தனியார் அலுவலகங்களில் பணிபுரிபவர்களுக்கான வழிகாட்டு நெறிமுறைகள்

  January 19, 2022 • Viduthalai

 தமிழ்நாடு சுகாதாரத்துறை வெளியீடு

சென்னை, ஜன.19 அலுவலகங் களில் பணிபுரியும் போது முகக் கவசம் அணியாதவர்களை உடன டியாக வெளியேற்ற வேண்டும் என்று தனியார் நிறுவனங்களுக்கு தமிழக சுகாதாரத்துறை உத்தர விட்டுள்ளது.

தமிழ்நாட்டில் கரோனா வைரஸ் பரவல் தற்போது வேக மெடுத்துள்ளது. தினசரி ஏராள மானோர் பாதிக்கப்பட்டு வருகின் றனர். மற்றொருபுறம் ஒமிக்ரான் வைரசும் வேகமாக பரவி வருகிறது. இதனால் வைரஸ் பரவலை தடுக்க, அரசு பல்வேறு தடுப்பு நடவடிக் கைகளை மேற்கொண்டு வருகிறது.

இதனிடையே பல்வேறு மாநிலங்களில் அரசு மற்றும் தனியார் அலுவலகங்களில் 50% பணியாளர்களுக்கு மட்டுமே அனுமதி அளிக்கப்பட்டுள்ளது. அந்த வகையில், அலுவலகங்களில் பணிபுரிபவர்களுக்கான வழி காட்டு நெறிமுறைகளை தமிழ்நாடு சுகாதாரத்துறை வெளியிட்டுள் ளது. அலுவலகங்களில் பணிபுரியும் போது முகக்கவசம் அணியாதவர் களை உடனடியாக வெளியேற்ற வேண்டும் என்று தனியார் நிறுவ னங்களுக்கு தமிழ்நாடு சுகாதாரத் துறை சுற்றறிக்கை அனுப்பியுள்ளது.

அதில், பணியாளர்கள் மற்றும் அவர்களது குடும்பத்தினர் 2 டோஸ் தடுப்பூசி செலுத்திக் கொள்வதை உறுதி செய்ய வேண்டும். அறிகுறி உள்ள பணியா ளர்களுக்கு பரிசோதனை மேற் கொள்ள வேண்டும். 300 நபர் களுக்கு மேல் உள்ள தொழிற்சாலை களில் சுகாதார ஆய்வாளரை நியமிக்க வேண்டும்  என்று குறிப்பிட்டுள்ளது.

தேசிய சட்டக் கல்லூரி சேர்க்கையில் எஸ்.சி., எஸ்.டி., ஓ.பி.சி., வகுப்பினருக்குப் பட்டை நாமமா?

   January 20, 2022 • Viduthalai

இதனை எதிர்க்காமல் அமைதி காக்கலாமா? 

சமூகநீதி மண்ணான தமிழ்நாடு வழிகாட்டட்டும்!

தேசிய சட்டக் கல்லூரி சேர்க்கையில் எஸ்.சி., எஸ்.டி., ஓ.பி.சி. வகுப்பினருக்குப் பட்டை நாமமா? இதனை எதிர்க்காமல் அமைதி காக்கலாமா? சமூகநீதி மண்ணான தமிழ்நாடு வழிகாட்டட்டும்  என்று திராவிடர் கழகத் தலைவர் ஆசிரியர் கி.வீரமணி அவர்கள் அறிக்கை விடுத்துள்ளார்.

அவரது அறிக்கை வருமாறு:

மருத்துவப் படிப்பில் மாநில அரசுகள் இளநிலை மருத்துவப் படிப்பிற்கு 15 சதவிகிதமும், மேற் பட்டப் படிப்பிற்கு 50 விழுக்காடும் அகில இந்திய தொகுப்பு இடங்களுக்குக்  கொடுக்கப்படுவதில், ஒன்றிய சுகாதாரத் துறை இட ஒதுக்கீட்டை பின்பற்றாமலே இருந்த முறையை மாற்றிட உச்ச நீதிமன்றத்தில் ஒரு வழக்கு வந்து, அதன்பின் முந்தைய (காங்கிரஸ்) அரசு எஸ்.சி., எஸ்.டி., மாணவர்களுக்கு ஒன்றிய அரசு இட ஒதுக்கீட்டு ஆணைப்படி முறையே 15 சதவிகிதம், 7.5 சதவிகிதம் பின்பற்றவேண்டும் என உச்சநீதிமன்றத்தில் ஒப்புதல் பெற்று நிறைவேற்றியது.

ஆனால் பிற்படுத்தப்பட்டோருக்கு  ஒன்றிய அரசு கல்வி நிறுவனங்களில் பின்பற்றப்பட்ட 27 சதவிகித ஓ.பி.சி. (கல்விக்கான) இட ஒதுக்கீடும் அகில இந்திய தொகுப்பு இடங்களில் பின்பற்றப்பட வேண்டும் என் பதற்கான ஆணையைப் பற்றிக் கவலைப்படவேயில்லை.

முதன்முறையாக ஓ.பி.சி. பிரிவினருக்கு

27 சதவீத இட ஒதுக்கீடு கிடைக்க வாய்ப்பு

இடையில், பல்லாயிரக்கணக்கில் ஒடுக்கப்பட் டோருக்கு - மருத்துவக் கல்லூரிகளில் சேரவேண்டிய இட ஒதுக்கீடு, அவர்களுக்குக் கிடைக்காமலேயே சென்ற நிலையில், - திராவிடர் கழகம், தி.மு.க., ம.தி.மு.க., காங்கிரஸ், கம்யூனிஸ்ட், வி.சி.க., பா.ம.க., அ.தி.மு.க. அத்துணைக் கட்சிகளும் (பா.ஜ.க. தவிர) வழக்குத் தொடுத்து வாதாடியபின், பல்வேறு சால்சாப்புகளை மோடி அரசின் சுகாதாரத் துறை உச்சநீதிமன்றத்தில் கூறிக்கொண்டே வந்த நிலை மாறி, இறுதியாக நீதிமன்ற அவமதிப்பு வழக்குக்கு அச்சப்பட்டு மோடி அரசு ஒப்புக் கொள்ள வேண்டிய நிலை ஏற்பட்டது. அந்த அடிப்படையில், இப்போது அகில இந்திய தொகுப்பில் முதன்முறையாக ஓ.பி.சி. பிரிவினருக்கு 27 சதவீத இட ஒதுக்கீடு கிடைக்க வாய்ப்பு ஏற்பட்டுள்ளது.

முதலமைச்சர் ஸ்டாலின் தலைமையில்தான் தி.மு.க.வின் மூலம் இதற்கு விடியல் கிடைத்தது

இத்தனை ஆண்டுகளில் ஓபிசி பிரிவினர் இழந்த இடங்கள் பல்லாயிரம் என்றாலும், திராவிடர் கழகம் இதை முதலில் அறிக்கைமூலம் எழுதி, தமிழ்நாட்டில் உள்ள அனைத்து அரசியல் கட்சிகளையும் வீதிமன்ற, நீதிமன்ற போராட்டங்களில் ஈடுபட வைத்தது; பெரு வெற்றி பெற்ற முதலமைச்சர் ஸ்டாலின் தலைமையில் தான் தி.மு.க.வின் மூலம் இதற்கு விடியல் கிடைத்தது - மற்ற கட்சிகளின் துணையோடு (பி.ஜே.பி. தவிர).

ஆனால்,  சமூகநீதிக் காவலர் மோடியால்தான் முடிந்தது என்று தமிழ்நாட்டு பா.ஜ.க. தலைவர் அறிக்கை விட்டார்!

தொடக்கத்தில் தான் ஒரு பிற்படுத்தப்பட்ட சமு தாயத்தவர்  என்ற முத்திரையோடு பிரதமர் பதவிக்கு வந்தவர். அப்படி  அவர் பெரு உருவம் எடுத்தால், அதை முழு மனதோடு வரவேற்பவர்கள் நாமாகவே இருப்போம் என்று அண்ணாமலை அவர்களுக்குப் பதில் எழுதினோம்.

மோடி அமைச்சரவையில் ஒடுக்கப்பட்டோர் எண்ணிக்கை வெகுக்குறைவு!

