வேலை வாய்ப்பு உரிமை - வாய்ப்புகளைக் காப்பாற்ற பெரிதும் பயன்படும்.

தமிழ்நாடு அரசுப் பணியில் சேர்ந்திட தமிழில் 40% மதிப்பெண் அவசியம் - சட்டத் திருத்தம்

தமிழ்நாடு அரசுப் பணியாளர் (பணி நிபந்தனைகள்) சட்டம் 2016 அய் திருத்துவதற்கான சட்ட மசோதா கூறுவது என்ன?

அச்சட்டத்தின் 21 ஆம் பிரிவில் 21-ஏ என்ற புதிய பிரிவு சேர்க்கப்படுகிறது. அந்தச் சட்டத்தின் 21 ஆம் பிரிவின்படி, தமிழ்நாட்டின் அலுவல் மொழியான தமிழில் போதிய அறிவு பெறாத எவரும், நேரடி ஆள் சேர்ப்பின்மூலம் நடைபெறும் பணி எதிலும் நியமனம் செய்யப்பட, தகுதி உள்ளவராக கருதப்பட மாட்டார்.

அரசுப் பணிக்கு விண்ணப்பிக்கும்போது, தமிழில் போதிய அறிவு இல்லாதிருந்த விண்ணப்பதாரர்கள், தமிழ் மொழித் தகுதி பெறாமலேயே பணி நியமனம் பெற்றிருக்கலாம்; அப்படிப்பட்டவர்கள், பணியமர்த் தப்பட்ட நாளிலிருந்து இரண்டு ஆண்டுகளுக்குள் தமிழில், இரண்டாம் மொழித் தாள் தேர்வில் தேர்ச்சி பெற்றிருக்கவேண்டும் என்ற நிபந்தனைக்கு உட்பட்டு பணியில் சேர விண்ணப்பிக்கவேண்டும். தமிழில் தேர்ச்சி பெறவில்லையானால், பணியிலிருந்து அவர் களை விடுவிக்கலாம்.

தற்போது அந்தச் சட்டத்தில் புதிதாக சேர்க்கப்படும் 21-ஏ பிரிவின்படி, 1.12.2021  ஆம் நாளில் இருந்து, நேரடி ஆள்சேர்ப்பு மூலம் எந்த ஒரு பதவிக்கும் விண்ணப் பிக்கும் நபர் எவரும், பணி நியமனத்திற்காக நடத்தப் படும் தேர்வில், தமிழ் மொழித் தாளில் 40 விழுக் காட்டிற்கும் குறையாமல் மதிப்பெண் பெற்றுத் தேர்ச்சி பெற்றவராக இருக்கவேண்டும்.

தமிழ் மொழித் தேர்வுக்கான அப்பாடத் திட்டத்தை அவ்வப்போது அரசு வெளியிடும்.

முந்தைய சட்டத்திலிருந்த 

ஓட்டை அடைக்கப்பட்டுள்ளது

இம்மசோதா முந்தைய சட்டத்தில் உள்ள ஓட்டை களை அடைக்கின்ற வகையில் உள்ளது என்றாலும், வெளிமாநிலத்தவர் நம் தமிழ்நாட்டு இளைஞர்களின் வேலை வாய்ப்பைப் பறித்துக்கொண்டு செல்லாத அளவுக்கு, உயர்நிலைப் பள்ளிகளில் தொடர்ந்து தமிழ்ப் படித்தவர்களா (அவர்கள்) என்பதை உறுதி செய்து, பிறகு வேலை வாய்ப்பை அளிக்கும் ஓர் ஓட்டையை விட்டுள்ள (Fool-proof) முறையை ஆய்வு செய்வது அரசின் கண்ணோட்டமாகி, நமக்குப் பயன்படவேண்டும்!

தமிழ்நாட்டு இளைஞர்கள் பல லட்சம் பேர் ஏங்கித் தவிக்கையில், முன்பிருந்த அ.தி.மு.க. அரசு, பிற மாநில இளைஞர்களுக்குப் பணி நியமனங்களில் அகலமாகக் கதவுகளைத் திறந்து வைத்த காரணத்தினால், இத்திருத் தங்கள் இன்று முக்கியமாகத் தேவைப்படுகின்றன.

அவர்கள் தமிழ்நாட்டில் படித்தவர்களா? தமிழில் படித்தவர்களா? என்று உறுதிப்படுத்திக் கொண்டு பணி நியமனத்திற்கு மனு போடும் தகுதியை முன்நிபந்தனை ஆக்கவும் வேண்டும்.

தமிழ் ஆட்சி மொழியாக தமிழ்நாட்டில் இருக்கும் போது, தமிழ் தெரியாதவர்கள் - அவர்கள் அய்.ஏ.எஸ்., அய்.பி.எஸ்.,களாக இருந்தாலும் அல்லது நான்காம் பிரிவு (குரூப் 4) பணியாளர்களாக இருந்தாலும் அரசுப் பணிகளைப் பெறும் நிலை இனியும் இருக்கக்கூடாது.

மாநிலத்தின் ஆளுமைத் திறனையும் இது வெகுவாகப் பெருக்கப் பெரிதும் உதவவும் கூடும்.

தமிழ்ப் படிக்காமலேயே 

அரசுப் பணியில் சேர்ந்த அவலம்!

இந்தத் திருத்தத்தின் முக்கியத்துவம், தமிழ் மொழித் தாளில் 40 விழுக்காடு மதிப்பெண் என்பது முன் நிபந் தனையாகும். நம் இளைஞர்களும்கூட, தமிழ் படிக்கா மலே அரசுப் பணிகளில் சேரலாம் என்ற அவலத்திற்கும் இது முற்றுப்புள்ளி வைக்கும் என்பதால், இதனை மகிழ்ச்சியுடன் வரவேற்கலாம்!

உணவின் தரம், சமைப்பதைவிட அதை உண்ணுபவர்களின் ருசியே முக்கியம். சத்தும் மிகமிக முக்கியம் என்பதே இதன் நோக்கமாகும்!

கி.வீரமணி

தலைவர்,

திராவிடர் கழகம்

சென்னை

14.1.2023

வடபுலத்தில் பெரியார் முழக்கம்!

 

     January 14, 2023 • Viduthalai

மண்ணின் மைந்தர்களுக்கு எதிரானவையே மனுஸ்மிருதி - 

ராமாயணங்கள் எல்லாம்! வெறுப்பைப் பரப்புவதே ஆர்.எஸ்.எஸ். பணி!

பல்கலைக் கழகப் பட்டமளிப்பு விழாவில் பீகார் கல்வி அமைச்சர் சாட்டை அடி!

பாட்னா, ஜன. 14 - மனுஸ்மிருதியும், ராமசரிதைகளும் இந்த நாட்டின் ஆதிகுடிகளான தாழ்த்தப்பட்டவர்கள், பழங்குடியினர் மற்றும் பெண்களுக்கு எதிரானவை என்று பீகார் கல்வி யமைச்சர் சந்திரசேகர் பேசியுள்ளார். மேலும், இவை மக்களி டையே வெறுப்பை பரப்புவதாகவும் அவர் குற்றம் சாட்டி யுள்ளார். 

பீகார் கல்வி அமைச்சரும், ராஷ்ட்ரிய ஜனதாதளம் கட்சியின் மூத்த  தலைவர்களில் ஒருவருமான சந்திரசேகர், நாளந்தா திறந்தநிலை பல்கலைக் கழகத்தின் 15 ஆவது பட்டமளிப்பு விழா வில் கலந்து கொண்டு மாணவர்களிடையே உரையாற்றியுள்ளார். அப்போதுதான் இந்தக் குற்றச்சாட்டை அவர் முன்வைத்துள்ளார். 

‘‘ராமாயண காவியத்தை அடிப் படையாகக் கொண்ட துளசிதாசர் எழுதிய ராமசரித்மனாஸ் கவிதை சமூகத்தில் வெறுப்பைப் பரப்புகிறது. ராம்சரித்மனாஸின் சில பகுதிகள் குறிப்பிட்ட ஜாதியினருக்கு பாகுபாடு காட்டுகிறது. 

தாழ்த்தப்பட்டவர்கள், கல்வியைப் பெற்ற பின் பாம்பு களைப் போல ஆபத்தானவர்களாக மாறிவிடுவார்கள் என்று ராம்சரித்மனாஸ் கூறுகிறது. ‘ராம்சரித்மனாஸ்’ மற்றும் ‘மனுஸ் மிருதி’ ஆகியவை சமூகத்தை பிளவு படுத்துகின்றன. அத னாலேயே தாழ்த்தப்பட்ட,  பழங்குடிகள் மத்தியில் ராம்சரித் மனாஸுக்கு எதிர்ப்பு எழுந்தது. காவி சித்தாந்தவாதியான கோல்வால்கரின் ‘சிந்தனைக் கொத்து’ வெறுப்பைப் பரப்பும் நூலாகும். 

அதற்கு முன்பு, மனுஸ்மிருதி, ராம்சரித்மனாஸ் ஆகியவை நாட்டில் வெறுப்பைப் பரப்பின. ஆனால், வெறுப்பு அல்ல, அன்புதான் நாட்டை ஒன்றிணைக்கிறது. இந்துக்களின் மரியா தைக்குரிய நூல்களான, மனுஸ்மிருதி, ராம்சரித்மனாஸ் போன்றவை தாழ்த்தப் பட்டவர்கள், பிற  பிற்படுத்தப்பட்ட வகுப்பினர் மற்றும் கல்வி கற்கும் பெண் களுக்கு எதிரானவை. எனவே, ராம்சரித் மனாஸில் சமூகப் பாகுபாடுகளை அங்கீ கரிக்கும் வகையில் இடம்பெற்றுள்ள வாசகங்கள் நீக்கப்பட வேண்டும்” என சந்திர சேகர் கூறியுள்ளார்.

சேலத்தில் செய்தியாளர்களிடையே தமிழர் தலைவர்

  January 10, 2023 • Viduthalai

 ஆளுநர் ஓர் அரசு ஊழியர் அவ்வளவே!

ஆளுநர் நடந்துகொள்வது அப்பட்டமான சட்ட மீறல்

ஒரு நொடிகூட ஆளுநராகத் தொடரத் தகுதியில்லை;

முதலமைச்சர் தீர்மானம் - ஆளுநர் பதவிக்கு அவமானம்!

சேலம், ஜன.10 ஆளுநர் ஓர் அரசு ஊழியர் அவ்வளவே! ஆளுநர் நடந்துகொள்வது அப்பட்டமான சட்ட மீறல்; ஒரு நொடிகூட ஆளுநராகத் தொடரத் தகுதியில்லை; முதலமைச்சர் தீர்மானம் - ஆளுநர் பதவிக்கு அவமானம்! என்றார் திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள்

நேற்று (9.1.2023) சேலத்திற்குச் சென்ற திராவிடர் கழகத் தலைவர் தமிழர் தலைவர் ஆசிரியர் அவர்கள் செய்தியாளர்களுக்குப் பேட்டியளித்தார்.

அவரது பேட்டி வருமாறு:

செய்தியாளர்: முதலமைச்சர் உரையாற்றிக் கொண் டிருக்கும்போதே ஆளுநர் சட்டமன்றத்திலிருந்து வெளிநடப்பு செய்திருக்கிறாரே?

தமிழர் தலைவர்: ஒரு மாநில அரசினுடைய ஆளுநர் என்பவர், தன்னிச்சையாக நடப்பதற்கு, அவர் பதவிப் பிரமாணம் எடுத்துக்கொண்டிருக்கின்ற அரசமைப்புச் சட்டத்தில் எந்தவிதமான அதிகாரமும் அவர்களுக்கு அளிக்கவில்லை.

