புதன், 25 அக்டோபர், 2023
ஆரியர் - திராவிடர்பற்றி ஆளுநர் ஆர்.என்.ரவி "ஆளுநர் மாளிகையே... அடக்கிடு வாயை..." - டி.ஆர்.பாலு எம்.பி., கண்டனம்
சனி, 22 பிப்ரவரி, 2020
வரலாற்றைத் திரித்து சிந்து சமவெளி திராவிட நாகரிகத்தை சரஸ்வதி நாகரிகம் என்பதா?
நிதி அமைச்சர் பட்ஜெட் உரையில் வரலாற்றைத் திரித்து சிந்து சமவெளி திராவிட நாகரிகத்தை சரஸ்வதி நாகரிகம் என்பதா?
இதைவிட ஒண்ணாம் நம்பர் விஷமம் வேறு உண்டா?
வரலாற்று ஆய்வாளர்களால் உறுதி செய்யப்பட்ட, திராவிடர்களின் சிந்து சமவெளி நாகரிகத்தை சரஸ்வதி நாகரிகம் என்று நிதி அமைச்சர் தனது பட்ஜெட் உரையில் திரிபுவாதம் செய்திருப்பது - ஒண்ணாம் நம்பர் விஷமம் என்றும், இத்தகு பொய்யும் புரட்டும் நீடிக்காது - நிலைக்காது - அம்பலமாகும் என்றும் திராவிடர் கழகத் தலைவர் ஆசிரியர் கி. வீரமணி அவர்கள் விடுத்துள்ள அறிக்கை வருமாறு:
சிந்து சமவெளி நாகரிகம் என்பது புராதன - பண்டைக் கால பழைமை வாய்ந்த திராவிட(ர்) நாகரிகம் ஆகும். திராவிட மொழிகளில் மூத்த முன்னோடி மொழி தமிழ்மொழி. இதனை அகழ்வாராய்ச்சி மூலம் ஹரப்பா, மொஹஞ்சதாரோ முதலிய பழைய நகரங்களைத் தோண்டி எடுக்கும் ஆராய்ச்சியை, மேற்கொண்டு பிரிட்டிஷ் ஆட்சிக்கால தொல் பொருள் ஆய்வு அதிகாரிகளான சர். ஜான் மார்ஷல், ஃபாதர் ஹிராஸ் ஆகிய ஆய்வாளர்களும், அதனைத் தொடர்ந்து பல வரலாற்று ஆராய்ச்சியாளர்களும், அறிஞர்களும் திராவிட நாகரிகம் என்று உறுதிப்படுத்தினர்.
ஆர்.எஸ்.எஸ். அமைப்பும், ஆரியர்களும் இதனை மறைத்தும், திரித்தும் தொடர்ந்து எழுதியும், பேசியும் வருகின்றனர்.
இந்தியா முழுவதும் பரந்து
இருந்தவர்கள் திராவிடர்களே!
திராவிடர்கள் இந்தியா முழுவதும் ஒரு காலத்தில் பரந்து இருந்தவர்கள்; தமிழ்மொழி அக்காலத்தில் பேசப்பட்டது; நாகர்கள் தமிழ் மொழி பேசிய திராவிடர்கள் என்ற கருத்துக்களை டாக்டர் அம்பேத்கர் அவர்கள் தனது "தீண்டப்படாதவர்கள் யார்? ஏன் அவர்கள் தீண்டப்படாதவர்கள் ஆக்கப்பட்டார்கள்?" என்ற நூலில் எழுதியுள்ளார்கள்.
சிந்து சமவெளி நாகரிகத்தை
அழித்தவர்கள் ஆரியர்களே!
அது ஒருபுறமிருக்க, சிந்துசமவெளி நாகரிகத்தை அழித்தவர்கள் ஆரியர்கள் என்றும், அவர்களது வேதத்தின் பல சுலோகங்கள் இந்தத் தத்துவார்த்த கருத்துக்களையே கொண்டது என்றும் மேல் நாட்டு அறிஞர்கள் முதல் நம் நாட்டு வரலாற்றாளர்களும் குறிப்பிட்டுள்ளனர்.
திராவிடப் பண்பாடு - நாகரிகம் காலத்தால் மூத்தது; கருத்தாலும் முதிர்ந்தது என்பதை ஏற்க மனமில்லாத ஆரியக் கூட்டமும், அதன் "அடியார்களும் நுனியார் களும்" இன்று ஒரு கட்டுப்பாடான பொய்ப் பிரச் சாரத்தைக் கட்டவிழ்க்க, அமெ ரிக்காவில்கூட அன்று ஆள் பிடித்தது அம்பலமாகியது!
வாஜ்பேயி பிரதமராக
இருந்தபோது நடந்தது என்ன?
வாஜ்பேயி பிரதமராக இருந்த காலத்தில் மத்திய மனிதவள மேம்பாட்டுத் துறை அமைச்சரான முரளி மனோகர் ஜோஷி இதில் மும்முரமாக ஈடுபட்டு மொஹஞ்சதாரோ ("திராவிட") காளை மாட்டுச் சின்னத்தை - முத்திரையை (ஆரிய) குதிரையாக மற்றியது அப்போதே அம்பலமாகியது. (ஆதாரம்: 'Front line' ஆங்கில ஏடு)
அன்று முதலே தங்கள் கைவசம் உள்ள ஆட்சி அதிகாரத்தைப் பயன்படுத்தி, இல்லாத ஆறாகிய (கற்பனை) சரஸ்வதி நாகரிகம் என்று ஒன்றை இட்டுக்கட்டி, அதனைத் தொடர்ந்து பிரச்சாரம் செய்ய சிலரைத் தயாரித்து எழுத வைத்து வந்தார்கள் - வருகிறார்கள்!