பிற்படுத்தப்பட்ட சமூகப் பிரதமர் என்பதை செயலில் அல்லவா அவர் பதவிக்கு வந்தவுடன் காட்டியிருக்க வேண்டும்? இல்லையே! அவரது முதல் ஒன்றிய அமைச்சரவையும் (2014) சரி, 2019 மிகுதிப் பெரும் பான்மையிடங்களைப் பெற்று வென்ற தேர்தலுக்குப் பிறகும்கூட அவரது அமைச்சரவையில் ஒடுக்கப்பட் டோர் எண்ணிக்கை வெகு குறைவு!

ஓராண்டுக்கு முன்பு நடைபெற்ற சட்டமன்றத் தேர்தல்களில் சில மாநிலங்களில் தோற்றதாலும், சில மாநிலங்களில் அடுத்து வரவிருக்கும் தேர்தல்களை யோசித்தும் தனது அமைச்சரவையை மாற்றி, அதில் ஒடுக்கப்பட்டோருக்கு சற்று தூக்கலாக பிரதிநிதித்துவம் தந்த உத்தியைக் கையாண்டார் என்பது மறுக்க முடியாத உண்மை அல்லவா?

நாட்டில் பரவலாக உள்ள தேசிய சட்டக் கல்லூரிகளில் (National Law Colleges) அவை தொடங்கிய காலந் தொட்டு இன்றுவரை இட ஒதுக்கீடு சமூகநீதி அறவே புறக்கணிக்கப்பட்டே வந்துள்ளது.

கிடைத்தது பட்டை நாமமே என்பது வெட்கக்கேடு

இதுவரை ஒடுக்கப்பட்டவர்களுக்கு அரசமைப்புச் சட்டம் வகுத்த நெறிப்படி கிடைக்க வேண்டிய இட ஒதுக்கீட்டில் - கிடைத்தது பட்டை நாமமே என்பது வெட்கக்கேடு- கடந்த மோடி அரசின் 7 ஆண்டுகள் உள்பட!

இந்தியாவில் மொத்தம் 23 தேசியப் பல்கலைக் கழகங்கள் உள்ளன. இவற்றில் 15 பல்கலைக்கழகங்களில் ஓபிசி பிரிவினருக்கு இட ஒதுக்கீடு பூஜ்ஜியம், பூஜ்ஜியம், பூஜ்ஜியம் (0 0 0). ஓ.பி.சி., மாணவர்களுக்கு மோடி ராஜ்ஜியத்தில் கிடைத்தது பூஜ்ஜியமே - என்னே கொடுமை! எவ்வளவு வேதனை?

தி.மு.க.வின் நாடாளுமன்ற கட்சித் தலைவர் டி.ஆர்.பாலு அவர்களும், மாநிலங்களவை உறுப்பினர் பிரபல மூத்த வழக்குரைஞர் பி.வில்சன் அவர்களும் சம் பந்தப்பட்ட சட்ட அமைச்சருக்கு இதைச் சுட்டிக்காட்டி, கடிதங்களும் எழுதியுள்ளனர்!

எந்தப் பதிலும் இதுவரை இல்லை.

சமூகஅநீதி அப்பட்டமாக கொடிகட்டிப் பறக்கிறது மோடியின் பா.ஜ.க. ஆட்சியில்!

இந்திய அரசமைப்புச் சட்டத்தின் அடிக்கட்டுமான மான முகப்புரை, அடிப்படை உரிமைகளில் உள்ள வற்றினைக் கூட மதிக்காது - சமூகஅநீதி அப்பட்டமாக கொடிகட்டிப் பறக்கிறது மோடியின் பா.ஜ.க. ஆட்சியில்.

அவர் உள்ளபடியே சமூகநீதிக் காவலர் என்றால், ஏன் இந்த அநீதிக்குப் பரிகாரம் தேட முன்வரவில்லை?

அது மட்டுமல்ல; எஸ்.சி., எஸ்.டி. பிரிவினருக்கு ஒன்பது தேசிய சட்ட பல்கலைக்கழகங்களில் இட ஒதுக்கீடு பூஜ்யம் என தற்போது விவரங்கள் கிடைத் துள்ளன.

ஓ.பி.சி., எஸ்.சி., எஸ்.டி. என ஒடுக்கப்பட்ட சமுதாயத்தவர்கள் - இந்தத் தடைக் கற்களையும் தாண்டி, பொதுப் போட்டி என்ற அழைக்கப்படும் திறந்த போட்டி - அனைவரும் கலந்துகொள்ளும் போட்டியிலும் கலந்து அத்திபூத்ததுபோல ஒரு சிலர் வந்துள்ளார்கள் என்பதா நமக்கு ஆறுதல்?

வெட்கம்! மகா வெட்கம்!

தமிழ்நாடு அரசு - சமூகநீதிக் கண்காணிப்புக் குழு வினர் இதனை நமது முதலமைச்சர் அவர்களின் கவ னத்திற்கும், நாடாளுமன்ற உறுப்பினர்களின் பார்வைக் கும் எடுத்துச் செல்வதோடு, தேசிய சட்டப் பல்கலைக் கழகத்தில் இட ஒதுக்கீட்டுக்கு சட்டப் போராட்டம் நடத்த ஆயத்தமாகவேண்டும்.

திராவிடர் கழகம் இந்த சட்டப் போராட்டத்திற்கு முதல் அடியை (FIRST STEP) எடுத்து வைக்க இருப் பதுடன், வீதிப் போராட்டமும் - கரோனா சூழல் ஓரளவு ஓய்ந்த  பின்னர் செய்திட என்றும் தயார் நிலையில் உள்ளது.

அநீதியைக் கண்டு அமைதியாக இருப்பவர்களும், அந்த அநீதிக்குத் துணை போகிறவர்களும் யார்?

அந்தப் பழியை ஏற்கலாமா?

சமூகநீதி மண்ணான தமிழ்நாடு வழிகாட்டட்டும்!

கி.வீரமணி

தலைவர்,

திராவிடர் கழகம். 

சென்னை       

20.1.2022            

கட்டுமான தொழிலாளர்கள் வீடு கட்ட ரூ.4 லட்சம் நிதி நலவாரிய தலைவர் தகவல்

   January 30, 2022 • Viduthalai

சென்னை, ஜன.30 தமிழ்நாடு கட்டுமான தொழிலாளர்கள் நல வாரியம் தலைவர் பொன்குமார் வெளியிட்ட அறிவிப்பு:

முதலமைச்சர் மு.க.ஸ்டாலின் கடந்த சட்ட பேரவை கூட்டத்தில் சொந்தமாக வீடு இல்லாத கட்டுமான தொழிலாளர்களுக்கு வீடு வழங்கும் திட்டத்தை அறிவித்தார்.

அதன்படி பதிவு பெற்றுள்ள கட்டுமான தொழிலாளர்களுக்கு சொந்தமாக வீடு இல்லாமல் இருந்தால் நகர்ப் புறங்களில் நகர்புற வாழ்விட மேம்பாட்டுத் திட்டத்தின் மூலம் வீடு வாங்கி கொள்ள ரூ.4 லட்சம் வரை கட்டுமான தொழிலாளர்கள் நல வாரியத்தின் மூலம் நிதியுதவி வழங்கப்படும். கிராமப்புறங்களில் சொந்த வீடு இல்லாதவர்கள், சொந்தமாக வீட்டு மனை வைத்திருந்தால் அதில் அவர்களே வீடு கட்டிக் கொள்ள ரூ.4 லட்சம் வரை நிதியுதவி வழங்கப்படும்.

முதல் கட்டமாக ஆண்டிற்கு 10,000 தொழிலாளர் களுக்கு இத்திட்டம் நடைமுறைப்படுத்தப்படும். மாவட்ட ஆட்சியர், நகராட்சி ஆணையர், மாநகராட்சி ஆணையர், திட்ட அலுவலர், சம்மந்தப்பட்ட செயற்பொறியாளர் (நகர்புற வாழ்விட மேம்பாட்டு வாரியம்) மற்றும் மாவட்ட தொழிலாளர் உதவி ஆணையர் ஆகியோர் கொண்ட குழு மாவட்ட அளவில் பயனாளிகளை தேர்வு செய்து வாரியத்தின் ஒப்புதலுக்காக தமிழ்நாடு கட்டுமானத் தொழிலாளர்கள் நல வாரியத்திற்கு அனுப்பிவைக்கப்படும். இறுதி ஒப்புதலினை தமிழ்நாடு கட்டுமான தொழிலாளர்கள் நல வாரியம் வழங்கும்.