அவர் நடந்துகொண்டிருக்கின்ற முறை, ஏற்கெ னவே வெளியிலும் சரி, இன்றைக்கு சட்டமன்றத் தொடக்க நிகழ்வில், ஆளுநர் அவர்கள் பாதியி லேயே வெளியேறியது என்பது ஜனநாயகத்தைக் கொச் சைப்படுத்துவது - இந்திய அரசமைப்புச் சட்டத்திற்கு அவமதிப்பு உண்டாக்குவது - தன்னுடைய கடமை யிலிருந்து தவறிய - ஓர் அரசு ஊழியருடைய குற்றத் திற்கு அவர் ஆளாகிறார்.

இதுவரையில், தமிழ்நாட்டின் நீண்ட நெடிய வரலாற்றில், இப்படி ஜனநாயகத்தைக் கொச்சைப் படுத்தக் கூடிய கீழ்த்தரமான ஒரு நிலைக்கு ஓர் ஆளுநர் சென்றதே கிடையாது.

ஆளுநர் உரையை எழுதுவது யார்?

பொதுவாக ஆளுநர் உரை என்பது, அவரால் எழுதப்படுவது அல்ல; அவர் படிக்கவேண்டிய, அரசமைப்புச் சட்டத்தின் முறையில், ஒரு தலைவர் என்ற முறையில், அவருடைய பெயரால் ஆட்சி அமைந்திருக்கிறது என்ற பெயரால், அமைச்சரவை, அதனுடைய கொள்கைகளை முடிவு செய்து, ஆளுநர் மூலம் அறிவிப்பதுதான் ஆளுநர் உரை.

உதாரணமாக, ஒன்றிய அரசில், அந்த அமைச்சரவை என்ன முடிவெடுக்கிறதோ அதைத்தான் குடியரசுத் தலைவர் நாடாளுமன்றத் தொடக்க உரையில் படிப்பார். அவர் சொந்தமாகக் கருத்துகளைச் சேர்ப்பதற்கோ, நீக்குவதற்கோ அவருக்கு எந்தவிதமான உரிமையும், அரசமைப்புச் சட்டத்தில் அளிக்கப்படவில்லை. இது நீண்ட காலமாக காப்பாற்றப்பட்ட மரபும் ஆகும்.

ஆனால், அந்தக் குறைந்தபட்ச மரபைக்கூட ஆளுநர் மீறியிருக்கிறார். திராவிட மாடல் ஆட்சி என்பதோ, தந்தை பெரியார், டாக்டர் அம்பேத்கர், பேரறிஞர் அண்ணா போன்றவர்களின் பெயர் களை விட்டுவிட்டுப் படிப்பது என்பது அதிகப்பிரசங்கித் தனமானது; தேவையற்ற ஒன்றாகும்.

இன்னுங்கேட்டால், ஆளுநர் உரை தமிழ்நாடு அமைச்சரவையால் தயாரிக்கப்பட்டு, சட்டப்பேர வையில் ஆளுநர் படிப்பதற்கு முன்பாக, ஆளுநருக்கு அனுப்பப்பட்டு அவருடைய அனுமதியையும் பெறு வார்கள். அப்படி அந்த உரையின்மீது ஆளுநருக்கு மாறுபட்ட கருத்து இருந்தால், தனிப்பட்ட முறையில், நேரிடையாக அரசாங்கத்திற்கு அறிவிக்கவேண்டும்; சட்டப்பேரவைத் தலைவருக்குத் தெரிவிக்கவேண்டும்.

இதில் எல்லாம் எனக்கு மாறுபட்ட கருத்து இருக்கிறது என்று சொல்லி, பிறகு அவர்களுக்குள் முடிவெடுக்கவேண்டும்.

அப்படி செய்யாமல், அதை விட்டுவிட்டுப் படிப்பது என்பது இருக்கிறதே, அது தவறான முன்மாதிரி; அது மட்டுமல்ல, அரசமைப்புச் சட்டத்தை மீறிய அவமதிப்புச் செயல். இதற்குரிய நடவடிக்கையை எடுக்கவேண்டும்.

இதுவரை தமிழ்நாடு சட்டப்பேரவையில், ஓர் ஆளுநர் இவ்வளவு மோசமாக நடந்துகொண்ட நிகழ்வு என்பது  கிடையவே கிடையாது.

ஆளுநர் செயல் - 

அரசமைப்புச் சட்டத்திற்கு விரோதமே!

ஆளுநர் அவர்கள் அரசமைப்புச் சட்டத்தின்மீது எடுத்த உறுதிமொழிக்கு இது முற்றிலும் விரோதமாகும்.

முதலமைச்சர், அமைச்சர்கள் எப்படி அரசமைப் புச் சட்டத்தின்மீது உறுதிமொழி கூறி பதவியேற் கிறார்களோ, இந்திய அரசமைப்புச் சட்டத்தின் 159 ஆவது பிரிவில் உள்ள பகுதியை உங்களுக்குப் படித்துக் காட்ட விரும்புகிறேன்.

I solemnly affirm will faithfully execute the office of Governor (or discharge the functions of the Governor) of (name of the State) and will to the best of my ability preserve, protect and defend the Constitution and the law and that I will devote myself to the service and well being of the people of (name of the State)

என்று இருக்கிறது. 

அதாவது தமிழ்நாட்டு மக்களுடைய நலனுக்காக நான் பாடுபடுவதற்கு உறுதியேற்கிறேன்; அதைக் காப்பாற்றுவேன் என்பதுதான்.

அமைச்சர்களுக்கும், மற்றவர்களுக்கும் பதவிப் பிராமண உறுதி மொழி வாசகங்கள், அரசமைப்புச் சட் டத்தை உருவாக்கியபொழுது, அந்த வாசகங்கள் வேறு.

ஆனால், ஆளுநர் என்று வரும்பொழுது,    well being of the people - மக்களுடைய நலனுக்கு என்று அதில் தெளிவாக இருக்கிறது. இதற்கு முற்றிலும் விரோதமாக அண்மைக்காலமாக தமிழ்நாடு ஆளுநர் அவர்கள் நடந்து வருகிறார்.

அவர் எந்த மாநிலத்தினுடைய ஆளுநராக இருக்கிறார் என்று கேட்டால், தமிழ்நாடு என்று அதற் குத் தெளிவான பெயர், சட்டப்பேரவையிலேயே பேரறிஞர் அண்ணா அவர்கள் காலத்தில் மாற்றப்பட்டு, அது ஒன்றிய அரசால் ஏற்கப்பட்டு இருக்கிறது.

ஆனால், இன்றைய ஆளுநர் ஆர்.என்.இரவி அவர்கள், அதை மாற்றி, தமிழகம் என்று சொல்ல வேண்டும்; தமிழ்நாடு என்று சொன்னால், பிரி வினையை உண்டாக்குவது என்று குறுக்குச்சால் விடுகிறார்.

இவையெல்லாம்கூட அவர் வெளியில் சொன்ன விஷயங்கள். ஆனால், சட்டப்பேரவையில், ஆளுநர் உரையை படிப்பது என்பது, தமிழ்நாடு அரசின் கொள்கை அறிவிப்பு. அதைத்தான் ஓர் ஆளுநர் படிக்கவேண்டும்.

பேரறிவாளன் வழக்கில், ஆளுநருக்கு உச்சநீதிமன்றம் கண்டனம்!

பேரறிவாளன் வழக்கில், இந்த ஆளுநரைப்பற்றி உச்சநீதிமன்றம் கண்டனம் தெரிவித்திருக்கிறது.

எப்படி இங்கிலாந்து அரசருக்கு முடிவெடுக்க வேண்டிய உரிமை தனியாகக் கிடையாதோ - எப்படி குடியரசுத் தலைவருக்கு முடிவெடுக்கின்ற உரிமை கிடையாதோ - அதுபோன்றுதான், மாநில ஆளுநர்களுக்கும் என்று உச்சநீதிமன்றம் தெளிவாகச் சுட்டிக்காட்டி, இவருக்குக் குட்டும் வைத்திருக்கிறது.

அப்படிப்பட்ட ஓர் அனுபவத்தை அவர் ஏற் கெனவே பெற்றும்கூட, இது திட்டமிட்ட ஒரு செயல். வேண்டுமென்றே ஒரு மோதல் போக்கை உருவாக்க வேண்டும். மக்களால் தேர்ந்தெடுக்கப்பட்ட ஓர் அரசு, இயல்பாக நடக்கக்கூடாது; அதற்கு மாறாக, தாங்கள் ஒரு போட்டி அரசாங்கத்தை நடத்தவேண்டும் என்று, இதில் மட்டுமல்ல; அரசாங்கத்தினுடைய கொள்கைகள், திட்டவட்டமான கருத்துகளுக்கு விரோதமாக நடந்துகொண்டிருக்கின்றார்.

எனவே, இது மிகப்பெரிய ஓர் அரசியல் போராட்டத் திற்கு அவரே வழிவகுக்கிறார். அவர் ஓர் ஆளுநராக நடந்துகொள்ளவில்லை. முழுக்க முழுக்க ஓர் ஆர்.எஸ்.எஸ்.காரராகத்தான் நடந்துகொண்டிருக்கிறார்.

ஆளுநர் ஓர் அரசு ஊழியர் - அவ்வளவே!

அவர் ஓர் அரசு ஊழியர் (பப்ளிக் சர்வண்ட்). நம்முடைய வரிப் பணத்தில் சம்பளம் வாங்கக்கூடிய ஒருவர். அவருக்கு அரசியலில் ஈடுபடவேண்டும் என்ற எண்ணம் இருந்தால், ஆளுநர் பதவியிலிருந்து விலகிவிட்டு, வேண்டுமானால், அண்ணாமலை அவர் களின் பதவிக்கு அவர் போகலாம்; அது அவருடைய விருப்பம். இல்லாவிட்டாலும், ஓர் ஆர்.எஸ்.எஸ். காரராக இருந்து செய்யலாம்; அது அவருடைய விருப்பம். தனிப்பட்ட முறையில், ஆர்.என்.இரவியாக அவர் இதுபோன்ற கருத்தைச் சொல்வதில், எங்களுக்கு ஆட்சேபம் இல்லை. அதை நாங்கள் சந்தித்துக் கொண்டிருப்போம்.

ஆனால், முழுக்க முழுக்க மக்களுடைய வரிப் பணத்தை சம்பளமாகப் பெறக்கூடிய ஒருவர், ஆளு நராக இருந்துகொண்டு, சட்டப்பேரவை மரபுகளை யெல்லாம் குழிதோண்டி புதைப்பது - அரசமைப்புச் சட்டத்தின்மீது எடுத்த உறுதிமொழிக்கு விரோதமாக நடந்துகொள்வது என்பது கண்டனத்திற்கு உரியதாகும். மக்கள் போராட்டம் வெடிக்கும்!

ஏற்கெனவே 22 மசோதாக்களை ஆளுநர் அவர்கள் நிலுவையில் வைத்திருக்கிறார். அந்த மசோதாக்களை அவர் திருப்பி அனுப்பவேண்டும்; அல்லது அதற்குரிய காரணங்களை அரசிடம் கேட்கவேண்டும். அப்படி அவர் செய்யவில்லை.

ஆன்-லைன் சூதாட்டத்தினால், ஒவ்வொரு நாளும் தற்கொலைகள் நடந்துகொண்டிருக்கின்றன. அதைப் பற்றி அவர் கவலைப்படாமல், அதற்கு மாறாக,  வேண்டு மென்றே இப்படிப்பட்ட பிரச்சினைகளை உருவாக்கு கிறார்கள். இது தமிழ்நாட்டில் மட்டுமல்ல, எங்கெல்லாம் பா.ஜ.க. ஆளவில்லையோ, அங்கெல் லாம் தங்களுக்கு வேண்டப்பட்டவரை ஆளுநராகப் போடவேண்டியது; அந்த ஆளுநர், மக்களால் தேர்ந் தெடுக்கப்பட்ட அரசுக்கு விரோதமாக நடந்துகொள் கிறார்கள். இதுதான் ஆர்.எஸ்.எஸின் திட்டமாக இருக் கிறது.