பி.பி. லால் என்பவர்மூலம் தொடங்கி வைத்தனர். எஸ்.பி. குப்தா என்பவரைவிட்டு 'சிந்துசமவெளி நாகரிகம்' என்ற பெயரைக்கூட மாற்றி திரிபு செய்து பார்த்தனர். சிந்து - சரஸ்வதி நாகரிகம் என்று மாற்றி திராவிட நாகரிகம் என்பதையே மறைத்து, அழித்து ஒழித்துவிட வரிந்து கட்டிக் கொண்டு நிற்கின்றனர்.
ஆய்வாளர் டோனி ஜோசப் நூல் என்ன கூறுகிறது?
DNA ஆய்வு மூலம் பல அரிய தகவல்கள் வருவதோடு, அக்காலத்திலே புழக்கத்திலிருந்து - மக்கள் பயன்படுத்தியது தமிழ் என்பதை ஆய்வாளர் டோனி ஜோசப் (Tony Joseph) அவர்கள் எழுதிய ஆய்வு நூலில் (The Early Indians) குறிப்பிட்டுள்ளார்.
The First Urbanites: The Harappans முதல் நகரத்தவர்; ஹரப்பியர்கள் என்ற தலைப்பில் மூன்றாவது அத்தியாயத்தில்,
''How the Largest Civilization of its time, with a unique set of practices and outlook, took wing. And how its creators spread the Dravidian languages and became the ancestors of both North Indians and South Indians'' என்றே தலைப்பிடப்பட்டுள்ளது.
இதன் தமிழாக்கம்:
"அன்றைய காலகட்டத்தில் தலை சிறந்த பண்பட்ட நாகரிகக் குழுக்களாக திராவிடர்கள் வாழ்ந்து வந்தனர். அவர்களின் வாழ்வியல் முறை சிறந்த நாகரிகத்திற்கான எடுத்துக்காட்டுகளாக திகழ்ந்தது. அவர்கள் தங்களின் நாகரிகத்தோடு தங்களுக்கென்ற தனித்த மொழியை யும் கொண்டு வட இந்தியா மற்றும் தென் இந்தியா முழுவதும் பரவி வாழ்ந்து வந்தனர்."
நிதி அமைச்சரின் ஒண்ணாம் நம்பர் விஷமம்!
இதை தலைகீழாக்கிட நேற்று (1.2.2020) நிதியமைச்சர் நிர்மலா சீத்தாராமன் தனது பட்ஜெட் உரையில், சரஸ்வதி நாகரிகம் என்ற ஆர்.எஸ்.எஸ். கரடியை உள்ளே திணித்து, அதிகாரப் பூர்வமாகப் பதிவு செய்திருப்பது ஒண்ணாம் நம்பர் விஷமம்! திட்டமிட்ட ஆர்.எஸ்.எஸ். கோல்வால்கர் குரலை அங்கே ஒலித்துள்ளது - வன்மையான கண்டனத்திற்குரியது.
நமது தமிழ்நாட்டு நாடாளுமன்ற உறுப்பினர்கள் அங்கேயே எதிர்ப்புத் தெரிவித்திருப்பது மிகவும் பாராட்டத்தக்க ஒன்றாகும்.
"சந்தடி சாக்கில் கந்தப் பொடி தூவுவது" என்பது போன்ற மோசடி வித்தை இது!
பொய்யும், புரட்டும் அம்பலமாகும்!
வரலாற்றை மாற்றுவது, திரிபுவாதத்திற்கு ஆளாக்குவது, என்பதில் இவர்கள் தலைகுப்புற நின்று (சிரசாசனம்) போட்டாலும் இளைய தலைமுறையையோ, இனிவரும் தலைமுறையையோ இக்கூட்டம் ஒருபோதும் ஏமாற்ற முடியாது!
பண்பாடு, மொழி இவைகளை அழிப்பதே அவாளின் குறிக்கோள்!
ஒப்பனைகள் வெகுநாள் நீடிக்காது!
உண்மை ஒரு நாள் அல்ல, ஒவ்வொரு நாளும் வெளியாகும்; அதில் இவர்களது பொய்யும் புரட்டும் பலியாகும். - அம்பலமாகும் - இவர்களின் சதித் திட்டம் நீடிக்காது- நிலைக்காது என்பது உறுதி! உறுதி!!
கி. வீரமணி,
தலைவர்
திராவிடர் கழகம்
(குறிப்பு: இவர்கள் கூறும் சரஸ்வதி பற்றிய ஆபாசப் புராணக்கதை -& ஆதாரத்துடன் 3ஆம் பக்கம் காண்க)
திராவிட நாகரிகத்தைத் திட்டமிட்டு அழித்த சதி
மும்பை பிரின்ஸ் வேல்ஸ் அருங்காட்சியகத்தின் முகப்பில் 1990-களுக்கு முன்பு சிந்து சமவெளி நாகரிகம் குறித்த வரைபடங்கள், அங்கிருந்து எடுத்த புதைப்பொருட்கள் மற்றும் அப்பகுதியின் வரலாறு போன்றவை எழுதி, அதற்கு இந்திய தீபகற்பத்தில் திராவிட நாகரிகம் மிஸீபீவீணீஸீ suதீநீஷீஸீtவீஸீமீஸீt ஷீறீபீமீst பீக்ஷீணீஸ்வீபீவீணீஸீ நீவீஸ்வீறீவீக்ஷ்ணீtவீஷீஸீ என்று தலைப்பிடப்பட்டு இருந்தது. 1995-களுக்கு முன்பு அங்கு சென்ற பலர் இதைப் பார்த்துள்ளனர்.