பயனாளிகளே வீட்டைக் கட்டிக்கொள்வார்கள். கட்டுமான பணிக்கேற்ப நான்கு கட்டங்களாக பிரித்து இந்த உதவி பணம் தொழிலாளர்களின் வங்கிக்கணக்கிற்கு மாவட்ட தொழிலாளர் உதவி ஆணையர் மூலம் அனுப்பி வைக்கப்படும்.

ஒவ்வொரு கட்ட கட்டுமான நிறைவு பணிக்கும் சம்பந்தப்பட்ட பிடிஓ சான்று அளிக்கப்பட வேண்டும். அந்த சான்றின் அடிப்படையில் நான்கு கட்டங்களாக பணம் அனுப்பி வைக்கப்படும். இதற்கான அரசு ஆணை தொழிலாளர் நலன் மற்றும் திறன் மேம்பாட்டுத்துறையால் வெளியிடப்பட்டுள்ளது.

மேலும் விவரங்களை இணையதளத்தில் காணலாம்.

தமிழ்த்தாய் வாழ்த்து: ரிசர்வ் வங்கி அதிகாரிகளின் அவமரியாதை!

  January 27, 2022 • Viduthalai

தமிழ்நாடு அரசு பிறப்பித்த ஆணையைப் புறந்தள்ளி ஆணவமாக நடந்துகொள்வதா?

தண்டனைக்குரியதே தவிர, மன்னிப்பதற்குரியது அல்ல!

தமிழ்த்தாய் வாழ்த்துப் பாடப்படும்பொழுது எழுந்து நிற்கவேண்டும் என்று தமிழ்நாடு அரசு பிறப்பித்த ஆணைபற்றி ரிசர்வ் வங்கி அதிகாரிகளுக்குத்  தெரியாமல் போனது எப்படி? இது தண்டனைக்குரியதே தவிர,  மன்னிப்பதற் குரியது அல்ல என்று திராவிடர் கழகத் தலைவர் ஆசிரியர் கி.வீரமணி அவர்கள் அறிக்கை விடுத்துள்ளார்.

அவரது அறிக்கை வருமாறு:

நேற்று (26.1.2022) குடியரசு நாள் கொண்டாட்டம்; சென்னை ரிசர்வ் வங்கி அலுவலகத்தில் நடந்த நிகழ்வில், தமிழ்த்தாய் வாழ்த்து பாடும்போது, அங்குள்ள அதிகாரிகள் பலர் எழுந்து நிற்கவேண்டிய குறைந்தபட்ச அவை நாகரிகத்தைக் கடைப்பிடிக்காதது மட்டுமல்ல, எழ முயற்சித்தவர்களையும் இழுத்து அழுத்தி உட்காரச் சொன்னதும், இதுபற்றி செய்தியாளர்கள் அவர்களிடம் கேட்டதற்கு மேலும் ஆணவத்தோடும், அறியாமை யோடும், ''தமிழ்த்தாய் வாழ்த்துக்கு எழுந்து நிற்க வேண்டியதில்லை என்று உயர்நீதிமன்றமே தீர்ப்பு கூறியுள்ளது'' என்று பதில் கூறியது மிகவும் வன்மையாகக் கண்டிக்க வேண்டியதும், தண்டிக்கப்படக் கூடிய அவமரியாதைச் செயலுமாகும்!

தமிழ்நாடு அரசு பிறப்பித்த ஆணைபற்றித் தெரியாமல் போனது எப்படி?

அதுமட்டுமல்ல; அதன் பிறகு அரசு ஆணை வந்தது எப்படி இந்த அதிகாரிகளுக்கு - பெரிய மனிதர்களுக்குத் தெரியாமல் போனது?

சமாதானம் கூறி தப்பிக்க முடியாது!

சட்டத்தில் 'Ignorance of Law is no Excuse' என்பது அடிப்படை அறிவு அல்லவா?  அதன்படி பிறகு வந்த ஆணை குறித்து எங்களுக்குத் தெரியாது என்றுகூட அவர்கள் சமாதானம் கூறி, தப்பிக்க முடியாதே!

இவர்கள்மீது உரிய நடவடிக்கை சட்டப்படி எடுக்கத் தயங்கக் கூடாது.

தண்டனைக்குரியதே தவிர - மன்னிப்பதற்கு உரியது அல்ல!

சட்டத்திற்குமுன் அனைவரும் சமம் என்பதால், பெரிய பதவியில் உள்ள சின்ன மனிதர்களுக்குப் பாடம் புகட்டுவது பல வகையிலும் பொது ஒழுக்கச் சிதைவைத் தடுக்க உதவும்.

அறியாமையைவிட, ஆணவ பதில் நிச்சயம் தண்டனைக்குரியதே தவிர, மன்னிப்பதற்கு உரியது அல்ல - காவல்துறை கடமையாற்றவேண்டும்.

 

கி.வீரமணி

தலைவர்,

திராவிடர் கழகம்

சென்னை

27.1.2022

அகில இந்திய அளவில் மருத்துவக் கல்வியில் பிற்படுத்தப்பட்டோருக்கு 27% இட ஒதுக்கீடு - தி.மு.க. முயற்சிக்கு வெற்றி!

இனி பெறவேண்டிய உரிமைகளும் உண்டு - அதிலும் வெற்றி பெறுவோம்!

January 08, 2022 • Viduthalai

அகில இந்திய அளவில் மருத்துவக் கல்வியில் பிற்படுத்தப்பட்டோருக்கு 27% இட ஒதுக்கீடு - தி.மு.க. முயற்சிக்கு வெற்றி!

தி.மு.க. தலைவருக்கு நமது பாராட்டுகளும், வாழ்த்துகளும்!

அகில இந்திய அளவில் மருத்துவக் கல்வி யில் பிற்படுத்தப்பட்டோருக்கு 27 விழுக்காடு இட ஒதுக்கீடு கிடைத்திருப்பது தி.மு.க.வின் முயற்சிக்குக் கிடைத்துள்ள வெற்றியே! இதற் குக் காரணமான சமூகநீதிக்கான சரித்திர நாயகர் முதலமைச்சர் அவர்களுக்குப்  பாராட்டும், வாழ்த்தும் தெரிவித்து திராவிடர் கழகத் தலைவர் ஆசிரியர் கி.வீரமணி அவர்கள் அறிக்கை விடுத்துள்ளார்.

அவரது அறிக்கை வருமாறு:

மத்தியத் தொகுப்பு என்ற ஒன்றை முந்தைய அரசுக் காலத்தில் ஏற்படுத்தியபின், மருத்துவக் கல்வியைப் பெற்ற மாநிலங்களிலிருந்து எம்.பி.பி.எஸ்.சுக்கு 15 சத விகிதமும், M.D., M.S., போன்ற மேற்பட்டப் படிப்பு களுக்கு 50 சதவிகித இடங்களையும் ஒன்றிய அரசுக்குத் தரவேண்டும் என்ற ஓர் ஆணைக்கிணங்கவே மற்ற மாநிலங்களுக்குப் பிரித்தளிக்கும் ஏற்பாடு தொடர்ந்து வருகின்றது.

அந்த ஏற்பாட்டின்படி உள்ள இடங்களில் இட ஒதுக் கீடு - சமூகநீதி பின்பற்றப்பட வேண்டியது அரசமைப்புச் சட்டப்படி ஒடுக்கப்பட்ட மக்களுக்குள்ள உரிமையாகும்.

‘‘தாரை வார்க்கும்'' ஏற்பாடே தொடர்ந்து வந்தது!

அதன்படி எஸ்.சி., எஸ்.டி., ஆகிய ஒடுக்கப்பட்ட வகுப்பில் உள்ளவர்களுக்கு ஒன்றிய அரசு ஆணைப்படி முறையே 15, 7.5 என்று 22.5 (ரவுண்டாக 23 சதவிகிதம்) இட ஒதுக்கீட்டை இந்த மருத்துவப் படிப்புக்குச் செய்யும் ஒன்றிய அரசு, இதர பிற்படுத்தப்பட்டவர்கள் (ஓ.பி.சி.) மாணவர்களுக்கு இட ஒதுக்கீடு தர, மறுத்தே வந்ததோடு, எஞ்சியவற்றின் பெரும்பகுதியை முன்னேறிய உயர் ஜாதியினருக்குத் ‘‘தாரை வார்க்கும்'' ஏற்பாடே தொடர்ந்து வந்தது!