ஒரு நொடிகூட ஆளுநராகத் தொடரக்கூடாது!

தமிழ்நாட்டிற்குப் போடப்பட்ட ஆளுநர்தான் மிக மிக மலிவாக, அருவெறுப்பாக நடந்துகொள்கிறார். அவர் அவமதிப்பது ஜனநாயகத்தை - அரசமைப்புச் சட்டத்தை; தன்னுடைய கடமையிலிருந்து வழுவியிருக்கிறார் ஆளுநர்.

எனவே, ஒரு நாள்கூட, ஒரு நொடிப் பொழுதுகூட ஆளுநராக நீடிக்க அவருக்குத் தகுதியில்லை என்பது மக்களுடைய எண்ணம்.

செய்தியாளர்: குடியரசுத் தலைவருக்கு என்ன கோரிக்கை வைக்க விரும்புகிறீர்கள்?

தமிழர் தலைவர்: நாடாளுமன்றக் கூட்டத் தொடர் தொடங்கும்பொழுது,  பிரதமர் மோடி தலைமையில் உள்ள அமைச்சரவை, ஒரு உரையைத் தயாரித்து, குடியரசுத் தலைவருக்கு அனுப்புவர். அதை அவர் நாடாளுமன்றம் தொடங்கும்பொழுது, அப்படியே படிப்பார், அவ்வளவுதான்.

படிப்பதை பாதியில் விட்டுவிட்டுச் செல்வதோ, உரையில் இருப்பதை விட்டுவிட்டுப் படிக்கவோ முடியாது. அது பெரிய அளவில் இருப்பது.

முதலமைச்சர் தீர்மானம் - 

ஆளுநர் பதவிக்கு அவமானம்!

இது மாநில அளவில் நடப்பது. இதுவரையில் எந்த மாநிலத்திலும் இப்படி நடைபெற்றது இல்லை.

முதலமைச்சர் அவர்கள் தெளிவாக ஒரு தீர்மானத்தை நிறைவேற்றி இருக்கிறார் என்றால், ஆளுநருக்கு இதைவிட அவமானம் வேறு கிடையாது. இதையும் தாண்டி அவர் பதவியில் நீடிப்பது என்பது - அவர் மான, அவமானத்தைப்பற்றி கவலைப்படாமல் இருக்கிறார் என்பதைவிட, அரசமைப்புச் சட்டக் கடமையிலிருந்து அவர் தவறியிருக்கிறார்.

எனவே, அவரை இனி ஆளுநர் பதவியில் துளியும் கூட அனுமதிக்கக் கூடாது. மக்கள் போராட்டம் வெடிக் கும்.

செய்தியாளர்: தமிழ்நாடு அரசு, ஒன்றிய அரசின் திட்டங்களை வேறு கோணங்களில் இங்கே செயல் படுத்துகிறார்கள் என்று அரசு ஊழியர்களே குற்றம் சாட்டியிருக்கிறார்கள்; குறிப்பாக அவுட்சோர்சிங் முறையில் பணியில் அமர்த்தப்பட்டவர்கள், 115 அரசாணை வெளியிட்டு, அதை நீக்காமல் அப்படியே வைத்திருக்கிறது என்கிற குற்றச்சாட்டை வைத்திருக் கிறார்களே?

தமிழர் தலைவர்: அதற்கும், இதற்கும் சம்பந்தமேயில்லை. அதை சொல்வதற்கும், இந்த நிகழ்விற்கும் எந்தவிதமான சம்பந்தமும் இல்லை.

அதைப்பற்றி விளக்கம் கேட்கவேண்டியது; அதைத் தெளிவாகச் சொல்லவேண்டியது அரசாங்கத்தினுடைய கடமை. அது தனிப் பிரச்சினை. எனவே, அதைக் கொண்டு வந்து இதில் குழப்பவேண்டிய அவசிய மில்லை. அது ஆளுநருடைய வேலையும் அல்ல.

ஒன்றிய அரசு என்ன திட்டத்தைச் சொல்லிற்று, மாநில அரசு என்ன செய்தது என்பது வேறு பிரச்சினை. அதற்குத் தெளிவான விளக்கம் சொல்வார்கள்.

ஆளுநர் என்பவர் கேள்வி கேட்கின்ற இடத்தில் இல்லை. சொந்தமாக இவருடைய கருத்தைச் சொல் வதற்கு ஆளுநருக்கு உரிமையில்லை; விட்டுவிட்டுப் படிப்பதற்கும் உரிமையில்லை.

ஒன்றிய அரசு என்ன செய்யவேண்டும்?

செய்தியாளர்: ஆளுநர்மீதான நடவடிக்கை எப்படி இருக்கவேண்டும்?

தமிழர் தலைவர்: ஆளுநர் மீதான நடவடிக்கை என்பது, ஒரு நேர்மையான ஒன்றிய அரசாக இருந் தால், தமிழ்நாட்டு ஆளுநரைத் திரும்பி அழைத்துக் கொள்ளவேண்டும். அல்லது ஆளுநர் ராஜினாமா செய்யவேண்டும்.

அவர்களுடைய திட்டம் என்னவென்றால், அய்ந்தாண்டுகள் இந்த அரசு நீடிக்கக்கூடாது; அதற்காக இப்படி ஒரு மோதல் போக்கை உருவாக்கவேண்டும் என்பதுதான் அவர்களுடைய நோக்கம்.

எனவேதான், ஒன்றிய அரசு இந்த ஆளுநரைத்  திரும்பப் பெறவேண்டும். இல்லையானால், மக்கள் எழுச்சி ஏற்படும்.

செய்தியாளர்: ஆளுநர் அவர்கள், அடுத்தடுத்து சர்ச்சைக்குரிய பேச்சுகளை பேசி வருவதின் பின்னணி என்ன என்று நீங்கள் நினைக்கிறீர்கள்?

தமிழர் தலைவர்: ஆர்.எஸ்.எஸ். பின்னணிதான். தமிழ்நாட்டில் திராவிட மாடல் ஆட்சி நல்லாட்சியாக நடைபெறுகிறது.  திராவிட மாடல் ஆட்சி உலகப் புகழ் பெறுகிறது; இந்தியாவிலேயே முதல் முதலமைச்சராக எல்லோராலும், பத்திரிகைகளாலும் புகழப்படுகிறார்.

இந்தப் பெருமை அவருக்கு வரக்கூடாது; இந்த ஆட்சிக்குப் பெருமை வரக்கூடாது; இப்படியே நீடித்தால், தமிழ்நாட்டில் தாங்கள் காலூன்ற முடியாது என்பதற் காகத்தான் - இதுபோன்ற காரியங்களை செய்கிறார்கள். இது இங்கே மட்டுமல்ல, கேரள மாநிலத்தில் உள்ள ஓர் ஆளுநராலும் அரங்கேற்றப்படுகிறது; மேற்கு வங்காளத்திலும் நடைபெற்றது. தெலங்கானாவில் நடந்துகொண்டிருக்கிறது.

ஆனால், எந்த மாநிலத்திலும் இல்லாத அளவிற்கு, இவ்வளவு கீழிறக்கமாக தமிழ்நாட்டு ஆளுநர்தான் நடந்துகொண்டிருக்கிறார். ஆகவே, அவர் வெளி யேறவேண்டும்; அப்படி வெளியேறாவிட்டால், வெளியேற்றப்படக்கூடிய மக்கள் இயக்கம் நடக்கும். அந்த மக்கள் இயக்கத்தில் அத்துணை பேரையும் ஒருங்கிணைப்போம்.

ஆளுநர் நிர்ப்பந்தப்படுத்தப்படுகிறாரா?

செய்தியாளர்: பா.ஜ.க. சட்டமன்ற உறுப்பினர், ஆளு நரை, தமிழ்நாடு அரசும், முதலமைச்சரும் நிர்ப்பந்தப் படுத்துகிறார்கள் என்று குற்றம் சாட்டியிருக்கிறாரே?

தமிழர் தலைவர்: மாநில ஆளுநருக்குச் சொந்த மாக சிந்திக்கக் கூடிய உரிமையோ, கருத்தோ சட்டப் பேரவையின் உள்ளே கிடையாது என்பதுதான் அரசமைப்புச் சட்டம்.

எனவே, பா.ஜ.க. சட்டமன்ற உறுப்பினரின் குற்றச் சாட்டு என்பது, அரசமைப்புச் சட்டம் தெரியாதவர்கள் பேசுகின்ற பேச்சாகும்.

நன்றி, வணக்கம்!

 - இவ்வாறு தமிழர் தலைவர் திராவிடர் கழகத் தலைவர் ஆசிரியர் கி.வீரமணி அவர்கள் செய்தி யாளர்களுக்குப் பேட்டியளித்தார்.

பாதை மாறா பயணம்‘‘ நூலினைப் பெற்றுக்கொண்டு தமிழர் தலைவர் ஆசிரியர் வாழ்த்துரை

  January 08, 2023 • Viduthalai

 ராமன் பாலம் என்ற ஒன்று கிடையாது என்று  ஒன்றிய அமைச்சரே ஒப்புக்கொண்டுவிட்டாரே!

சேது சமுத்திரத் திட்டத்தை நிறைவேற்றவேண்டும்; ஆயிரக்கணக்கானோருக்கு வேலை வாய்ப்புக் கிட்டுமே!

பாலு வழிகாட்டியுள்ளார்; வரலாற்றைப் பதிவு செய்வீர்!

‘‘பாதை மாறா பயணம்‘‘ நூலினைப் பெற்றுக்கொண்டு  தமிழர் தலைவர் ஆசிரியர் வாழ்த்துரை

சென்னை, ஜன.8 ராமன் பாலம் என்ற ஒன்று கிடை யாது என்று ஒன்றிய அமைச்சரே ஒப்புக் கொண்டு விட்டாரே! சேது சமுத்திரத் திட்டத்தை நிறைவேற்ற வேண்டும்; ஆயிரக் கணக்கானோருக்கு வேலை வாய்ப்புக் கிட்டுமே! பாலு வழிகாட்டியுள்ளார்; வரலாற் றைப் பதிவு செய்வீர்! என்றார் திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள்.

‘‘பாதை மாறா பயணம்‘‘  நூல் வெளியீட்டு விழா

நேற்று (7.1.2023)  மாலை சென்னை அண்ணா அறிவாலயத்தில் உள்ள கலைஞர் அரங்கில், தி.மு.க பொருளாளர் டி.ஆர்.பாலு எம்.பி., அவர் கள் எழுதிய ‘‘பாதை மாறா பயணம்‘‘ நூல் வெளியீட்டு விழாவில்,   நூலின் முதல் தொகுதி யினைப் பெற்றுக்கொண்டு திராவிடர் கழகத் தலைவர் தமிழர் தலைவர் ஆசிரியர் கி.வீரமணி வாழ்த்துரையாற்றினார்.