1995-களில் முதல் முதலாக சிவசேனா-பாஜக கூட்டணி ஆட்சி அமைந்தது, பம்பாய் (அழகிய வளைகுடாக்களைக் கொண்ட பகுதி) மும்பையாக மாறியது. விக்டோரியா டெர்மினல் ரயில் நிலையம் சத்திரபதி சிவாஜி ரயில் நிலையமாக மாறியது. சாகர்(பெருங்கடல்) விமான நிலையம் சத்திரபதி சிவாஜி விமான நிலையமாக மாறியது. பிரின்ஸ் வேல்ஸ் அருங்காட்சியகமும் சத்திரபதி சிவாஜி அருங்காட்சியகமாக மாறியது. இவ்வளவு மாற்றங்களோடு சேர்த்து, அங்கு இருந்த மிஸீபீவீணீஸீ suதீநீஷீஸீtவீஸீமீஸீt ஷீறீபீமீst பீக்ஷீணீஸ்வீபீவீணீஸீ நீவீஸ்வீறீவீக்ஷ்ணீtவீஷீஸீ என்ற எழுத்துக்களில் பீக்ஷீணீஸ்வீபீவீணீஸீ என்பதை அழித்து uஸீளீஸீஷீஷ்ஸீ என்பதை எழுதிவிட்டார்கள். இப்போது அங்கு uஸீளீஸீஷீஷ்ஸீ நீவீஸ்வீறீவீக்ஷ்ணீtவீஷீஸீ அதாவது பெயர் தெரியாத நாகரிக மனித இனம் வாழ்ந்தது என்று எழுதிவிட்டார்கள். கிட்டத்தட்ட உலக அகழ்வாராய்வு அறிஞர்கள் அனைவருமே ஒப்புக்கொண்ட கருத்து ஆரிய இனம் இந்தியாவிற்கு வருவதற்கு முன்பே திராவிட இனம் செழித்து வளர்ந்திருந்தது என்பதாகும். 2017-ஆம் ஆண்டு முதல் கீழடி ஆய்வுகள் கூட இந்துகுஷ், கைபர் மற்றும் பர்மிய சமவெளிக்கு மேல் இன்றைய பங்களாதேஷ் பகுதிகள் முதல் தென்கோடி நிலப்பகுதி கடலடியில் மூழ்கிய தென் குமரி வரை திராவிட இனம் வாழ்ந்துள்ளதற்கு சான்றாக இருக்கும் போது இவர்கள் அடையாளம்தெரியாத இனப்பிரிவு என்று எழுதிவைத்துள்ளனர். நிதி அமைச்சரின் உரையின் படி நாளை இவை அனைத்தும் சரஸ்வதி நாகரிகம் என்று மாறும் ஆபத்து உள்ளது.
திராவிடத்திலிருந்து தொளவீரா வரை: குஜராத்தில் உள்ள அரப்பா நாகரிகத்தின் அடிச்சுவடாக இன்றும் இருக்கும் இந்த பகுதியும் திராவிட நாகரிகத்தின் தொட்டில் என்று குறிப்பிடும் வார்த்தையில் 'திராவிடா' என்று முன்பு இருந்தது, சிவசேனா மகராட்டிராவில் ஆட்சிக் கட்டிலில் அமர்ந்த அதே கால கட்டத்தில் 1995-ஆம் ஆண்டு பாஜக குஜராத்தில் கேசுபாய் படேல் தலைமையில் ஆட்சியில் அமர்ந்தது. அதன் பிறகு அரப்பா நாகரிகத்தில் இருந்த 'திராவிடா' குறித்த வாசகங்கள் முழுவதுமாக அழிக்கப்பட்டு தொளவீரேஷ்வர் என்ற ஒரு கடவுள் இருந்ததாகக் கூறி அந்தப் பகுதிக்கு தொளவீரா என்ற பெயர் வைத்து இன்று அராப்பா நாகரிக மக்கள் வாழ்ந்த பகுதி தொளவீரா என்று அடையாளம் காணப்படுகிறது, 'திராவிடா' என்ற பெயர் இருந்த அனைத்து அடையாளங்களையும் அழித்து விட்டார்கள்.
ஆரிய - பித்தலாட்ட சதி - புரட்டல்களுக்கு அளவும் உண்டோ!
- விடுதலை நாளேடு 2 2 20
சனி, 8 பிப்ரவரி, 2020
தந்தை பெரியார் மீது அவதூறு பரப்புவதா? கண்டனக் கணைகள் பாய்கின்றன
பினாங்கு துணை முதல்வர் ராமசாமி
தமிழ், தமிழர்களின் வர லாறு குறித்தெல்லாம் ஏதும் தெரிந்து கொள்ளாத நடிகர் ரஜினிகாந்த் தேவையற்ற விஷ யங்களைப் பேசி தன்னைத் தானே அசிங்கப்படுத்திக் கொள் வதாக மலேசியாவின் பினாங்கு மாநில துணை முதல்வர் பேராசி ரியர் ராமசாமி தெரிவித்து உள்ளார்.
பிபிசி தமிழுக்கு அளித்த பேட்டியில் ரஜினிகாந்தை கடுமையாக விமர்சித்துள்ளார் பேராசிரியர் ராமசாமி.