இதனைத் திராவிடர் கழகம் கடந்த இரண்டாண்டு களுக்கு முன்பிருந்தே சுட்டிக்காட்டி தமிழ்நாடு பெரியார் மண்  - சமூகநீதி மண் என்பதால், அத்துணைக் கட்சி களும் பா.ஜ.க.வைத் தவிர ஒன்றாக இந்த இடஒதுக்கீடு -இட ஒதுக்கீடு பிற்படுத்தப்பட்டவர்களுக்கும் தரப்படல் வேண்டும் என்று வற்புறுத்தியதை, ஏற்க தொடர்ந்து மறுத்தே வந்தது ஒன்றிய பா.ஜ.க. அரசு. இதனை எதிர்த்து சென்னை உயர்நீதி மன்றத்தில் தனித்தனியே வழக்குகள் போடப்பட்டன. தி.மு.க. தலைமையிலான கூட்டணி கட்சிகளும் இதே வாதத்தினை முன்வைத்தன.

பீகாரைச் சார்ந்தவரான ஓய்வு பெற்ற தலைமை நீதிபதி அமர்வு சென்னை உயர்நீதிமன்றத்தில் இதர பிற்படுத்தப்பட்டவர்களுக்கு 27 சதவிகிதம் அளிக்க வேண்டியது அவசியம் என்று தீர்ப்பளித்தார்.

அதற்கிடையில் 2019 இல் இரண்டாண்டுகளுக்கு முன்பு உயர்ஜாதியில் நலிந்த பிரிவினருக்கு 10 சதவிகித இட ஒதுக்கீடு - அவர்களுக்கு வருமான அடிப்படையில் செய்ய பிரதமர் மோடி தலைமையிலான பா.ஜ.க. அரசு அவசர அவசரமாக 5 நாள்களில் 103 ஆவது அரசமைப்புச் சட்டத் திருத்தத்தைக் கொண்டு வந்து, எதிர்க்கட்சிகளின் எதிர்ப்பைப் பொருட்படுத்தாமல், அடுத்த 5 நாள்களில் குடியரசுத் தலைவரின் ஒப்புதல் பெற்று, பொருளாதார அளவுகோல்படி ஆண்டுக்கு 8 லட்சம் வருவாய் உள்ளவர்கள் ‘‘ஏழைகள் - பொருளா தாரத்தில் நலிந்தவர்கள்'' என்று ஒரு சில நாள்களிலேயே வரையறுத்துவிட்டார்கள்.

அரசமைப்புச் சட்டத்தை மீறியது ஆகாதா?

1. இட ஒதுக்கீடு 50 விழுக்காட்டிற்குமேல் போகக் கூடாது என்று உச்சநீதிமன்றம் (பாலாஜி வழக்கில்) கூறியதை மீற முடியாது என்ற நிலையில் - இந்த 10 சதவிகித கூடுதல் ஒதுக்கீட்டை உயர்ஜாதியில் பொருளாதாரத்தில் நலிந்தவர்கள் என்ற போர்வையில் தருவதும் அரசமைப்புச் சட்டத்தை மீறியது ஆகாதா? என்ற கேள்விக்குப் பதில் அளிக்க முடியவில்லை (இதைத்தான் நமது வழக்குரைஞர்களின் வாதங்களைக் கேட்டு, ஏற்ற சென்னை உயர்நீதிமன்றத் தலைமை நீதிபதி ஜஸ்டீஸ் சஞ்சீப் பானர்ஜியும் கேட்டார் - அதன் விளைவு நாடறிந்த ஒன்று!).

இதன்மீது ஒன்றிய அரசு பிற்படுத்தப்பட்டவர் களுக்கான (ஓ.பி.சி.) 27 சதவிகித இட ஒதுக்கீட்டினை தர முடியாது என்று மறுத்தே வந்ததோடு, உச்சநீதி மன்றத்தில் வழக்கும் போட்டது.

உச்சநீதிமன்ற அமர்வு கேட்ட பல கேள்வி களுக்கும்கூட சரியான பதில் அளிக்க இயலாது - வேறு ஏதேதோ சொல்லி வந்தது.

உச்சநீதிமன்றம் ஏற்றது

இந்த வழக்கில் எதிர்க்கட்சியாக இருந்தபோதே தி.மு.க., அதன் தலைவர் மு.க.ஸ்டாலின் அவர்களின் அறிவுறுத்தலின்படி வழக்கில் தங்களையும் இணைத்துக் கொள்ளக் கோரியது - உச்சநீதிமன்றமும் ஏற்றது.

தி.மு.க. சார்பில் மூத்த வழக்குரைஞர், நாடாளுமன்ற உறுப்பினர் பி.வில்சன் அவர்கள் சிறப்பாக வாதாடி னார்கள்.

மாதம் ரூ.66 ஆயிரம் வருமானம் வருபவர் எப்படி ஏழையாவார்?

‘‘8 லட்ச ரூபாய் வருமான வரம்பு எந்த அடிப்படையில் நிர்ணயம் செய்தீர்கள்? புள்ளிவிவரங்களின் (Data) ஆய்வுப்படி ஆய்வு செய்தீர்களா? மாதம் ரூ.66 ஆயிரம் வருமானம் வருபவர் எப்படி ஏழையாவார்? பொருளா தார வாழ்வாதாரம் மாநிலத்திற்கு மாநிலம் வேறுபடுமே; நகரத்திற்கும் (Urban), கிராமத்திற்கும் இடையேயும் வேறுபடுமே என்று கேட்டது - ஜஸ்டீஸ் சந்திரசூட் தலைமையிலான அமர்வு.

இந்தக் கேள்விகளுக்குப் பதில் ஏதும் சரியானபடி கூறாமல், மூவர் குழு என்ற அதிகாரிகள் குழு, அதனை நியாயப்படுத்தி அறிக்கை தந்ததை முழு மனதோடு நீதிபதிகள் ஏற்காவிட்டாலும், இந்த ஆண்டுக்கு  மருத் துவக் கல்வி P.G. - மேற்பட்டப் படிப்புத் தேர்வு, நீட் தேர்வினால் காலதாமதமாவதால், அனுமதிக்கிறோம். இறுதித் தீர்ப்பு - இதன்மீது மார்ச் மாதம் நடைபெறும் விசாரணைக்குப் பிறகு, என்று தீர்ப்பு கூறியதில் மிக முக்கியமான பகுதி - பிற்படுத்தப்பட்ட சமூக மாண வர்களுக்கு (ஓ.பி.சி.) 27 சதவிகிதம் அளிப்பது சட்டப்படி சரியானது என்று தீர்ப்பளித்துவிட்டனர்.

சமூகநீதி எழுச்சி வரலாற்றில் சிறந்த சாதனைபூர்வ வெற்றி!

தி.மு.க. தலைவர் மு.க.ஸ்டாலின் அவர்கள் கோரிக்கை - உச்சநீதிமன்றத்தால் ஏற்கப்பட்டது; உண் மையில் ஒரு பெரிய சமூகநீதி எழுச்சி வரலாற்றில் சிறந்த சாதனைபூர்வ வெற்றியாகும்!

இதனால், பிற்படுத்தப்பட்ட சமூகத்தவர்கள் மேலும் 4,000 மாணவர்கள் மருத்துவப் படிப்பு, மேல் படிப்பில் பயன்பெறுவார்கள் என்பது என்ன சாதாரணமா? இந்தியா முழுமையும் உள்ள பிற்படுத்தப்பட்டோர் பலன் பெறப் போகின்றனர் என்பதுதான் மிகவும் முக்கிய மானது. மண்டல் குழு செயல்பாட்டால் எப்படி இந்தியா முழுமையும் உள்ள பிற்படுத்தப்பட்டோர் கல்வியிலும், உத்தியோகத்திலும் பலன்பெற்றார்களோ அதனை ஒத்ததுதான் இது (அதற்காக திராவிடர் கழகம் 42 மாநாடுகளையும், 16 போராட்டங்களையும் நடத்தியது) என்பதை பெற்றோர்களும், மற்றவர்களும் எண்ணிப் பார்க்கவேண்டும்.