அவரது வாழ்த்துரை வருமாறு:

மிகுந்த எழுச்சியோடும், நெகிழ்ச்சியோடும் ஒரு நூல் வெளியீட்டு விழா - அதுவும் தன்வரலாறு என்ற சாதனைக் களஞ்சியமாக அமைக்கப்பட்டு இருக்கக் கூடிய ‘‘பாதை மாறா பயணம்”  என்ற தலைப்பில், மாறாத பாதையை என்றைக்கும் தேர்ந்தெடுத்து, அந்த வகையில், ஓர் அற்புதமான தலைப்பினையும் தந்து, ஏறத்தாழ 1400 பக்கங்களுக்குமேல் இரண்டு பாகங்களாக எழுதப்பட்டு இருக்கின்ற தன் வரலாற்று நூல் வெளியீட்டு விழா - நம்முடைய திராவிட முன்னேற்றக் கழகத்தின் ஆற்றல்மிகு பொருளாளர் அருமைச் சகோதரர் மானமிகு மாண்புமிகு டி.ஆர்.பாலு அவர்கள் எழுதிய இந்த நூலின் வெளியீட்டு விழாவிற்குத் தலைமை தாங்கியிருக்கின்ற இந்தி யாவின் நம்பர் ஒன் முதலமைச்சர் என்று இன எதிரிகளால்கூட, பத்திரிகைகளால்கூட பாராட்டப்படக் கூடிய ஒப்பற்ற திராவிட மாடல் ஆட்சியை இன்றைக் கும் நடத்தி, உலகப் புகழ் திராவிடத்திற்கு உண்டு என்று காட்டக் கூடிய பெருமைமிகு  எங்கள் ஒப்பற்ற முதலமைச்சர் இந்த நிகழ்ச்சியினுடைய தலைவர் அவர்களே,

இந்நிகழ்ச்சியில் கலந்துகொண்டு சிறப்பாக உரை யாற்றி அமர்ந்துள்ளவரும், இரண்டாவது பாகத்தைப் பெற்றுள்ளவருமான கவிப்பேரரசு அவர்களே,

இந்நிகழ்ச்சியில் சிறப்பாக வாழ்த்துரையாற்றிய திராவிட முன்னேற்றக் கழகப் பொதுச்செயலாளரும், நீர் வளத்துறை அமைச்சருமான மாண்புமிகு மானமிகு சகோதரர் துரைமுருகன் அவர்களே,

அனைவரையும் வரவேற்று உரையாற்றிய அருமைக் கவிஞர் கனிமொழி எம்.பி., அவர்களே,

இந்நிகழ்ச்சியில், அமைச்சர்கள் சார்பாக, இளைஞர் களின் சார்பாக சிறப்பாக உரையாற்றிய மாண்புமிகு இளைஞர்நலன் மற்றும் விளையாட்டுத் துறை அமைச்சர் அன்பிற்குரிய திரு.உதயநிதி ஸ்டாலின் அவர்களே,

இந்நிகழ்வில், சிறப்பாக உரையாற்றிய திராவிட முன்னேற்றக் கழகத்தின் முன்னணி கொள்கையாளராக இருந்து, கூட்டணியில் நேரிடையாக இல்லாவிட்டாலும், இன எதிரிகளுக்கு சிறப்பாகப் பதில் சொல்லிக் கொண் டிருக்கின்ற திராவிட இயக்கத் தமிழர் பேரவையின் பொதுச்செயலாளர் அன்பிற்குரிய சகோதரர் பேரா சிரியர் சுப.வீ. அவர்களே,

திராவிட முன்னேற்றக் கழகத்தின் முதுபெரும் தோழர், தியாகச் செம்மல் என்று சொல்லலாம்; 49 ஆண்டுகளுக்கு முன்பு நாங்கள் எல்லாம் மிசாவில் சிறையில் இருந்தபொழுது,  சிறையில் இருந்தவர்கள் பட்டபாட்டை, இன்றைக்கும் நம்முடைய சகோதரர் ஆற்காடு வீராசாமி அவர்களைப் பார்க்கின்ற நேரத்தில், அந்த உணர்விற்கு ஆளாகியிருக்கின்றோம்; அப்படிப் பட்ட உணர்வு படைத்த திராவிட முன்னேற்றக் கழகத் தின் முக்கிய பொறுப்பாளரான அருமைச் சகோதரர் ஆற்காட்டார் அவர்களே,

இந்நிகழ்வில் கலந்துகொண்டிருக்கின்ற திராவிட முன்னேற்றக் கழகத் துணைப் பொதுச்செயலாளர்களே, மாண்புமிகு அமைச்சர் பெருமக்களே, நாடாளுமன்ற உறுப்பினர்களே, சட்டமன்ற உறுப்பினர்களே, அருமைத் தோழர்களே, வெளியீட்டாளரான ஆழி செந்தில்நாதன் அவர்களே, உங்கள் அனைவருக்கும் என்னுடைய அன்பான வணக்கத்தினைத் தெரிவித்துக் கொள்கிறேன்.

இரண்டு பாகங்களைப்பற்றி இங்கே அருமையாக எடுத்துச் சொல்லியிருக்கிறார்கள். அடுத்து நம்முடைய முதலமைச்சர் அவர்கள் சிறப்பாக அதைப்பற்றிய விளக்கத்தையும் எடுத்துச் சொல்லவிருக்கின்றார்கள்.

பாலு அய்யரா?

இந்த நேரத்தில் ஒன்றைச் சொல்லவேண்டும். இங்கே கவிஞர் அவர்கள்கூட சொன்னார்கள்; முதல் பாகத்தை நான் படித்து முடித்து, பெற்றிருக்கின்றேன். இரண்டாவது பாகத்தை அவர் பெற்றிருக்கிறார். இரண்டு பாகங் களையும், இரண்டு பேரும் படித்திருக்கின்றோம். அதைப்பற்றி சொல்லவேண்டுமானால், ஓர் ஆய்வரங் கமே நடத்தலாம்.

அதைவிட ஒரு முக்கியமான அம்சம் என்ன வென்றால், எனக்கு இப்பொழுது நினைத்தாலும் வியப்பாக இருக்கிறது - தளிக்கோட்டையில் டி.ஆர்.பாலு அவர்கள் இளைஞராக படித்துக் கொண் டிருந்தபொழுது பார்த்தபொழுது, பாலு அய்யரை நான் பார்த்ததில்லை.

பாலு அய்யர் எப்படி நம்முடைய இயக்கத்திற்கு வந்திருக்கிறாரே, என்று மிகப்பெரிய அளவிற்குப் பார்த்தனர். பிறகு, அவருடைய பரிணாம வளர்ச்சியில் வரிசையாக வருகிறபொழுது, பாலசுப்பிரமணியம், பிறகு கலைஞரால், டி.ஆர்.பாலு என்று அவர்கள் ஆக்கப்பட்டு, அதைத்தான் நண்பர்கள் இங்கே குறிப்பிட்டதைப்போல, மிக முக்கியமாக நிரந்தரமாக ஆகியிருக்கிறது.

எத்தனையோ செய்திகளை சொல்லிக் கொண்டே போகலாம். அவர் முதன்முதலில் திருப்பாலக்குடி என்ற அவருடைய ஊருக்குப் பக்கத்தில் இருக்கின்ற ஊரில் நடைபெற்ற தந்தை பெரியாரின் பொதுக்கூட்டத்திற்குச் சென்று பார்த்திருக்கிறார்; அய்யா அவர்களைப் பார்த்த நேரத்தைவிட, அய்யா அவர்களின் பக்கத்தில் இருந்த நாயைப் பார்த்து, அவர் பயந்துகொண்டே அப்படியே நீண்ட நேரம் பார்த்துக் கொண்டிருந்ததால், பள்ளிக்கூடம் போவதற்குத் தாமதமாகி விட்டது.

‘பள்ளிக்கு ஏன் தாமதம்?’ ஆசிரியர் கேள்வி

பள்ளிக்குச் சென்றதும், அவருடைய ஆசிரியர் கேட்கிறார்,   ‘‘ஏன் பள்ளிக்கூடத்திற்குத் தாமதம்?’’ என்று.

அவர் சொன்னார், ‘‘பெரியாருடைய கூட்டம் நடை பெறுவதால், போக்குவரத்து இடையூறு ஏற்பட்டதால், நான் தாமதமாக வந்தேன்’’ என்று சொன்னார்.

‘‘சரி, சரி, அடிக்கடி பெரியார் கூட்டத்தைக் கேளுங்கள்'' என்று, அந்த ஆசிரியர் இன்னும் அதிகமாக அவரை ஊக்கப்படுத்தினார்.

அன்றைக்குத் தொடங்கிய அவருடைய பயணம் என்பது, இன்றைக்கும் - நாளைக்கும் - என்றைக்கும் ஒரே பாதையில் என்ற பெருமைக்குரிய பயணமாக இருக்கிறது. அதைத்தான் நாம் பாராட்டவேண்டும்.

எத்தனையோ சோதனைகள் -இந்த இயக்கத்தைப் பொறுத்தவரையில், இந்தப் புத்தகத்தைப் பொறுத்த வரையில், அதாவது தன் வரலாறு என்பது இருக்கிறதே, அது வெறும் சம்பவக் கோர்வை அல்ல. தன்னுடைய வாழ்க்கையில் நடைபெற்றதை மட்டும் அவர் குறிப்பிடவில்லை.

மாறாக, இங்கே வெளியிடப்பட்ட  1400 பக்கங்கள் கொண்ட இரண்டு தொகுதிகளையும் படித்தால், என்ன தெரிந்துகொள்ளலாம் என்றால், திராவிட இயக்கத் தினுடைய வரலாற்றை - ஏறத்தாழ 60 ஆண்டுகால வரலாற்றைத் தெரிந்துகொள்ளலாம்.

வரலாற்றைப் பதிவு செய்யவேண்டும்!

அதேபோல, திராவிட இயக்கத்திற்குக் குறிப்பாக என்னென்ன சோதனைகள் ஏற்பட்டன? அதைத் தெரிந்துகொள்ளலாம். அதைவிட எதிர்நீச்சல் அடித்துக் கொண்டிருந்தபொழுது, என்னென்ன சங்கடங்கள் ஏற்பட்டன? சாதனைகள் பின்னால் வருகின்றன; சோத னைகளைத் தாண்டியிருக்கின்றோம் என்பதையெல்லாம் அவர் பட்டியல் போட்டுக் காட்டியிருக்கிறார். ஒரு சம்ப வத்தைக்கூட விடவில்லை. இதில் கொள்கை உறவுகள், குடும்ப உறவுகள், இப்படி எல்லா உறவுகளைப்பற்றியும் அவர் எடுத்து, ஒன்றுவிடாமல் பதிவு செய்திருக்கிறார்.

இங்கே நம்முடைய பொதுச்செயலாளர் துரை முருகன் அவர்கள் குறிப்பிட்டதைப்போல, ‘‘சம்பவங்கள் இயக்கத்தால் பதிவு செய்யப்படவேண்டும்‘‘ இந்த இயக்கத்தில் அப்படி எழுதக்கூடிய தோழர்கள் ஏராளம் இருக்கின்றார்கள்.

ஏனென்றால், இந்த இயக்கம் சிலர் நினைப்பதுபோன்று, சாதாரணமாக நேற்று பெய்த மழையில் இன்று முளைத்த காளான்கள் அல்ல என்பதை நன்றாக நினைவில் வைத்துக் கொள்ளலாம்.

பலவகையான சங்கடங்கள்; பல வகையான எதிர் நீச்சல்கள்  இவற்றையெல்லாம் சந்தித்துத்தான் இன் றைக்கு இந்தக் கட்டத்திற்கு வந்திருக்கிறார்கள்.

இந்த ஆட்சியை சோதித்துப் பார்க்கலாம்; குறுக்குச் சால் ஓட்டிப் பார்க்கலாம்; போட்டி அரசாங்கத்தை நடத்திப் பார்க்கலாம்; தேவையற்ற சர்ச்சைகளை உருவாக்கிப் பார்க்கலாம் என்று நினைத்துக்கொண்டு, இதை ஆட்டலாம், அசைக்கலாம் என்று யாராவது நினைத்தால், அவர்களுடைய இந்த எண்ணம் ஒரு போதும் இந்த நாட்டில் ஈடேறாது.

அதற்குரிய பாடத் திட்டம் - எச்சரிக்கை போன்றது தான் இங்கே வெளியிடப்பட்ட நூல்கள்.

ஏன் இந்தப் புத்தகங்களைப் படிக்கவேண்டும் என்றால், அவருடைய சாதனைகளைப்பற்றி மட்டும் தெரிந்துகொள்ளவேண்டும் என்பதற்காக அல்ல; எல்லாவற்றையும் தாண்டி, இறுதியில் நாங்கள்தான் வெற்றி பெறுவோம் என்று சொல்லக்கூடிய - நம்பிக்கை ஊட்டக்கூடியதற்கு இதுபோன்ற நூல்கள் பயன்படு கின்றன.