அண்மையில் துக்ளக் பத்திரிகை ஆண்டு விழாவில் ரஜினி தெரிவித்த சில கருத்துகளுக்காக அவரை குற்றவாளி எனச் சாட இயலாது என்றபோதிலும், தமிழர்களின் கலாச் சாரம், வழக்கம் மற்றும் மரபுகள் ஆகியவற்றைத் தொடும் விஷயங்கள் தொடர்பாக கருத்து தெரிவிப்பதை அவர் தவிர்ப்பது நல்லது என்றார் ராமசாமி.
கேள்வி: பல ஆண்டுகளுக்கு முன் நிகழ்ந்த ஒரு சம்பவம் தொடர்பான ஊடகச் செய்தியை எடுத்துச் சொல்லி ரஜினி தன் கருத்தைச் சொல்ல முற்பட்டது தவறா?
பதில்: கருத்து தெரிவிக்க எல்லோருக்கும் உரிமை உண்டு. ராமர் சிலை மீது காலணிகள் வீசப்பட்டதாகக் கூறு கிறார் ரஜினி. அதே காலகட்டத்தில் பெரியார் மீதும் எத்த னையோ தாக்குதல்கள் நடந்துள்ளன. அதை மறுக்க இய லுமா? அது குறித்து ரஜினிகாந்த் ஏன் பேசவில்லை? புனி தங்களை சுட்டுப் பொசுக்கியவர் தமிழன் உருப்பட வேண்டும், சாதிகள் ஒழிய வேண்டும், பிராமண ஆதிக்கம் முடிவுக்கு வர வேண்டும் என்பதற்காகப் பாடுபட்டவர் பெரியார் என்பதுதான் வரலாறு. ரஜினி ஏன் அதைப் பற்றிப் பேசவில்லை? மக்களுக்காக பெரியார் எவ்வளவோ போராட்டங்களை நடத்தினார். ரஜினி அதுபோன்று தொடர்ந்து போராடியுள்ளாரா?
கேள்வி: ரஜினி மன்னிப்பு கோர வேண்டும் என்று வலியுறுத்தப்படுவது குறித்து என்ன நினைக்கிறீர்கள்?
பதில்: அதற்கு அவசியம் இல்லை என்பதே என் கருத்து. அண்மைய நிகழ்வில் அவர் பெரியார் குறித்துப் பேசிவிட்ட தால் அவரைக் குற்றவாளி என்று சொல்வதற் கில்லை. அதேசமயம் தமிழர்களின் கலை, கலாச்சாரம், பண்பாடு, நாகரிகம் ஆகியவற்றை ரஜினி புரிந்து, தெரிந்து கொண்டு செயல்பட்டால் நன்றாக இருக்கும்.
திராவிட வரலாறு குறித்தெல்லாம் ஏதும் தெரிந்து கொள் ளாமல் தேவையற்ற விஷயங்களைப் பேசி ரஜினி தன்னைத் தானே அசிங்கப்படுத்திக் கொள்கிறார்.
தந்தை பெரியாரின் கொள்கைகள் சிலவற்றை இப் போதும் கூட நான் ஏற்பதில்லை. அதேசமயம் மூட நம்பிக் கைகளை ஒழிக்க வேண்டும், மக்கள் சிந்தித்துச் செயல்பட வேண்டும் என்பதே பெரியாரின் முதன்மை விருப்பமாக இருந்தது என்பதை மறுக்க இயலாது. அவர் பல உயர்ந்த நோக்கங்களைக் கொண்டிருந்தார்.
அவரது இந்த எண்ணத்தை மக்களிடம் கொண்டு சேர்க்க வேண்டும் என்ற நோக்கத்துடனேயே பேரணி, பொதுக்கூட்டம் உள்ளிட்ட சில ஏற்பாடுகளைச் செய்த னர். அந்த 1971ஆம் ஆண்டு நிகழ்வும் அப்படிப்பட்ட ஒன்றுதான்.
கேள்வி: சில விவகாரங்கள் தொடர்பாக ரஜினி அவ் வப்போது தெரிவிக்கும் கருத்துக்கள் சர்ச்சையாகின்றன. அதற்காக கருத்தே சொல்லாமல் மௌனம் காக்க வேண்டும் என்பது சரியா?
பதில்: யாரும் அப்படிச் சொல்லவில்லை. ரஜினி அடிப் படையில் ஒரு நடிகர். ஏற்கெனவே அவர் தெரிவித்த சில கருத்துகள் மக்கள் மத்தியில் எடுபடவில்லை. சில கருத்துகளால் சர்ச்சை ஏற்பட்டது.
தொழில்முறை நடிகரான அவர் ஒன்று தன் தொழிலில் கவனம் செலுத்த வேண்டும் அல்லது முழு நேர அரசியலுக்கு வர வேண்டும். ஆற்றில் ஒரு கால், சேற்றில் ஒரு கால் என்றிருக்கக் கூடாது. அரசியலுக்கு வருவதும் வராததும் அவரது விருப்பம்.
கேள்வி: ரஜினியை எதிர்ப்பதற்கு என்ன காரணம்?
பதில்: ரஜினி திரையுலகில் நல்ல நடிகர். பல வெற்றி களைக் கண்டவர். அவர் அதே துறையில் நீடிப்பது நல் லது. மாறாக எதுகுறித்தும் விரிவாக தெரிந்து கொள்ளாமல் பேசக்கூடாது என்றுதான் சொல்கிறேன்.