கோடானுகோடி பிற்படுத்தப்பட்ட சமூக மாணவர் களின் மருத்துவக் கனவு இதன்மூலம் செயலுரு கொள்ள வாய்ப்பு ஏற்படுகிறது.

திராவிடர் ஆட்சி தமிழ்நாட்டில் தொடர்ச்சியாக நடைபெறுவதன் விளைவுதான் தொடர்ந்து பறிக்கும் வெற்றிக் கனிகள்.

தந்தை பெரியார் வகுப்புரிமையைப் பாதுகாக்க நடத்திய போராட்டத்தின் விளைவாக முதலாவது அரசமைப்புச் சட்டத் திருத்தம் (15.4.1951).

ஏற்பட்டதால் படிப்பில் பிற்படுத்தப்பட்டோருக்கு இட ஒதுக்கீடு.

காலங்காலமாக மறுக்கப்பட்ட சமூகநீதி மீண்டும் நமக்குக் கிட்டியது!

இந்த வரலாற்றுப் பெருமைக்குரிய இந்தத் தீர்ப்பினை தி.மு.க. பெற்றதன்மூலம், காலங்காலமாக மறுக்கப்பட்ட சமூகநீதி மீண்டும் நமக்குக் கிட்டியது!

இதனையெல்லாம் உணர்ந்தேதான் ‘‘சமூகநீதிக்கான சரித்திர நாயகர்'' முதலமைச்சர் மு.க.ஸ்டாலின் என்று திராவிடர் கழகம் கூறியது 100-க்கு 100 எவ்வளவு சரியானது என்பது புரிந்துவிட்டதல்லவா?

திராவிட மாடல் ஆட்சியில் அனைவருக்கும் அனைத்தும் கிடைக்கிறது என்பதை இனியாவது சமூகநீதியை எதிர்க்கும் கூட்டம் புரிந்துகொள்ளட்டும்!

பெற்றது இப்போதும் கைம்மண் அளவு; இனி பெறவேண்டியது உலகளவு என்பது இனிமேல் புரியும்! அதிலும் வெற்றி பெறுவோம்.

தி.மு.க. தலைவருக்கு நமது வாழ்த்துகள்!

மாணவர்களே, பெற்றோர்களே நன்றி சொன்னாலும், சொல்லாவிட்டாலும் திராவிடர் இயக்கமும், அதன் ஆட்சியும் அதன் கடமையைத் தொடர்ந்தே ஆற்றிக் கொண்டே வெற்றி நடை  - வீரநடை போடும் என்பது உறுதி!

தி.மு.க. தலைவருக்கு நமது வாழ்த்துகள்!

 

கி.வீரமணி

தலைவர்,

திராவிடர் கழகம்.

சென்னை

8.1.2022

மாங்காய் மடையர்கள்!

August 22, 2021 • Viduthalai

அண்டப் புளுகு என்று கேள்விப்பட்டு இருக்கிறோம். மாங்காய் மடையன் என்று கூட சொல்லுவது உண்டு. மாங்காய்க்கும் மடையனுக் கும் என்ன உறவு - என்ன தொடர்பு என்று யாம் அறியோம்!

தமிழன் ஏற்படுத்திய 'குமுதம்' ஒரு பார்ப்பனர் கைக்குள் சிக்கிய நிலையில் வாரந்தோறும் - காஞ்சி குச்சி முனியைப் பற்றிக் கொட்டி அளக்கும் அளப்பு இருக் கிறதே - சாதாரணமானதல்ல.

படிப்பவர்களை எல்லாம் மாங்காய் மடையன் என்று கருதுகிறார்கள் போலும்.

'தீண்டாமை க்ஷேமகரமா னது' என்று கூறும் ஒருவரை மகான் என்றும், ஜெகத் குரு என்றும் துவி ஜாதியினர் தூக்கித் துதி பாடுகிறார்கள் அல்லவா!  அந்த ஆசாமி யான சந்திரசேகரேந்திர சரஸ் வதி என்ற ஒருவர் இருந்தார் அல்லவா - அவர் சாத்த னூரில் முகாமிட்டு இருந்தா ராம்.

அவரைத் தரிசிக்க ஒரு கணவன் மனைவி இருவரும் வந்தார்களாம்! கல்யாணம் கட்டிப் பல ஆண்டுகள் ஆகி இருந்தும் கருத்தரிக்கவில் லையாம்.

இந்த நிலையில் தம்மை தரிசிக்க வந்த அந்த பெண் மணியிடம் மட்டைத் தேங் காய் இரண்டினை எடுத்து 'இதை மடியில் வாங்கிக்கோ' என்று தம் திருக்கரத்தால் கொடுத்தாராம்.

ஓர் ஆண்டு கழித்து அதே சாத்தனூருக்கு அந்தக் குச்சி முனிவர் வந்தபோது அதே கணவன், மனைவி இருவரும் வந்து, தாங்கள் கொடுத்த மட்டைத் தேங்காய் ஆசியால் கருவுற்று குழந் தைப் பிறந்ததை மகிழ்ச்சி யுடன் தெரிவித்தார்கள் என்று 'குமுதம்' (25.8.2021) கதை விட்டுள்ளது.

பார்ப்பனர்கள் தங்களில் ஒருவரைப் பெரிய ஆளாகத் தூக்கி நிறுத்தி, அவர் பெறும் செல்வாக்கின் மூலம் அந்தச் சமூகம் பல நன்மைகளைப் பெறும் தந்திர உபாயத்தைக் கையாளக் கூடியவர்கள் என்பதற்கு இதுவும் ஓர் எடுத்துக்காட்டு.

மட்டைத் தேங்காயைக் கொடுத்தால் கருவுண்டாகும். மட்டையில்லாத உரித்த தேங்காயை கொடுத்தால் என்ன கிடைக்கும் என்று அடுத்த 'குமுதம்' இதழில் வெளியிட்டாலும் ஆச்சரியப் படுவதற்கில்லை.

ஓர் உண்மை தெரியுமா? மந்திர தந்திரம் - மாயா ஜாலங்களில் நம்பிக்கை இல்லாதவர் சங்கராச்சாரியார். அதற்குச் சாயிபாபா மாதிரி வித்தைகள் தெரிந்திருக்க வேண்டுமே - அதனால்தான்!

ஆனாலும் அப்படிப்பட்ட ஆசாமி மீதே அற்புதத்தைத் திணிக்கும் பார்ப்பன வரதர் களைப் பற்றி என்ன நினைப்பது!

-  மயிலாடன்

புண்படுத்துபவர் யார்? 'தினமலர்' 22.8.2021

August 23, 2021 • Viduthalai

பெரியார் மறைந்து 48 ஆண்டுகள் கழித்து, அவர் விரும்பிய 'அனைத்து ஜாதி யினருக்கும் அர்ச்சகர் உரிமை' நிறைவேற் றப்படுகிறது என்றால் அதற்குக் காரணம், பார்ப்பனர்கள் (தினமலர் கூட்டம்) நீதிமன் றங்கள் சென்று காலதாமதம் செய்ததுதானே? தவறுக்குக் காரணமானவர்களே மற்றவர்கள் மீது குற்றம் சுமத்தும் இந்தக் குள்ளநரிப் புத்திக்குப் பெயர்தான் பார்ப்பனீயம் என்பது.

மத உணர்வுகளை அழிக்க 3000 ஆண்டுகள் ஆனாலும் முடியாதாம்! என்ன திமிர்வாதம்! மதத்தின் பெயரால் பெரும் பாலான மக்களை சூத்திரர்கள் என்றும், பஞ்சமர்கள் என்றும் இழிவுபடுத்துவது யார்? புண்படுத்துபவர் யார்? தென்னாட்டுப் பார்ப்பனர்கள் தாங்களே, துவேஷிகளாக இருந்து மற்றவர்களைப் பார்த்து 'துவேஷிகள், துவேஷிகள்' என்பார்கள் என்று லாலா லஜபதி(ராய்) சொன்னதுதான் நினைவிற்கு வருகிறது!