எத்தனையோ செய்திகள் உள்ளன; ஒன்றே ஒன்று மட்டும் சொல்கிறேன்.

சேது சமுத்திரத் திட்டம் நமது முக்கிய பிரச்சினை

சேது சமுத்திரக் கால்வாய்த் திட்டம் - 150 ஆண்டுகால கனவுத் திட்டம் என்று கருதப்பட்டது. பேரறிஞர் அண்ணா அவர்களால் ‘‘எழுச்சி நாள்’’ என கொண்டாடப்பட்ட போராட்டம்; நம்முடைய முத்தமிழ் அறிஞர் கலைஞர் அவர்கள், இதற்காகவே மிகப்பெரிய அளவிற்கு போராட்டங்களையெல்லாம் நடத்தி, பிறகு ஆட்சிப் பொறுப்பேற்ற பிறகு, ஒன்றிய ஆட்சியில் அங்கம் வகித்தபொழுது, கப்பல் துறைதான் வேண்டும் என்று கேட்டு வாங்கி, அதை யார் பொறுப்பாக செய் வார்கள் என்று யோசித்து, அந்தப் பொறுப்பை நம்மு டைய சகோதரர் டி.ஆர்.பாலு அவர்களிடம் ஒப்படைத்து, சீக்கிரமாக செய்து முடிக்கவேண்டும் என்று சொன் னார்கள்.

அதற்கான நிதி ஆதாரம் ஏராளம் இருக்கின்ற நிலை என்றாலும்கூட, அதற்கு சேது சமுத்திரக் கால்வாய் கழகம் என்ற ஓர் அமைப்பை உருவாக்கி, சொந்தமாக அந்தச் சிந்தனையைச் செயல்படுத்தும் ஆற்றல் ஒருவருக்கு- டி.ஆர்.பாலுவுக்கு உண்டு என்பதை அவர் பதிவு செய்திருக்கின்றார் என்றால், இந்த இயக்கம் எப்படிப்பட்டவர்களைப் பெற்றிருக்கிறது என்பதை நீங்கள் நன்றாக எண்ணிப் பார்க்கவேண்டும்.

வெறும் சாதாரண கொள்கைப் பிரச்சாரகர்களை மட்டும் திராவிட இயக்கம் பெற்றிருக்கவில்லை. ஆற்றலாளர்களைப் பெற்றிருக்கின்றது என்பதற்கு அடையாளம். அந்தத் திட்டத்திற்காக 2 ஆயிரம் கோடி ரூபாய்க்குமேல் செலவழிக்கப்பட்டு, அந்தத் திட்டத்தால், பயண காலம் 400 மைல் மிச்சமாகக் கூடிய நிலையில், இலங்கை முழுவதும் சுற்றிவரக்கூடிய நிலையில் மாற்றங் கள் பெற்று, மிகப்பெரிய அளவிற்கு பயன்பெறலாம் என்ற நிலையில்,  மக்கள் வரிப் பணம் செலவழிக்கப்பட்ட நேரத்தில், இன்னும் 23 கிலோ மீட்டர்தான் மீதம் இருக் கிறது இந்தத் திட்டம் முடிவதற்கு என்று சொல்லும் பொழுது, குறுக்கே இராமனைக் கொண்டு வந்தார்கள்.

‘‘எத்தனை ஆயிரம் பேருக்கு வேலை கிடைத்திருக்கும்?’’

இராமர் பாலம் என்ற ஒன்றைச் சொல்லி, பக்தியைக் காட்டினார்கள். இந்தத் திட்டத்தை முதலில் ஆதரித்த வர்கள், பின்னாளில் ஏன் எதிர்த்தார்கள்? இந்தப் பெருமை தி.மு.க.விற்கு வந்துவிடக் கூடாது; இந்தப் பெருமை கலைஞருக்கு வந்துவிடக் கூடாது; இந்தப் பெருமை யு.பி.ஏ. அரசாங்கத்திற்கு வந்துவிடக் கூடாது என்பதற்காகத்தான்.

இந்தத் தொலைநோக்குத் திட்டம் நிறைவேறியிருந்தால், தமிழ்நாட்டில் உள்ள இளைஞர்களுக்கு எத்தனையோ ஆயிரம் பேருக்கு வேலை வாய்ப்புகள் கிடைத்திருக்கும்.

இன்றைக்கு இளைஞர்களுக்காக வேலை வாய்ப்பை உருவாக்கிக் கொடுப்பதற்காக ஏராளமான திட்டங்களை வகுக்க முயற்சி செய்துகொண்டிருக்கிறீர்களே, சேது சமுத்திரக் கால்வாய்த் திட்டத்தை - ஆதாம் பாலம் என்று சொல்லி, இராமர் பாலம் என்று சொல்லி, அதைத் தடுத்து  நிறுத்தியிருக்காவிட்டால், இன்றைக்குத் தமிழ் நாட்டு இளைஞர்களுக்கு எத்தனையோ லட்சம் பேருக்கு வேலை கிட்டியிருக்கும்.

இவற்றையெல்லாம் துணிவாக எழுதியிருக்கிறார் இந்த புத்தகத்தில். இதற்காக 60 பக்கங்களை அதற்காகவே செலவழித்திருக்கிறார்.

எனவே, இதுபோன்ற ஒவ்வொரு திட்டங்களையும் எடுத்துச் சொல்லியிருக்கிறார். 

ராமர் பாலம் என்பது இல்லை - ஒன்றிய அமைச்சரே ஒப்புதல்

அன்றைக்கு இராமரைக் கொண்டு வந்து, அந்தத் திட்டத்திற்கு முட்டுக்கட்டை போட்டீர்களே, இன்றைக்கு என்ன நிலை? உண்மை எந்தப் பக்கம் இருக்கிறது?

இன்றைய பா.ஜ.க. ஆட்சியில், ஆர்.எஸ்.எஸ். ஆட்சியில், நாடாளுமன்றத்தில்  கேள்வி கேட்டபொழுது, ஒன்றிய அமைச்சர் அதற்குப் பதில் சொல்கிறார்,

‘‘இராமர் பாலம் இருந்ததற்கான எந்தவிதமான ஆதாரங்களும் கிடையாது’’ என்று.

இப்பொழுது வெற்றி பெற்றவர்கள் யார்?

திராவிட இயக்கத்தவர் அல்லவா!

இன்னமும் ஏன் அந்தத் திட்டத்தைத் தடுத்துக் கொண்டிருக்கவேண்டும் என்பதுதான் இப்பொழுது பிரச்சினை.

இவற்றையெல்லாம் கேட்கிறோம் என்பதற்காகத் தான், இப்பொழுது, ‘தமிழ்நாடு’ என்று சொல்லாதீர்கள்; ‘தமிழகம்‘ என்று சொல்லுங்கள் என்கிறார்கள்.

அதில்கூட ஒரு பிரிவினை மனப்பான்மை. இரண்டு பேரையும் மோத விடுகிறார்கள்.

தமிழ்நாடு என்றால் பிரிவினையா?

தமிழ்நாடு என்று சொன்னால், பிரிவினை மனப் பான்மை என்று சொல்வதற்கு இவர் யார்?

பேரறிஞர் அண்ணா அவர்கள், மிகத் தெளிவாக ‘‘கவர்ன்மென்ட் ஆஃப் தமிழ்நாடு’’ - தமிழ்நாடு அரசு என்றார். 

வெறும் சம்பளம் வாங்கக்கூடிய ஓர் ஊழியர், தமிழ்நாடு என்று சொல்லக்கூடாது என்று சொன்ன நேரத்தில், அதற்கு முதல் பதிலடி எங்கே இருந்து வந்தது என்றால், அருமைச் சகோதரர் டி.ஆர்.பாலு அவர் களிடமிருந்துதான். மிகத் தெளிவாக, உடனடியாக அதற்கான பதிலைச் சொன்னார்கள்.

அந்த வகையில்தான், ஒரு கொள்கை வீரருடைய பயணம் இது. பாதை மாறாத பயணம் இருக்கிறதே - அது சேது சமுத்திரக் கால்வாய்த் திட்டத்தில்கூட, பாதையை மாற்றத் தேவையில்லை என்று அவர்களே சொல்லக் கூடிய அளவிற்கு, இன்றைக்கு ஒப்புக்கொண்டிருக் கிறார்கள்.

எனவேதான், இது வெறும் வாழ்க்கை வரலாறு நூல் அல்ல நண்பர்களே! இது ஓர் இயக்கத்தின் வரலாறு - அரசியலின் வரலாறு - கொள்கை வெற்றியினுடைய வரலாறு.

இப்படிப்பட்ட நூல்களைப் படிக்கவேண்டும்; இந்த நூல்கள் பரவினால்தான், ‘நூல்’களின் அட்டகாசம் அடங்கும் - அதுதான் மிகவும் முக்கியமானது; அதைப் புரிந்துகொள்ளவேண்டும்.

சரியான காலகட்டத்தில், இந்த நூல் பயன்படக் கூடிய அளவிற்கு இங்கே வெளியிடப்பட்டு இருக்கிறது. அதைப் பயன்படுத்திக் கொள்ளவேண்டும். இன்றைக் கும் நம்முடைய எழுச்சிக்கு இதுபோன்ற நூல்கள் தேவை.

‘‘பதவி என்பது மேல்துண்டு; கொள்கை என்பது வேட்டி!’’ அண்ணா சொன்னார்!

கொள்கையில் நாம் சமரசம் செய்துகொள்ளவேண்டிய அவசியம் கிடையாது. அதை இங்கே வெளியிடப்பட்ட இரண்டு தொகுதிகளிலும் மிக அழகாகச் சுட்டிக் காட்டியுள்ளார்.

இந்த நூலில் உள்ள ஒன்றை மட்டும் சொல்கிறேன்; பேரறிஞர் அண்ணா அவர்கள் எடுத்துச் சொன்னதை, ஓர் அருமையான பகுதியை இங்கே அவர் எடுத்துக் கையாண்டிருக்கிறார்.

உண்மையான கொள்கைப்பற்று என்பது எது?

‘‘பதவிகள் வரும், போகும்; ஆனால், கொள்கை என்பது மாறாதது; மாறக்கூடாது’’ அதுதான் முக்கியம்.

பேரறிஞர் அண்ணா அவர்கள் நமக்குப் பாடமாக எடுத்துச் சொன்ன பகுதி, 

‘‘பதவி என்பது ஒருவருக்கு மேல் துண்டு; ஆனால், கொள்கை என்பது வேட்டி போன்றது’’ என்றார்.

அந்தக் கொள்கைகளைத் தெளிவாகச் சொல்லக் கூடிய அளவிற்கு வாய்ப்புகளை அவர் நிரூபித்துக் காட்டியிருக்கிறார்.

இந்தப் புத்தகத்தில் எழுத்தைவிட, அவருடைய செயல்கள் எப்படித் தெளிவாக உருவாகியிருக்கிறது; அவரை சிந்திக்க வைத்திருக்கிறது என்பதற்கு ஓர் அடையாளம்.

அவர் ஒன்றிய அமைச்சராக இருந்தபொழுது செய்த இந்தியாவிலுள்ள சாலைகளின் சிறப்பைப் பற்றிச் சொன்னார்கள்; இங்கே இருக்கக்கூடிய சாலைகளின் பெருமைகளைச் சொன்னார்கள்; இன்னமும் தமிழ் நாட்டில் இருக்கக்கூடிய சாலைகளின் பெருமைகளையும் எடுத்துச் சொல்லுகின்ற நேரத்தில், இவையெல்லாம் சிறப்பாக இருக்கிறது - கலைஞர் அவர்கள் பாராட்டினார் என்பதைப்பற்றியெல்லாம் இங்கே எடுத்துச் சொன் னார்கள்.