முதலில் ஆன்மீக அரசியல் குறித்துப் பேசியவர், அதிலி ருந்து பின்வாங்கியதாகக் கூறப்பட்டது. பாஜக இந்தியாவில் பெரிய கட்சியாக உருவெடுத்துள்ளது. பிரதமர் நரேந்திர மோடி நல்ல தலைவராக செயல்பட்டு வருகிறார்.
எனினும் அந்தக் கட்சி தமிழகத்தில் வலுவாகக் காலூன் றுவது அவ்வளவு சுலபம் அல்ல. அது மட்டுமல் லாமல் ரஜினியை நம்பி தமிழகத்தில் பாரதிய ஜனதா களமிறங்கினால் மிகப்பெரும் தோல்வியைச் சந்திக்கும்.
தமிழகத்தில் பாஜக வெற்றி பெற வேண்டுமானால் ஒரு தமிழரை நம்பிக் களமிறங்க வேண்டும். மாறாக ரஜினியை முன்னிறுத்துவது சரியல்ல.
ரஜினியைப் போன்றவர்களுக்கு பெரியார் போன்ற வர்களுடைய அருமை தெரியாது. திராவிடக் கட்சிகள் வேண்டுமானால் திசைமாறிப் போயிருக்கலாம். ஆனால் திராவிட சித்தாந்தம் என்பது தமிழர்களுக்கு நிச்சயம் தேவை.
அதிமுகவின் நிலைப்பாடு என்ன?
துணை முதல்வர் ஓ.பன்னீர்செல்வம்
பெரியார் பற்றி ரஜினிகாந்த் கருத்து தெரிவித்தது குறித்து துணை முதல்வர் ஓ.பன்னீர்செல்வம் கூறிய தாவது:-
தந்தை பெரியாரின் கருத்துகள் கோபுரத்தில் வைக்கப்பட வேண்டியவை. என்னைப் போன்றவர்கள் உயர்ந்த நிலையை அடைய தந்தை பெரியாரே காரணம். பெரியாரின் கருத்துகளை முழுமையாக படித்து தெரிந்து கொண்டு ரஜினிகாந்த் பேச வேண்டும்.
இவ்வாறு அவர் கூறினார்.
அமைச்சர் ஜெயக்குமார் கண்டனம்
சென்னை ராயபுரத்தில் 22.1.2020 அன்று காலை பள்ளி மாணவ, மாணவிகளுக்கு தமிழக அரசின் இலவச சைக்கிள் வழங்கும் விழாவில் அமைச்சர் ஜெயக் குமார் கலந்து கொண்டார்.
பின்னர் அவர் செய்தியாளர்களிடம் கூறுகையில், ‘பாஜக கூட்டணியில் இருந்து வெளியேறுவதற்கு அதிமுக தக்க நேரம் எதிர்பார்த்து கொண்டிருப்பதாக அமைச்சர் பாஸ்கரன் கூறியிருப்பது, அவரது சொந்த கருத்தாகும். நடைபெறாத ஒரு விஷயத்தை கூறி, மக் களை ஏன் ரஜினி திசைதிருப்ப பார்க்கிறார் என தெரிய வில்லை. அண்ணா, பெரியார், எம்ஜிஆர், ஜெயலலிதா ஆகிய 4 தலைவர்களுக்கு எந்த இழுக்கு ஏற்பட்டாலும், நாங்கள் அதை கண்டித்து குரல் கொடுப்போம். ரஜினி பேச்சுக்கு முற்றுப்புள்ளி வைக்க உரிய நடவடிக்கை எடுக்கப்படும். மேலும், ரஜினி விவகாரம் தற் போது நீதிமன்றம் வரை சென்றுள்ளது. நீதிமன்ற நடவடிக் கையை பொறுத்திருந்து பார்ப்போம். ரஜினியை கண்டு அதிமுக பயப்படாது’ என்றார்.
அமைச்சர் செல்லூர் ராஜூ
அமைச்சர் செல்லூர் ராஜூ மதுரையில் செய்தியா ளர்களை சந்தித்தபோது கூறியதாவது:
50 ஆண்டுகளுக்கு முன்னர் நடைபெற்ற சம்பவத்தை நடிகர் ரஜினி பேச வேண்டிய அவசியம் என்ன? என்று கேள்வி எழுப்பினார். ரஜினி மீது எங்களுக்கு எந்த வருத்த மும் இல்லை என்றும் தெரிவித்தார். 95 வயதிலும் ஜாதி மற்றும் தீண்டாமை ஒழிப்பிற்காக பாடுபட்டவர் தந்தை பெரியார் என்றார். மாபெரும் தலைவரின் போராட்டத்தை, பெருமையை சீர்குலைத்து பேசுவது தவறானது என்றும், எப்பொழுதும் பொறுமையாக பேசும் ரஜினியை யாரோ தவறாக வழிநடத்துகிறார்கள் என்றும் செல்லூர் ராஜூ குற்றம்சாட்டினார்.
இன்று பெண்கள் ஊராட்சித் தலைவர்களாக அமர்ந் திருக்கிறீர்கள் என்றால் அதற்கு காரணம் பெரியார். பெரியாரை பெண் உள்ளாட்சிப் பிரதிநிதிகள் மறக்க கூடாது என்றும் தெரிவித்தார். ராஜீவ்காந்தியை கிராமத் தில் இருப்பவர்கள் மறக்க கூடாது. கிராம ராஜ்யம் கொண்டு வந்தவர் ராஜீவ்காந்தி தான். இந்த நாட்டுக்காக சேவையாற்றியவர்களில் கலைஞருக்கும் பங்கு உண்டு. அதை என்னால் மறுக்க முடியாது என தெரிவித்தார். மேலும், எது நடந்தாலும் உடனே வாட்ஸ் ஆப்பில் வந்துவிடுகிறது. எனவே ஊராட்சித் தலைவர்கள் கவனமாக இருக்க வேண்டும் என தெரிவித்தார்.