இதர பிற்படுத்தப்பட்ட மக்களுக்கு 27% இடஒதுக்கீடு வழங்குவது செல்லும் என்ற உச்சநீதிமன்றத் தீர்ப்பு, மண்டல் ஆணைய தீர்ப்பிற்குப் பிறகு - இந்தியச் சமூகநீதி வரலாற்றில் கிடைத்துள்ள மிக முக்கிய வெற்றி!

    January 22, 2022 • Viduthalai

தி.மு.க. தலைவரும், தமிழ்நாடு முதலமைச்சருமான மு.க.ஸ்டாலின் அறிக்கை

சென்னை, ஜன. 22 தி.மு.க. தலைவர், முதலமைச்சர் மு.க.ஸ்டாலின்  இட ஒதுக்கீடு தொடர்பான உச்சநீதிமன்ற தீர்ப்பு குறித்து வெளியிட்ட அறிக்கை.  

“இளநிலை (எம்.பி.பி.எஸ்) மற்றும் முதுநிலை மருத் துவப் படிப்புகளில் அகில இந்தியத் தொகுப்பிற்கு மாநில அரசுகள் ஒன்றிய அரசுக்கு ஒதுக்கும் இடங்களில் இதர பிற்படுத்தப்பட்டோருக்கான 27 விழுக் காடு இடஒதுக்கீடு செல்லும்” எனக் கடந்த 7.1.2022 அன்று தீர்ப்பளித்த உச்சநீதிமன்றம், “இடஒதுக்கீடு அளிப்ப தற்கான பொன்னெழுத்துக்களில் பொறிக் கப்பட வேண்டிய மிக முக்கிய காரணங் களைத்  தனது விரிவான தீர்ப்பில்   (20.1.2022) வெளியிட்டிருப்பதை இதயப்பூர்வமாக வரவேற்கிறேன்.

மாநில அரசுகள் ஒன்றிய அரசின் தொகுப்பிற்கு வழங்கும் 15 விழுக்காடு எம்.பி.பி.எஸ். இடங்கள் மற்றும் 50 விழுக்காடு முதுநிலை மருத்துவக் கல்வி இடங்களில் இதர பிற்படுத்தப்பட் டோருக்குச் சமூகநீதி தொடர்ந்து மறுக்கப்பட்டு வந்ததை எதிர்த்து உச்ச நீதிமன்றத்தில் திராவிட முன்னேற்றக் கழகம் வழக்குத் தொடர்ந்தது. அந்த வழக்கில் பிறப்பித்த உத்தரவின் அடிப் படையில் உயர்நீதிமன்றம் அகில இந்தியத் தொகுப்பிற்கு ஒதுக்கப்படும் மருத்துவக் கல்வி இடங்களில் 27 விழுக்காடு இடஒதுக்கீட்டினை இதர பிற்படுத்தப்பட்டோர் சமுதாய மாண வர்களுக்கு வழங்கத் தடையில்லை என்று தீர்ப்பளித்தது. ஆனாலும் அந்தத் தீர்ப்பினைச் செயல்படுத்தாமல் இருந்ததால் - உயர்நீதிமன்றத்தில் மீண்டும் திராவிட முன்னேற்றக் கழகம் சார்பில் நீதிமன்ற அவமதிப்பு வழக்கு தொடர்ந்த பிறகுதான் ஒன்றிய அரசு - 27 விழுக்காடு இடஒதுக்கீடு கடைப் பிடிக்கப்படும் என்று அறிவிப்பினை வெளியிட்டது. இப்படி சமூகநீதிக்கானப் போராட்டத்தில் முத்தாய்ப்பாக அடுத் தடுத்த வெற்றியைப் பெற்றது கழகம்!

ஆணித்தரமான வாதத்தை....

இந்த அறிவிப்பு தொடர்பான வழக்கில்தான் திராவிட முன்னேற்றக் கழகமும் தன்னை இணைத்துக் கொண்டு - நமது மூத்த வழக்குரைஞர் பி.வில்சன்  அகில இந்தியத் தொகுப் புக்காக ஒதுக்கப்படும் இடங்களில் 27 விழுக்காடு இடஒதுக்கீடு பிற்படுத்தப் பட்டோருக்கு வழங்கப்பட வேண்டி யதன் அவசியத்தை - அடிப்படையான 9 காரணங்களை முன்வைத்து வாதா டினார். குறிப்பாக “மதிப்பெண்கள் அடிப்படையில் மட்டுமே தகுதியை நிர்ணயிக்க முடியாது” என்ற தனது ஆணித்தரமான வாதத்தை உச்சநீதி மன்ற தீர்ப்புகளை மேற்கோள் காட்டி நீதிபதிகள் முன்பு எடுத்துரைத்தார். இந்நிலையில் 20.1.2022 அன்று வெளி வந்துள்ள உச்சநீதிமன்ற தீர்ப்பில் சமூகநீதிக்கு இன்றைக்கு மட்டுமல்ல - என்றைக்கும் ஆழமான அடித்தளம் அமைத்து நிலைநாட்டியிருக்கிறது. அந்தத் தீர்ப்பின் 69 பக்கங்களில் இட ஒதுக்கீடு, பிற்படுத்தப்பட்ட மாண வர்கள் - சமூகநீதி ஆகியவை குறித்து நிரம்பி வழியும் கருத்துகள் நம் சமூகநீதி போராட்டத்திற்குப் பெருமிதம் அளிக்கிறது.

சம வாய்ப்பே சமூகநீதி என்பது....

மாண்பமை பொருந்திய உச்சநீதி மன்ற நீதிபதிகள், “சம வாய்ப்பே சமூகநீதி என்பது அரசமைப்புச் சட்டம் உருவாக்கப்பட்ட போதே விவாதித்து முடிவு எடுக்கப்பட்டுள்ளது”, “முன் னேறிய வகுப்பினரிடம் போட்டியிடு வதற்குச் சமுதாயத்தில் பின்தங்கியோ ருக்கு இருக்கும் தடைகளை நீக்கி உண்மையான சமத்துவத்தை அளிப் பதே இடஒதுக்கீடுக் கொள்கை” “தகு தியின் அடிப்படையில் எனக் கூறி ஒதுக்கி வைக்கும் அளவுகோல் முன் னேற்றத்திற்குத் தடையாக அமைந்து - அதனால் பாதிக்கப்படுவோரின் கண் ணியத்தைக் குறைக்கிறது” “அரசமைப் புச் சட்டம் சம வாய்ப்புக்கு மதிப் பளிக்கிறது. தனி மனிதனின் மதிப்பையும் கண்ணியத்தையும் அங்கீகரிக்கிறது. அரசமைப்புச் சட்டத்தால் சமுதாயத் தில் மதிக்கப்பட்டவற்றை “தகுதி” எனக் கூறி மறுக்க முடியாது” “தகுதியைக் குறுகிய வட்டத்திற்குள் வரையறுப்பது சமவாய்ப்பு வழங்குவதற்கு அணை போடுகிறது” “இடஒதுக்கீடு தகுதிக்கு எதிரானது அல்ல” என மிக அருமை யாகக் கோடிட்டுக் காட்டியிருப்பது - மண்டல் ஆணைய தீர்ப்பிற்குப் பிறகு - இந்தியச் சமூகநீதி வரலாற்றில் கிடைத்துள்ள மிக முக்கிய வெற்றி. அதுவும் திராவிட முன்னேற்றக் கழகத்தின் தொடர் போராட்டத்திற்குக் கிடைத்த வெற்றி இது எனத் தெரிவித்துக் கொள்கிறேன்.

தமிழ் நாட்டிற்குத் துணை நிற்கும்

“வளமான குடும்பச் சூழல் காரணமாக உள்ள சமூக, பொருளாதார மற்றும் கலாச்சார பின்னணி மூலம் ஒருசாராருக்குக் கிடைக்கும் பயன்களை நுழைவுத் தேர்வுகள் கணக்கில் எடுத்துக் கொள்வதில்லை” (he social, economic and cultural advantage that accrues to certain classe) என்றும், “தேர்வுகளில் அதிக மதிப்பெண்கள் பெறுவது மட் டுமே தகுதி அல்ல” என்றும் கூறப் பட்டுள்ள தீர்ப்பின் மணியான கருத் துகள் நுழைவுத் தேர்வினை முதன் முதலில் ரத்து செய்து - அதற்குக் குடியர சுத் தலைவர் மற்றும் உச்சநீதிமன்றத்தின் அங்கீகாரத்தையும் பெற்ற முத்தமிழறி ஞர் கலைஞர் அவர்களின் தொலை நோக்குப் பார்வைக்குக் கிடைத்த மாபெரும் வெற்றியாக அமைந்திருக் கிறது. அரசமைப்புச் சட்டம் நமக்கு அளித்துள்ள சமூகநீதி - சம வாய்ப்பு அனைத்தும் ஓரணியில் அணி வகுத்து - நீட் தேர்வுக்கு எதிரான நம் போராட்டத்திலும் தமிழ்நாட்டிற்குத் துணை நிற்கும். வெற்றி பெறுவோம்!