நண்பர்களே, நான் இப்பொழுது சொல்கின்ற தகவலை நன்றாக கவனிக்கவேண்டும்.

சிறீபெரும்புதூரில் மறுபடியும் வெற்றி பெறுகிறார். அப்படி வெற்றி பெற்ற அவருக்கு, அமைச்சர் பதவி இல்லை.

அதற்குப் பிறகு என்ன அவர் இயக்கத்தைவிட்டு ஓடிவிட்டாரா? இயக்கம் வேண்டாம் என்று போய் விட்டாரா? சங்கடப்பட்டாரா?

இந்த இடத்தைத்தான், இந்தப் புத்தகத்தில் இருந்து நீங்கள் கற்றுக்கொள்ளவேண்டியது - பெற்றுக்கொண் டால் மட்டும் போதாது நண்பர்களே - கற்றுக்கொள்ள வேண்டிய பகுதி இருக்கிறது.

பதவிகள் வரும், போகும். கொள்கைகள் நிலைக்கும். பாதை மாறவேண்டிய அவசியம் இல்லை என்று தெளிவாக நினைத்தார்.

ஏனென்றால், ஒரு தலைமை, சில முடிவுகளை எடுக்கின்றபொழுது, சில வாய்ப்புகளை சிலருக்குக் கொடுப்பார்கள் - சில நேரங்களில். அதற்குரிய காரண காரியங்களை, பல நேரங்களில் வெளிப்படையாகச் சொல்ல முடியாது; சொல்லத் தேவையும் இல்லை.

ஆனால், தொண்டர்கள், தோழர்கள் என்பவர்கள், பின்பற்றுபவர்கள் அதை அப்படியே ஏற்றுக்கொள்ளக் கூடிய பெருந்தன்மை இருக்கிறதே, அதுதான் உண்மை யான கொள்கை என்பது மிக முக்கியமானதாகும்.

தந்தை பெரியார் ஒன்றைச் சொல்வார்,

''ஒருவருக்கு உதவிகள் கிடைக்கும்பொழுது, அதுவும் அவரும் விரும்புவது கிடைக்கும்பொழுது, அவர் எப்படி நடந்துகொள்கிறார்கள் என்பது முக்கியமல்ல; அவர் விரும்பியது கிடைக்காதபொழுது, எப்படி நடந்துகொள்கிறார்கள் என்பதுதான் மிக முக்கியமானது; அதை வைத்துத்தான் அந்த மனிதரை அளக்கவேண்டும்‘‘ என்று சொல்லுவார்.

அந்த வகையில் பார்க்கும்பொழுது, தோழர், சகோதரர் பாலு அவர்கள் சாதாரண மனிதர் அல்ல; ஒரு மாமனிதர் என்பதை, அந்த வாய்ப்புகளில் நிரூபித்துக் காட்டியுள்ளார்.

இந்தப் பகுதியில் என்ன அவர் எழுதப் போகிறார் என்று கவனத்துடன் நான் படித்துக்கொண்டே வந்தேன். மற்ற வரலாறுகளையெல்லாம் பதிவு செய்துகொண்டு வருகிறாரே, இந்தக் காலகட்டத்தை அவர் எப்படி கையாளப் போகிறார்? ஏனென்றால், இவ்வளவு திறமை உள்ளவருக்கு வாய்ப்பில்லை என்று மற்றவர்கள் சங்கடப்பட்டார்கள்; அது உண்மை; அந்தக் காலகட்டம் எங்களுக்கும் தெரியும்.

ஆனால், அந்த நேரத்தில்கூட, அமைதியாக, நான்கு வரிகளில் தாண்டிவிட்டு, ‘‘என்னுடைய கடமையை நான் செய்கிறேன்; என்னுடைய கொள்கையை நான் செய் கிறேன்” என்று, கலைஞரிடத்தில் தோளோடு தோளாக நின்றார்.

அதுதான் ஒரு நல்ல தொண்டன்

அதுதான் ஒரு நல்ல பணியாளன்

அதுதான் ஒரு நல்ல கழகத்துக்காரன்

அதுதான், திராவிட இயக்கத்தின் தன்மை

எனவே, இந்த இயக்கத்தை நீங்கள் மாற்றலாம்; அசைக்கலாம் என்று நினைக்காதீர்கள்.

சட்டமன்றத்தில் தமிழ்நாடு என்ற முழக்கம்!

இது தமிழ்நாடு! தமிழ்நாடு!! தமிழ்நாடு!!! என்று சொல்லி,

இந்த நேரத்தில் உங்களுக்கு ஒன்றைச் சொல்லு கிறேன், அண்ணா அவர்கள் தமிழ்நாடு என்று பெயர் மாற்றுகின்ற நேரத்தில், சட்டமன்றத்தில் அண்ணாவே சொன்னார், சட்டமன்றத்தினுடைய வரலாற்றில், ‘‘தமிழ்நாடு என்று நான் குரல் கொடுக்கிறேன்; வாழ்க என்று நீங்கள் சொல்லுங்கள்’’ என்று அண்ணா அவர்கள் சொன்னார், எந்த ஒரு சட்டத்தை நிறைவேற்றுவதற்கு முன்பும், அந்த சட்டத்திற்கு, இப்படி ஒரு குரல் கொடுத்து எந்த ஒரு முதலமைச்சரும் நிறைவேற்றவில்லை. அதுதான் சிறப்பானது, சட்டமன்ற வரலாற்றில்.

அதை மாற்றிவிடலாம் என்று நீங்கள் நினைக் காதீர்கள்.

நாடு என்று சொன்னால், உடனே, அது பெரிய அளவிற்குப்  பிரிவினையாம்!

நாடு என்ற சொல் வந்தாலே, பிரிவினையாகிவிடுமா?

இன்றைக்குக்கூட ‘விடுதலை’யில் ஒரு பெட்டிச் செய்தி போட்டிருக்கிறோம்.

பைத்தியக்காரர்களே, பக்தர்களே நீங்கள் என்ன பாடுகிறீர்கள்?

‘‘தென்னாடுடைய சிவனே போற்றி!’’ என்பதில் நாடு வரவில்லையா?

‘‘தென்னாடுடைய சிவனே போற்றி!’’ என்று.

தென்னாடு என்று சொன்னால், பிரிவினையா?

அப்படி பாடியவர்கள்மீது கிரிமினல் வழக்குப் போடுவீர்களா?

ஊர்களுக்குக்கூட பெயர் வைத்திருக்கிறார்களே, தஞ்சை மாவட்டத்திற்குள் சென்றால் தெரியுமே! ஒரத்த நாடு, வல்லநாடு என்று இருக்கிறதே, அந்த ஊர்ப் பெயரையெல்லாம் மாற்றுவார்களா? அந்த ஊர் பிரிவினை ஊர் என்று ஆகிவிடுமா?

எனவேதான், இந்தப் பூச்சாண்டிகளை இங்கே காட்டாதீர்கள். உங்களை அனுப்பவேண்டிய அளவிற்கு இந்த நாடு தயாராக இருக்கிறது; தமிழ்நாடு தயாராக இருக்கிறது.

இப்போது நண்பர்களே முழங்குங்கள், 

தமிழ்நாடு! தமிழ்நாடு!! தமிழ்நாடு!!!

(அனைவரும் ''வாழ்க, வாழ்க, வாழ்க!'' என்று முழக்க மிட்டனர்)

இதுதான் பதில், இதுதான் தொடர்ச்சி, இதுதான் அடுத்த பாகம்.

நன்றி, வணக்கம்!

- இவ்வாறு திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் வாழ்த் துரையாற்றினார்.

பிரிவினை பேசுவது ஆரியர்களா? திராவிடர்களா? * ஆளுநரே, உச்சநீதிமன்றம் வைத்த குட்டை மறந்துவிட்டீர்களா?

  January 06, 2023 • Viduthalai

இது பெரியார் மண் - 'ஆரிய பாச்சா' பலிக்காது!

ஆளுநரே உங்களுக்குரிய பணியை மட்டும் செய்திடுக!

தமிழர் தலைவர் ஆசிரியர் அறிக்கை

தமிழ்நாடு ஆளுநர் தனக்கென்று உள்ள அரசமைப்புச் சட்ட ரீதியான பணிகளைச் செய்யட்டும்! இது பெரியார் மண்! ஆழ்வார் மண்ணல்ல - 'ஆரிய பாச்சா' இங்கு பலிக்காது என்று  திராவிடர் கழகத் தலைவர் ஆசிரியர் கி.வீரமணி அவர்கள் விடுத்துள்ள அறிக்கை வருமாறு:

தமிழ்நாட்டிற்கு ஒன்றிய அரசான ஆர்.எஸ்.எஸ். - பா.ஜ.க. அரசு ஒரு மேனாள் அய்.பி.எஸ். அதிகாரியான ஆர்.என்.இரவி என்பவரை ஆளுநராக அனுப்பியதி லிருந்து, அவர் மாநில அரசிடம் மோதல் போக்கை உருவாக்கி வருவதோடு, ஆளுநர் வேலையைத் தவிர மற்ற ஆர்.எஸ்.எஸ். - பா.ஜ. கட்சியின் பிரச்சாரகர் போலவே செயல்பட்டு, நாளொரு மேனியும், பொழு தொரு வண்ணமும் சர்ச்சைகள் ஏற்படுத்தும் வகையில் ஒரு கைதேர்ந்த அரசியல்வாதியைப்போல அன்றாடம் செயலாற்றி வருகிறார்! இது மகாவெட்கக்கேடு!!

அவர் தனது கடமையை ஆற்றத் தவறியவர் என்பதை பேரறிவாளன் வழக்கில் உச்சநீதிமன்றம், குட்டு வைத்ததுபோல, தனது  தீர்ப்பில் குறிப்பிட்ட பிறகும்கூட - யாருடைய தைரியத்திலோ அல்லது கண் ஜாடையிலோ, விவகாரம், வில்லங்கம் - இவற்றையே பேசி, நாளும் மக்களின் எதிர்ப்பினை மலைபோல் பெறுகின்றார்.

பேரறிவாளன் வழக்கில் உச்சநீதிமன்றத்தில் ஆளுநர் வாங்கிய குட்டு!

தமிழ்நாடு சட்டமன்றம் நிறைவேற்றி அனுப்பிய சுமார் 20 மசோதாக்களை கிடப்பில் போட்டு, மக்களால் தேர்ந்தெடுக்கப்பட்டு, சிறப்பான ஆட்சி - முதலமைச்சர் என்று ஏடுகளால் பாராட்டப்படும் ஆட்சியை, சுதந்திர மாகச் செயல்பட விடாமல் முட்டுக்கட்டைப் போடுகிறார்!

தமிழ்நாடு அரசின் கொள்கைகளுக்கு எதிரான நிலைப்பாட்டை எடுப்பதாகவே இவரது இந்த அடாவடிப் போக்கும், அவசியமற்ற சனாதனத்தைப் பரப்பிடும் பேச்சும் ஒருபுறம், பல பல்கலைக் கழகங்களில் துணைவேந்தர் பதவிகள் நிரப்பப்படாமையால் பல மாதங்கள் ‘தலையில்லா முண்டம்போல' அப் பல்கலைக் கழகங்கள் இயங்கும் இக்கட்டான நிலை மறுபுறம்!

தற்கொலைகள் தொடரும் நிலையில், 

ஆன்-லைன் மசோதாவுக்கு 

ஒப்பம் வழங்காத ஆளுநர்!