அமைச்சர் ராஜேந்திர பாலாஜி
விருதுநகரில் நேற்று செய்தியாளர்களிடம் அமைச்சர் ராஜேந்திர பாலாஜி கூறியதாவது
''குறிப்பிட்ட சமுதாயத்தை மட்டும் தாக்கி பிழைப்பு நடத்துகிறது தி.மு.க. ஆன்மிகவாதிகளைப் பழிதீர்க்கும் செயலை தி.க-வினர் தொடர்ந்து செய்து கொண்டிருக் கின்றனர்.
ரஜினிகாந்த் நியாயவாதி, நல்ல மனிதர். மனதில் பட்டதை பேசுபவர். ரஜினி பேசியதின் நியாயத்தை மக்கள் ஏற்றுக் கொண்டார்கள். தி.மு.க-வின் முகமூடி தான் தி.க. தமிழச்சியைத் திருமணம் செய்த ஒரு மனிதனை அவமரியாதை செய்வது கண்டிக்கத்தக்கது. ரஜினி ரசிகர்கள் பொறுமை காப்பது சங்கடமாக உள்ளது. ரஜினியை மிரட்டிப் பார்க் கிறார்களா?
ஆர்.எஸ்.எஸ்-காரர்கள் என்ன பயங்கரவாதிகளா. அவர்கள் எங்கு குண்டு வைத்தார்கள்? மகாத்மா காந் தியைக் கொலை செய்தது ஒரு கொலைகாரன். அவன் ஆர்.எஸ்.எஸ் அல்ல. ஜே.என்.யூ பல்கலைக்கழகத்தில் தாக்குதல் நடத்திய வர்கள் தேசியவாதிகள்.
பெரியார் போன்றவர்கள் இல்லையென்றால் நான் அமைச்சராக இருக்க முடியாது. ஆனால், ஆன்மி கத்தைப் பொறுத்தவரை ரஜினி கூறியதில் தவறு இல்லை. ரஜினி ரசிகர்கள் பொறுமையாக உள்ளனர். நேர்மையாக வாழ்ப வர்கள் ஆன்மிகவாதிகளே'' என்று செய்தியாளர்களிடம் பேசினார்.
சிபிஅய் பொதுச்செயலாளர் டி.ராஜா
சிபிஅய் பொதுச்செயலாளர் து.ராஜா கூறுகையில், "பெண்கள் விடுதலைக்காகவும் சமூகநீதிக்கா கவும் போராடிய மாபெரும் பகுத் த றிவாளர் தலைவர் தந்தை பெரியார். எவர் ஒருவரும் இது போன்று அவர்குறித்து விமர்சிக் கக் கூடாது. ஒப்பற்ற தலைவர் குறித்து பேசும் போது மிகவும் எச்சரிக்கையாக பேச வேண்டும்" என்றார்.
முதல்வர் நாராயணசாமி
புதுவை முதல்வர் நாராயணசாமி செய்தியாளர்களிடம் கூறியதாவது: பகுத்தறிவு ஆசானாக இருந்து மக்கள் மத்தியில் இருக்கும் மூட நம்பிக் கைகளை போக்க வாழ்நாள் முழுவதும் போராடியவர், தனிமனித உரிமைக்கும் தனது வாழ்நாளை அர்ப்பணித்தவர் தந்தை பெரியார். நடிகர் ரஜினிகாந்த் விழா ஒன்றில் பேசும்போது பெரியார் பற்றி விமர்சனம் செய்துள்ளார். உண்மையாக அந்த சம்பவம் நடந்ததா? என ஆராய்ந்து பேசி இருக்க வேண்டும். சில தகவல்களை வைத்து தந்தை பெரியாரையும் திராவிடர் கழகத்தையும் பேசி இருப்பது ஏற்றுக் கொள்ள முடியாத ஒன்று. எந்தவிதமான முகாந்திரமும் இல்லாமல் பேசியிருப்பது வருத்தத்துக்குரியது. அவர் கருத்தை திரும்ப பெற்று இந்த சர்ச்சைக்கு முற்றுப்புள்ளி வைக்க வேண்டும். இந்த சர்ச் சையில் அவர் தலையிடாமல் இருப்பது நல்லது. இவ்வாறு நாராயண சாமி கூறினார்.
தி.மு.க. பொருளாளர் துரைமுருகன்
திமுக பொருளாளர் துரைமுருகன் செய்தியாளர்களிடம் கூறியதா வது: பெரியார் மறைந்து பல ஆண்டுகள் கடந்தாலும் விவாதப் பொருளாக இன்றும் நிலைத்து நிற்கிறார் என்று நாமக்கலில் திமுக பொருளாளர் துரைமுருகன் கூறியுள்ளார். பெரியார் பற்றி ரஜினிகாந் துக்கு தலையும் தெரியாது, வாலும் தெரியாது என்பதால் அவர் பேசாமல் இருப்பது தான் நல்லது என அவர் தெரிவித்துள்ளார்.