இவ்வாறு முதலமைச்சர் மு.க ஸ்டாலின் கூறி உள்ளார். 

இட ஒதுக்கீடு என்பது தகுதி - திறமைக்கான முரண்பாடாக இல்லாமல் அனைவருக்கும் பங்கிட்டு அளிக்கும் உரிய ஏற்பாடே!

  January 22, 2022 • Viduthalai

உச்சநீதிமன்றத்தின் இந்தத் தீர்ப்புரை என்பது

திராவிட இயக்கமும், தந்தை பெரியாரும் கூறி வந்தவையே!

‘‘தகுதி- திறமை''யை அம்பலப்படுத்திய நீதிபதிகளை எவ்வளவுப் பாராட்டினாலும் தகும், தகும்!

‘‘இட ஒதுக்கீடு தொடர்பாக உச்சநீதிமன்றத் தீர்ப்புரை - திராவிடர் இயக்கமும், தந்தை பெரியாரும் கூறி வந்த சமூகநீதிக் கருத்துகளே!  வரலாற்று முக்கியத்துவம் வாய்ந்த இத்தீர்ப்பை வழங்கிய உச்ச நீதிமன்ற நீதிபதிகளைப் பாராட்டுகிறோம், பாராட்டு கிறோம்  என்று திராவிடர் கழகத் தலைவர் ஆசிரியர் கி.வீரமணி அவர்கள் அறிக்கை விடுத்துள்ளார்.

அவரது அறிக்கை வருமாறு:

மருத்துவப் படிப்புக்கான மத்தியத் தொகுப்புக்கு மாநிலங்கள் வழங்கிவரும் பட்டப் படிப்பிற்கான 15 சத விகித இடங்களும், மேற்பட்ட படிப்புக்கான 50 சதவிகித இடங்களும் வழங்கப்படுவதில் தொடக்கத்தில் இட ஒதுக்கீடே பின்பற்றப்படாமல் அத்துணை இடங்களும் முன்னேறிய ஜாதிக்காரர்களே ‘தகுதி-திறமை' அடிப் படை என்ற போர்வையில் ஏகபோகமாக அனுபவித்து வந்தார்கள்!

பிறகு ஒடுக்கப்பட்ட சமுதாயத்தில் ஒருவர் (எஸ்.சி.,) உச்சநீதிமன்றத்தில் வழக்குப் போட்டு பெற்ற தீர்ப்பின்படி  எஸ்.சி., எஸ்.டி., ஆகிய பிரிவினர் மட்டும் இடம் பெற்றனர்.

27 சதவிகித இடஒதுக்கீடு அறவே மறுக்கப்பட்டது

பிற்படுத்தப்பட்டவர்களுக்கான மண்டல் தீர்ப்புப்படி யும், அரசமைப்புச் சட்டத்தின் தீர்ப்புகளின்படியும், கிடைக்க வேண்டிய 27 சதவிகித இடஒதுக்கீடு அறவே மறுக்கப்பட்டது.

இதுகுறித்து திராவிடர் கழகம்தான் முதன்முதலில் O.B.C. களுக்கு பூஜ்ஜியம் இடம் தானா? என்ற கேள் வியை எழுப்பி, தமிழ்நாட்டில் உள்ள அனைத்துக் கட்சி களுக்கும் வேண்டுகோள் விடுத்தோம்.

எதிர்க்கட்சியான திமுகவின் தலைமையில் அனைத்து முற்போக்கு அணியினரும் உச்சநீதிமன்றத் தில் வழக்குப் போட்டார்கள்.

ஒன்றிய அரசு காலதாமதம் செய்தது

உலகறிந்த செய்தியே!

திராவிடர் கழகம் சார்பில் சென்னை உயர்நீதிமன்றத் தில் வழக்குப் போட்டோம். உச்சநீதிமன்றம், ‘உயர்நீதி மன்றத்தில் வழக்குப் போட்டு பிறகு, தேவையானால் இங்கு வாருங்கள்' என்று கூறிய பிறகு, திமுக மற்ற கட்சிகள் சார்பில் சென்னை உயர்நீதிமன்றத்தில் மீண்டும் வழக்குத் தாக்கலாகி, விசாரணைகள் நடைபெற்றது. ஒன்றிய அரசின் சுகாதாரத் துறை பல்வேறு சால்ஜாப்பு களையும், விசித்திர காரணங்களையும் கூறி காலந் தாழ்த்தி வந்தது. வழக்குப் போட்ட திராவிடர் கழகம், திராவிட முன்னேற்றக் கழகம் மற்ற அனைத்து கட்சி களுக்கும் உயர்நீதிமன்றத் தீர்ப்பு சாதகமாக வந்ததோடு, அந்த ஆண்டே 27 சதவிகித இட ஒதுக்கீட்டை செயல்படுத்த முடியுமா? என்று பரிசீலிக்கவும் ஆணை யிட்டது. அடுத்த ஆண்டு முடியும் என்று ஒன்றிய அரசு வழக்குரைஞர் கூறினார். சென்னை உயர்நீதிமன்றத் தலைமை நீதிபதி அமர்வு ஒரு குழு போட்டு மூன்று மாதத்திற்குள் பரிசீலிக்க ஆணையிட்டது. அதற்கும் ஒன்றிய அரசின் சுகாதாரத்துறை அலட்சியம் காட்டியே வந்தது. தி.மு.க. தலைவர் மு.க.ஸ்டாலின் அவர்கள், உச்சநீதிமன்றம் ஆணையிட்டும் OBC இடஒதுக்கீடு இந்தாண்டு தராதது நீதிமன்ற அவமதிப்பு ஆகும் என் பதை வற்புறுத்த, அதை சென்னை உயர்நீதிமன்றம் ஏற்று, கடுமையாகக் கூறியவுடன், OBC-க்கு 27 சத விகி தம் தருவதாக வாக்களித்த நிலையில், திடீரென்று புகுத் தப்பட்ட உயர்ஜாதி ஏழைகளுக்கு ஒதுக்கப்பட்ட 10 சத விகித இடஒதுக்கீட்டையும் இத்துடன் இணைத்து ஒன் றிய அரசு காலதாமதம் செய்தது உலகறிந்த செய்தியே!

இதனால் காலதாமதம் ஆன நிலையில், சென்ற ஆண்டு முடிவுகளை வெளியிட்டு, இடஒதுக்கீடு செய்ய இயலாத நிலை நீடித்ததினால் மருத்துவ மாணவர்கள் ஏக்கமும், கரோனா காலத்தில் மருத்துவர்கள் தேவை யின் தேக்கமும் நிர்ப்பந்தித்தன.

நீதிபதிகளை எவ்வளவு பாராட்டினாலும் தகும்!

இந்த நிலையில் அவசர வழக்காக ஜஸ்டீஸ் டி.ஒய். சந்திரசூட், ஜஸ்டீஸ் ஏ.எஸ்.போபண்ணா ஆகியோர் தலைமையில் அமைந்த அமர்வு கடந்த வாரம் வழங்கிய தீர்ப்பில் விரிவான தீர்ப்பாக தராமல் Operative Portion முடிவுகள்பற்றிய அம்சத்தைத் தந்தது. பிறகு தெளிவாக 70 பக்க தீர்ப்பும் வெளிவந்ததில், இது வரலாற்றுப் பெருமைக்குரிய தனித்தன்மை வாய்ந்த (Landmark Judgement) தீர்ப்பாகவும், சமூகநீதி வர லாற்றில் பொன்னெழுத்துக்களால் பொறித்து பெருமைப் படத் தக்கதாகவும், சமூகநீதியை இதற்குமுன் - அரசமைப்புச் சட்ட கர்த்தாக்களின் நோக்கத்தையே புறந்தள்ளும் அளவுக்குத் தந்த தவறான விளக்கத்தினை மாற்றி, அரசமைப்புச் சட்டத்தின்   சமூகநீதியை அப் படியே பிரதிபலித்துள்ளதற்கு நீதிபதிகளை எவ்வளவு பாராட்டினாலும் தகும்.