ஆன்-லைன் சூதாட்டத்தில் ஈடுபட்டு, தற்கொலை செய்துகொள்வோர் எண்ணிக்கை கூடிவரும் அவல நிலையைத் தடுக்க தி.மு.க. அரசு நிறைவேற்றிய சட்ட முன்வரைவை பல மாதங்கள் ஆன நிலையில்,  அப்படியே வைத்திருப்பது கடமை தவறிய ஆளுநரின் பொறுப்பின்மை மட்டுமல்ல; மனிதாபிமானமற்ற உயிர் பறிக்கும் அலட்சியப் போக்கும் ஆகும்! அவசர சட்டத் துக்கு அனுமதி அளித்துவிட்டு, சட்டமன்றம் நிறைவேற்றிய மசோதாவைக் கிடப்பில் போடுவது எப்படி? ஏனிந்த இரட்டை வேடம்?

இந்த நிலையில், ‘‘கிடப்பது கிடக்கட்டும் கிழவியைத் தூக்கி மணையில் வை'' என்ற பழமொழியைபோல,

‘‘திராவிடம் - பிரிவினைவாதம்'' என்றெல்லாம் அபத்தமாகப் பிதற்றுகிறார்!  நாம் கேட்கிறோம்:

ஒவ்வொரு அரசு நிகழ்ச்சியின் இறுதியிலும் நாட்டுப் பண் (National Anthem)) ‘ஜனகன மன' என்று தொடங்கிப் பாடும்போது, ஆளுநர் உள்பட அனைவரும் எழுந்து நிற்கிறோமே, அதில் வரும் ‘திராவிட உத்கல வங்கா' என்றால், பிரிவினை என்று கூறி, இவர் எழாமல் நிற்பாரா?

‘திராவிடம்' அதன் வரலாற்றை ஆய்வு செய்தால், அது மக்கள் இணைந்திருக்கும் தத்துவம் - ஒன்றுபடுத்தும் தத்துவமே தவிர, பிரிப்பது அல்ல; அல்லவே அல்ல என்பது புரியும்.

‘யாவரும் கேளிர்' என்ற கணியன் பூங்குன்றனார் பாட்டு முதல் - ‘அனைவரும் உறவினர்' என்ற பாரதி தாசன் ஆத்திச்சூடி வரை - மக்களை ஒருங்கிணைப்பது தவிர வேறு என்ன?

வந்தேறிகளான ஆரியர்கள் ஜாதி - வர்ணம் என்று பிரித்ததுதான் பிரிவினைவாதம்!

இன்னும் ஒருபடி மேலே போய்க் கூறுவது என்றால், வந்தேறிகளான ஆரியம் மக்களிடையே - ஜாதி, வர்ணம் என்று கூறி பிறப்பினில் பேதம் கற்பித்தல் கூடாது என்று, ஓங்கி மண்டையிலடித்துக் கூறிய தத்துவம்தான் திராவிடம்.

‘திராவிடம்' என்பது அரை வேக்காட்டுத்தனமாக ஏதோ வெள்ளைக்காரர்களால் புகுத்தப்பட்ட வாதம் என்ற புனைவுரையை மறுத்து, மனுதர்மத்தில் 10 ஆவது அத்தியாயத்தில்  (மனுதர்ம சாஸ்திரத்தில் 10ஆம் அத்தியாயத்தில் ‘சங்கர ஜாதி’ என்ற தலைப்பின்கீழ் ஜாதி தர்மத்தை அனுசரிக்காதவர்கள், அனுசரிக்காதவர் களுக்குப் பிறந்தவர்கள் ‘திராவிடர்’ என்ற பெயர் கொண்டவர் என்றும், சூத்திரன் பிராமண ஸ்தீரியைப் புணர்ந்தால் பெறப்படும் குழந்தைகள் பாக்கிய ஜாதியர் என்றும், அதாவது சமீபத்தில் வரக்கூடாத ‘சண்டாள ஜாதி’ என்றும் குறிப்பிடப்பட்டிருக்கிறது. 

மற்றும் பிராமணர்களுக்கு சூத்திர ஸ்தீரிகளிடத்தில் பிறந்த குழந்தைகள் ஆர்யா வர்த்த தேசத்தில் ‘செம்படவன்’ என்ற ஈன ஜாதியாகச் சொல்லப்படுவார்கள் என்று குறிப்பிடப்பட்டிருக்கிறது. 

மற்றும் ஜாதி தர்மம் தவறிய கலப்பினால் பிறப்ப வர்களால்தான் தோல் வேலை செய்யும் (சக்கிலி) ஜாதியும், பிணத்தின் துணியைப் பிடித்துக் கொள்கிற வர்களும் எச்சில் சாப்பிடுகிறவர்களுமான (பறையர்) ஜாதியும் ஏற்படுகின்றன என்று குறிப்பிடப்பட்டிருக்கிறது. 

“திராவிட தேசத்தை ஆண்டவர்கள் சூத்திரர்களாய் விட்டார்கள்” என்று தெளிவாகவே குறிப்பிடப்பட்டிருக் கிறது. இது மனு 10ஆம் அத்தியாயம் 44ஆம் ஸ்லோகம் ஆகும்.) 

உள்ள வரிகளை நாம் பலமுறை சுட்டிக்காட்டியும், திருந்தாத ஜென்மங்களாக காவிகள் பலர் உளறுகிறார்கள். இன்று அவர்களைப் பின்பற்றி, தமிழ்நாடு ஆளுநர் என்ற அரசுப் பணியாளர் - மக்கள் வரிப் பணத்தில் சம்பளம் பெற்று, அதில் மாளிகை வாசமும் செய்துகொண்டு இப்படிப் பிதற்றுவது அவர் வகிக்கும் பதவிக்கே இழுக்கு அல்லவா?

நாட்டில் ஆரிய தேசம் - திராவிட தேசம் என்று முன்பு பிரித்தவர்கள், திராவிட இயக்கத்தவர்களா?

காசியில் ''ஹிந்து'' கல்லூரியை

உருவாக்கியவர் யார்?

காசியில் தற்போதுள்ள காசி ஹிந்துப் பல்கலைக் கழகம், முன்பு ‘பனாரஸ் சென்ட்ரல் ஹிந்து காலேஜ்' ஆக இருந்துதான், மதன்மோகன் மாளவியா போன்றவர்களால் பல்கலைக் கழகமாக உயர்த்தப்பட்டது.

அந்த ‘ஹிந்து காலேஜில்' 1916 இல் (நீதிக்கட்சி உதயம் அந்த ஆண்டுதான்) வெளியிட்டுள்ள,

'''SANATANA DHARMA' AN ELEMENTARY TEXT BOOK OF HINDU RELIGION AND ETHICS''

என்ற பாட புத்தக நூலில், தொடக்கத்திலேயே உள்ள பகுதியை அப்படியே தருகிறோம்.

''SANATANA DHARMA means the Eternal Religion, the Ancient Law, and it is based on the Vedas, sacred books given to men many long ages ago. 

This Religion has also been called the Aryan Religion, because it is the Religion that was given to the first Nation of the Aryan race; Arya means noble, and the name was given to a great race, much finer in character and appearance than the races which went before it in the world's history. The first families of these people settled in the northern part of the land now called India, and that part in which they first settled was named Aryavarta, because these Aryans lived in it. "(The land) from the eastern ocean to the western ocean, between the two mountains (Himayan and Vindhya), the wise call Aryavarta''

ஆரிய வர்த்தத்தையும், திராவிட தேசத்தையும் (மனுநீதி கூறுகிற இதர தேசங்களை) இணைத்து ஒரே நாடு ஆக்கியதற்குக் காரணம்  பிரிட்டிஷ்காரர்களா? என்று வரலாறு அறிவு தெரிந்தவர்கள் கூறட்டும்.

பிறப்பில் பிரிவினை  - படிப்பில் பிரிவினை - 

யார் காணம்?

பிரிவினை ‘‘திராவிடமா? ஆரியமா?

அதுமட்டுமா?

படிப்பில் பிரிவினை -

உயர்ஜாதியினர் படிக்கலாம் - கீழ்ஜாதியினர் படிக்கவே கூடாது. மீறிப் படித்தால், நாக்கை அறு, காதில் ஈயத்தைக் காய்ச்சி ஊற்று!

மக்கள் ஜாதியில் கீழ்ஜாதிக்கும் கீழானவர்கள்.

Out Caste

பெண்கள் படிக்கவே கூடாது - அடிமைகள்தான்; இந்தப் பேதங்களை ஏற்படுத்தியது ஆரியமா? திராவிடமா? என்ற தி.மு.க. பொருளாளர், நாடாளு மன்ற உறுப்பினர் மானமிகு டி.ஆர்.பாலு அவர்கள் கேட்ட கேள்விக்கு என்ன பதில் ஆளுநர் அவர்களே?

நம்பும் கடவுளிடம் நெருங்கி பூஜை செய்வதற்குக்கூட அனைத்துப்  பக்தர்களுக்கும் உரிமை உண்டா?

ஆகமம் படித்தாலும் அர்ச்சகர் ஆகும் உரிமை கிடையாது என்று - அதை எதிர்த்து வழக்குப் போட்டு, வம்பு வளர்க்க நீதிமன்றங்களை நாடுவோர் பிரிவினை வாதிகளான ஆரியர்களா? திராவிடத்தவர்களா?

இப்படி அடுக்கடுக்கான கேள்விக் கணைகள் பாயவே செய்யும்!

எனவே, இனியும் பிதற்றாதீர் ஆர்.எஸ்.எஸ். பிரச்சார பாத்திரமேற்கும் ஆளுநரே!

இது பெரியார் மண்!

ஆரியப் பாச்சா பலிக்காது!

தமிழ்நாடு பெரியார் மண் - நீங்கள் உளறுவதுபோல ஆழ்வார் மண் அல்ல - 69 சதவிகிதம் இட ஒதுக்கீட்டை ‘அவாள்கள்' கையொப்பத்தோடு நிறைவேற்றி வைத்து வெற்றி பெற்ற மண்!

சமூகநீதியை விதைத்துப் பாதுகாக்கும் மண்! இங்கே சமூக அநீதி ஆரியத்தின் ‘பாச்சா' பலிக்காது!

இதனை உணர்ந்து, ஆளுநர் பணியை ஒழுங்காக செய்யுங்கள் என்று எச்சரிப்பார்கள் தமிழ் மக்கள்.

காரணம், நீங்கள் அவர்களது பணியாளர் என்பதை மறவாதீர்! கடமை துறவாதீர்!!

தமிழ்நாடு என்று அழைக்காமல், ‘தமிழகம்' என்று கூறவேண்டுமாம். இதுவே பிரித்தாளும் சூழ்ச்சிதானே - புரிந்துகொள்வீர்! ‘ஆந்திர பிரதேசம்' என்று இருக்கிறதே - ‘நாகாலேண்ட்' என்றெல்லாம் இல்லையா?

எனவே, ‘‘வெளியேறு, வெளியேறு, கடமை தவறிய ஆளுநரே, வெளியேறு!'' என்பதே இனி முழக்கமாகட்டும்!

கி.வீரமணி 

தலைவர்,

திராவிடர் கழகம்

சென்னை

6.1.2023

நமது 'விடுதலை' நாளேட்டில் ஒரு புதிய திட்டம்! பயிற்சிப் பட்டறை - எழுத்தியல், கருத்தியல் பயிற்சி!

  January 01, 2023 • Viduthalai

மாணவ, இளைஞர்களுக்கு 

எழுத்து ஊடகப் பயிற்சித் திட்டம்

பயிற்சிப் பட்டறை - எழுத்தியல், கருத்தியல் பயிற்சி!

35 வயதுக்குட்பட்ட இளைஞர்கள் - பால் வேறுபாடு தடையில்லை. ஆர்வமிக்க இளைஞர்களுக்கு 3 மாதம் முதல் 6 மாதம் வரை பயிற்சி தரவும் -

பிறகு பயன்படுத்தும் தகுதியுடன் அவர்களுக்குப் புது வாய்ப்பு தரும் திட்டம் ஒன்றை விரைவில் அறிவிக்கவிருக்கிறோம்!