நாஞ்சில் சம்பத்
நாஞ்சில் சம்பத் தனது சுட்டுரைப் பக்கத்தில் ரஜினியை கடுமையான வார்த்தைகளால் விமர்சனம் செய்துள்ளார். அந்த பதிவில், அவுட்லுக் குன்னு சொல்றாரு..ஹிந்து குழுமம்னு சொல்றாரு..அது செரி நக்குற நாய்க்கு செக்கு எது சிவ லிங்கம் எதுன்னு தெரியவா போகுது! என குறிப்பிட்டுள்ளார்.
- விடுதலை நாளேடு 24 1 20
திங்கள், 16 டிசம்பர், 2019
குடியுரிமை சட்டத் திருத்தத்தை எதிர்த்து நாட்டின் பல பல்கலைக் கழக மாணவர்கள் போராட்டம்
மாணவர்கள்மீது தடியடி: தி.மு.க. தலைவர் மு.க.ஸ்டாலின் கண்டனம்
புதுடில்லி,டிச.16 குடியுரிமை சட்டத் திருத்தத் துக்கு எதிராக டில்லியில் நடைபெற்ற போராட்டத்தில் 3 பேருந்துகள் தீ வைத்து எரிக்கப்பட்டன. பேருந்துகளுக்கு தீ வைக்கப்பட்ட சம்பவத்துக்கும் தங்களுக்கும் எந்த தொடர்பும் இல்லை என ஜாமியா மிலியா பல்கலைக் கழக மாணவர்கள் மறுப்பு தெரிவித்துள்ளனர். ஆனால் காவல்துறையினர் எந்த ஒரு முன்னறிவிப்பும் இன்றி பல்கலைக்கழகத்தில் புகுந்து மாணவர்களைத் தாக்கினர். கல்லூரி நூலகத்தையும் மோசமாகத் தாக்கிச் சிதைத்தனர். இதனைத் தொடர்ந்து நாடு முழுவதுமுள்ள பல்கலைக்கழகங்களில் போராட்டம் வெடித்துள்ளது.
குடியுரிமை சட்டத் திருத்தத்துக்கு எதிராக நாடு முழுக்க பல்வேறு இடங்களில் போராட் டம் தொடர்ந்து நடந்து வருகிறது. டில்லியில் நடக்கும் போராட்டம் பேருரு எடுத்துள்ளது. டில்லி ஜாமியா மிலியா பல்கலைக் கழக மாணவர்கள் தொடர்ந்து போராட்டம் நடத்தி வருகின்றனர். இப்போராட்டத்தை காவல்துறையினர் தொடர்ந்து தடுத்து நிறுத்தி வருகின்றனர்.போராட்டத்தில் ஈடு பட்ட மாணவர்களைக் கலைந்து செல்ல காவல்துறையினர் கண்ணீர்ப் புகை குண்டு களை வீசி தடியடி நடத்தினர். காவல்துறையினரின் தடியடியையும் மீறி மாணவர்களின் போராட்டம் தொடர்ந்து நடைபெற்று வருகிறது.
இந்நிலையில் ஜாமியா மிலியா பல்கலைக் கழக மாணவர்கள் இன்று ஜந்தர் மந்தரை நோக்கி பேரணியாக செல்ல முயன்றனர். மாணவர்களின் இப்போராட்டத்தில் பொது மக்களும் பெரும் எண்ணிக்கையில் திரண் டனர். இதையடுத்து போராட்டக்காரர்களை கலைக்க கண்ணீர்புகை குண்டுகளை காவல் துறையினர் வீசி தடியடி நடத்தினர். இந் நிலையில் திடீரென பேருந்துகளுக்குத் தீ வைக்கப்பட்டது. இதில் 3 பேருந்துகள் தீக்கிரையாகின.
இருப்பினும் பேருந்துகளுக்கு தீ வைக்கப் பட்ட சம்பவத்துக்கும் தங்களுக்கும் எந்த தொடர்பும் இல்லை. நாங்கள் எதுவும் செய்ய வில்லை. எங்கள் போராட்டத்தை திசை திருப்ப காவல்துறையினர் இப்படி பொய்ப் புகார் அளிக்கிறார்கள் என ஜாமியா மிலியா பல்கலைக் கழக மாணவர்கள் மறுப்பு தெரிவித்துள்ளனர். இன்னொரு பக்கம் டில்லியில் ஜாமியா மிலியா பல்கலைக் கழக மாணவர்கள் நடத்திய போராட்டத்தில் மாணவர்கள் மீது காவல்துறையினர் தடியடி நடத்தி உள்ளனர். லத்திகளை கொண்டு அங்கிருந்த மாண வர்களை மோசமாக தாக்கியுள்ளனர். மாண விகள் பலரும் இந்த தாக்குதலில் மோசமாக காயம் அடைந்ததாக கூறப்படுகிறது. இதில் சில மாணவிகள் தற்போது மருத்துவமனையில் அனுமதிக்கப்பட்டுள்ளனர். அதேபோல் கண்ணீர் புகை குண்டுகள் வீசியும் காவல் துறையினர் தாக்குதல் நடத்தினார்கள். அங்கு இருக்கும் வகுப்பறைகள், நூலகம் ஆகிய பகுதிகளில் காவல்துறையினர் புகுந்து ரப்பர் குண்டுகளால் சுட்டும் அடித்தும் தாக்குதல் நடத்தி வருகிறார்கள்.
ஜவகர்லால் நேரு, அலிகார், அய்தராபாத் மற்றும் நாடு முழுவதிலுமுள்ள பல்கலைக் கழகங்களில் போராட்டங்கள் தொடர்ந்து நடைபெறுகிறது.