இத்தீர்ப்பில் ஜஸ்டீஸ் சந்திரசூட் அவர்கள் தந்துள்ள விளக்கம் இதற்குமுன் சமூகநீதி - இடஒதுக்கீடுபற்றி கூறப்பட்ட பல தீர்ப்புகளின் மயக்க வாதத்தை - புரட்டிப் போட்டு, அடியில் தள்ளப்பட்ட உண்மையை மேலே கொண்டு வந்து நிறுத்தியுள்ளது.

வெறும் மதிப்பெண் அடிப்படை என்பது தான் ‘தகுதி-திறமை' (merit and efficiency) என்பது அல்ல - என்பதை மாண்பமை நீதிபதிகள் சரியாகச் சுட்டிக்காட்டி யுள்ளனர்!

சமூகநீதிப் போராளிகள் சுட்டிக்காட்டியதுதான்

1917 இல் திராவிடர் இயக்கம் -  சர்.பிட்டி தியாகராயர், டாக்டர் நாயர், டாக்டர் சி.நடேசனார் ஆகியோரும் தந்தை பெரியார், டாக்டர் அம்பேத்கர், கல்வி வள்ளல் காமராசர் போன்ற அத்துணை சமூகநீதிப் போராளிகளும், அதற்கு முன் மராத்தியத்தின் ஜோதிபாபூலே, சாகு மகராஜ் (கோல்காப்பூர் மன்னர்) முதலிய பலரும் சுட்டிக்காட்டியதுதான் இந்தத் 'தகுதி- திறமை' மோசடி!

‘தகுதி-திறமை' என்ற சூழ்ச்சி ஆயுதத்தையே உழைக் கும் சூத்திரர்,  பஞ்சமர், பெண்களுக்கு விரோதமாகப் பயன்படுத்தி, இந்திய நாட்டில் மக்கள் தொகையின் சரிபகுதிக்கு மேற்பட்டவர்களை கல்வியறிவு அற்றவர் களாக்கி, உடலுழைப்பாளர்களைக் கீழிறக்கத்திற்கு ஆளாக்கியதுதான் பெரிய சமூக அநீதியாகும்.

முன்னேறியவர்களுடன் போட்டி - சம போட்டியாக இருக்க முடியுமா?

அதைவிடப் பெரும் சமூகஅநீதி கல்வியை (அக் காலத்தில் வேதமோதுதல்) காதால் கேட்டால் காதில் ஈயத்தைக் காய்ச்சி ஊற்ற வேண்டும். மீறிப் படித்தால் நாவை அறுக்க வேண்டும் என்று எழுதி வைத்த, முன் னேறிய சமூகமே காலங்காலமாய் படித்து விட்ட நிலை யில், இப்போது படிக்க வருபவர்களும் முன்னேறியவர் களுடன் போட்டி - சம போட்டியாக இருக்க முடியுமா?

உச்சநீதிமன்ற நீதிபதிகளின்

தெளிவான தீர்ப்பு

தோல்வி அடைபவர்களுக்குத் “தகுதி இல்லை”, “திறமை இல்லை” என்று கூறி அவர்களுக்கு மறுப்பது நியாயமில்லை என்பதை இத்தீர்ப்பு தெளிவாக சுட்டிக் காட்டுகிறது;

“Merit cannot be reduced to narrow definitions of performance in an open competitive examination which only provides formal equality of opportunity. Competitive examinations assess basic current competency to allocate educational resources but are not reflective of excellence, capabilities and potential of an individual which are also shaped by lived experiences, subsequent training and individual character. Crucially, open competitive examinations do not reflect the social, economic and cultural advantage that accrues to certain classes and contributes to their success in such examinations;”

இதன் தமிழாக்கம் வருமாறு:

இட ஒதுக்கீட்டு வழிமுறையில், 'திறந்த போட்டியி லான ஒதுக்கீடு மட்டும்தான் சம வாய்ப்பினை வழங்குகிறது' எனும் குறுகிய விளக்கத்தினால், ‘தகுதி-திறமை' என்பது சுருங்கிவிடக் கூடாது. போட்டிக்கான தேர்வுகள் என்பது நடைமுறையில் கல்வி பயிலும் இடங்களுக்குப் போட்டியாளர்களைத் தெரிவு செய் வதாக மட்டுமே உள்ளது; வாழும் சூழல் அனுபவங்கள், அதை ஒட்டிய பயிற்சிகள், தனிப்பட்ட குணநலன்கள் என ஒருவரிடம் உள்ள சிறப்புத் தன்மைகளை வினை முடித்திடும் ஆற்றலை கருத்தில் கொள்வதாக இல்லை. குறிப்பிட்ட சில (ஒடுக்கப்பட்ட) வகுப்பினருக்குள்ள சமூக, பொருளாதார பண்பாட்டு அடிப்படை அனுகூலங் களால் அவர்கள் போட்டித் தேர்வில் வெற்றி பெறுவதற் கான வாய்ப்பினை போட்டித் தேர்வுகள் பிரதிபலிக்க வில்லை; வழங்கிடவும் இல்லை.

''High scores in an examination are not a proxy for merit. Merit should be socially contextualized and reconceptualized as an instrument that advances social goods like equality that we as a society value. In such a context, reservation is not at odds with merit but furthers its distributive consequences, the Bench said.''

இதன் தமிழாக்கம் வருமாறு:

''ஒரு தேர்வில் அதிக மதிப்பெண் பெற்றிடுவதாலேயே தகுதி - திறமையின் அடையாளம் என அதை கருதிட முடியாது. சமூகத்தை - சமூகச் சூழலை தொடர்புபடுத்தி, தொடர்ந்து தொடர்புபடுத்தியே ‘தகுதி - திறமை' கணக் கிடப்படவேண்டும். அத்தகைய அணுகுமுறையே சமூக முன்னேற்றத்திற்கும், சமத்துவத்திற்குமான உயர்மதிப் பாகக் கருதப்படவேண்டும். இத்தகைய போக்கில், இட ஒதுக்கீடு என்பது, தகுதி - திறமைக்கான முரண்பாடாக இல்லாமல், அனைவருக்கும் பங்கீட்டு (பிரதிநிதித்துவ) விளைவுகளை ஏற்படுத்திடும் வழிமுறையாகவே உள்ளது என நீதிமன்ற அமர்வு கூறுகிறது.

மேலே கூறிய கருத்துகள் திராவிடர் இயக்கம் கடந்த 100 ஆண்டுகளுக்குமேலாக தொடர்ந்து சமூகநீதிப் போராட்டத்தில் கூறிவரும் கருத்து, உச்சநீதிமன்றத்தால் ஏற்றுக் கொள்ளப்பட்டுள்ளது.

மேலும் அரசமைப்புச் சட்டத்தின் 15(4) என்ற கூறு, 15 ஆவது விதிக்கு விலக்கு அல்ல. அதன் தத்துவத்திற்கு வலு சேர்ப்பது என்பதை வலியுறுத்தியுள்ளது.

'தகுதி, திறமை' மோசடியை அம்பலப்படுத்தி தீர்ப்பு வழங்கிய நீதியரசர்களைப் பாராட்டி வாழ்த்துகிறோம்!

உச்சநீதிமன்ற வரலாற்றில், ஆந்திராவிலிருந்து சென்று பல ஆண்டுகள் உச்சநீதிமன்ற நீதிபதியாக இருந்த ஜஸ்டீஸ் கே.இராமசாமி அவர்கள் இந்தத் ‘தகுதி-திறமை' மோசடியை ஓங்கி மண்டையில் அடித்த பிறகு வந்த இரண்டாவது மகத்தான தீர்ப்பு - ‘தகுதி-திறமை' மோசடியை அம்பலப்படுத்தி இத்தீர்ப்பினை வழங்கிய நீதியரசர்களைப் பாராட்டி வாழ்த்துகிறோம்!

 

 கி.வீரமணி

தலைவர்,

திராவிடர் கழகம்.

சென்னை

22 .1.2022