அடிப்படையில் பெரியாரியல் மாணவர்களாக, ஆர்வலர்களாக அவர்கள் இருப்பது ஒரு முன் நிபந்தனையாக இருக்கும்.

உள்ளூர் மாவட்டக் கழகப் பொறுப்பாளர்கள் அறிமுகப் பரிந்துரையுடன் இது செயல்டும்!

தைப் பொங்கல் முடிந்தவுடன் நமதுப் பிரச்சாரப் பயணமும் தொடரும்

  January 01, 2023 • Viduthalai

 'திராவிட மாடல்' மாட்சியும், தோழமைக் கட்சிகளும் - மக்கள் ஆதரவும் நமக்குண்டு!

 9 ஆண்டுகாலமாக மதவாத நச்சுக்கரங்களில் நாட்டு ஆட்சி! மீட்டெடுப்பது நமது கடமை!

மக்கள் தயாராகிவிட்டனர்; எதிர்க்கட்சிகள் ஒருங்கிணைந்து

மதவாத ஆட்சியை ஒழித்திட-செயல்பட முந்தவேண்டும்!

இறுதி மூச்சுவரை எம் பணி தொடரும்

நாட்டை 9 ஆண்டுகாலமாக மதவாத சக்தி ஆண்டுகொண்டுள்ளது. மக்கள் தயாராகி விட்டனர். எதிர்க்கட்சிகளும் ஒன்றிணைந்து மதவாத சக்தியை, ஆட்சியை வீழ்த்த முனைந்துவிட்டனர். நம் பிரச்சாரப் பயணமும் இன்னொரு பக்கத்தில் தொடர்ந்து கொண்டே இருக்கும் என்று திராவிடர் கழகத் தலைவர் ஆசிரியர் கி.வீரமணி அவர்கள் விடுத்துள்ள அறிக்கை வருமாறு:

கழகக் கொள்கை உறவுகளே, பகுத்தறிவாளர்களே, இன உணர்வுச் செம்மல்களே, ஜனநாயகக் காவலர்களே,

இன்று (1.1.2023) புத்தாண்டு பிறந்த நிலையில், கழகக் கொள்கை உறவுகளான பெரியார் பன்னாட்டு அமைப்பு உள்பட உலகின் பல்வேறு பகுதிகளிலிருந்தாலும், ‘‘பெரியார் உலக மயம், உலகம் பெரியார் மயம்'' என்பதற்கே அருந்தொண்டாற்றி வரும் எமது அருமைத் தோழர்களே, உங்களுக்குப் பாசம் பொங்கும் வாழ்த்துகள்!

தந்தை பெரியார் மறைந்து  49 ஆண்டுகளாகியும் இலட்சியத்தால் ஈர்க்கும் சக்தியாக உள்ளார்

உடலால் தந்தை பெரியார் மறைந்து 49 ஆண்டுகள் ஆனாலும், கொள்கைப் பயணத்தில் இலட்சிய மயமாகி அங்கிங்கெனாதபடி இளைஞர்கள் ஏந்தும் அறிவுச் சுடராக அய்யா தந்தை பெரியார் காட்சியளிப்பதோடு, அவர்களது அறிவுப் போர்க் களத்தில் அரும்பெரும் பேராயுதமாக காட்சியளித்து, அவர்களை ஈர்க்கும் இணையற்ற சக்தியாகவே பெரியார் திகழ்கிறார்கள்.

கடந்த ஆண்டில் அடர்த்தியான கழகப் பணிகள், நாட்டினரை வியக்கச் செய்துள்ளது; நமது கொள்கை எதிரிகள் மருளுகின்றனர்.

ஆரியத்தின் எரிச்சலே இதற்கான அளவுகோல்!

‘திராவிட மாடல்' ஆட்சியும், அதன் ஒப்பற்ற முதல மைச்சரும் நாளும் சாதனைக் களத்தில் சரித்திரம் படைப்பது 2024 இல் ஓர் அரசியல் திருப்பம் ஏற்படுத்துவதற்குரிய நம்பிக்கை ஒளியாகும்!

இந்தியாவின் எல்லா பகுதிகளின் பார்வையும் தெற்கு - குறிப்பாக தமிழ்நாட்டின்மீது - அதன் ‘திராவிட மாடல்' ஆட்சியின் ஆற்றல்மிகு தலைமையின் ஒருங்கிணைப் பின்மீது எதிர்பார்ப்பாகவே இருக்கிறது!

‘யானை வரும் பின்னே; மணியோசை வரும் முன்னே'' என்ற பழமொழிகேற்ப, தாய்க்கழகத்தின் தமிழ் நாட்டுப் பிரச்சாரப் பணியும், அதன் பிறகு தேவைப்படும் அனைத்திந்திய ஒருங்கிணைப்பு கொள்கைப் பணியும் நம்மீதுள்ள கடமைச் சுகங்களான சுமைகளாகும்!

நமது பயணம் இலக்கை நோக்கியே!

கடந்த ஆண்டில், “குடிசெய்வார்க்கில்லை பருவம்'' என்று உழைத்த கருஞ்சிறுத்தைகளே, உங்களுக்கு எமது நெஞ்சம் நிறைந்த பாராட்டு - வாழ்த்துகள் - கோடி நன்றிகள்! நன்றி எதிர்பாராதவர்கள் நாம் என்றாலும்கூட!

திராவிடர் திருநாள் பொங்கல் முடிந்த பிறகும் ஒரு மாதம் தொடர் நிகழ்ச்சிகளால் நான் குறையும் மெழுகுவத்தியாக ஆகாமல், விரியும் ஒளிச்சுடர் ஏந்தும்  வெளிச்ச பணியாளனாகவே வருகிறேன் - வளருகிறேன். அனைத்துத் தோழமைக் கட்சிகளின், முதலமைச்சரின், தி.மு.க. கொள்கைக் குடும்ப உறவுப் பாசமும்தான் காரணம்!

இராணுவக் கட்டுப்பாட்டையும் விஞ்சும் கழகக் கட்டுப்பாடு - எடுத்துக்காட்டாக எப்போதும் எவருக்கும் தெரிகிறது -புரிகிறது!

களத்தில் நிற்கும் போர் வீரர்கள் ஓய்வைப்பற்றி கவலைப்பட முடியுமா?

இன எதிரிகளின் வியூகங்களை நமது அறிவுக் கண்மூலம் 'ஸ்கேன்' செய்து அதன்மீது பாய ஆயத்தமாக வேண்டாமா?

ஒரு நூற்றாண்டுக் கால கொள்கை லட்சிய வெற்றிக் கனியை, பக்காக் கொள்ளைக்காரர்கள் பறித்தோடிட இடந்தராது, வரும் தலைமுறைகளிடம் பாதுகாப்புடன் ஒப்படைத்து, புதிய சமூகம் காண இலக்கை நோக்கிய தாகவே நம் பயணம் அமையவேண்டாமா?

கடந்த 9 ஆண்டுகளாக ஆட்சிப் பொறுப்பு பா.ஜ.க. என்னும் விஷக்கரங்களில்...

நாலாபுறமும் ஆர்.எஸ்.எஸ். - பா.ஜ.க. காவிகள் அவர்களது விஷக் கரங்கள் - 9 ஆண்டுகால ஆட்சி யில், பண்பாட்டுப் படையெடுப்பு, சமஸ்கிருத ஹிந்தி கலாச்சாரத் திணிப்பு, சமூகநீதி பறிப்பு, பக்திப் போதைமூலம் மகளிர் பகுத்தறிவினைச் சிறையிடல், மாநிலங்களின் தனித்துவத்தை அழித்து, ஒரே கல்வித் திட்டம், ஒரே மதம், ஒரே மொழி, ஒரே கலாச்சாரம், ஒரே தேர்தல், ஒரே ரேசன் கார்டு என்று கூறி, ‘‘ஒரே, ஒரே''மூலம் ஒரேயடியாக நம் உரிமைகளை விழுங்கி ஏப்பம் விடுவதற்கு முழு முயற்சியுடன் அரசியலை ஆயுதமாகக் கொண்டு, அப்பாவி பாமர மக்களை மத மயக்கத்தின்மூலம் ஏமாற்றுவதற்குத் திட்டம் போட்டு, கார்ப்பரேட் 'கோடீசுவரர்களின்' துணையோடு, ஊடகங் களை ஊதுகுழல்களாக்கி, 2024 ஆம் ஆண்டில் ''வித் தைகள் - வியூகங்களின்''மூலம் மீண்டும் அரியணை ஏறி, மக்களாட்சிக்கு விடை கொடுத்து, தனி நபர் பாசி சத்திற்குக் கால்கோள் விழா நடத்த முழு ஆயத்தமாகி உள்ளது - மக்களுக்கு ஓரளவுக்கு விளங்கி விட்டது!

மதவாத சக்தியை  மண்டியிடச் செய்ய வேண்டாமா?

மக்கள் மாற்றத்திற்குத் தயாராகிவிட்டனர்; எதிர்க் கட்சி அரசியல் தலைவர்கள், தங்களைப்பற்றி நினைக் காமல், நாட்டை, மக்களாட்சியைக் காப்பாற்றுவதுபற்றிய ஒரே இலக்கின் (One Point Programme)  மூலம் மதவெறியை - ஆட்சியை மண்டியிடச் செய்ய முன்வரத் தொடங்கிவிட்டனர்!

தீயணைப்பு வீரர்களாகக் கருதி, திக்கெட்டும் ஒருங்கிணையவேண்டும்.

சர்வாதிகாரத்தை, சரித்திரம் நீண்ட நாள் வாழ விட்டதில்லை என்பதை எவரே மறுக்க முடியும்?

''மலையாயிற்றே என்று மலைப்பது மாவீரனின் குணம் அல்ல; சிற்றுளியால் மலையையும் பெயர்க்கும் வல்லாற்றல் எமக்குண்டு'' என்று சூளுரைத்து, சுயமரியாதை உணர்வுடன் களத்தில் நின்றால், வெற்றி நமதே! வீழ்வது எதிரிகளே!!

நமது கழகப் பணிப்  பிரச்சாரம்! பிரச்சாரம்!! பிரச்சாரம்!!

இருட்டு தொடருவ தில்லை என்பதே இயற் கையின் தத்துவம்; விடியல் வெள்ளி முளைத்து, அதனை விரட்டுவது  விஞ்ஞானபூர்வ உண்மை இல் லையா?

நம் கழகப் பணி பிரச்சாரம்! பிரச்சாரம்!! பிரச்சாரம்!!!

அயர்வின்றி, கடமையாற்ற, களம் நம்மை அழைக்கிறது! ஆயத்தமாவோம்!!

அதனால்தான் அறிஞர் அண்ணா நினைவு நாளான பிப்ரவரி 3 ஆம் தேதி - நமது பாதை என்றும் ஈரோட்டுப் பாதையே என்பதால், தொடர் பிரச்சாரத்தை அங்கே தொடங்கி, மார்ச் முதல் வாரம் வரை தமிழ்நாடு முழுவதும் பெருநகரம்,  பெருகிராமம் வரை இந்தப் பெரியார் தொண்டன், “திராவிட மாடல்'' ஆட்சியின் காவலனாக கவசமேந்தி கழகத் தோழர்களுடன் புறப்பட ஆயத்தமாகிறோம் - ஆயுத்தமாகிறோம்!

பயணங்கள் முடிவதில்லை -  பாதை தெளிவாக இருப்பதால்!

இறுதி மூச்சுள்ளவரை இப்பணி என்ற உணர்வு எம்மை கடமையாற்றிட வைக்கும்; இளமையையும் என்றும் வழங்கும் என்பது உறுதி!

பயணங்கள் முடிவதில்லை - பாதைத் தெளிவாக இருந்தால்!

வாரீர், ஆதரவு தாரீர்!!

நன்றி!!!

கி.வீரமணி

தலைவர்,

திராவிடர் கழகம்

சென்னை

1.1.2023