ஜாமியா மிலியா பல்கலைக் கழக கலவரத்தை தொடங்கி தற்போது உத்தரப் பிரதேச மாநிலம் அலிகார் பல்கலைக்கழகத் திலும் தீவிர போராட்டம் நடந்து வருகிறது. அங்கு மாணவர்கள் மீது காவல்துறையினர் கண்ணீர் புகை குண்டுகளை வீசி தாக்குதல் நடத்தி வருகிறார்கள். கல்லூரி வளாகத்திற்குள் நுழைந்த காவல்துறையினர் அங்கிருந்த மாணவர்களைஅடித்து உதைத்து, லத்தி மூலம் காயப்படுத்தினார்கள். இதனைத் தொடர்ந்து டில்லி, அய்தராபாத் உள்ளிட்ட பல நகரங்களில் உள்ள பல்கலைக்கழக மாண வர்களும் போராட்டத்தில் இறங்கியுள்ளனர்.
மு.க.ஸ்டாலின் கண்டனம்
டில்லியில் மாணவர்கள் தாக்கப்பட்டது குறித்து கருத்து தெரிவித்த திமுக தலைவர் தளபதி மு.க. ஸ்டாலின், மாணவர்கள் சிந்திய ஒவ் வொரு சொட்டு ரத்தத்திற்கும் பாஜக பதில் சொல்லியாக வேண்டும் என்று குறிப் பிட்டு இருக் கிறார்.
குடியுரிமைச் சட்டத் திருத்தத்தை எதிர்த்து நாடு முழுவதும் போராட்டம் நடைபெற்று வருகிறது. தமிழகத்திலும் திமுக போராட்டம் நடத்தியது. இந்த நிலையில் டில்லியில் நடந்த போராட்டம் தொடர்பாக தளபதி மு.க.ஸ்டாலின் கருத்து தெரிவித்துள்ளார்.
அதில் ஜாமியா மிலியா பல்கலைக் கழக மாணவர்கள் மற்றும் அலிகார் முஸ்லீம் பல்கலைக்கழக மாணவர்கள் மீது காவல்துறையினர் தாக்குதல் நடத்தியது பெரிய பரபரப்பை ஏற்படுத்தி உள்ளது. மாணவர்கள் மோசமாக தாக்கப்பட்டது மிகுந்த அதிர்ச்சி அளிக்கிறது. இங்கு மாணவர்கள் சிந்திய ஒவ்வொரு சொட்டு ரத்தத்திற்கும் வரும் காலங்களில் பாஜக பதில் சொல்லியாக வேண்டும். குடி யுரிமை சட்ட திருத்தத்தை பாஜக மீண்டும் மறுபரிசீலனை செய்ய வேண்டும். இதற்கு நிறைய எதிர்ப்பு நிலவி வருகிறது, இதற்கு எதிராக தொடர் போராட்டங்கள் நிகழ்ந்து வருகிறது, என்று மு.க.ஸ்டாலின் குறிப்பிட் டுள்ளார். குடியுரிமை சட்ட திருத்தத்திற்கு எதிராக திமுக தலைவர் ஸ்டாலின் காட்சிப் பதிவு ஒன்றை வெளியிட்டு இருந்தார். குடி யுரிமைச் சட்டத்தை ஏன் எதிர்க்க வேண்டும்? என்ற தலைப்பில் இந்த காட்சிப் பதிவு யூ டியூபில் வெளியாகி உள்ளது. அதில் இந்த சட்டம் எவ்வளவு கொடுமையானது என்று திமுக தலைவர் தளபதி மு.க.ஸ்டாலின் விளக்கி இருந்தார் என்பது குறிப்பிடத்தக்கது.
சனி, 28 செப்டம்பர், 2019
அண்ணா பல்கலைக்கழகத்தின் பொறியியல் பாடத்திட்டத்தில் பகவத் கீதை திணிப்பு
சென்னை, செப்.28 - அண்ணா பல்கலைக்கழகத்தின் பொறியியல் பாடத்திட்டத்தில் பகவத் கீதைத் திணிப்பைத் திராவிடர் வரலாற்று ஆய்வு மய்யம் கண்டனம் செய்துள்ளது.
கல்வி ஓடையில் ஆர்.எஸ்.எஸ். காவி முதலைகளின் நுழைவு அடையாளம் இது. இதனடிப்படையில் ஆர்.எஸ்.எஸ். பின்னணியில் வந்தவரும் ஆளுநராலே நியமனம் பெற்ற துணைவேந்தர் சூரப்பா இக் கல்வியாண்டில் அண்ணா பல்கலைக்கழக சி.ஈ.ஜி., ஏ,சி.டி., எஸ்.ஏ.பி., குரோம்பேட்டையில் உள்ள எம்.அய்.டி. ஆகிய நான்கு கல்லூரிகளின் பி.டெக்., எம்.டெக்., படிப்புகளில் பகவத் கீதை முழுதுமாகப் பாடத் திட்டமாகச் சேர்த்துள்ளார். காலஞ்சென்ற சுஸ்மா சுவராஜ் பகவத் கீதையை தேசிய நூலாக அறிவிக்கவேண்டும் என்று முயன்றபோது தமிழர் தலைவர் ஆசிரியர் கி.வீரமணி அவர்கள் தலைமையில் பெரும் எதிர்ப்பு அலை பரவியதால் வாலை சுருட்டிக் கொண்டு விட்டனர்.